Hlôngr yiêz cxiv tsa jêx jok jông jav nhoz xã txov nhêv Hát Lừu

Têx hnuz hâur kaz shông, tror tuôx trâu Hát Lừu, kror zôngx ziv seiz njiê pov zos hlôngr yiêz txix têx côngz trênhx cêr mul lok, muôx tênhv tênhz tơưk pov cêr, muôx tsêr cơưv khor truôx, muôx qơư y tế.....txos trâu tsôngv box sđ luz nênhx hlôngr yiêz ntâu.

Zơưv Lò Văn Chiến, Chủ tịch Ủy ban xã Hát Lừu heik, shông 2011, thâuv qir têk cxiv tsa jêx jok yiêz, xã lok six txov nhêv. tsôngv px hâur xã phênhv ntâu zos tsôngv box heir nênhs tsơưs, txux chi tsưr ziv kis, luz nênhx pôngz kaz, têx chuôz zis pluôs tsênhv yuôr ntâu. Taz sik, tâu cxuô cấp, lar heik zos cấp ủy, hâu nov ntơưv qơư cêr moz siêz paz max txos thiêz tsôngv box hâur thax tsav têx sir jos, đhâu zuôr xar 10 shông cxiv tsa jêx jok yiêz xã Hát Lừu tưz hlôngr yiêz ntâu. Têx chuôz zis pluôs nhiv no yuôr 10% ntâu, xav kror đruôz đraz hâur shông 2019 iz lênhx nênhs sâu tâu 33 tsov đeiv ntâu, tas nro 841 chuôz zis tsôngv box hâur xã tâu tơưk tênhv tênhz têz qơưk. Têx cêr hâur xã, jêx jok lox đar txâuk têx yêz lox mul lok đhâu. Tsêr cơưv cxênhx nhuôs zâu thiêz cxênhx iz tâu cxiv uô jông.....Zơưv Lò Văn Chiến heik pâuz nzir, têx luôs hâux lưv uô tâu co zos muôx tsôngv px sđ hâur xã cêr sik thôngx siêz, siz chos paz:

“Tsuv yax kriê, heik tsôngv px, cơưv px thiêz muôz têx tsaz yênhx lok fuô kriê chiê px pâuz tsênhz, pâuz cxuô. Hâur co canr bôv, đảng viên zos têx lênhx uô ntêx nyuôs, tsôngv px uô trơưk”.

Chiê uô tiêr tsưr ziv tsôngv px muôx phênhv sâu tâu siêz, (iz hâur têx tsưr ziv, hâux lưv lok six lax uô tâu nhoz thax tsav tox siêz txov nhêv), iz chas hâux lưv hlôngr yiêz têx zuz nôngz kôngz, tsoz chos, cxơưz tiês uô ntâu chiv kôngz hâur iz shông...., hâu nov huyện thiêz xã tưz kriê px huôv tsar uô ju lix côngv thôngx khov tsôngv box ntơưv qơư têx txux chi vênhx huôv jông. Nhiv no iz hlik muôx yênhx cxênhz lênhx kruô tuôx Hát Lừu ndis shuôs têz qơưk uô si, hâur co phênhv ntâu zos kruô đrâuv luôs 2 chas tỉnh, kruô têz qơưk đrâuv, gra lok phênhv sâu tâu tsi tsơưs trâu tsôngv box. Txix huôv tsar ju lix, tsôngv box cux tưz gra siêz txux chi tsưr ziv por hưv tênhx qơư, cov hur jông, đhâu co paz uô tiêr tsưr ziv lok tênhx qơư nox nhoz hur si, jông jav. Pos Lường Thị Châm, nhoz xã Hát Lừu heik pâuz:

“Niêx ciêz mak têx cưr tix nênhx tsa sđ hâur jok siz heik mul qêz suô têx cêr mul lok cov hur si, đu lus, tsi muôz têx vuôz tsuôz kiêk nênhs por tsês ntơưv têx, tsuv tsi so qêz suô têx tos vax tos tsêr, cêr mul lok....hur si. Qơư tu zus tsiêx cxu tsi khi tsi cơưv hâur têx kaz tsêr tsar lơưx li thâuv ntêx, gâux buô, chôngx keiz uô đêz vax tsêr, qơư nhoz”.

