Têx nôngx mênhx bluô nux nhoz tox siêz ntus đriv Sốp Cộp

Zơưv Quàng Văn Chăn chuôz zis nhoz jos Mường Lạn, xã Mường Lạn, huyện Sốp Cộp, tỉnh Sơn La, zos ziv chuôz zis huôv tsar kinh têr lơưr saz sik đros uô kôngz jôngr nuv. Zos iz lênhx canr bộ xã, shông 2010 thâuv so lâus, zơưv truôx siêz jênhv chos 30 hecta jôngr, tsoz phưz thiêz por vêv 200 hecta jôngr chos yiêz. Đhâu 5 shông chos thiêz tsoz phưz, thax tsav jôngr tưz huôv tsar jông. Txos shông 2016, zơưv chuôz zis sâu tâu 400 tsov đeiv ntâu cxôngx uô kinh têr jôngr. Đrâuv co, zơưv tsênhv tu zus tsiêx cxu, keiz ok thiêz zus njês... Niêx shông zơưv chuôz zis tu zus cxôngx 20-25 tul nhux đas, iz shông muôs 5-7 tul nhux thiêz muôx nhos 1 tênhr njês đros phênhv sâu zos yênhx puôk tsov đeiv. Zơưv Quàng Văn Chăn puz pâuz:

          “ Cur tsoz phưz 8 lênhx mê nhuôs mul cơưv ntơưr, hâur co 5 lênhx tưz cơưv tas đại học, 3 lênhx cơưv tas trung cấp. Cxôngx chos jôngr ntông cur cux xar njôngr tuôr truôx tênhx qơư trâu zuk têz qơưk thiêz jos Mường Lạn, cux zos muôx phênhv sâu trâu chuôz zis”.

          Chuôz zis zơưv Vì Văn Lánh, nhoz jos Púng Tòng, xã Nậm Lạnh, huyện Sốp Cộp cux tưz yênhx côngz đros hâux lưv nriêr pâuz, cơưv shâuv tsưr ziv chos, tsoz phưz ntông nox txir. Đros chuôz zis li mênhv chêx ar têz đar 1,5 hecta cxôngx shông 2013 zơưv tưz chos zuôr xar 1000 tsoz txir thênhx caz, txir quýt, shông no sâu tâu zuôr xar 3 tênhr, grê muôs ntơưv vax lơưr yênhx zav txir cxôngx 15 txos 35 cxênhz iz cir. Cxôngx nhiêx txiêx muôs txir thênhx caz, zơưv sâu tâu 70 tsov đeiv iz shông. Đrâuv co, zơưv chuôz zis cux zus 9 tul nhux tưv, nhux đas thiêz 2000 yiv ndis pas đêx zus njês, iz shông muôs trâu niêv ciêz zuôr xar iz tênhr njês....tas nro phênhv sâu iz shôngk muôx nhos 200 tsov đeiv:

          “ Uô ntêx thâuv seiz pov sâuv tivi, pov nhoz tiêx đras luôk uô li chas mak cơưv shâuv uô lơưr. Thôngx cxix zơưv muôx vax, muôx ar mak zơưv sir jos chos, tiv iz zos têz qơưk paz txưv, tiv oz zos nriêr pâuz têx nôngz txir quýt tiv phaz, tsiv grê thiêz kaz chox lol chos”.

          Nhiv no sâuv thax tsav huyện Sốp Cộp muôx zuôr xar 7.700 hôiv viên Hội nôngx mênhx, hâur co muôx 1.183 ziv chuôz zis txơưx tsiv uô, muôv muôs têx cấp. Têx shôngk jê ntơưv no, phênhv ntâu têx hội viên Hội nôngx mênhx huyện tưz sir jos cxơưz tiês tsiv uô lơưr saz chêx chôngk, sik côngv tsiv uô chiê muôx xiv huv tsiv grê, truôx siêz zôngv tsưr ziv yiêz lol uô, chox lol chêx cuk kinh têr siêz. Zơưv Lê Tiến Lợi, phưv chủ tịch Ub huyện Sốp Cộp, tỉnh Sơn La heik:

          “ Chiê krêz đar têx trâur nuv tsiv uô xênhz yar, muôv muôs, six hơưv zuôr txos UB huyện tror muôz theox chênhv thiêz taz por sik côngv jông, hâur co tsov cưv xeir têx trâur nuv huv đros tiv phaz li ar têz, qiv hơưv, tuôv zênhv tsôngv box zoz qơưx tsênhv tsênhz, đros niêv ciêz li zoz qơưx, vênhv tôngv tsôngv box hlôngr yiêz tsoz chos, tsiêx tu zus, zôngv khoa học công nghệ lol uô xênhz yar; huôv tsar têx hâux lưv uô, car chêx hâux lưv uô, cxaz chuôz têx hợp tác tsiv uô huôv tsar kinh têr têx ziv chuôz zis; paz txưv txeik pênhr, cungz chuôz zênhx, sâu zuôr xiv huv”.

