Qơư y tế tuz lênhv thiêz tsôngv px Lóng Sập sik thôngx siêz siz paz-Việt Nam Lok Tsuôl cêr fôngx zưs jông

Lóng Sập zos huyện Mộc Châu, Sơn La xã tox siêz tsênhv yuôr ntâu txov nhêv. Đrav ntêx, thâuv tưs muôx moz, tsôngv box cxuô heir nênhs khênhr tuôx đrav huyện chiê seiz njuôk shuôs moz lok six phiv liv, cê tas nhiêx txiêx cê lax mul lok. Txix thâuv muôx qơư y tế bôv đôiv thiêz tsôngv box sik thôngx siêz Việt Nam- Lok Tsuôl, tsôngv px tâu seiz njuôk shuôs, kho moz ntơưv qơư, lok six zôngx ziv. Zơưv Vì Văn Yện, nhoz jok Bó Sập, xã Lóng Sập, huyện Mộc Châu heik pâuz:

“Cur zos lênhx nênhs moz, tâu têx cưk yuôx hâur no moz siêz tsoz phưz, cur lok six tso siêz nhoz kho moz, viv cur vax tsêr nhoz jok Bó Sập, cux đêz tsêr kho moz huyện viv li thâuv muôx qơư y tế no, pêz cux lok six shir phaz, viv paz pêz tsi tâu muk đêz seiz njuôk shuôs, kho moz; muôx cưk yuôx nhoz no mak pêz cux tso siêz lơưv”.

Đros thiêz yar tiêx, qơư nhoz đar pho, hur si, muôx vax yuôx njuôz txâuk chiê phưx vưv tsôngv box 2 têz qơưk zoz qơưx nhoz chơưv kho moz, qơư y tế bôv đôiv thiêz tsôngv box sik thôngx siêz siz paz ntus đriv Việt Nam- Lok Tsuôl thâuv tưs cux lênhl tok lol six chôngz nênhs moz 2 saz đriv têz tuôx seiz njuôk shuôs, kho moz. Txos nhiv no, sđ puôr lênhx muôx têx pâuz thiêz pov tâu Việt Nam-Lok Tsuôl têx cêr sik thôngx siêz siz paz đhâu cêr sik thôngx ziv thiêz chor canr bôv, cưk yuôx hâur qơư y tế no li têx lul nuk txos đal jos, sik thav đros tsôngv px 2 saz đriv têz. Tix lâus Pâng Sy Khăm The, nhoz Pa Háng, Huổi Hiềng, huyện Sốp Bâu, tỉnh Hủa Phăn, Lok Tsuôl heik:

“Cur zos nênhs moz nhoz tỉnh Hủa Phăn, têz qơưk Lol Tsuôk tuôx, cur tưz tuôx no 2, 3 jâuk chiê seiz njuôk shuôs moz, ntơưv no zôngx ziv thiêz jê đuô pêz muk tsêr kho moz tỉnh. Tuôx no tâu chor cưk yuôx lơưr moz siêz seiz njuôk shuôs, kho moz trâu pêz. Uô tsâus ntâu txos chor đôngx chir bôv đôiv pênhz phax VN”.

Trung tá Đinh Công Sơn, Thơưx seiz car qơư y tế bôv đôiv thiêz tsôngv box sik thôngx siêz siz paz Việt Nam - Lok Tsuôk heik pâuz: Thâuv tuôx seiz njuôk shuôs, kho moz, chor nênhs moz tsi trâus xa muk trâu têx tsêr kho moz lox thiêz muk đêz. Iz chas uô jông hâux lưv tsoz phưz đas jos trâu tsôngv px thax tsav 2 saz đriv têz Việt Nam-Lok Tsuôl, qơư y tế  no li hâux lưv tsênhv paz tuôr truôx bôv đôiv thiêz tsôngv px ntus đriv li cêr sik thôngx siêz:

“Iz chas hâux lưv seiz njuôk shuôs, kho moz, chor canr bôv, cưk yuôx hâur qơư y tế no tưz uô jông hâux lưv cxơưz gra thiêz cxiv tsa Việt Nam, Lok Tsuôl cêr fôngx zưs siz paz, seiz njuôk shuôs, kho moz trâu tsôngv px 2 saz đriv têz Lok Tsuôl-Việt Nam thiêz têx canr bôv, chiến sỹ Lok Tsuôl cux xưk li VN nhoz hâur thax tsav. Uô jông luôs hâux lưv seiz njuôk shuôs kho moz, txix ntơư, canr bôv, cưk yuôx hâur qơư y tế no tưz cxiv tsa tâu Việt Nam-Lok Tsuôl cêr fôngx zưs siz paz, sik đros tsưx phưv truôx thax tsav ntus đriv”.

  Hla đhâu têx phiv liv thiêz cêr txov hâur iz thax tsav ntus đriv, txix cêr siz hluz siz paz thiêz txơưx jênhv, chor cưk yuôx tuz lênhv pênhz phax hâur qơư y tế heik sâuv cux tsênhv niêx hnuz hmo moz siêz lus uô luôs hâux lưv seiz njuôk shuôs, kho moz trâu tsôngv px 2 saz đriv têz. Qơư y tế heik co nzir iz jiês thiêz khav tinhv trâur nuv bôv đội thiêz tsôngv box sik côngv li têx uô tâu jông; iz chas ntơư, paz tsi tsơưs trâu cxiv tsa têx tuz lênhv thiêz tsôngv px 2 saz đriv têz Việt Nam-Lok Tsuôl li cêr fôngx zưs, sik thôngx siêz./.

(Việt Anh-Riê Lâux cxeik, nhênhv)

PHÊNHV ĐAS JOS THIÊZ SIV NÊNHX

Đêr tov tuôs nênhs: hêik pâuz tsuv uô jông lơưr

têx cuiz tênhv lok zus đêr

Cxơưx thiêz nyêi; co zos chôngz lênhx nênhs xar txos đros txuz nuv nhuôs tuz muôx 7 shông nhoz Kim Động, Hưng Yên tsênhv lok muk tsêr tưz trâus iz chuôz zis nhoz ntus cêr chor đêr đhiê tuôx tov, uô trâu tuk nhuôs tuz co trâus tuôs. Pos Phùng Thị Lộc nhoz quận Hoàn Kiếm, Hà Nội puz pâuz:

“Cur pov tsik jông siêz thiêz lok six hluz tuk nhuôs trâus chor đêr đhiê tuôx tov tax tuôs. Chuôz zis tu zus đêr tsik muôx txơưx jênhv. Cơ quan têz qơưk tsuv xưv lik truôx chiê hêv txos chor nênhs  txơưr đuô”.

Bác sĩ Lê Việt Khánh, Phưv trưởng khoa fêik kho Chơưv paz Tiêu hóa, puz pâuz, No zos jiês tiv 2 hâur xar muôx iz shông đhâu chor bác sĩ chơưv kho tsik tâu têx trâus saz hnhar, phiv liv tiv chor đêr tov.

“Cur cux xar hêik trâu sơưr đơưk pâuz tiêk zus đêr lok six phiv liv thiêz cxơưx. Tiv zix zos thâuv chiê đêr tơưv đrâuv cêr mak tsuv chox tơưz lôngx kror ndâux…”

Iz shông ntơưv pêz têz qơưk muôx txos yênhx puô lênhx nênhs tuôs tiv trâus đêr tov. Tsênhv tsênhz trâus tuôs tiv trâus đêr tov saz hênhr, thiêz trâus tuôs tiv cik moz vưv đhâu qơư đêr tov. Iz kror tsuv hêik pâuz li co, taz sik qênhx shênhx tso đêr cux tsênhv six muôx nhiv no. Lơưr iz kror txơưr đuô, iz shông muôx txos iz đraz triệu lênhx nênhs trâus txiêz nanv zoz thôngz tiv chor đêr tso đrâuv jôngr uô muôx yưv. Tiến sĩ Phan Quang Minh, Phưv trưởng phòng dịch tễ, Cục thú y, Bôv Kôngz nuv thiêz huôv tsar jêx jok puz pâuz:

“Chính phủ tưz muôx Nghị định số 90 cuiz tênhv lok xưv bluô hành chính đros thiêz tsik cxax yuôx phax tar caz moz trâu đêr lok sik tso đêr tơưv nhoz đrâuv jôngr. Cêr chêi muôx lơưv, xưv bluô bâuv li chak cux tưz muôx lơưv, taz sik cux tsik tâu tâu kriz uô, nhoz ntơưv tiv phaz zos chor nênhs siz sưv jê viv li cux tsik pov kaz uô li chak”.

Ntu đhâu, ntơưv oz thành phố lox zos Hà Nội thiêz TP Hồ Chí Minh tưz yênhx lix chor đôiv zok cxov têx đêr tso tơưv đrâuv jôngr. Taz sik tsuôk hâur iz ntu lur, qênhx shênhx uô cxâuv ho tror muôx yưv li kuz. Zơưv Ngô Tiến Dũng, Trưởng phongx sêiz car caz moz, Chi cục Thú y tỉnh Lào Cai hêik:

“Nghị định 90 lok xưv bluô uô cxâuv hành chính, taz sik cux lax uô, tas nro tỉnh tsuôk muôx iz jiês tâu xưv bluô xưz. No zos jiês xuz thơưx txix thâuv ntêx txos nhiv no. Hâux lưv xưv bluô zos cấp xar, phường tâu chêi xưz hok cơ quan thú y tsik tâu chêix xưv bluô…”

Tror hêik txos txuz nuv lênhx nhuôs tuz nhoz Kim Động, Hưng Yên trâus paz đêr tov uô trâus tuôs, lơưr luật sư Nguyễn Danh Huế, đoanx luật sư thành phố Hà Nội, txuz hâux lưv no mak zuôr khởi tố tâu hình sự đros tsưr zus đêr, tsơưs tiv zix zos kror cxâuv tsik uô jông sêiz shuôk uô tuôs nênhs. Lơưr luật sư Nguyễn Danh Huế, Chính phủ li Nghị định số 05 shông 2007 lok phax tar moz vưv, Nghị định 90 shông 2017 cuiz tênhv xưv bluô uô cxâuv hành chính hâur hâux lưv thú y tưz hêik tsênhz mênhx tso têx đêr tơưv đrâuv cêr thiêz têx qơư công côngv zos kror trâus txưr. Taz sik, iz phênhv tưs pêx xênhv tsik uô trơưk cêr chêi têz qơưk thiêz cơ quan txơưx jênhv tsik tâu uô lơưr cêr chêi tưz uô muôx yưv têx phiv liv pôngz siêz.

Lơưr Cục Thú y (Bôv Kôngz nuv thiêz Huôv tsar jêx jok), tas nro têz qơưk nhiv no muôx 3,5 triệu ziv chuôz zis tu zus đêr đros muôx 5,4 triệu ntâu tuk. Qênhx shênhx đêr tso tơưv đrâuv jôngr qênhz yuôx tsik tâu tâu thiêz chor đêr tâu cxax yuôx phax tar moz vưv tsuôk tax nhos 40%...Chiê tsik yuôr têx phiv liv, nênhs trâus tuôs tiv trâus đêr tov, tsênhz mak tsuv muôx tas nro lưx lươngv txơưx jênhv, chính quyền cxuô cấp thiêz chor nênhs tu zus đêr li têx sir jos sik đros tir tar, tiv zix zos thax tsav jêx jok./.

(BTS-Lik Thox cxêik nhênhv)