Yên Bái bax tsưr ziv phax tar têx moz gênhs hâur têx hnuz ntux cuz sor

Txix qênhx shênhx ntâu zav moz gênhs muôx têx huôv xênhz hâur têx hnuz ntux cuz sor, huyện tox siêz Trạm Tấu, tỉnh Yên Bái tưz chuôz tsar tiês hâux lưv yax kriê trâu tsôngv box lok sâuv phax tar têx moz gênhs khênhr huôv xênhz hâur cheix ntux sor li: Trơưk plaz, moz kruô tâuv, moz kror muôs liêz....đhâu txix yax kriê nta suôz ntơưv qơư thiêz đhâu canr bôv y tế jêx jok. Lar heik zos heik trâu tsôngv box sđ cov tsi zôngv thiêz nox têx jâuz kuk, ndêz kuk tsi pâuz tsênhz chiê phax txar jav trâus kâul tưx thiêz têx moz cik txos lok sâuv moz plaz. Zơưv Đào Xuân Ngọc, Phưv Giám đốc Tsênhv qơư y tế huyện Trạm Tấu heik:

“Pêz yax kriê trâu tsôngv box tsi cxoz đê têx txir ntông kuk, jâuz kuk lok sik ndêz kuk tsi tâu zôngv iz jâuk hlo ntơư lok nox. Đros thiêz têx lênhx tsi tâu đê iz jiês hlo mak muôx têx đê tâu zuôv cêr têx jâuz nox  tâu đros thiêz chor jâuz nox tsi tâu, viv li thâuv lok tsêr lênhx nênhs tưz pâuz lok sik nênhs lâuk tsuv seiz shuôs đuô sêz pok muôx shơư têx jâuz nox tsi tâu đros trâu lok tsi muôx, zos muôx mak muôz xeir por tsês mav li muôz chor jâuz nox tâu lok uô nox”.

Đros trâu ngênhx y tế têx faz tsưr ziv, tsôngv box cux tưz bax tsưr ziv phax txar jav têx moz gênhs hâur cheix ntux sor txix nox nhoz hur si đu lus, vêv xênhz tênhx qơư, nox siêr hâuk bâu chiê phax txar jav têx  moz txơưx siz cik đhâu cêr nox hâuk. Niêv lâuk Nguyễn Thị Phương nhoz TP Yên Bái heik:

“Ntux cuz sor li no mak cur tsuôk tơưv đrâuv jôngr thâuv muôx hâux lưv đaz tsi tsênhv tsênhz xưz. Vax tsêr thâuv tưs cux hur si, lax nziês. Têx pluôk nox hâur niêx hnuz mak cux tsuv max mav uô thiêx jông nox, uô ntâu jâuz chiê sđ zôngx ziv nox, taz por đas jos....”.

Trơưk li ngênhx y tế Yên Bái, txix hâur cheix ntux sor txos nhiv no, tưz sâu jênhv muôx 2 lênhx nênhs trâul tuôs tiv moz hlưz hâu thiêz moz vưv. Hok têx moz li: Moz kruô tâuv, moz kdor ndâux têk tơư, moz kok kaz poz njês, trơưk plaz......muôx iz cxiê trâus moz yiêz, tsar ndê tsơưs pir li shông uô ntêx. Chênhr viv li, đros trâu têx tsưr ziv phax tar moz gênhs, ngênhx y tế Yên Bái tưz chuôz tsar nzir têx yuôx kho moz, txax trâu nênhs moz pư chiê zôngx ziv trâu hâux lưv tsoz phưz, seiz njuôk shuôs, kho moz trâu têx nênhs moz. Pos Lê Thị Hồng Vân, Phưv Giám đốc Sở y tế tỉnh Yên Bái heik pâuz:

“Nhiv no, ntux txơưr txar phiv liv li co lok six zôngx ziv trâu têx caz moz huôv xênhz, chênhr viv li ngênhx y tế chuôz tsar fuô kriê têx tsưr ziv phax tar têx moz gênhs hâur cheix ntux sor, chuôz tsar cơưv shâuv cxaz nzir têx txux chi tsưr ziv yuôr trâus canr bôv y tế txix tỉnh txos xã chiê muôx nzir têx tsưr ziv lês uô hâux lưv phax tir thêir têx moz gênhs; bax têx chuôz zênhx, yuôx uz no.....trâu têx qơư seiz njuôk shuôs moz cux li chiê phax tir thêir. Cxơưz tiês hâux lưv yax kriê chiê tsôngv box sđ pâuz têx tsưr ziv vêv xênhz tênhx qơư, phax tar moz gênhs”./.

