Nênhs Thái Sơn La uô ntênhk pur hli trâu mê nhuôs

Lơưr phongz cxưx, thâuv pox niêv Thái xênhz zus mê nhuôs mak tsuv nhoz đruôz hli jê zuk chuôz zis li kror chuz cxôngx 5- 10 hnuz thiêx li tâu mul nhoz hâur zuk qar txax pư. Hâux lưv no chiê niêv thiêz mê nhuôs zôngx ziv đuô thâuv ntê tơưk, taz por đas jos 2 niêv tuz thâuv nhiv kruôr xênhz zus lok, tiv zix hâur cheix ntux no. Thâuv mê nhuôs xênhz zus tâu txưv iz luz hlik, chuôz zis zuôr hu plis pur hli trâu mê nhuôs (luk Thái hu zos Tam nhá bươn). Zơưv Tòng Văn Hịa, muôx 80 shông ntâu, iz lênhx nênhs pâuz thôngz mênhx cxưx Thái li phongz cxưx chax chês nhoz jos Mòng, xã Hưa La, đrôngs Sơn La, tỉnh Sơn La puz pâuz:      “Lơưr phongz cxưx cxôngx thâuv nzor txos nhiv no, thâuv niêv zus mê nhuôs txưv hnuz, txưv hli mak zuôr hu plis pur hli trâu 2 niêv tuz. Xar njôngr niêv muôx jông đas jos chiê tror tsoz phưz mê nhuôs. Mê nhuôs mak khênhr hloz, ciêz. Hâur hnuz hu plis pur hli trâu mê nhuôs, tsuv heik lênhx nênhs xơưk đeiv nhiêk, phiêz luz tơưz trâu mê nhuôs pư. Heik cxuô zos tsi uô mak nyei njiz têx môngr tsi jông, tsi muôx jông đas jos xưz”.

          Uô ntêx thâuv hu plis, niêv teik zuôr xơưk đeiv nhiêk trâu mê nhuôv. Zơưv txir mak zôngv shôngz phiêz luz tơưz trâu mê nhuôs pư. Luz tơưz co tâu phiêz đar, jông chiê mê nhuôs pư thâuv tso hâur co. Thiêz txir zơưs mak phiêz đeiv nênhs Thái hu “tạy” no. “ Tạy” lox muôx nhos 1 đok, muôx hluô khi lok sik muôx pak chiê cxok sâuv qơư 2 niêv tuz pư. Lơưr nênhs Thái li siêz xar, “tạy” zos lênhx mê nhuôs li njux plis, thâuv tưs cux nhoz trơưr co chiê por vêv, jav tâu têx môngr tsi jông trâu mê nhuôs. “Tạy” muôx oz zav, “tạy” nhuôv tuz thiêz “tạy” nhuôv nxeik. Tạy nhuôv nxeik mak zôngx ziv đuô, hu uô “ho dạ”, tâu cxok sâuv trur tsêr, buôk qar tsêr so. Yuôr tạy nhuôv tuz tâu khi cxaz nênhr, iz luz hnaz ntâuz mê, iz tul nzuôv thiêz tâu cxok sâuv trur tsêr, buôk thax caz. Viv li, lênhx tưs tsưv ziv njiê sâuv trus tsêr nênhs Thái Sơn La mak zuôr pâuz tâu hâur chuôz zis muôx hor ntâu lênhx nênhs, hor ntâu lênhx nhuôv tuz, hor ntâu lênhx nhuôv nxeik. Đrâuv co, chuôz zis muôx mê nhuôs nhiv kruôr xênhz zus lok cux uô trôngx mor chiê hu plis. Pos Tòng Thị Vinh, iz tul pâuz uô nênhz nhoz jos Mòng, xã Hua La, đrôngs Sơn La puz pâuz:“Trôngx mor muôx txir, niêv thiêz mê nhuôs luz yo, tul keiz, kê keiz, tul njês, mê njik greix buô, pênhz laz, shaz, iz đeiv nhiêk, luz tơưz mê nhuôs pư, đeiv tạy...Viv lơưr xar tiêk, đeiv nhiêk, luz tơưz puôr lênhx muôx njux plis chiê por vêv mê nhuôs hâur ntu tsênhv zâu”.

          Thâuv hu plis tas, lênhx niêv zuôr êr mê nhuôs sâuv đrâuz kâuv. Luz tơưz shôngz chiê mê nhuôs pư mak tâu đei cov truôx chiê mê nhuôs pư. Yuôr tsưr tsêr mak gra đeiv tạy mul cxok lok sik đei sâuv trur tsêr. Hâur chuôz zis nênhs Thái, thâuv lênhx tưs tâu tas siv nênhx thiêx li đơưk đeiv tạy co lok. Zos muôx cxaz lênhx nênhs mak cxok cxaz tạy. Chênhr viv li hâux lưv phiêz tạy cux zos lênhx tsưr tsêr uô. Thâuv cxuô hâux lưv tâu uô tiêr, tsưr tsêr zuôr zâuv cưr tix nênhx tsa sik đros nox hâuk, phôngv trâu mê nhuôs muôx jông đas jos. Heik lok jax hu plis pos Tòng Thị Vinh heik cxaz:“Niêv xênhz zus nhuôs mak hu plis. Hu cov mê nhuôs muôx jông đas jos, hu chiê uô tsâus pos zơưs txơưx phiêz tơưz trâu mê nhuôs pư, txơưx xơưk nhiêk chiê êr mê nhuôs. Hu thâuv mê nhuôs xênhz zus lok, thâuv êr mê nhuôs, thâuv tik bê. Hu tas thor đei tạy. Tạy nhoz sâuv co zuôr paz por vêv trâu mê nhuôs, tsi chiê têx tsi jông uô hiêv txos mê nhuôs...”

