Mênhx cxưx Thái đuz Điện Biên li phôngx cxưx txi côngv pox côngz zơưv côngz

Txi côngv pox côngz zơưv côngz tưz zos phôngx cxưx cxôngx nzor lok, muôx pưk txux lok six zov chênhr hâur tsôngv box Thái đuz Điện Biên li luz nênhx. Đros tsôngv box mak txơưv chor lâul tưz tas siv nênhx lok cux tsênhv nhoz đros đrêiv têx tuz nhuôs. Lơưr paz trâu chor tuz nhuôs thâuv njiz trâus têx phiv liv tsik jông; shir phaz thâuv têx tuz nhuôs uô tâu têx hâux lưv jông…Thâuv tưs txos ntênhk, tsiêz, vax tsêr muôx hâux lưv, muôx moz gênhs mak nênhs hâur tsêr uô tsuv mor tso sâuv thax đaz hêik pox côngz zơưv côngz lok nox, mnôngs têx tuz nhuôs piêr, lok sik thor têx kror jông hâur luz nênhx….txir nênhz Lường Văn Súm, jok Hồng Líu, phường Noong Bua, thành phố Điện Biên Phủ puz pâuz: “Mênhx cxưx Thái zos tsik txix côngv mak zos tsik muôx pox côngz zơưv côngz. Tsik uô jông txi côngv mak pox côngz zơưv côngz zuôr tsik paz, chuôz zis zuôr uô tsik tâu nox, nênhs hâur tsêr zuôr muôx moz gênhs. Txi côngv zos chiê thor muôx tâu đas jos, luz nênhx jông”.

Mênhx cxưx Thái đuz xar thâuv iz lênhx nênhs tas siv nênhx mak tsuôk zos luz chêr thiêx plox đros hnuz nhôngs, hok njux plis mak cux tsênhv nhoz đrêiv. Chor nênhs tsênhv nhoz tsuv uô jâuz mor txi côngv nênhs tưz tas siv nênhx. No zos jiês txi côngv zov chênhr tsuv uô cov jông, zos tsik uô jông mak nênhs tưz tas siv nênhx li njux plis zuôr nriêr tsik tâu cêr tror lok chuôs têx tuz nhuôs, tsik zos yênhx pox côngz, zơưv côngz, tsik muôx qơư nhoz.

Ntênhk txix côngv tâu txir nênhz uô, txir nênhz zuôr hlôngr njêx muôs trâu chuôz zis hu nênhs tưz tas siv nênhx lok nox mor. Thâuv co txir nênhz zuôr zos nênhx txuôk luk txix nênhs tsênhv nhoz đros nênhs tưz tas siv nênhx, zos nênhs muôx txơưx jênhv lok têx phôngx cxưx hâur côngv thôngx mênhx cxưx Thái. Txir nênhz Lò Văn Sơn, jok Liếng, xã Noong Luống, huyện Điện Biên hêik: “Txir nênhz zos nênhs lok six zov chênhr. Lơưr zos nênhs txuôk luk txix nênhs tsênhv nhoz đros nênhs tưz tas siv nênhx chiê chox lơưr lok nox têx tuz nhuôs li jâuz mor thiêz thor lơưr paz phôngv trâu têx tuz nhuôs muôx đas jos, luz nênhx jông thiêz uô tâu nox. Tiv zix thâuv hâur chuôz zis muôx nênhs tas siv nênhx mak txir nênhz hax zav zov chênhr đuô, lơưr zos nênhs paz chox cêr trâu nênhs tas siv nênhx li njux plis muk chuôs pox côngz zơưv côngz thiêz zos yênhxx pox côngz zơưv côngz hâur chuôz zis, chuôz xênhv; Zos tsik muôx txir nênhz paz chox cêr mak chor nênhs co zuôr nriêr tsik tâu cêr muk chuôs pox côngz zơưv côngz”.

