Yên Bái cxơưz tiês hâux lưv paz txưv têx lênhx nênhs trâus zênhr shar tiv moz Covid-19

Niêv lâuk Nguyễn Thu Hà chuôz zis nhoz jos Đình Đồng, xã Âu Lâu, thành phố Yên Bái, ntâu shông đhâu, 4 lênhx nênhs hâur chuôz zis tsuôk nhoz uô nênhx khov txos phênhv sâu tsi tâu muôx 4 tsov đeiv iz luz hlik cxôngx muôs đêx hâuk, cà phê, zav nox uô si. Taz sik, tiv moz Covid-19 huôv xênhz, chuôz zis tsuv tso tsês qơư muôs cxuô zav, viv li chuôz zis luz nênhx njiz ntâu phêv liv. Nhiv no tâu tỉnh Yên Bái paz txưv 3 tsov đeiv lơưr Chính phuv li Nghị quyết 68, chuôz zis phênhv tưs cxơưx tâu trâu luz nênhx xênhz huôx niêx hnuz hâur ntu phêv liv no:

          “Thâuv ntêx tsi tâu muôx moz Covid-19 huôv xênhz, iz ciêz 7 hnuz mak 6 hnuz cur chuôz zis muôx greix nox, nhiv no iz ciêz txu grês jux jus nox greix, phênhv ntâu zos nox jâuz. Jênhv tâu phênhv paz txưv li no chuôz zis luz nênhx cux txu grês phênhv tưs têx phêv liv, lok six jông siêz”.

          Pheiz kênh têx phêv liv đros têx lênhx nênhs trâus zênhr shar tiv moz Covid-19, Bảo hiểm xã hội tỉnh Yên Bái uô chính sách txu grês 1 shôngk nhiêx gôngr Bảo hiểm txiêz nanv lox tôngv thiêz moz tiv hâux lưv uô; tsi tsuv gôngr cuiv so lâuk thiêz tử tuất trâu nênhs lox tôngv thiêz nênhs sir zôngv lox tôngv cxôngx hnuz xiêz 1/7 shông no txos hnuz 30/6/2022. Txos nhiv no, BHXH tỉnh Yên Bái tưz txu grês 1 cxênhz 360 ntâu taz viv, đros zuôr xar 23 cxênhz 300 nênhs lox tôngv, tas nro nhiêx txiêx txu grês zos 7 tỷ đeiv ntâu.

          Zơưv Nguyễn Trí Đại, Giám đốc BHXH tỉnh Yên Bái puz pâuz:

          “Pêz xav tênhv no zos jênhv vưv cxuô thiêz lok six zuôr trâus, chênhr viv li pêz tưz chuv tôngv thôngz xor mông đros têx doanh nghiệp, taz viv sir zôngv lox tôngv chiê heik kriê nênhs lox tôngv thiêz nênhs sir zôngv lox tôngv uô têx cui tênhv ntơưv Thủ tướng chính phuv li cuiz tênhv 23. Pêz txu grês six hơưv car chêx, thâuv muôx zoz qơưx mak car chêx ciês. Nhiv no, txâuk ntâuz ntơưr mak pêz car chêx cov tiêr têx ntâuz ntơưr, chính sách trâu nênhs lox tôngv thiêz sir zôngv lox tôngv hâur iz hnuz”.

          Cxôngx moz Covid-19 li têx uô zênhr shar txos tsôngv box li luz nênhx-xã hôiv cux xưk li têx kinh têr li huôx tôngv tsiv uô, muôv muôs, cxix luôk têx zênhx hangx li Kôngz nuv, Viettinbank, zênhx hangx chính sách xã hôiv... cux muôx ntâu chính sách paz txưv li: seiz shuôk đuô six hơưv thêv nux grê, tuôr truôx têx nux grê; txu grês, tsi tsuv thêv nhiêx liv trâu nênhs tưz txeik pênhr; muôx têx tsov cưv trâu kruô tuôx txeik yiêz...

          Đros ntơư, zênhx hangx kôngz nuv thiêz huôv tsar nôngx cxênhz tỉnh Yên Bái tưz txu grês 10% nhiêx liv puz txeik trâu tas nro têx phênhv nux grê txos tas shông no, đros zuôr xar 45 cxênhz kruô tâu sơưv, tas nro chor nhiêx txiêx txu grês zos 56 tỷ đeiv ntâu. Đrâuv co, tsês yênhx châuv tỷ chiê uô hâux lưv nox nhoz xã hội, paz txưv phax tar moz Covid-19.

