Muôx tsi txâuk ar uô nox nhoz Tây Nguyên

Xã Ia Mơr, huyện Chơ Prông, tỉnh Gia Lai muôx 44 cxênhz ha ar, taz sik jênh sôr tsuôk muôx 2 cxênhz ntâu lênhx. Ar lok six đar, nênhs tsơưs, taz sik tsôngv box nhoz no cux muôx tsi txâuk ar uô nox. Lar heik đuô thiêz, zos thax tsav qơư  phênhz tsi tâu ar trâu tsôngv px uô nox, taz sik ho muôx 8 cxênhz ntâu ha ar ho muôz trâu doanh nghiệp chos ntông cao su. Doanh nghiệp zuôr ntâu ar taz tsi yuô muôx pênhr huôv tsar uô nox; viv li ntâu liêx têz ntông cao su tưz trâul tuôs tal. Iz lênhx hâu nov Ủy ban xã Ia Mơr heik pâuz, xã tsênhv heik hâu nov thênhv siêz chiê tsês iz  kro ar txix têx dưv anr uô tsi tâu trơưk tsưr ziv ntơư chiê muôz pheiz trâu têx lênhx tsôngv box pluôs muôx tsi txâuk ar uô nox:“Pêz cux heik chor hloz muôz jông six hơưv trâu hâu nov xã chiê pheiz iz cxiê liêx têz trâu tsôngv box . Muôx nhos 100 ha tsês trâu tsôngv px huôv tsar tu zus tsiêx cxu, uô kôngz lôngk”.

935 cxênhz ha ar zos têx ar chor công ty kôngz-jôngr nuv hâur thax tsav tsênhv car seiz. Hâur jiês seiz kaz nhiv kruôr tsi ntêr no ntơưv Tây Nguyên, zơưv Nguyễn Lâm Thành, Phưv Chủ tịch Hôiv đôngx Mênhx cxưx lok zos Dân tộc Côx hôiv tưz heik, chor công ty kôngz-jôngr nuv tsênhv tuôr ntâu ar têz hênhr, taz sik sir zôngv, gôngr nhiêx txiêx trâu têz qơưk lol six tsơưs:“Sđ siv sik đros seiz njiê lok iz taz viv công ty kôngz-jôngr nuv sêz muôz pêk tsơưs nhiêx txiêx trâu têz qơưk. 41 cxênhz ha taz sik nhiêx ntiêr ar tsuôk zos iz tỷ đeiv xưz, ntơư zos iz taz viv tâu seiz uô tâu đuô hur si. Têx trâus uô ruôr hiêv lox zos đaz tsi, nhiêx txiêx sâu tsi tâu, tsôngv box heir nênhs tsơưs thiêz tsôngv box pluôs cux tsi muôx ar uô nox, ntơư zos hâux lưv car seiz têx ar têz li chas. Li co pêz tsês iz cxiê ar têz kôngz-jôngr nuv, 2, 3 châuv cxênhz ha....chiê pheiz trâu tsôngv box cux zos chei”.

          Trơưk li Bôv đêx ar thiêz tênhx qơư sôr laov thôngz sâu, thax tsav Tây Nguyên nhiv no muôx zuôr xar 53 cxênhz chuôz zis muôx tsi txâuk ar uô nox, đros thiêz muôx nhos 24 cxênhz ha. Hâur co, tỉnh Đắc Lắc ntâu đuô hur si zos 19 cxênhz chuôz zis, tỉnh Gia Lai sơưr tiv 2, muôx 13 cxênhz chuôz zis. Hâur jiês uô hâux lưv đros têx tỉnh Tây Nguyên, Thủ tướng Chính phủ Nguyễn Xuân Phúc tưz heik mênhx txos têx uô tsi tâu hâur car seiz, sir zôngv ar têz li heik sâuv:“Pêz tsôngv box nhoz suôv qơư ar têz co thiêz iz cxiê chuôz zis tsôngv px khiêr têz qơưk tsi trơưk chei lok tsi muôx ar uô nox, hok ar ntơưv têx công ty kôngz-jôngr nuv mak ntâu, uô nox tsi trơưk têl, iz cxiê lênhx tâu liv. Têx li heik no zos tsi huv, tsi trơưk chei, tsuv tâu muôz pheiz chiê taz por chor nênhs uô liêx têz muôx ar uô nox, co zos Đảng, pêz têz qơưk tsưr ziv đơưk uô hâux lưv no”.

