Shông 2017- zos shông Việt Nam- Lào huôv tsar cêr fôngx zưs jông

          Cêr coaz siv jông Việt-Lào zos chủ tịch Hồ Chí Minh thiêz chủ tịch Kay-Sỏn Phôm-vi-hẳn thiêz chủ tịch Souphanouvong xar tơưv thiêz tuôr tsês por vêv cxôngx ntâu cxênhx cán bộ, chiến sỹ cơưx mênhv 2 têz qơưk li trox nya.

          Hnuz xiêz 5/9/1962, cxôngx thâuv jiês tsav txênhz 2 têz qơưk Việt Nam thiêz Lào tsi tâu tâu zênhx liv, 2 têz qơưk tưz sik côngv paz  tsưr ziv, đas jos tir ntâus tros châuz Mỹ thiêz huôv tsar cêr fôngx zưs jông 2 mênhx cxưx. 15 shôngk đhâu, hnuz 18/7/1977, tsuôk đhâu 2 shôngk cxôngx thâuv 2 têz qơưk tâu tiêx tul ( 1975), Việt Nam thiêz Lào tưz cir ntơưr sik hux jos Việt-Lào, ntâuz ntơưr chính trị lix xưv khav tênhv cêr huôv tsar fôngx zưs jông Việt –Lào.

          Hâur cxuô ntu muk đhâu, têx phêv liv hâur lix xưv, tiv zix zos hlôngr yiêz ntiêx têz hâur têx shông jê ntơưv no, cêr coaz siv Việt-Lào ziv tror tâu khav tênhv thiêz huôv tsar truôx đuô. Hâu nov thiêz tsôngv box 2 têz qơưk tsi so chuôz tsar cêr fôngx zưs jông. Đros trâu huôv tsar cêr fôngx zưs jông, huôv tsar truôx lok chinhr trị hâur 2 têz qơưk tsi so tâu hlôngr yiêz, chuôz tsar. Hâur sik hux jos yưv pênhr, tưz muôx ntâu doanh nghiệp lox, tập đàn têz qơưk Việt Nam yưv pênhr, uô nox uô hâuk ntơưv Lào đros tas nro pênhr ndê txos yênhx tỷ USD, chêx chôngk ntâu vênhv thix nhiêx txix, zênhx hangx, viễn thông, tsêz chos, tsiv uô jôngr đêx nuv...Iz shông, Việt Nam tsês yênhx cxênhz phênhv học bổng trâu shux xênhz Lào tuôx cơưv ntơưr, nhênhz chơưv ntơưv Việt Nam nhoz ntâu hâux lưv uô, vênhv thix, y tế, kỹ thuật....Kim ngạch muôv muôs 2 têz qơưk tsi so chuôz ndê, shông 2016 tax 800 tsov USD. Ntơưv thax tsav ntus đriv muôx cêr đriv têz ntêr zuôr xar 2.340 cei cêr, mul đhau 11 tỉnh nhoz Việt Nam đros 10 tỉnh nhoz têz qơưk Lào, tsôngv box 2 têz qơưk thâuv tưs cux tuôr jông cêr fôngx zưs thiêz sik côngv paz uô truôx cxuô luôs hâux lưv hâur têz qơưs. Ntơưv jiês cơưv ntiêx têz, Việt Nam thiêz Lào, thâuv tưs cux thôngx ziv, sik paz max cxuô vênhv thix. Ntâus grê lok cêr coaz siv jông Việt-Lào, Đại sứ Phạm Sanh Châu, paz uô hâux lưv trâu Bộ trưởng Ngoại giao puz pâuz “ Txos nhiv no, Việt Nam tưz muôx cêr coaz siv đros 178 têz qơưk, taz sik tsi tâu muôx cêr coaz siv tưs jông li đros têz qơưk Lào”. Tiến sỹ Trần Việt THái- Phưv viện tsar Viện nhênhz chơưv Chiến lược-Bộ ngoại giao heik: “Sâuv ntiêx nhiv no, tsi pov muôx cêr coaz siv tưs jông li Việt – Lào. Hâur tsav txênhz mak 2 Đảng, 2 têz qơưk, 2 mênhx cxưx sik đros pheiz kênh njêr nox, jâuz nox, sik đros tơưv txênhz tir ntâus tros châuz, têz qơưk tiêx tul. Txos nhiv no, 2 têz qơưk tưz tâu tiêx tul, sik đros cxiv tsa thiêz huôv tsar, tror iz siêz sik paz max zos lok six jông”.

          Chiê khav tênhv cêr coaz siv chax chês jông Việt-Lào, nhiv kruôr đhâu, lênhs tov oz têz qơưk tưz cuiz tênhv zuôr shông 2017 zos shông huôv tsar cêr fôngx zưs jông Việt-Lào. Hnuz 26/4/2017, ntơưv đrôngs Viêng Chăn, Thủ tướng Nguyễn Xuân Phúc thiêz thủ tướng Lào lov lik ntênhs phuôx tôngv shông huôv tsar cêr fôngx zưs jông Việt Nam- Lào, Lào- Việt Nam 2017. Thủ tướng Nguyễn Xuân Phúc khav tênhv, no zos iz trus huôv tsar jông hâur cêr coaz siv 2 têz qơưk, gôngr phênhv uô cêr coaz siv chax chês Việt Nam-Lào tiêv tiêv truôx vênhs. Cxênhx nênhs nhiv no thiêz têx cxênhx nênhs txơưr tsuv ndo njôngr txos cêr coaz siv jông no.