Txix thâuv ntêx, tsôngv box Thái tưz zênhx muôx lịch trâu zuk lơưr chêix 10 hnuz ho tror tis iz jiês. Khov lơưr lịch no, yênhx chuôz zis, chuôz xênhv puôr lênhx sêiz shuôk trâu zuk iz hnuz jông chiê cxiv uô tsêr, nox yôngz cok, muk cêr đêz, lok sik txi côngv pox côngz zơưv côngz…Đrâuv têx kror co, tsôngv box mênhx cxưx Thái cux uô jông txi côngv 5 hnuz lok sik 10 hnuz mak uô iz jiês. Hâur chor tsuv mor txi côngv no mak tsik thav zuôr muôx ntâu zav li grêix njêl, grêix kêiz… mak tsuôk zos chuôz zis nox li chak chêk txi côngv li co xưz. Pos Lò Thị Thời nhoz Đội 15, xã Noong Hẹt, huyện Điện Biên puz pâuz: “Khov yênhz chuôz zis, chuôz xênhv mak lơưr xêir hnuz nhôngs cov jôngr lơưr mênhx cxưx Thái li lịch chiê txi côngv zuk pox côngz, zơưv côngz. Hâur tsuv mor txi côngv pox côngz zơưv côngz chor hnuz no, khov lơưr tsar tov, muôx chuôz zis mak muôx grêix njêl, grêix kêiz, chuôz zis muôx jâuz, njuôs, tsik zos zuôr cov muôx cxix cxuô li têx hnuz tsiêz, hnuz ntênhk, tsênhv tsênhz zos hêik tơưv tâu têx tuz nhuôs siêz xar txos pox côngz zơưv côngz xưz”.

Tsôngv box Thái li txi côngv pox côngz zơưv côngz tsênhv hêik tơưv tâu vênhx huôv jông, zos đrâuv txi côngv pox côngz zơưv côngz tos txir, mak tsênhv txi côngv pox côngz zơưv côngz saz tos niêv thiêz. Zos chuôz zis tưs tsuôk zus tâu mê nhuôs nxêik, thâuv niêv txir tas siv nênhx, lênhx nxêik hloz zuôr tâu txi côngv zuk niêv zuk txir. Pos Lò Thị Đôi-nhoz jok Ban, xã Mường Nhà, huyện Điện Biên puz pâuz: “Ziv chuôz zis tưs tsik muôx mê nhuôs tuz, thâuv niêv txir tas siv nênhx, mak tuk nhuôs nxêik hloz tsuv uô iz luz tsêr zâu chiê txi côngv zuk niêv zuk txir. Txơưv tiêk tưz muk zuôr txir lơưv, taz sik tuk nhuôs nxêik hloz cux tsuv tâu txi côngv zuk niêv zuk txir chiê lơưr paz trâu zuk tsik muôx moz gênhs, uô tâu nox, têx tuz nhuôs muôx jos, luz nênhx truôx tuk, no zos pêz mênhx cxưx Thái li phôngx cxưx muôx txix ntêr lok lơưv”.

Txi côngv pox côngz zơưv côngz tsik so tâu tsôngv box Thái tuôr chiê jông txix fâuv nênhs no trâu fâuv nênhs tov kaz. Thiêz co zos kror vênhx huôv jông hâur mênhx cxưx Thái đuz nhoz Điện Biên liz luz nênhx./.

          Quảng Ninh: Muôx tsôngk trik yo jông jav muôs trâu ciêz đrôngl

Ntơưv tsêr cơưv cxênhx 2 thiêz cxênhx 3, niêv txir zus mor nhoz Đồng Văn, hâur têx hnuz kriz shông cơưv yiêz, cxuô lênhx tuz cxêik shuv xênhz tưz hnar cxuô tsôngk trik yo jông jav uô têx txưv njêx muôs shir phaz lul trâu shông cơưv yiêz. Ntơư zos tsôngv tuz cxêik hluôk shuv xênhz hnar têx tsôngk trik yo li: Sán chỉ, Cho, Tày…Shuv xênhz  Nà, cơưv lớp 6A shir phaz lul hêik pâuz: “Cur pov lov jêv hênhr, viv tâu hnar hêir nênhs Cho têx tsôngk trik yo jông jav tok shông cơưv yiêz, cur xar njôngr cov hnuz tưs cux tâu hnar têx tsôngk trik yo ntơư, cur pov jông jav hênhr”.

