Phêiz kênh pluôs nox yênhx hnuz đros nênhs moz, Suôr x Cưr tsưr ziv siêz xar njôngr cov sơưr đơưk sir jos chiê tir tar tâu moz Covid-19

Hâur oz pêz hnuz đhâu lok no, Suôr Xênhv Cưr oz niêv txir đros iz cxiê lênhx hluôk nênhs thành phố Lai Châu sir jos uô txix 5 six sơưr nzor chiê bax têx pluôs nox tsik zuôr nhiêx txiêx trâu chor nênhs moz thiêz  chor nênhs tuôx jos moz tsênhv nhoz kho moz ntơưv tsêr kho moz đa kho tỉnh Lai châu. Tiv tas nro oz niêv txir tsênhv uô côngz xưv, Suôr zos cán bộ đoàn ntơưv Bôv chỉ huy pênhz phax tỉnh, hok pox niêv zos bí thư đoanx hluôk nênhs xax Sùng Phài viv li gơưr puôr lênhx sir jos chiê paz uô têx jâuz mor nox co đrâuv zuk six hơưv uô hâux lưv. Chiê bax txix 160-180 kror jâuz mor iz hnuz, Suôr thor tsưr iz qơư uô jâuz mor nox đros uô, cê muôx txâuk têx lâux câuz, tưx têik, thiêz tsênhv tsik muôx hâux lưv uô viv tsuv cơư kror trôngx.

Suôr Xênhv Cưr puz pâuz, chuôz zis chor nhiêx mak muôx tsik ntâu, taz sik njiê pov tâu chor nênhs tsênhv chơưv kho moz ntơưv tsêr kho moz muôx luz nênhx txov nhêv, tsêr ho nhoz đêz, gra tsik tâu jâuz mor tuôx, viv li oz niêv txir tưz sir jos paz. Chor nhiêx 25.000 đêiv iz kror jâuz mor trâu iz lênhx nênhs nox tâu Suôr muôz txix chuôz zis chor nhiêx njuôk, kho moz txix yuôx njuôz:

“Chôngz nênhs moz thiêz lơưr chor nênhs hâur tsêr njiz ntâu phiv liv ntơưv tsêr kho moz uô tsik tâu jâuz mor nox, tsuv zuôr hâur tsêr kho moz nox cux tơưv tsik tâu đrâuv jôngr, viv li cur chuôz zis paz uô jâuz mor nox tsik zuôr nhiêx txiêx hâur 6 hnuz trâu chor nênhs moz co. Xav mak iz hnuz chuôz zis tas muôx 4 triệu đêiv ntâu chiê uô tâu 160-180 kror jâuz mor nox oz pluôs, iz kror mak tas 25.000 đêiv”.

Thâuv pov chor qơư muôs jâuz mor nox thiêz qơư muôs hâur tsêr kho moz tsuv cơưv kror trôngx chiê phax, tar moz Covid-19, Suôr Xênhv Cưr tưz thav đros Phongx tsưr tsix tsêr kho moz hêik tiêk xar paz uô têx jâuz mor nox tsik zuôr nhiêx txiêx trâu chor nênhs moz thiêz lơưr chor nênhs cxênhz jê tsik muôx jâuz mor nox tiv tsêr nhoz đêz. Tưz tâu ciês lênhx tov tsêr kho moz thôngx ziv đros. Ciês hâur hnuz 2/4, xar muôx 180 kror jâuz mor nox tưz tâu thâux xa tuôx trâu ntơưv yar tiêx tsêr kho moz, đhâu co tâu nhân viên nhoz ntơưv no muôz muk trâu yênhx lênhx nênhs.

