Jax sâu thưr 7 hnuz 11/3/2017

Điện Biên: Zav nox kaz txix pax lâus

        Chiê uô tâu zav jâuz nox txix pax lâus kaz tiv zix mak pax tsuv zos chor pax đê txix har jôngr lok thiêx tsư kaz đuô pir li chor pax lâus muôx hâur vax. Thâuv bax cxix cxuô zav, nênhs uô xêir tsov chor pax lâus yiêz tiv zix, nzuôr cov hur si chiê uô nox. Niêv tix Lò Thị Tiển Oanh, jok vênhx huôv Noong Chứn, phường Nam Thanh, thành phố Điện Biên Phủ, tỉnh Điện Biên hêik:

      “Pax lâus đros mênhx cxưx Thái mak cux uô tâu ntâu zav nox. Taz sik hâur co pêz zuôr xêir thiêz uô têx zav nox pax lâus shơư đros cxuô zav. Viv chor pax lâus no cux lok six jông huv đros têx zav jâuz txơưr đuô xưk li njuôs. Uô muôx yưv iz zav nox  kaz txơưr tsik xưk li têx zav nox txơưr đuô”.

     Đrâuv pax lâus zos kror chênhr, mak zav nox sik shơưk no tsênhv muôx njuôs iêz thiêz iz cxiê zav jâuz txơưr đuô li: jâuz cxêik liêx, jâuz njiik pok tsư kuôr. Chor zav jâuz no thâuv tâu hâu siêr zuôr tâu ttor đros tâuv huôz xênhz ciz tuôr mok, njêr, mik chính uô trâu zav nox no muôx iz kror kaz txơưr đuô cxuô zav. Muôx tsư kaz, pax lâus li kror kaz jiz, ho muôx nzir njuôs kror iêz đros tâuv huôz xênhzjâuz njik pok…

    Thiêz thâuv tsuv mor muôx chor zav nox txơưr đuô li: Grêix njêl cxiêz, grêi buô ndu, grêix kêiz hâu, grêix nhux tưv kruôr, njuôs iêz hâu, tơưr tưx kâuz…Mak zav nox muôx pax lâus hax zav zos  zav nox paz uô trâu chor zav nox no kaz đuô.

     Tix lâus Đặng Thành Long, lênhx kruô tuôx txix Hà Nội, jiês xuz thơưx tâu nox zav nox uô đros pax lâus no hêik:

“Pax lâus hâur zav nox no mak lok six kaz. Viv muôx ntâu zav, kaz thiêz jông nox. Hâur zav nox no muôx ntâu zav pa, ntâu zav kaz mak têx jâuv no zos jiês xuz thơưx cur tâu nox”. 

     Hok đros zơưv Hoàng Văn chính, lênhx kruô tuôx txix Hà Nội, cux zos nênhs zênhx muôx six hơưv uô hâux lưv nhoz Tây Bắc, mak zav nox kaz txix pax lâus no hax zav kaz đuô khov muôx chor nênhs nhoz thax tsav ar Điện Biên lịch sử no li siêz nhiêv kruô:

    “Têx jâuz no zos Tây Bắc li zav nox kaz. Nhoz Hà Nội cux muôx pax lâus taz sik ho tsik pov uô zav nox txix pax lâus, nhoz no ho muôx. Tsuv hêik tiêk zav nox kaz, taz sik chor nênhs nhoz no li siêz nhiêv kruô uô trâu pêz lok six shir phaz”.

Đruâv uô shơư đros cxuô zav jâuz, pax lâus cux tâu hâu siêr chiê njư cuô kâuz nox. Lok sik nox đros grêix njêl kâuz, paz uô jông gâux trâu cxuô zav nox.

     Pov tâu tiêk, đrâuv têx tsiv gri lok vênhx huôv, lịch sử, xã hội mak pax lâus tsênhv muôx iz kror zov chênhr hâur tsôngv box Thái Điện Biên li zav nox. No cux zos iz kror jông tsik plox hâur tsôngv kruô sơưr đơưk siêz thâuv tuôx txos trâu thax tsav ar nhoz Tây Bắc têz qơưk no./.

