Đăk Lăk: Kriz lớp kriê cơưv khoz đruôs tôngx nxêz tôngx trâu shux xênhz

          Zuôr xar 3 luz hlik đhâu, thâuv txos tsâus ntux hnuz thưr 2, thưr 4, thưr 6 yênhx ciêz, hâur Tsêr cơưv Đại học Tây Nguyên ho hnor têx suôz đruôs tôngx nxêz tôngx đror. Co zos cxôngx lớp kriê ntâus đruôs tôngx nxêz tôngx trâu têx shux xênhz nênhs mênhx cxưx tsơưs nênhs. Têx shux xênhz tâu pheiz uô 4 paz, iz chuôv muôx 2 paz cxaz chuôz shâuv cxôngx 17-19 six. Siu Lok, mênhx cxưx J’Rai, shux xênhz Khoa Y dược puz pâuz, txơưv tưz txơưx ntâus đruôs tôngx nxêz tôngx cxôngx nzor, taz sik cxaz chuôz lớp cơưv no, tâu têx nghệ nhân sir jos kriê, Siu Lok pâuz cxaz tâu ntâu kror jông thiêz:“Seiz cxuô mak nênhs J’rai thiêz Ê Đê li vênhx huôv cux zuôr xưk iz zav viv li đruôs tôngx nxêz tôngx mak tsưr ziv ntâus cux tsi muôx têx txơưr ntâu. Phênhv ntâu 2 mênhx cxưx li tsưr ziv ntâu muôx kror txơưr mê njik xưz, taz sik ntâu uô cê cux tâu. Thâuv cơưv tiêr khóa cơưv no cur pov lok six jông siêz, iz phênhv zos zuk tuôr tsês tâu zuk mênhx cxưx li vênhx huôv đruôs tôngx nxêz tôngx”.

          Lớp no zos 2 nghệ nhân nênhs Ê Đê nhoz đrôngs Buôn Ma Thuột, tỉnh Đăk Lăk thiêz 1 lênhx nghệ nhân nênhs Ba Na nhoz tỉnh Kon Tum kriê. Nghệ nhân A Biu nênhs Ba Na ntâus grê, têx shux xênhz tuôx cơưv shâuv lok six nhiêv thiêz gruôs shâuv: “Xuz thơưx mak ntâus grê lok chinhz yênhx pov têx shux xênhz lok six nhiêv cơưv shâuv. Cur tsi taz kriê shâuv ntâus đruôs tôngx nxêz tôngx xưz mak tsênhv kriê lơưr nhiêv txos zuk li vênhx huôv, tuôr tsês zuk vênhx huôv jông co. Cur li hâux lưv uô zos li ntơư, thiêz cur tsuv muôx txơưx jênhv tôngv vênhx shux xênhz cơưv shâuv. Kriê têx shux xênhz tuôr tsês vênhx huôv tsi chiê pôngz plox”.

          Tsêr cơưv Đại học Tây Nguyên zos taz viv xuz thơưx nhoz Đăk Lăk tâu Sở vênhx huôv, thiv thao thiêz ju lix xeir krêz lớp kriê ntâus đruôs tôngx nxêz tôngx. Cxaz chuôz lớp cơưv muôx 40 lênhx shux xênhz, hluôk tuz thiêz hluôk nxeik nhoz ntâu mênhx cxưx txơưr li: Ê Đê, J’Rai, Thái, Tày, Nùng, Mạ...nhiêv cơưv shâuv đruôs tôngx nxêz tôngx Tây Nguyên. Cxaz chuôz lớp cơưv, Vi Thị Cảnh, mênhx cxưx Thái, shux xênhz Khoa Sư phạm shir phaz heik:         “Phênhv ntâu cxôngx thâuv ntêx txos nhiv no tsuôk zos hluôk tuz thiêx li tâu ntâus đruôs tôngx nxêz tôngx xưz, khov têx cưk kriê paz mak nhiv no hluôk nxeik cux tâu shâuv. Tâu pâuz txos nênhs Tây Nguyên li vênhx huôv ntâus đruôs tôngx nxêz tôngx, pâuz đhiê pax vuôk xoang thiêz ntâu phongz cxưx txơưr. Lok six jông trâu pêz têx hluôk nênhs tov kaz no”.

          Lơưr nghệ nhân Y Nuynh Byă mênhx cxưx Ê Đê, khov sir jos cơưv shâuv, viv li phênhv ntâu học viên puôr lênhx txơưx ntâus đruôs tôngx nxêz tôngx sei. Tiv zix zos thâuv ntêx đros thiêz nênhs Ê Đê, tsuôk txir nênhx thiêx li tâu ntâus đruôs tôngx nxêz tôngx, mak ntơưv lớp cơưv no muôx ntâu lênhx học viên zos pox niêv tưz tâu cxaz chuôz cơưv shâuv thiêz ntâus đruôs tôngx nxêz tôngx:“Thâuv ntêx têx lâus xar tiêk txir nênhx thiêx li tâu ntâus đruôs tôngx nxêz tôngx, taz sik nhiv no xã hội huôv tsar thiêz pov muôx ntâu kror hlôngr yiêz jông, cux xar njôngr pox niêv tâu cơưv shâuv ntâus đruôs tôngx nxêz tôngx. Thâuv pêz kriê ntơưv tsêr cơuv Đại học Tây Nguyên pêz pov têx hluôk nxeik nhoz no shâuv tsênhv seiz đuô hluôk tuz thiêz”.

          Cxôngx lớp cơưv no, têx shux xênhz txơưx zuôr tâu xeir uô lênhx nênhs hâur tsêr cơưv Đại học Tây Nguyên li tuêv ntâus đruôs tôngx nxêz tôngx tsênhv, tror tâu kriê cxaz chiê piêr kriê đruôs tôngx nxêz tôngx hâur têx hnuz muôx huôx tôngv vênhx ziv, nghệ thuật. Huôx tôngv kriê ntâus đruôs tôngx nxêz tôngx tưz paz cxơưz trâu cxênhx hluôk nênhs sir jos cơưv thiêz ntâus đruôs tôngx nxêz tôngx. No cux zos iz hâur têx huôx tôngv chiê gôngr phênhv tuôr tsês, phuôx huiz tsiv grê vênhx huôv đruôs tôngx nxêz tôngx tsênhz mênhx./.

(VOVTN-Txâur Vax cxeik nhênhv)