Zơưv Trần Văn Huynh, Trưởng phongx tsưr tsix cán bộ, tôv trưởng tôv côngz xưv xar hôiv Tsêr kho moz đa khoa tỉnh Lai Châu puz pâuz: Nhiv no tsêr kho moz tsênhv muôx lok six chôngz nênhs moz. Đrâuv chor nênhs tâu tỉnh paz pluôs nox, tsênhv yuôr lok six chôngz nênhs moz thiêz lơưr chor nênhs cxênhz jê njiz phiv liv tiv vax tsêr nhoz đêz. Suôr oz niêv txir têx hâux lưv uô no mak lok six muôx gri lox, paz trâu cxuô lênhx nênhs lok six ntâu, paz trâu lơưr tso siêz chiê kho moz, tsik khiêr tơưv tsêr kho moz muk tsêr.

Chor jâuz mor nox siêz jông tâu muôz txos ciês trâu yênhx lênhx nênhs hâur chor hnuz tir tar caz moz Covid-19, txơưv nênhs moz thiêz chor nênhs cxênhz jê tsik tâu njiz ciês nênhs tưz paz uô jâuz mor trâu zuk nox, taz sik sơưr đơưk puôr lênhx lok six uô tsâus ntâu txos oz niêv txir hluôk Suôr Xênhv Cưr li kror siêz jông no. Kror hâux lưv no tưz paz trâu lơưr sor siêz đuô chiê sir jos chơưv kho cov jông moz, nzor tâu  tror lok đros zuk chuôz zis thiêz jêx jok nhoz uô nênhx./.

(Thanh Thủy-Lik Thox cxêik nhênhv)

Iz cxiê chei paz hâur phax tar moz Covid-19

Chính phủ nhiv kruôr tso tơưv Nghị quyết sôr 37/NQ-CP lok iz cxiê chei paz hâur phax tar moz Covid-19

Nam: Tsênhv tsênhz, lok sâuv lênhx nênhs trâul uô lơưr tsưr ziv kuôk cêv nưk nhoz nưk iz kro, lênhx nênhs tâu kuôk cêv ntơư zos nênhs VN, nênhs saz têz qơưk đrâuv tsênhv trâul uô lơưr têx tsưr ziv kuôk cêv nưk nhoz nưk iz kro ntơưv qơư seiz njuôk shuôs, kho moz lok sik ntơưv thax tsav qơư txơưr đuô (tsi uô lơưr trâu chor nênhs tâu kuôk cêv nưk nhoz nưk iz kro ntơưv tsêr, qơư nhoz, tsêr tok kruô....) li nhiêx nox.

Phênhv paz têx nhiêx nox zos 80 cxênhz đeiv iz hnuz hâur six hơưv kuôk cêv li heik sâuv. Đros thiêz thax tsav qơư, tsênhv paz nhiêx nox trâu lênhx nênhs trâul kuôk cêv y tế txơưr đuô phênhv paz 80 cxênhz đeiv iz hnuz uô ntêx hnuz 29/3/2020 mak muôz chor nhiêx co trơưk li têx nhiêx tưz muôz. Trơưk li têx nhiêx txiêx mak ntơưv qơư muôx, Chủ tịch tỉnh, TP nhoz T.Ư tâu chei quyết tinhv paz max ntâu đuô.

Nhạc cắt

Nữ: Cơ quan, taz viv tâu choz uô lơưr kuôk cêv y tế muôx txơưx jênhv côngz pluôk nox trâu lênhx nênhs trâul kuôk cêv y tế taz por zênhx max, zôngx ziv. Zos lênhx nênhs trâul kuôk cêv y tế muôx zoz qơưx pluôk nox trơưk li tsưr ziv, siêz xar (zos muôx), mak tsuv tưx thêv phênhv nhiêx nox nzir co. Zoz qơưx côngz pluôk nox trâu lênhx nênhs trâul kuôk cêv tsuv fiv đros ntơưv qơư uô hâux lưv kuôk cêv y tế li têx muôx tsênhv tsênhz.