Đơưk tu ar liêx têz tsi tiêk zos tsưr ziv paz trâu iz cxiê lênhx tsôngv px pluôs nhoz Tây Nguyên huôv tsar nox, mak tsênhv đơưk tu tsôngv px thiêz doanh nghiệp têx tsi truôx tuk, tsi jông, cêr cuz nxor thiêz. Chiê uô tâu têx li heik no, Chính phủ têx luk chox kriê lok sâuv đơưk tu ar têz tsuv nzor tâu uô hâur tsênhv tsênhz, yênhx têx tỉnh hâur thax tsav hâux lưv uô tsênhz mênhx./.

                                   (VOVTN-Riê Lâux cxeik, nhênhv)

 PHÊHV NRIÊR PÂUZ LOK CHÊI TÊZ  QƠƯS

NUS TÊZ LOK BẢO HIỂM XAR HÔIV, BẢO HIỂM Y TÊR

Cur thor nus lok phênhv tâu sơưv bảo hiểm y têr thâuv cxax yuôx phax moz đêr vưv. Cur tâu cungz thêv bảo hiểm y têr chuôz zis pluôs. Nhiv kruôr đhâu no, cur trâus đêr vưv tov xar muk cxax yuôx phax moz vưv ntơưv trạm y têr huyện. zos li cur muk cxax yuôx phax tar moz vưv puôk zuôr tâu sơưv bảo hiểm y têr lok tsik tâu?

Khov lơưr Grê 21 chêi bảo hiểm y têễiciv kho đuô cxaz nzir shông 2014 cui tênhv lok tâu sơưv bảo hiểm y têr li đrav kaz:

1. Nênhs cxaz chuôz bảo hiểm y têr tâu cuiv bảo hiểm y têr thêv têx nhiêx li đrav kaz:

a) Njuôk shuôk moz, chơưv kho moz, paz shâuv uô đas jos, njuôk shuôk xênhz nhuôs hâur chêr lơưr six hơưv, zus mê nhuôs;

b) Thâux xa nênhs moz txix huyện muk trâu thênhv siêz đuô đros thiêz chor nênhs tâu cui tênhv ntơưv điểm a, d, e, g , h thiêz I ntu 2 Grê 12 chêi no zos chơưv paz sêi lok sik tsênhv chơưv kho hâur tsêr kho moz tsuv yêv muk trâu thênhv muôx kỹ thuật siêz đuô.

2. Cuiv bảo hiểm y têr tsuôk thêv nhiêx trâu têx kror tâu cui tênhv ntơưv ntu 1 Grê 21 chêi bảo hiểm y têr cxiv kho đuô cxaz nzir shông 2014 li hêik sâu. Tsênhv tsênhz, têx zav yuôx, dịch vụ tâu bảo hiểm y têr thêv nhiêx tâu cui tênhv ntơưv thông tư số 37/2015/TTLT-BTC, hâur co tsik muôx yuôx vắc xin phax tar moz vưv.

Li co, cxax yuôx vắc xin phax tar moz vưv zuôr tsik tâu bảo hiểm y têr thêv nhiêx. Lơưr co, thâuv cxax yuôx vắc xin phax tar trâus đêr vưv tov li no mak zuôr tsuv chiv chir thêv tas nro têx nhiêx txiêx./.

                                                 (Thu Thùy-Lik Thox cxêik nhênhv)