Đros kênh cêr sor siêz trâu chor nênhs moz pluôs

Tsêr kho moz đa khoa huyện Yên Châu, tỉnh Sơn La txos trâu têik cik sơưr nzor yênhx hnuz uô hâux lưv, chor trik yo txơưv tiêk kuz, taz sik tưz tâu nxuô hur si, phênhz tso huv trâu yênhx hnuz nhôngs tâu têik jông tso trâu luz tủ ntơưv tsêr kho moz. No zos luz tủ tsik tas thêv nhiêx muôz trâu nênhs moz pluôs txov nhêv, ntiv trik yo. Tưz 2 shông đhâu lokno, nênhs moz pluôs nhoz no tưz sưv đros luz tủ co, lơưr tok thiêz jênhv txêik têx trik yo txix chor nênhs siêz jông muôz paz. Niêv tix Quàng Thị Đủa, jok Khá xã Sặp Vạt, huyện Yên Châu, tỉnh Sơn La hêik:

“Pox nhuôs nhoz no uô tsâur chor cưk yuôx ntâu hênhr. Cur nhoz tsêr kho moz ntơưv no ntêr lok lơưv, chuôz zis mak txov nhêv, cux tưz muk chơưv kho trâu cxiê qơư, muk trâu tsêr kho moz K thiêz, ntêr lơưv tsik pâuz txos trik yo yiêz. Nhiv no tâu jênhv têx chêr trik yo yiêz mak shir phaz hênhr”.

Tix lâus Lao Thông Xênhv zax, nhoz jok Ta Liễu, xã Chiềng On cux lok six shir phaz thâuv xêir tâu trâu zuk tuk nhuôs tuz iz chêr trik yo thiêz iz luz hnaz ntơưr jông. Tix lâus lao Thông xênhv Zax hêik:

“Hnuz no tuôx ntơưv no pov sơưr đơưk tuôx xêir trik yo chuôs tsi, cur cux shir phaz, viv xêir tâu trâu tuk mê nhuôs iz chêr trik yo. Pox nhuôs nhoz no muôx ntâu cêr txov nhêv, tsik muôx nhiêx chiê zuôr trik yo, tâu paz trik yo tsik tas nhiêx txiêx li no mak pox nhuôs uô tsâus chor cưk yuôx ntâu hênhr”.

Phênhv ntâu, Yên Châu zos thax tsav tsôngv box mênhx cxưx tsơưs nênhs uô nênhx nhoz, luz nênhx txov nhêv. Muôx têx nênhs moz tuôx kho moz, txơưv tâu bảo hiểm y tế thêv tas nro nhiêx txiêx, taz sik nhiêx nox cux tsik muôx. Chôngz lênhx nênhs moz, nhuôs zâu muôx tsik txâuk trik yo hnar, tsik tâu hêik txos trik yo sor hâur chêix ntux no. Viv li, cxuô lênhx cán bộ y tế hâur tsêr kho moz tưz muk zok, thor chor nênhs hâur thax tsav li têx trik yo lok trâu nênhs moz. Đhâu co Ban giám đốc tsêr kho moz tưz choz zok trâu Công đoàn tsêr kho moz uô phongz yaox paz trâu nênhs moz pluôs thiêz tso tủ khâuz ndơưk co ntơưv tsêr kho moz. Tsêr kho moz luz tủ trik yo paz trâu nênhs pluôs tưz jênhv tâu lok six chôngz nênhs siêz jông muôz paz. Niêv tix Nguyễn Thị Phương, Chủ tịch Công đoàn cơ sở, tsêr kho moz đa khoa huyện Yên Châu, tỉnh Sơn La hêik:

“Xuz thơưx mak cux cxơưx tsav luôs tsik paz, taz sik đhâu iz ntu pov nênhs moz tuôx ntơưv no chôngz jux juk, zoz qơưx sir zôngv cux lok six ntâu, viv li yênhx hnuz lơưr chiv chir xêir luz tưs huv mak gra muk tsêr, pox nhuôs lok six shir phaz”.

Chor trik yo txơưv tiêk kuz mê njik, taz sik co zos cêr phêiz kênh đros chor nênhs moz muôx luz nênhx txov nhêv. Hloz Hôx lo luk hêik kriê: cưk yuôx xưk li niêv txir, tsik so tâu chor cưk yuôx nhoz tsêr kho moz huyện Yên Châu ndo njôngr uô trơưk. Iz chas gra siêz tsưr ziv txux chi njuôk kho moz, cxuô lênhx cưk yuôx nhoz tsêr kho moz huyện Yên Châu cux tsênhv sir jos đros phêiz kênh cêr pôngz siêz đros nênhs moz muôx cêr txov nhêv. Têx luôs hâux lưv co, tsênhv zuôr tâu sir jos uô nzir, đros muôx chor nênhs siêz jông sik côngv têk đros paz”./.