Lênhx nênhs uô trơưk tsưr ziv kuôk cêv y tế heik sâuv tâu muôz têx uz no zuôr trâul txos tsi sâu zuôr nhiêx li: Đêx hâuk, fuôv nzuôr muôs, ntâuz bos kror ndâux, đêx cuô yuôx nzuôr têk, đêx zâus ndâux, cxuôv hniêr, xaz phôngz đa đêx thiêz têx chuôz zênhx zuôr trâul txos txơưr đuô, têx nhiêx uz no phưx vưv zoz qơưx xênhz huôx hâur têx hnuz nhoz kuôk cêv y tế, xav hur si iz hnuz zos 40 cxênhz đeiv.

Nhạc cắt

Nam: Iz chas ntơư, Nghị quyết cux cui tinhv chei paz phax tir thêir moz trâu canr bôv cưk yuôx, nênhs lox tôngv uô hâux lưv đros phax tir thêir moz:

-Chei paz nhiêx txiêx trâu phax tar moz zos 300 cxênhz đeiv iz hnuz, xav hur si têx hnuz so, hnuz ntênhs đros thiêz: Nênhs muk uô hâux lưv seiz kaz, qênhz yuôx, qênhz xav têx moz; lênhx nênhs buôk ti seiz njuôk shuôs, kho moz trâu chor nênhs trâul moz ntơưv qơư seiz njuôk shuôs, kho moz.

Nữ: -Chei paz têx nhiêx phax tir thêir moz zos 200 cxênhz đeiv iz hnuz, xav hur si hnuz so, hnuz ntênhs đros thiêz: Lênhx nênhs thâux xa têx lênhx nênhs moz, nênhs moz têx zav uz no li: Nyar seiz njuôk shuôs moz; seiz car, por hưv lênhx nênhs moz trâul tuôs; lênhx nênhs nxuô têx pav, ntâuz, vix tsav trâu nênhs moz pư, cưk yuôx, bác sĩ têx tsôngk tril yo; qêz suô, khơưk têx hưx yuôx cxax moz; por hưv thax tsav kho têx moz txơưx siz cik li heik sâuv....hâur thax tsav kuôk cêv ntơưv qơư seiz njuôk shuôs, kho moz; canr bôv cưk yuôx uô hâux lưv seiz kaz nênhs moz têx nyar, seiz njuôk shuôs đas jos ntơưv qơư kuôk cêv y tế ntơưv tsêr nhoz thiêz qơư kuôk cêv y tế trơưk cơ quan lês uô hâux lưv têz qơưk li chox kriê.

Nam: -Chei paz têx nhiêx txiêx phax tir thêir moz zos 150 cxênhz đeiv iz hnuz, xav hur si hnuz so, hnuz ntênhs đros thiêz: Lênhx nênhs uô hâux lưv (tsi zos zuk hâux lưv uô seiz njuôk shuôs, kho moz) ntơưv qơư kuôk cêv chêx tsôngk (Tsi uô lơưr tsưr ziv kuôk cêv ntơưv tsêr nhoz, qơư nhoz, tsêr tok kruô, doanh nghiệp...); lênhx nênhs cxaz chuôz đros uô hâux lưv kuôk cêv têx lênhx tsuv tâu uô trơưk tsưr ziv kuôk cêv taz sik lênhx tiz nênhs co tsi uô trơưk tsưr ziv kriê; lênhx nênhs paz cxeik lul, chor nênhs uô hâux lưv chơưv paz max têx lênhx nênhs moz hnhar 115, chor nênhs thâux xa lênhx nênhs trâul kuôk cêv.

Têx chei cui tinhv ntơưv Nghị quyết no tâu uô hâur six hơưv phax tir thêir moz Covid-19. Têx chei txơưr đuô tsi tâu cui tinhv ntơưv Nghị quyết no mak uô lơưr chei têz qơưk li cui tinhv nhiv no.

Nghị quyết qir uô lơưr txix hnuz 29/3/2020./.

(Cổng thông tin điện tử CP-Riê Lâux cxeik, nhênhv)