          Cxôngx nzor lok, nênhs Thái Sơn La tưz muôx lo luk tiêk “Niêv teik xơưk nhiêk, zơưv txir phiêz tơưz, txir zơưs phiêz tạy”. Nênhs Thái đuz thiêz Thái đơưz nhoz Sơn La li tsưr ziv hu plis muôx têx kror txơưr, taz sik puôr lênhx tâu pox nhuôs tuôr tsês jông cxôngx ntâu cxênhx nênhs lok no, tsênhz tsênhz zos cêr vênhx huôv jông thâuv chuôz zis muôx cxaz lênhx nênhs./.

(Tòng Anh- Txâur Vax cxeik nhênhv)

Thuận Châu, Sơn La: Lov jêv ntưk hnuz hôiv vênhx huôv, thể thao cxuô mênhx cxưx

Hnuz hôiv tưz zaz zâuv tâu 13 đội thik tưr, txix chor xar, jêx jok, thị trấn sâuv thax tsav huyện Thuận Châu đros sik tưr nhoz têx zav thể thao mênhx cxưx li sik truz hluô, lâuz pak, lêiv poz. Xar muôx 200 lênhx nênhs tưz đros sir jos sik tưr, paz muôx cêr lov jêv, shir phaz tok hơưv chiv nhênhv 60 shông hnuz hloz Hôx thiêz đoanx côngz xưv Trung ương lok chuôr yuô, thav pêv đros cán bộ, chiến sỹ  thiêz tsôngv box cxuô mênhx cxưx Tây Bắc thiêz huyện Thuận Châu. Đros co, hnuz hôiv tsênhv muôx ntâu huôx tôngv vênhx huôv jông, lov jêv li: piêr lok đuôz “Hloz Hôx đros cxuô mênhx cxưx Tây Bắc” thiêz “Thuận Châu cơưv shâuv uô lơưr zơưv hloz Hôx” têx luk hêik kriê. Nzơưs Xênhv Muôk, nhoz jok Huổi Giếng, xar Phỏng Lái, huyện Thuận Châu, tỉnh Sơn La đros tưr thể thao shir phaz lul hêik:“Pêz lok six shir phaz thâuv huyện tsưr tsix têx huôx tôngv thể dục thể thao. No zos iz phongz yaox chiê cxuô mênhx cxưx hâur huyện Thuận Châu thiêz cxuô mênhx cxưx Tây Bắc sik côngv siêz cux li cơưv shâuv cov muôx đas jos lơưr zơưv hloz Hôx li cêr uô nênhx jông”.

Hnuz hôiv cux zos jiês chiê hênhr kruôk, tuôr chiê thiêz phuôx huiz tsiv gri vênhx huôv cxuôx mênhx cxưx huyện Thuận Châu, zoz zux chax chês lịch sử, cách mạng, uô truôx đuô sik côngv siêz tas nro pêx xênhv. Thôngx cxix zos jiês chiê hêik pâuz cxuô mênhx cxưx hâur huyện li têx tsiv gri vênhx huôv cxôngx nzor txos trâu tsôngv kruô nhoz đêz jê pâuz. Zơưv Nguyễn Đức Thặng, Phưv chủ tịch Ủy ban huyện Thuận Châu, tsar Ban tsưr tsix chiv nhênhv 60 shông hnuz hloz Hôx thiêz Đoanx côngz xưv trung ương lok chuôr yuô, thav pêv đros cán bộ, chiến sỹ thiêz tsôngv box cxuô mênhx cxưx Tây Bắc, huyện Thuận Châu, tỉnh Sơn La puz pâuz:“Hnuz hôiv mak tâu tsưr tsix ciês ntơưv kỳ đài huyện Thuận Châu qơư hloz hôx thiêz đoanx côngz xưv Chính phủ lok chuôr yuô thav pêv đros tsôngv box pêx xênhv cxuô mênhx cxưx Tây Bắc trâu hnuz 7/5/1959. Mak no zos kror chiê tsôngv kruô thiêz pêx xênhv pâuz tsênhz đuô lok kror tsiv gri hâur 60 shông đhâu Đảng bộ, chính quyền thiêz pêx xênhv cxuô mênhx cxưx tỉnh Sơn La thiêz huyện Thuận Châu cơưv shâuv thiêz uô lơưr zơưv hloz Hôx”./.

(Trấn Long, Đắc Thanh-Lik Thox cxêik nhênhv)