          Zơưv Nguyễn Hữu Hồng, Giám đốc Zênhx hangx kôngz nuv thiêz huôv tsar nôngx cxênhz Chi nhánh tỉnh Yên Bái puz pâuz:

          “Agribank chi nhánh tỉnh Yên Bái tưz seiz shuôk pênhr chiê tuôv zênhv cxix cxuô tsôngv kruô li zoz qơưx txeik pênhr, cxơưz tiês hlôngr yiêz ntâuz ntơưr hành chính, txu grês six hơưv seiz shuôk ntâuz ntơưr chiê têx kinh tế, côngv thôngx tsôngv box sâuv thax tsav tâu txeik pênhr. Tiv 2 zos chox kriê têx phongx puz txeik pênhr seiz shuôk, pâuz tâu qênhx shênhx tsiv uô kinh doanh, ntâus grê yênhx lênhx kruô li têx trâus ruôr hiêv chiê muôx tsưr ziv paz max. Agribank chi nhánh tỉnh yên Bái zuôr tror hlôngr yiêz chiê sik côngv đros cấp ủy, chính quyênx tiv phaz cux xưk li tsôngv box chiê uô tsưr ziv cê phax tar moz, cê taz por huôv tsar kinh têr”

          Txos nhiv no, tỉnh Yên Bái tưz paz txưv 25 cxênhz 500 ntâu lênhx nênhs njiz trâus phêv liv tiv moz Covid-19, đros chor nhiêx txiêx zos 9 tỷ đeiv ntâu. Cxôngx nhiv no txos kaz shôngk shông, tiv phaz tror cxơưz tiês qênhz yuôx, ntâus grê thiêz xav tênhv chiê ciêr chênhr paz txưv, trơưk lênhx nênhs trâus zênhr shar tiv moz Covid-19./.

(Thừa Xuân-Txâur Vax cxeik nhênhv)

Muôz chor dâu tây lok lok chos ntơưv jok Hmôngz, A Chảo muôx tâu phênhv sâu siêz

Xênhz zus thiêz hloz lox ntơưv jok Lèng Chư, xar Dào San, lênhx hluôk tuz Hmôngz Chảo Xênhv Zax (zus shông 1991) tsik so xar uô chak cov uô tâu bluô nux ciês sâuv zuk qơư nhoz. Shông 2014, txơưv tiêk cơưv tiêr ntơưr hov txơưx ntơưv Tsêr cơưv Cao đẳng Cơ điện nghề Phú Thọ, taz sik Chảo Xênhv Zax cux tror lok trâu zuk qơư nhoz chiê uô nox txix tsưr ziv chos dâu tây.

Chox pêz muk sêiz shuôk Chảo luz vax dâu tây, Trung úy Hoàng Văn Lịch, nhân viên Đôiv vận động quần chúng, Zênhx Pênhz phax Dào San, Bôv đôiv Pênhz phax tỉnh Lai Châu puz pâuz: “Đros pox nhuôs nhoz thax tsav ntus đriv, tiv zix zos nhoz thax tsav xar Dào San mak hâux lưv chos blêx, chos poz cưk lok sik têx zav ntông nox txir txơưr mak cux zos iz kror zôngx ziv xưz, hok Chảo kror tsưr ziv chos dâu tây mak zos iz kror tsưr ziv yiêz ntơưv thax tsav qơư”.

Tok pêz zos lênhx hluôk tuz Hmôngz Chảo Xênhv Zax, muôx luz chêr zâu. Njiê muk đêz mak cux pov tâu Chảo luz vax dâu tây nhoz iz ntar trôngz muôx chor txir dâu tây siêr liêz plôngs plox pliês hâur têx blôngx jôngr ntông. Chảo shir phaz piêr: “Ciês thâuv tsênhv muk cơưv ntơưv Tsêr cơưv Cao đẳng Cơ điện nghề Phú Thọ tâu lênhx fôngx zưs cơưv đros uô cê hêik kriê, cur tưz xar txos tsưr ziv chos dâu tây ciês sâuv zuk qơư nhoz. Đhâu nriêr pâuz, cur pov tâu đêx ar, qiv hơưv ntơưv xar Dào San lok six huv đros chiê chos thiêz huôv tsar zav tsoz chos no. Viv li, ciês đhâu cơưv tiêr ntơưr, cur tưz tror lok chiê chos thiêz huôv tsar chor txir dâu tây sâuv zuk têx ar têz qơưk ntơưv nhoz”.