          Khov sei đrơưv, txơưx xar tơưv, truôx siêz hlôngr yiêz tsoz chos, tsiêx tu zus mak ntâu ziv chuôz zis nôngx mênhx pluôs tưz sir jos yênhx têx chuôz zis bluô nux. Têx chuôz zis nôngx mênhx no tsênhv sir jos uô lox tôngv xênhz yar lơưr saz krêz đar chiê uô bluô nux trâu chuôz zis thiêz car chêx hâux lưv uô trâu nênhs lox tôngv nôngx cxênhz nhoz huyện ntus đriv Sốp Cộp./.

                       (Việt Anh- Txâur Vax cxeik nhênhv)

Lênhx pox niêv têiv plor hôiv đôngx xã txơưx uô kinh tế

Hêik txos niêv tix Châu Thị Kết, chôngz lênhx pêx xênhv nhoz xã Tả Phời, thành phố Lào Cai puôr lênhx pâuz txos niêv tix zos lênhx têiv plor hôiv đôngx xã, đros tsưr ziv uô kinh tế thiêz zos iz lênhx uô xênhz yar hênhr hâur ntâu shông sik lơưr liês. Chênhr txix hêik đros uô, niêv tix tưz tâu cử tri njênhs bâux uô têiv plor hôiv đôngx xã six cxiv 2016-2021. Niêv tix Châu Thị Kết hêik:

“Pêz yưv pênhr tu zus buô, zus kêiz thiêz zus njêl chiê uô chak cov huôv tsar tâu kinh tế muôx phênhv sâu trâu chuôz zis. Đros co pêz tsik so phêiz kênh đros pox nhuôs iz ndis lok kỹ thuật tu zus tsiêx cxu, kêiz ol, tsiêx đêx”.

Pâuz tâu zuk li txơưx jênhv, niêv tix Kết tsik so muk tiv phaz chiê nriêr pâuz pêx xênhv li siêz xar chiê hêik trâu Hôiv đôngx xã, chor cơ quan txơưx jênhv. Niêv tix tsênhv phêiz kênh đros pox nhuôs tsưr ziv huôv tsar kinh tế chuôz zis thiêz yax kriê, hêik sơưr đơưk uô jông lơưr Đảng, têz qơưk têx cêr chêi, sir jos sik tưr uô lox tôngv xênhz yar, cxuôv yêiz thiv pluôs, cxiv tsa jêx jok vênhx huôv. Niêv tix tsưr ziv uô nox vax, pak guôx sâu tâu yênhx puô triệu đêiv iz shông tâu pox nhuôs tuôx cơưv shâuv thiêz uô trơưk. Tix lâus Nông Văn Din nhoz xã Tả Phời puz pâuz:

“Đôngx chir Kết tsik so tsov cưv txos haux lưv hâur jok thiêz tuôx yênhx chuôz zis  chiê mnôngs pêx xênhv siêz xar hêik muk trâu thênhv siêz pâuz”.

Hok Bí thư Đảng ủy xã Tả Phời Nông Văn Lèng mak hêik lok niêv tix Kết li no:

“Hâur 28 lênhx têiv plor hôiv đôngx xã nhiv no mak muôx iz đraz têiv plor uô kinh tế hênhr, iz zav li niêv tix Châu Thị Kết. No zos tsưr ziv huôv tsar kinh tế lok six jông. Txix tsưr ziv co zuôr uô đêz đar chiê pêx xênhv sik đros huôv tsar”.

Truôx siêz bo uô cxuô luôs hâux lưv hâur chuôz zis cux xưk li cxuô luôs hâux lưv têz qơư zok muôz, chuôs li cử tri têx ziv chênhv, siêz xar tưz tâu lênhx têiv plor hôiv đôngx xã Châu thị Kết hêik txos trâu chor cơ quan thênhv siêz pâuz, txix co tưz đros đơưk tâu px têx phiv liv, paz phênhv trâu px huôv tsar truôx kinh tế-xã hội nhoz tiv phaz./.

(Thanh Thủy-Lik Thox cxêik nhênhv)