(Hồng Việt-Lik Thox cxêik nhênhv)

TÊX TRÂUS TXƯR HÂUR CHEI SIZ ZUÔR

*Uô txux siz zuôr thiêz siz đrâux:

Têx trâus txưr hâur chei siz zuôr, ntơư zos lav uô txux siz zuôr, zos liv zôngv siz zuôr chiê uô ntâuz ntơưr mul lok nhoz hâur Việt Nam thiêz đrâuv luôs 2 chas thax tsav, têz qơưk; tâu sơưv têz qơưk têx cêr paz lok sik chiê uô tâu têx nuv uz no trơưk li zuk tsưr ziv, siêz xar thiêz tsi zos cxiv tsa luz chuôz luz zis cov truôx njês. Lav uô txux siz đrâux zos liv zôngv siz đrâux chiê txar jav tsi tâu thêv têx sê uz no, uô cxâuv chei têz qơưk lok jênh sôr, lok sik chiê uô tâu trơưk zuk têx tsưr ziv, siêz xar txơưr đuô chiê luôs lưv tuk xar tiêk tưz siz đrâux.

*Siz zuôr tsi tâu txưv shông, zuôv têx tuz nxeik siz zuôr, đas siz zuôr, uô tuôr thênhv txos cêr siz zuôr:

-Siz zuôr tsi tâu txưv shông zos zuôr txir, zuôr pox niêv thâuv iz tos lok sik 2 tos tuz nxeik puôr lênhx tsi tâu txưv shông siz zuôr trơưk cui tinhv.

-Zuôv siz zuôr zos zuôv luôs lưv tuk siz zuôr trơưk zuk tsưr ziv, siêz xar, uô tsi trơưk têz qơưs têx chei cui tinhv.

-Uô tuôr thênhv txos cêr siz zuôr zos hêv, uô ruôr hiêv tsik jông txos luz côngz luz bê trâu luôs lưv tuk muôx txâuk shông, ntâuz ntơưr siz zuôr trơưk cui tinhv.

*Uô cxâuv chei siz zuôr iz tuk txir iz tuk pox niêv:

Lênhx nênhs tưz muôx pox niêv, muôx txir zos siz zuôr lok sik nox nhoz uô cê xưk li niêv txir đros luôs lưv tuk txơưr đuô lok sik têx lênhx tsi tâu muôx pox niêv, tsi tâu muôx txir siz zuôr lok sik nox nhoz uô cê xưk li niêv txir đros têx lênhx tưz muôx txir, muôx pox niêv. Viv têz qơưk têx chêi siz zuôr iz tuk txir, iz tuk pox niêv; viv li têx li heik sâuv trâus txưr, muôx têx trâus  xưv bluô, tik cêr cxâuv.

*Siz zuôr cxênhz jê:

Siz zuôr cxênhz jê zos têx lênhx côngv trox nyar tsi tâu đhâu 3 tiêv siz zuôr lok sik nox nhoz uô cê xưk li niêv txir; niêv puôs đros thiêz mê nhuôv puôs; têx lênhx muôx jiês zos lênhx txir, lok zos lênhx niêv puôs thiêz mê nhuôv puôs, txir zơưs thiêz tuk nhaz, niêv têik thiêz tuk vâur, txir zâu thiêz pox niêv tuk nhuôv zos tuk txir đrav ntêx mê nhuôv, niêv zâu thiêz txir tuk nhuôv zos tuk niêv hloz li mê nhuôv.

*Têix, nuk txos hâur siz zuôr:

Têix, nuk txos hâur siz zuôr zos heik lok têx chuôz zênhx, cêr nox hâuk thiêz seiz ntơư zos têx cui tinhv chiê trâu siz zuôr, uô tuôr thênhv txos gơưv tuz nxeik ntơư cêr siz zuôr.  

*Nziêk đas  thiêz zuôv siz đrâux siz tso:

Têx trâus txưr hâur zuôv siz zuôr, siz đrâux, zos uô ruôr hiêv txos gơưv niêv txir ntơư luz côngz luz bê tsi trơưk chei têz qơưk. Lok sik zuôv luôs lưv tuk tsuv siz zuôr tsi trơưk li lơưr tsưr ziv, siêz xar.

Li ntơư, cêr siz zuôr uô txix gơưv thiêz chuôz zis thâuv tưs tưz tâu têz qơưk seiz hloz txos thiêz tsưx phưv truôx. Têx uô cxâuv chei lok sâuv siz zuôr thiêz chuôz zis tsuv tâu xưv bluô ntov jông trơưk đreiv chei têz qơưk tso tơưv./.

(Hồng Việt-Riê Lâux cxeik, nhênhv)