Nhạc cắt

Đhâu thav đros Chảo Xênhv Zax, tâu pâuz, tix lâus piz chos dâu tây txix shông 2015. Têx shông xuz thơưx, tiv tsênhv pâuz tsik tâu cxix cxuô têx tsưr ziv chos thiêz tu têx dâu tay, viv li chor dâu tây tsik so trâus caz hmoz ruôr hiêv, đêx muôx tsik txâuk trâu chor dâu tây. Ntâu jiês tix lâus xar tso tsês chiê uô têx hâux lưv txơưr đuô. Taz sik, txix zos lênhx hluôk nênhs li têx sir jos, tix lâus Chảo cux sir jos cơưv shâuv, nriêr pâuz sâuv mang Internet, têx nâtuz ntơưr, pov chir lok têx tsưr ziv chos thiêz tu têx dâu tây no.

Chox pêz muk ndis shuôk luz vax dâu tây, Chảo Xênhv Zax puz pâuz: cur luz vax dâu tây đar muôx nhos 5000 thiêr ndis. Cur chor nôngz dâu tây mak tâu zuôr ntơưv tỉnh Sơn La lok chos, zos zav zuz nôngz txix thành phố Đà Lạt (Lâm Đồng). iz tsoz zuz thiêz đas jos chos thiêz tu mak cur tas muôx 20-30 cxênhz đêiv. Iz chiv, chor dâu tây txi txir muôx nhos pêz luz hli mak siêr thiêz jông sâu đê lơưv. Đhâu xav tas nro cxuô kror mak iz chiv Chảo sâu tâu liv txix 70-80 triệu đêiv.

Nhạc cắt

Đrâuv muôs ciês ntơưv vax, Chảo tsênhv kriz uô tsưr ziv muôs têx txir dâu tây no đhâu mạng xar hôiv thiêz têx kênh muôs hax huv trực tuyến. Đhâu co, tưz paz trâu chor kruô nhoz thành phố Lai Châu thiêz têx huyện iz ndis pâuz txos thiêz tuôx zuôr têx txir dâu tây co. “Hâur ntu zuôr txos, cur zuôr tror kriz đar nzir thax tsav chos dâu tây chiê muôx txâuk têx txir dâu tây muôs trâu tsôngv kruô, sơưr đơưk”, Chảo hêik li co.

Đại úy Nguyễn Minh Chức, Chính trị viên phưv Zênhx Pênhz phax Dào San hêik pâuz: Hâur ntu đros đrêiv pox nhuôs huôv tsar uô kinh têr, cán bộ, chiến sĩ hâur taz viv njiz lok six ntâu phiv liv. Pêz tsuv muk ti gâuk qơư chiê hêik, kruôz kriê pox nhuôs sơưr đơưk cov lơưr pâuz tâu thiêz uô trơưk, kriê trâu pox nhuôs sơưr đơưk pâuz têx tsưr ziv, kỹ thuật chos têx tsoz chos cov paz sâu tâu nju thiêz siêz tiv zix.

Đros tix lâus Chảo Xênhv Zax tsưr ziv chos dâu tây,taz viv pov tâu tiêk, no zos iz tsưr ziv uô nox yiêz, huv đros trâu đêx ar thiêz qiv hơưv ntơưv thax tsav qơư thiêz paz muôx tâu phênhv sâu kinh têr siêz. Viv li, pêz tsik so muk paz trâu tix lâus thiêz tix lâus chuôz zis uô cov truôx jông kror tsưr no chiê kriz uô tâu đar thiêz ntâu đuô hâur thax tsav xar ntũ zuôr txos no./.

Nhạc cắt

(Hlôngr suôz): Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đaix Nta suôz Việt Nam nhoz thax tsav faz Bắc uô. Phênhv no muôx Tsênhv qơư cxơưz cxiz uô kôngz têz qơưk đros paz uô./.

(Vàng Lan-Lik Thox cxêik nhênhv)