                           (Thừa Xuân-Riê Lâux cxeik, nhênhv)

Muôz tsoz yuôx njuôz chox lok chos paz uô bluô nux trâu pêx xênhv

Shông 2014, A Nủ yưv pênhr kriz đar qơư uô, zuôr chuôz zênhx, yênhx lix HTX chiê uô xênhz yar lox ntơưv jok Cát Cát.

A Nủ xêir tsov têx zav yuôx njuôz jông hur, muôx hâur har jôngr lok sik tâu pox nhuôs hâur jêx jok chos thiêz piz uô, cê uô cê cơưv chênhz zênhv. Xuz thơưx, A Nủ uô tâu têx cuô tinh dầu jông, tsư kaz muôz uô yênhx hưx. Đhâu co, tix lâus nriêr tsưr ziv uô chor cuô co yênhx têx luz xaz phongx đa đêx, cuô njêr tsâu co tơưl…

A Nủ tsênhv nriêr pâuz ntâu zav yuôx njuôz yiêz xưk li màng tang, chùa dù..., têx zav no thâuv ntêx muôx ntâu hâur har jôngr. Thâuv A Nủ nhênhz chơưv tâu yênhx côngz tsưr ziv uô oz zav tinh dầu no mak màng tang thiêz chùa dù tưz zos yênhx zav yuôx njuôz muôx tsiv gri kinh tế siêz. Sâuv ciêz đrôngs, tsoz chùa dù tsênhv tâu sâu zuôr đros gri zos 5.500 đêiv iz cir, màng tang muôx tsiv gri siêz đuô, muôx nhos 10.000 đêiv iz cir. Pêx xênhv txix zok nriêr têx chùa dù thiêz màng tang zênhx chiv chir muôx mak nhiv no tưz zok zuz chox lok chos hâur têx vax, liêx têz.

Hâur shông xuz thơưx kriz qơư uô tinh dầu, Má A Nủ jênhv sâu zuôr chor yuôx co trâu 5 ziv chuôz zis thiêz txos nhiv no tưz ndê muôx 12 ziv chuôz zis sik côngv chos yuôx njuôz chiê muôs. Đros co, lênhx nênhs sêiz car HTX hluôk no tsênhv chiv chir zok nriêr uô tâu yênhx côngz tsưr ziv chos, tsoz phưz cxuô zav tsoz yuôx njuôz, muôx tsưr ziv xêir zuôr, sâu đêx, paz trâu tsưr ziv uô tinh dầu tâu ntâu đuô thiêz tsơưr lươngv siêz đuô.

Nhạc ngắn

Nhiv no, HTX Hmôngz Cát Cát li têx hax huv tinh dầu bạc hà, tâux kêiz đuz txir lưk kâuz, màng tang, chùa dù, kriêr, cam, xaz phongx yuôx njuôz…tưz tâu piêr pâuz muôs ntơưv ntâu qơư piêr pâuz uô nox, hôiv hêik pâuz hax huv Việt Nam, đros ntâu qơư muôl muôs hax huv nhoz Hà Nội, Quảng Ninh, Hải Phòng, Đà Nẵng, Bình Dương…

Tưz tsik zos hax huv tinh dầu, Má A Nủ puz pâuz, nhiv no HTX tsênhv huiz tôngv pox nhuôs hâur jok uô xênhz yar têx hax huv ntâuz trâur lâus, têx tơưz lêr chiê muôs.

Txos nhiv no, thâuv HTX H’Mông Cát Cát tưz zos yênhx tsưr ziv kriz uô nox ntơưv Sa Pa, hâur iz zav muôx hax huv tinh dầu, xà phòng yuôx njuôz Chủ nhiệm HTX Má A Nủ hêik pâuz, puôr lênhx muôx đros têx poz tâux đuz txir lưk kâuz, ngũ sắc xiêr, chùa dù njuôz nhôngk. Kror Má A Nủ tsik so xar zos chiê uô chak cov muôx tâu têx hax huv yuôx njuôz truôx. Hax huv zos HTX uô tsik txâuk muôs sâuv ciêz đrôngs tiv muôx tsik txâuk yuôx njuôz txơưv tiêk nhiv no HTX Má A Nủ tưz chos tâu zuôr xar 20 ha yuôx njuôz./.

Phênhv “Nôngx mênhx zuôr tsuv pâuz” hnuz no zos Đaix TNVN sik côngv đros Tsênhv qơư cxơưz cxiz uô kôngz têz qơưk uô./.

(VOV4-Lik thox cxêik nhênhv)