Zơưv Trần Ngọc Luận, Chủ tịch Ủy ban huyện Trạm Tấu heik pâuz, nhiv no đhâu qênhz shuôs, xã Hát Lừu tưz uô tâu 100% luôs hâux lưv lok cxiv tsa jêx jok yiêz. Huyện tsênhv uô cov tiêr têx ntâuz ntơưr chiê muôz trâu cxuô cấp cik txos côngk nhav xã Hát Lừu uô tâu luôs hâux lưv cxiv tsa jêx jok yiêz lok kaz shông 2019. Txix ntơư, chox Hát Lừu yênhx xã jông jav xuz thơưx nhoz huyện tox siêz Trạm Tấu-Huyện pluôs yax hâur tas nro têz qơưk:

“Hâur six hơưv zuôr txos, huyện zuôr tror uô cov tiêr têx tsưr ziv, hâux lưv, lar heik zos têx cik txos uô kôngz thiêz gra siêz phênhv sâu tâu trâu tsôngv box. Zuôr txos ntơư pêz zuôr sir jos cxiv tsa xã Hát Lừu zos xã jông jav thiêz zuôr Hát Lừu uô qơư chiê têx huyện cxiv tsa jêx jok yiêz nhoz têx xã txơưr đuô”.

Sir jos hla đhâu têx phiv liv thiêz txov nhêv, Hát Lừu tưz uô tâu tiêr luôs hâux lưv cxiv tsa jêx jok yiêz. Cêr sik thôngx siêz, thôngx ziv zos têx jông trâu cxiv tsa jêx jok yiêz nhoz thax tsav tox siêz, txov nhêv hâur têx tỉnh Tây Bắc./.

(Đinh Tuấn-Riê Lâux cxeik, nhênhv)

Phax tar moz tso jis thax li chas?

          Lơưr thôngz sâu, moz tso jis thax zos qir tiv uô tuôs lênhx nênhs sơưr tiv 3, uô kaz moz plơưr thiêz moz trưx phax. Hâur shông 2017, tas nro pêz têz qơưk muôx 29 cxênhz lênhx nênhs tuôs, qir tiv zos têx moz tso jis thax, bâuv li 80 lênhx nênhs trâus tuôs hâur iz hnuz.

          Moz tso jis thax phax tar tâu zos nox nhoz huv đros, cux xưk li yax six mul seiz njuôs đas jos chiê pov nzor tâu moz thiêz uô trơưk cưk yuôx li lul heik kriê.

          - Lơưr co, zos trâus yax cir lok sik tros maz tsuv nox hâuk huv đros cov txu grês cir, vênhv tôngv ntâu đuô, thiv thao tsơưs tiv zix 30 phênhz, tsơưs tiv zix 4-5 jiês iz ciêz.

          - Hlôngr tsưr ziv nox hâuk, yax six shâuv thiv thao zos tsưr ziv zôngx ziv uô tiv zix chiê phax tar moz tso jis thax type 2.

          - Đros co tsuv muôx tsưr ziv nox hâuk huv đros, nox ntâu jâuz njuôz, nox tsơưs têx zav nox tâu zôngv hmôngr uô, thax, njêr. Nhiv no, iz hnuz 1 lênhx nênhs Việt tsuôk jông nox 1-2 las, tsi tâu bâuv ½ pir đros Tsưr tsix y tế ntiêx têz WHO li heik kriê.

          - Lơưr tsưr tsix WHO, zos iz lênhx nênhs nox 4 las jâuz thiêz nox txir tsơưz hâur yênhx hnuz mak zuôr paz txu gris 2 jiês têx zav moz lok plơưr, trox hâur nyar, chuôz tsar phax tar têx zav moz cik txơưr.

          Iz hnuz tsuv nox jâuz lok sik nox txir ntông, hâuk cuô txir ntông lok six jông trâu lênhx nênhs li đas jos.

          Têx zav chơưr, bia, đêx kaz jiz muôx ga, zênhz caz ntơưr....tsuv zôngv tsơưs. Txu grês tsơưs têx moz gênhs, têx tsi jông hâur luz nênhx cux paz txu grês moz plơưr trâu nênhs moz njuôs xav trâus moz tso jis thax./.

(Thu Thùy- Txâur Vax cxeik nhênhv)