Sơn La: Sir jos phax tar yar ntux cuz sor trâu têx tsiêx tu zus

Zơưv Lò Văn Yến, nhoz jok Pảng, xã Chiềng Đen, TP Sơn La chuôz zis tưz uô đreiv luôs hâux lưv tu zus nhux sha mê nhuôv tâu zuôr xar 20 shông lok no. Tâu canr bôv cxiz kôngz xã heik kriê, đros trâu têx tsưr ziv tu zus nhux sha mê nhuôv iz txưv pâuz đhâu lok, cheix ntux cuz sor no, zơưv Yến chuôz zis tưz uô thiêz kho đuô qơư tu zus têx nhux cov lax, huv vêv xênhz, iz chas ntơư muôz nzir têx yuôx paz đas jos, đêx, njêr.... trâu nhux nox, nhux hâuk thâuv muôz jâuz trâu nox chiê cxaz nzir đas jos phax tir têx moz, iz chêr lax thiêz lar heik zos tsi tso nhux muk seiz nox jâuz thâuv muôx yar ntux cuz hênhr. Zơưv Lò Văn Yến heik pâuz: Khov uô ntâu faz tsưr ziv uô cê mak chuôz zis paz nhux muôx 10 tus tsi trâul uô hiêv li chas lok đas jos hâur têx hnuz ntux cuz sor nhiv kruôr đhâu: “Chiê phax tar moz tsuv muôz trâu nox txâuk, nox tsâu têx jâuz, nhux thiêx tsi muôx đas jos jông, cur chuôz zis tưz tsi tâu muôx iz tus nhux tưs trâul moz hlo”.

Chiê phax tar moz, taz por đas jos trâu 20 tus buô grêix hâur têx hnuz ntux cuz sor hênhr, zơưv Đinh Trường Sơn nhoz jok Nong Lọ, xã Chiềng Đen, TP Sơn La chuôz zis tưz cxax cxix cxuô thiêz tsi so têx yuôx vắc xin phax tar moz trâu chuôz zis têx buô. Iz chas co, cxiv uô, kho đuô qơư tu zus cov siêz mê njik thiêz lax, lar heik zos shông no tưz uô qơư trâu têx qir chiê uô tơưk trâur uô jâuz uô mor nox, taz por vêv xênhz tênhx qơư. ơưv Sơn heik: “Phax tar moz mak heik cxuô, cur muk zuôr yuôx lok cxax trâu têx buô, hok lol sâuv vêv xênhz, zuk qêz suô, nzuôr têx qơư tu zus buô cov hur si...”.

Txix ntux têx txơưr txar phiv liv, cuz sor ntêr hnuz, Chi cục tu zus, kho moz tsiêx cxu thiêz shuôz njêl tỉnh Sơn La tưz sir jos yax kriê thiêz đros tsôngv px uô lơưr têx tsưr ziv lok phax tar kâus yar cuz, phax tar moz trâu têx tsiêx cxu tu zus; cxax têx yuôx vắc xin phax tar moz li: Moz đrôngs nyar, moz ơưk....trâu têx tsiêx cxu; muôz đêx hur, đêx lax trâu hâuk thiêz cxaz nzir vitamin C chiê cov iz chêr lax; kriê px qêz suô, nzuôr hur si têx qơư tu zus..... Zơưv Nguyễn Ngọc Toàn, Chi cục tsar chi cục tu zus, kho moz tsiêx cxu thiêz shuôz njêl  tỉnh Sơn La heik: “Hâur tu zus tsơưs têx tsiêx cxu ntơưv tỉnh Sơn La mak uô tsi yuô tâu jông trơưk li têx tsưr ziv kriê lok sâuv tu zus, chênhr viv li heik px sđ uô lơưr jông lok sâuv tsuôs yuôx tuô lov caz moz, moz siêz txos hâux lưv tror tu zus, lar heik zos tsuv zuôr têx nôngz tsiêx cxu txix têx qơư pâuz tsênhz lok zus, cxax cxix cxuô têx yuôx vắc xin phax tar moz trâu tsiêx cxu, tsơưs tso lênhx nênhs saz đrâuv mul lok hâur qơư tu zus....”.

Tas nro tỉnh Sơn La nhiv no muôx 50 ntâu vạn tus nhux tưv, 50 vạn ntâu tus buô, đros yênhx vạn tus keiz ok. Khov bax uô jông luôs hâux lưv fuô kriê têx tsưr ziv lok phax tar thiêz txar jav ntux cuz sor, huv đros trâu tsênhv tsênhz mak têx tsiêx tu zus hâur tỉnh tsi trâul uô ruôr hiêv ntâu hâur têx jiês cuz sor nhiv kruôr đhâu./.

(Trấn Long-Riê Lâux cxeik, nhênhv)

Vax huôv siz luôs nhoz cxuô mênhx cxưx

Pâuz tsênhz txos zơưv hloz Hôx lo luk kriê: “Tsôngv box tsoz tsiz, Thổ, Mường, Mán, Gia Rai, Ê Đê, Xe Đăng, Ba Na thiêz cxuô mênhx cxưx tsơưs nênhs txơưr, puôr lênhx zos nênhs Việt Nam, puôr lênhx zos cưr tix hur si”, têx shông đhâu, Đảng, têz qơưk Việt Nam lok six tsov cưv txos tsênhv chêi mênhx cxưx, tiv zix zos taz por vax huôv siz luôs nhoz cxuô mênhx cxưx thiêz moz siêz paz cxơưz cxiz tsôngv box cxuô mênhx cxưx tsơưs nênhs tuôr chiê zuk têx vênhx huôv mênhx cxưx, huôv tsar lok cxuô zav thiêz tâu sơưv têx vax huôv txơưr tâu têz qơưs tso chêi.

