Laox cai-Uô truôx luôs hâux lưv txo grêk cêr yêiz pluôs

Iz hâur têx faz tsưr ziv uô txo grêk cêr yêiz pluôs, tâu hâu nov tỉnh Laox cai uô tâu truôx; taz sik uô ntêx tsuv kriz lớp kriê cơưv tsưr ziv txux chi huôv tsar uô trâu tsôngv px hêir nênhs tsơưs. Ntơư cux zos faz tsưr ziv uô huv đros thiêz paz trâu tsôngv px sđ pâuz lok tsưr ziv huôv tsar cêr uô nox trâu cxuô tsênhv qơư. Tix lâus Sưv Seo Thắng nhoz jos Bản Già, xã Tả Củ Tỷ, huyện Bắc Hà, đhâu lớp cơưv lok tsưr ziv chos tsoz chos yuôx đrox njuôz, tix lâus chuôz zis tưz muôz iz phênhv ar têz chos poz cưk chiee hlôngr chos tsoz chos đương quy muôs trâu tuz luôv, muôx phênhv sâu tâu nhiêx txiêx. Tix lâus Sưv shir phaz lul hêik:

“Têz qơưs paz zuz tsoz chos tax thêir vor, kriê tsưr ziv chos, zuk tsuôk sir côngk đas jos uô. Pir li chos poz cưk, tsêz chos blêx, chos tsoz chos đương quy phiv liv đuô, taz sik, taz sik zuk tsuv sir jos uô thiêx muôx phênhv sâu tâu nhiêx txiêx”

Uô trơưk Trung ương luôs hâux lưv txo grêk yêiz pluôs truôx đrênhk, hâu nov tỉnh Laox cai tưz chox car cxuô tsưr tsix, têx lênhx nênhs siêz jông  đros trâu phênhv nhiêx têz qơưs muôz paz zos tâu 2.300 tỷ đêiv, chiê uô luôs hâux lưv txo grêk yêiz pluôs truôx đrênhk. Zơưv Hoàng Văn Khoa, phưv chủ tịch Uỷ ban huyện Bắc Hà hêik pâuz:

“Tsưr tsix GRÉT tsênhv taz tov uô luôs hâux lưv paz trâu tsôngv pox niêv vir ndâuk hêir nênhs tsơưs. Ntơư zos paz trâu tsôngv pox niêv vir ndâuk hlôngr yiêz tsưr ziv huôv tsar cêr uô nox cov muôx phênhv sâu tâu nhiêx txiêx. Nhiv no tsưr tsix GRÉT tưz muôz 250 triệu đêiv nhiêx paz trau 5 luz xã chiê huôv tsar uô du lix. Tsôngv px zuôr tâu kir  txêik phênhv nhiêx ntơư hâur iz ntu. Đhâu ntơư ho muôz chor nhiêx coểtor lok trâu hâur xã sêiz car thiêz uô ntâuz ntơư muôz trâu đuô tus kir txêik”

  Hâur têx shông đhâu lok no, luôs hâux lưv siz chos côngv đas jos tsưr ziv huôv tsar cêr uô nox chuôz zis, tưz tâu hâu nov tỉnh Laox cai moz siêz paz max txos. Đhâu iz ntu huôv tsar uô, tưz pov njôngr tsôngv px sđ hâur thax tsav muôx luz nênhx hlôngr yiêz, chor chuôz zis pluôs tưz txo grêk tsơưs lơưv jux juk. Pos Đinh Thị Hưng - Giám đốc Sở laox tôngv, tỉnh Laox Cai hêik pâuz:

“Tsuv muôx têx phênhv nhiêx paz trâu cxuô tsênhv qơư. Đros ntơư, chor chuôz zis pluôs tsuv truôx siêz bo huôv tsar uô cov hla đhâu cêr yêiz pluôs; tsuv huôv tsar tâu cxuô qơư uô nox truôx txuôk đros têx doanh nghiệp hâur thax tsav, cê uô cê cơưv shâuv tâu tsưr ziv uô nox truôx đrênhk”

Xav tas shông 2020, Laox cai tsuôk yuôr 17 cxênhz chuôz zis pluôs, viv huôv tsar uô huv đros cxuô tsênhv qơư hâur thax tsav, chor chuôz zis pluôs muôx phenhv sâu tâu nhiêx txiêx, iz thênhv jux juk hla đhâu cêr yêiz pluôs truôx đrênhk./.

                            (Tsu cxêik nhênhv- Mạnh Phương, Đài TNVN)