          Đros ntơư, tsêr cơưv cxênhx iz Đồng Văn, xã Đồng Văn, huyện Bình Liêu, cux zos hâur shông cơưv yiêz, cxuô lênhx tuz cxêik shuv xênhz thiêz cưk kriê cux siz thav uô lov jêv lul, viv đhâu iz ntu ntêr so chêix ntux sor mav tror sik njiz. Đros ntơư, cux muôx chôngz lênhx uô niêv uô txir, uô têx txưv njêx muôs shir phaz lul, chox têx tuz cxêik shuv xênhz tuôx trâu tsêr cơưv. Pos Tằng Thị Bàn hêik pâuz: “Cur pov hnar têx tsôngk trik yo ntơư cux huv đros; pêz jông siêz trâu luôs hâux lưv ntơư. Hnar cxuô hêir nênhs tsơưs têx tsôngk trik yo, cux chênhr zos cxươz cxiz tsôngv tuz cxêik shuv xênhz tror nhiêv zuk luz nênhx đuô”.

          Txix shông cơưv 2014-2015, huyện Bình Liêu tưz tso tơưv chêi chiê muôx cxuô hêir nênhs tsơưs têx tsôngk trik yo trâu cxuô lênhx shuv xênhz hnar hâur hnuz thưr 2 yênhx ciêz thiêz têx hnuz kriz ntênhk hội hâur shông, chiê cxươz cxiz luôs hâux lưv tuôr truôx cxuô hêir nênhs têx tsôngk trik yo tsik chiê plox.  Cưk kriê Tô Đình Hiệu, nhoz tsêr cươv cxênhz 2 thiêz cxênhz 3, niêv txir zus mor Đồng Văn hêik pâuz: “Đhâu fuô uô luôs hâux lưv no, hâur pêz tsêr cơưv thiêz cxuô luz tsêr cơưv txơưr đuô cux lok six jông siêz uô trơưk luôs hâux lưv ntơư. Cur pov têx tuz cxêik shuv xênhz thiêz shuv xênhz niêv txir cux jông siêz hênhr thiêz ntơư cux muôx liv lox trâu cxuô hêir nênhs sđ”.

          Đhâu oz shông uô trơưk luôs hâux lưv hnar cxuô hêir nênhs tsơưs têx tsôngk trik yo, hlôngr trâu têx tsôngk trik yo hâur tsêr cơưv; cxuô lênhx  cưk kriê thiêz  shuv xênhz niêv txir cux jông siêz hênhr. Zơưv Ngô Văn Mậu, phưv phôngx zoz zux huyện Bình Liêu hêik pâuz: “Hâur ntu fuô uô, tsôngv px sđ jông siêz hênhr; viv hâur yênhx hnuz muk khưr uô kôngz lôngk, px ntơưv no cux hnar zuk hêir nênhs tsơưs têx tsôngk trik yo. Ntơư zos hêir nênhs Cho, hêir nênhs Tày, hêir nênhs Sán chỉ…..”.

          Tsôngv tuz cxêik shuv xênhz hêir nênhs tsơưs nhoz huyện Bình Liêu, luôs hâux lưv chiê tsôngv tuz cxêik shuv xênhz hnar zuk hêir nênhs tsơưs têx tsok trik yo hâur tsêr cơưv, cux muôx liv lox thiêz cxươz cxiz sđ huôv tsar truôx zuk hêir nênhs têx tsôngk trik yo thiêz têx cêr nênhx vênhx huôv jông tsik chiê plox./.