Hâur Việt Nam chor bản Hiến pháp đhâu cxuô ntu puôr lênhx sâu jênhv thiêz khav tênhv vax huôv siz luôs nhoz cxuô mênhx cxưx. Hiến pháp shông 2013-bản Hiến pháp tưz hlôngr yiêz ntâu lok lênhx nênhs li vax huôv thiêz thâuv hêik txos vax huôv siz luôs nhoz cxuô mênhx cxưx, tưz khav tênhv: “Têz qơưk Cộng hòa xar hôiv chủ nghĩa Việt Nam zos cxuô mênhx cxưx sik đros uô nênhx nhoz sâuv têz qơưk Việt Nam li luz têz qơưk thôngx ziv. Cxuô mênhx cxưx mak iz zav, sik côngv siêz, sik paz chiê sik đros huôv tsar; txưr cxuô kror sêiz tsiv muôx grik, sik phênhz mênhx cxưx. Luk hêik hâur têz qơưk zos luk tsoz tsiz. Cxuô mênhx cxưx muôx chêi hêik zuk têx luk, zôngv zuk têx ntơưr sâu, tuôr chiê têx vênhx huôv jông mênhx cxưx, phuôx huiz zuk mênhx cxưx têx phongx cxưx, chax chês thiêz vênhx huôv jông. Têz qơưk uô chêi huôv tsar cxuô nro thiêz paz tsar tov chiê tas nro cxuô mênhx cxưx tsơưs nênhs phuôx huiz pênhr jos, huôv tsar đros têz qơưk” (Grê 5). “Cxuô lênhx nênhs puôr lênhx iz zav lơưr pháp luật. Tsik muôx lênhx tưs trâus sêiz tsik muôx grik hâur luz nênhx chính trị, dân sự, kinh têr, vênhx huôv, xar hôiv”. (Grê 16).

Côngv thôngx cxuô mênhx cxưx tsơưr nênhs nhoz tsik uô cê, nhoz siz shơư, tsêx trung ntơưv têx thax tsav tox siêz đêz đrôngl, tiv zix zos thax tsav faz Bắc, Tây Nguyên thiêz  Tây Nam Bộ, txux chi tsênhv kik pir li ntâu hêir nênhs txơưr hâur têz qơưk. Chiê paz trâu tsôngv box cxuô mênhx cxưx uô lơưr vax huôv siz luôs, gra siêz luz nênhx, uô grêiv jux juk lok huôv tsar cêr uô nox nhoz cxuô mênhx cxưx, têx shông đhâu, Têz qơưk Việt Nam tưz tsov cưv txos ntâu hâur kriz uô têx tsênhv chêi huôv tsar kinh têr-xar hôiv thax tsav tsôngv box mênhx cxưx tsơưs nênhs.

Ntâu tsaz yênhx tưz paz muôx tâu chêx cur tsênhv tsênhz li: Chính phủ li tsaz yênhx 122 lok Công xưv Mênhx cxưx; Chính phủ li Nghị quyết 30a lok Thiv pluôs truôx đrênhk; Tsaz yênhx 135 lok huôv tsar kinh têr-xar hôiv chor xar txov nhêv tiv zix thax tsav tsôngv box mênhx cxưx tsơưs nênhs, tox siêz, nhoz đêz; Tsênhv chêi paz tsêr nhoz trâu chuôz zis pluôs; tsênhv chêi tsov cưv txos thox cxov, kruôz kriê thiêz sir zôngv cán bộ zos mênhx cxưx tsơưs nênhs…

Tiv zix, Nghị quyết tso tơưv tsưr ziv yưv pênhr Tsaz yênhx Tsưr ziv têz qơưk huôv tsar kinh têr, xar hôiv tox siêz thiêz thax tsav tsôngv box mênhx cxưx tsơưs nênhs ntu 2021-2030 nhiv kruôr  tâu Côx hôiv tso tơưv. Tsaz yênhx li tsưr ziv zos uô grêik juk cêv kuôk lok luz nênhx, phênhv sâu trâu thax tsav tsôngv box mênhx cxưx tsơưs nênhs thiêz tox siêz pir li kror cxuô hâur thôngz têz qơưk; txos shông 2025 txo grêk 50% chor xar, jêx jok txov nhêv tiv zix; txos  shông 2030 mak tsik yuôr xar, jêx jok txov nhêv tiv zix.

Zơưv Đỗ Văn Chiến-Bôv trưởng, Chủ nhiệm Ủy ban Mênhx cxưx puz pâuz: “Hâur lịch sử côngz xưv mênhx cxưx mak no zos iz kror lok six jông. Chox kriê txix Trung ương Đảng, Côx hôiv, Chính phủ, chor cơ quan, têx nganhx, têx cấp hâur cxiv luôs chính trị tas nro têz qơưk. Pêz vav tiêk zuôr paz muôx tâu iz kror yiêz lok six truôx jông. Thiêz têx phiv liv, cxuô kror hâur tsôngv box luz nênhx zuôr tâu đơưk kho, kriz uô. Thiêz pêz njênhs tiêk, tsaz yênhx no zuôr sêi đrơưv tâu kriz uô hâur luz nênhx”.

Taz por vax huôv siz bâus nhoz cxuô mênhx cxưx chênhr zos kror chiê Việt Nam uô tâu têx jông têx luôs hâux lưv hâur cxiv tsa sik côngv siêz nhoz cxuô mênhx cxưx, chiê uô tâu tsưr ziv cxiv tsa têz qơưk vav mênhx, jông đuô./.

(VOV4-Lik Thox cxêik nhênhv)