Jax thưr 2, hnuz 11/4/2016:

Lào Cai sir jos phax tir thêir, sơưr tơưv txênhz têx nênhs fêv nhiês zuôr muôs pox niêv thiêz nhuôs zâu

2, 3 shông jê lok no, cêr muk txix VN trâu Trung Quốc đhâu trôngx đriv Lào Cai zôngx ziv  muk lok, chor kruô tuôx ndis shuôs têz qơưs txos Lào Cai ziv hnuz ziv  chôngz duô. Taz sik kror lar heik zos đros trâu têx muôx jông ntơư, têx nênhs fêv cux iz hnuz ntâu jux juk, lar heik yax zos têx nênhs fêv nhiês zuôr muôx lênhx tiz nênhs chox muk muôs.

Jok Lũng Pâul, xã Tung Chung Phố, huyện Mường khương nhiv kuôk no tsi ntêr muôx 3 lênhx shux xênhz lớp 9 nhiv kruôr tâu chor lưv lươngv muôx vax huôv đros trâu công an Trung Quốc chơưv tâu tror lok txix têx nênhs fêv zuôr muôs lênhx tiz nênhs lok. Njiz têx shux xênhz, tsi muôx lênhx tưs xar tiêk lơưr nhiv kruôr hla đhâu têx phiv liv chiê khiêr cov điv têx nênhs fêv zuôr muôs lênhx nênhs. Niêv hluôk Lùng Thị A, iz lênhx trâus têx nênhs fêv hâuz nziêk chox muk muôs tror piêr đuô: Cur pâuz tuk tix lâus ntơư đhâu iz trôngx yôngz, xar tiêk fôngx zưs siz zâuv muk uô si xưz, xar tsi txos tiêk zuôr trâus uô li no. Đhâu co, lơưr cov muk đrav jok Lầu, muôx iz tuk fôngx zưs trâus moz tuôx chơưv kho trâu đrav co, pêz txơưv chiê đros nưk muk:

“ Txos tas cik hnuz tov kaz, pêz li pâuz tiêk trâus lơưr nziêk đas muôs, lơưr cơư pêz trâu hâur iz luz tsêr. Tsuv thor txos tsôngv box nhoz jê ntơư muk heik trâu Công an Trung Quốc pâuz, đhâu ntơư pêz thiêx tâu chor công an chơưv paz lok”.

Niêv lâuk Hà Thí Nghiệm, tsar jok Lũng Pâul 1, xã tung Chung Phố, huyện Mường Khương heik pâuz, 2, 3 shông no, hâur thax tsav huyện cux muôx ntâu lênhx trâus têx nênhs fêv nziêk đas chox muk đhâu đriv têz muôs, taz sik ntu jê lok no, hâur jok nhiv kruôr muôx 3 lênhx shux xênhz trâus lơưr hâuz nziêk muôs đhâu đriv têz, taz sik têx nênhs fêv ntơư ziv hnuz phiv liv, txơưx nziêk đas:

“ Thâuv hnor heik tuôx txos trâu Công an, thiêx pâuz tiêk chor nhuôs shux xênhz trâus nênhs fêv nziêk đas chox muk muôs. Têx tsêr cơưv, jêx jok cux sik đros yax kriê chiê shux xênhz, niêv txir, tsôngv box sđ pâuz to tâuz, qênhx shênhx têx pox niêv tso vax tsêr tsês txo grêk tsơưs ntâu”.

Đhâu têx jax pêv, ntâu lênhx trâus têx nênhs fêv nziêk đas lênhx tiz nênhs chox muk muôs tso pov, chor pox niêv zôngx ziv trâu têx nênhs fêv hâuz nziêk thiêz chox muk muôs phênhv ntâu zos nhoz trâu thax tsav tox siêz đêz đrôngs, ntus đriv, luz nênhx txov nhêv, tsi muôx hâux lưv uô, tsi pâuz ntơưr, tsi yuô tâu muôx txux chi tsưr ziv jênhv pâuz, zôngx ziv trâus lơưr nziêk. Chor nhuôs zâu khênhr trâu têx nênhs fêv ntơư nziêk chox muk muôs zos têx nhuôs tsi tâu chuôz zis, tsêr cơưv moz siêz car seiz, kruôz kriê cêr uô nênhx lok sik têx nhuôs trâus chor lâuk chêv ntiêz tsi moz siêz txos, trâus tso tsês uô njuôs…..