                                                                                         (Vũ Lợi-Lik Thox cxêik nhênhv)

Phênhv thưr 7, hnuz 11/3/2017:

Hêir nênhs Lưv nhoz Lai Châu têx suôz sênhr hêik cưr cxiêx

     Muk txos trâu cxuô luz joêx jos hêir nênhs Lưv nhoz Lai Châu, tsôngv kruô cux zuôr tâu sêiz pov hêir nênhs Lưv têx cêr lov jêv đhiê pax vuôs đros trâu têx suôz sênhr hêik cưr cxiêx. Têx suôz sênhr cưr cxiêx ntơư muôx njiêz luk heik lok cêr gâux đrâus trâu hêik txos jêx jos têz qơưs hlôngr yiêz thiêz hêik lok Đảng, zơưv hloz Hôx, sđ thiêx muôx luz nênhx truôx tuk, tsâu sor. Pos Tao Thị Chăn, nhoz xã Hon, huyện Tam Đường, tỉnh Lai Châu hêik pâuz:

    “Hêir nênhs Lưv têx suôz sênhr cưr cxiêx, cux muôx ntâu zav, ntâu njiêz luk heik jông txơưr tsik siz thôngx. Ntơư zos têx suôz sênhr hêik hơưv tok chêix ntux yiêz, suôz sênhr cưr cxiêx gâux đrâus; suôz sênhr cưr cxiêx siz shuôk, cxiv kho luz nênhx yiêz…thâuv tưs tưz muôx đros đrêiv hêir nênhs Lưv li luz nênhx”.

     Hêir nênhs Lưv têx suôz sênhr cưr cxiêx ntơư thâuv tưs cux hêik huv đros thax tsav qơư nhoz, zos đrêiv li siêz xar, siêz vav njôngr hâur niêv hnuz. Têx suôz sênhr cưr cxiêx ntơư cux uô pax luk hêik txos tox trôngz câuv har, pax hmaz pax ntông đros trâu lênhx nênhs huôv tsar cêr uô nênhx. Đros trâu têx suôz sênhr hêik cưr cxiêx co; hêir nênhs Lưv cux tsênhv muôx cêr lov jêv đhia pax vuôs fuôv, pax vuôs đhiê buôx têk….Ntơư zos têx cêr lov jêv tsuv muôx chôngz lênhx sik côngv đhiê uô cê huv đros. Hur tiz si têx cêr lov jêv ntơư, tưz tâu hêir nênhs Lưv tuôr tsês chiê muôx đros đrêiv hauar luz nênhx txos trâu nhiv no tsik chiê plox. Pos Lò Thị Seng, nhoz xã Hon, huyện Tam Đường hêik pâuz:

     “Cur lok six nhiêv zuk hêir nênhs têx suôz sênhr cưr cxiêx ntơư thiêz têx suôz sênhr cưr cxiêx co, zos cur cơưv ntơưv chor lâuk lok. Nhiv no, hêir nênhs Lưv cxuô suôz sênhr hêik cưr cxiêx, cêr nênhx vênhx huôv, chuôs li cur cux pâuz tas thiêz ntơư cux zos iz luôs hâux lưv uô chiê tuôr tsês chiê hêir nênhs Lưv têx txux chi, vênhx huôv jông tsik chiê plox”.

Hêir nênhs Lưv têx cêr lov jêv đhiê pax vuôs, chênhr zos thâuv tưs tsôngv px sđ khưr uô kôngz lôngk tas, hêir nênhs Lưv cux sik côngv tror nthuôr uô lov jêv trâu sđ sêiz, huv đros hauar luz nênhx. Zơưv Nguyễn Văn Thuận, chủ tịch uỷ ban xã Bản Hon hêik pâuz:

     “Hâur niêx shông, pêz tsưr tsix hnuz hội vênhx huôv cxuô hêir nênhs; ntơư zos nthuôr uô cêr lov jêv, đhiê pax vuôs, hêik cưr cxiêx…Iz chas ntơư, pêz cux tsưr tsix hnuz huôv tsar cêr thôngx siêz ntơưv cxuô hêir nênhs sđ, chiê tsôngv px sđ huôv tsar truôx zuk hêir nênhs têx cêr nênhx vênhx huôv jông tsik chiê plox”.

Hêir nênhs Lưv têx suôz sênhr hêik cưr cxiêx, tưz muôx đhâu ntâu tiêv lok thiêz têx suôz sênhr cưr cxiêx ntơư cux chênhr zos iz kro cxươz cxiz  hêir nênhs Lưv truôx siêz huôv tsar cêr uô nox uô hnar hâur luz nênhx./.

                                                                          (Tsu Vưx cxêik nhênhv-Thuý Ngoạn)