Nhiv no, têz qơư huôv tsar ntâu tsi thôngx li ntu đrav ntêx, đaz tsi tưz muôx cxưz muôx cxuô, chor nênhs fêv khênhr liv zôngv têx xor tôngx, mạng Internet…chiê hâuz nziêk têx nhuôs nxeik shux xênhz, tsôngv box heir nênhs tsơưs. Ciês xưk li pos Lùng Thị D nhoz jok Lũng Pâul 1, xã Tung Chung Phố, huyện Mường Khương, iz lênhx nxeik trâus têx nênhs fêv hâuz nziêk chox muk muôs niêv, zos nênhs txơưv luz nênhx tsênhv txov nhêv, taz sik cux chiê mê nhuôv zôngv xor tôngx txix thâuv tsênhv zâu zâu. Ntơư cux chênhr zos iz hâur têx qir tiv chiê têx nênhs fêv liv zôngv nziêk đas têx nhuôs zâu chox muk muôs.

Txix shông 2011 txos 2015, Công an tỉnh Lào Cai tưz sơưr tơưv txênhz, ruôr tâu 166 txuz nhiês zuôr muôs lênhx nênhs, chơưv tâu 200 ntâu lênhx nênhs tror lok. Ciês hâur shông 2015, Bộ đội pênhz phax tỉnh Lào cai sơưr tơưv txênhz, ntêk tâu 71 txuz, chơưv tâu 121 lênhx nênhs trâus luôs nziêk đas chox muk muôs. Thượng tá Nguyễn Minh Thắng, Phưv tsar phòng PC 45 Công an tỉnh Lào Cai heik pâuz, Jê lok no, têx nênhs fêv khênhr muôz Lào Cai uô thax tsav qơư đruôz đraz chiê xa thiêz lênhk txeik lênhx tiz nênhs chox muk muôs đhâu đriv têz trâu luôs 2 chas têz qơưs.

“ Chor nênhs heik sâuv lơưr hlôngr đuô tsưr ziv, bê hu, qơư nox nhoz muk lok thiêz liv zôngv tsôngv box Hmôngz siêz jông, siêz muôs, nhiêv cưr nhiêv tix chiê siz njiz siz chuôs, jênhv uô cưr tix nênhx tsa, têx tuz nxeik hluôk hloz tiêr nênhs jux juk zôngx ziv trâus lơưr nziêk uô gâux uô đrâul. Lênhx nênhs trâus têx nênhs fêv nziêk đas ziv hnuz ziv ntâu, têx txuz qênhz yuôx, yơưz pov tưz tsi tâu heik txos pêk tsơưs lênhx, viv chor nênhs tsi nhoz hâur thax tsav qơư muôx kênh shông mak iz cxênhz ntâu lênhx”.

Lơưr ban jênh vênhv Tỉnh ủy Lào Cai thôngz sâu, tsuôk hâur 2 shông, tas nro tỉnh muôx iz cxênhz ntâu lênhx pox niêv thiêz nhuôs zâu tsi nhoz hâur thax tsav, tsi pâuz shor qir tiv viv li chas thiêz cux tsi pov tror lok, txix têx li no tso pov, têx txuz nhiês zuôr muôs pox niêv thiêz nhuôs zâu tâu qênhz pov cux heik tsi tas, tsi cxuô chor nênhs fêv no tsưr ziv, têx nuv uô cxâuv.

Six hơưv đhâu, Công an, Bộ đội pênhz phax tỉnh Lào Cai sir jos đros têx lưv lươngv muôx vax huôv saz Trung Quốc uô hâux lưv phax tir thêir, sơưr tơưv txênhz têx nênhs fêv zuôr muôs lênhx nênhs thiêz chơưv paz têx lênhx trâus nênhs fêv nziêk đas chox muk muôs. Têx hâux lưv sik đros qênhz yuôx uô cê, hux jos đros jêx jok, nthuôr uô cêr lov jêv nhoz 2 tos thax tsav đriv têz tưz uô tâu jông đuô luôs hâux lưv phax tir thêir têx nênhs fêv muk lok đhâu ntus đriv, lar heik zos têx nênhs fêv zuôr muôs lênhx tiz nênhs. Thượng tá Nguyễn Phi Khanh, Phưv Tham mưu trưởng Bộ chỉ huy bộ đội pênhz phax tỉnh Lào Cai heik:

“ Txix hâux lưv sik đros luôs 2 chas jêx jok, thax tsav, lưv lươngv muôx vax huôv têz qơưs đrâuv li no, cux uô tâu ntâu luôs hâux lưv lok sâuv por  hưv đriv têz, txiv ngaz, ngaz tuk. Pir li têx shông jê lok no, pêz heik lơưr saz Trung Quốc đros paz chơưv têx lênhx nênhs trâus nênhs fêv nziêk đas chox muk muôs mak lơưr cux sir jos đros uô luôs hâux lưv no”.

Txix têx muôx tsênhz ntơưv Lào Cai tso pov, chor nênhs fêv hâuz nziêk lênhx tiz nênhs chox muk muôs đhâu đriv têz cux tsênhv muôx yưv phiv liv. Iz chas công an, pênhz phax, têx lênhx nênhs muôx vax huôv li sir jos siz paz, mak tsêr cơưv, ntơưv qơư thiêz chuôz zis hâux lưv zoz zux, yax kriê cux lok six zov chênhr hâur phax tir thêir têx nênhs fêv nziêk đas lênhx nênhs chox muk muôs đhâu đriv têz./.

                                                 (TTT-Riê Lâux cxeik, nhênhv)

Phênhv thưr 2, hnuz 11/4/2016:

Quốc hội thôngz đhâu 4 dự án chêi

          Chêi tâu mnôngs xor mông, px tâu mnôngs xor mông hâur cơ quan têz qơưs; chưx têx xor mông  tsik tâu vax huôv mnôngs. Chêi quy tênhv, tsik tâu mnôngs têx xor mông, zos xor mông txưr hâur têz qơưs thiêz têx xor mông tsik muôx liv trâu têz qơưs-xã hội; tsik muôx liv trâu côngv thôngx sđ, uô ruôr hiêv txos lênhx nênhs txox siê. Tsôngv px tâu mnôngs têx xor mông zos cơ quan, doanh nghiệp ntơư tso luk thiêz têx xor mông tâu ziv chuôz zis ntơư jông siêz hêik kriê. Hâur ntu uô cxuô luôs hâux lưv zok  muôz, cơ quan têz qơưs quyết tênhv hêik kriê cơ quan doanh nghiệp xor mông, zos muôx liv trâu côngv thôngx sđ trơưk quy tênhv. Chêi no tâu uô txix hnuz xiêz 1/7/2018.

          Trơưk li chêi sêiz car muôs yuôx cxiv kh đuô: Sêiz car muôs yuôx, tsuv muôs trơưk tus grê zos đrêiv chêi quy tênhv. Hêik tsênhz mênhx cxuô zav yuôx muôs hâur cxuô luz tsêr muôs yuôx kho moz gênhk. Đros ntơư, chêi cux hêik tsênhz mênhx hâur cxuô Bộ, ngênhx li: Bộ y tế, Bộ nhiêx txiêx, Bộ công Thương, tsuv sik côngv sêiz car tus grê muôs cxuô zav yuôx. Chêi cxiv kh đuô jiês no, zos muôs yuôx tsik muôx ntơưr sir zôngv yuôx, tâu txưr tsik puz muôs; zos uô cxâuv chêi no, tus muôs yuôx kho moz ntơư zuôr trâus bluô trơưk chêi têz qơưs. Chêi cux cxaz nzir quy tênhv, tsik puz muôs têx yuôx tsik muôx tủ trâu trơưk quy tênhv, sâu trâu ntơưv đêiv ntơưr ntiv yuôx. Chêi quy tênhv, tsuôk muôz iz jiês ntơưr muôs yuôx; chêi cux cxươz cxiz muôs yuôx trâu thâuv hmo ntux. Cxuô qơư kho njuôk moz nhoz hâur thax tsav huyện, tsuv tsưr tsix muôs yuôx trâu thâuv hmo ntux. Chêi no tâu uô txix hnuz xiêz 1/1/2017.

          Chêi thêv sê: Cxuô zav hax huv zuôr muôs đhâu trôngx đriv lok sik zuôr muôs ntơưv qơư, puôr lênhx tâu thêv sê cxix cxuô trâu têz qơưs./.

                                                                              (Tsu cxêik, nhênhv-TTT)