          Cxôngx hli 4 txos hli 7/2017, chủ tịch côx hôiv Lào Pany-Ya-tho-tu tưz muôx 2 jiês tsi so tuôx chuôr yuô Việt Nam. Hâur co, jiês tuôx seiz yuô cxôngx hnuz xiêz 3 txos xiêz 8/7 zos chiê dưv têx huôx tôngv hơưv tos chiv nhênhv 55 shông tuôv cêr fôngx zưs Việt Nam-Lào thiêz 40 shông cêr ntơưr sik hux jos Việt Nam-Lào tâu tsưr tsix ntơưv tỉnh Sơn La.

          Lok saz Việt Nam, uô ntêx thiêz đhâu jiês Thủ tướng Nguyễn Xuân Phúc mul seiz yuô Lào kaz hli 4, ntâu đoanx côngz xưv thênhv siêz pêz têz qơưk cux tưz mul seiz yuô Lào, gra lơưr thôngz yax sik hux jos tsênhv tsênhz li Bộ côx phax li jiês seiz yuô zos Thượng tướng Lê CHiêm sơưr thơưx; đoanx teiv plor Văn phongx Trung ương Đảng....Đại sứ Lào ntơưv Việt Nam Thong-sa-vanh Phôm-vi-hẳn heik:     “Cêr sik côngv siêz thiêz sik hux jos jông Lào – VIệt Nam zos chủ tịch HCM thiêz chủ tịch Cay-sỏn Phôm vi hẳn cxiv tsa thiêz tsi so huôv tsar. 2 têz qơưk truôx siêz tuôr tsês cêr coaz siv jông no, chox cêr coaz siv tsi so huôv tsar thiêz hlôngr yiêz, gra lol liv zix tsênhv tsênhz trâu tsôngv box 2 mênhx cxưx, gôngr phênhv lol hâur huôv tsar cêr hôx fênhx, huôv tsar hâur thax tsav thiêz sâuv ntiêx têz”.

          Sâuv cêr coaz siv jông đhâu ntâu shông, đros thiêz lênhs tov 2 têz qơưk li truôx siêz, cêr coaz siv chax chês Việt Nam- Lào cux tsênhv tror huôv tsar tâu truôx đuô, tuôv zênhv tsôngv box 2 têz qơưk li siêz xar njôngr, thôngx cxix huv đros tsưr ziv huôv tsar thiêz cêr coaz siv ntiêx têz li lix xưv huôv tsar cêr fôngx zưs jông./.

                                        (TTT-Txâur Vax cxeik nhênhv)

Luôs hâux lưv tu zus tsiêx cxu

Chiê muôx phênhv sâu tâu 80 ntâu tsov đeiv iz shông, niêv lâuk Chấu chuôz zis huôv tsar tu zus nhux, yis, thiêz keiz đuz grêix. No zos phênhv sâu tâu  ntâu nhoz thax tsav tsôngv box heir nênhs tsơưs tsênhv muôx luz nênhx txov nhêv.

Niêv lâuk Chấu heik pâuz, seiz pov uô poz cưk thiêz blêx tsi tâu trơưk tsưr ziv, siêz xar; viv li txix shông 2010, niêv lâuk tưz muk kêr txeik nzir nhiêx txiêx têz qơưk chiê zuôr 2 tuk nhux, 5 tuk yis thiêz 50 tuk keiz đuz grêis lok zus. Đhâu iz shông ntâu tu zus, chuôz zis chor keiz heik sâuv tưz hloz thiêz muôx nto 200 ntâu tuk.

Têx keiz lox jông muôs, xav kror đruôz đraz iz tuk txix 1,8-2 cir, lar heik muôx kênh tuk mak 2,7 cir iz tuk. Đhâu thâuv yưx tas hur tiz si têx nhiêx txiêx zuôr krâur uz no...  trâu têx tsiêx cxu nox, chuôz zis tsênhv sâu tâu liv muôx 50 ntâu tsov đeiv. Xav hâur shông 2013, txix têx nhiêx muôs keiz, niêv lâuk tưz thêv tas têx nhiêx kir txeik tror trâu têz qơưk. Chor nhiêx txiêx tsênhv yuôr, niêv lâuk tror zuôr nôngz tsiêx cxu thiêz krêz đar qơư tu zus nzir nhux đas thiêz yis. Txix shông 2014 txos nhiv no, nhiêx muôs têx nhux, yis thiêz tu zus keiz , xav kror đruôz đraz niêv lâuk chuôz zis sâu tâu 80 ntâu tsov đeiv iz shôngk, đhâu thâuv yưx tas têx nhiêx zuôr krâur uz no.

Trax

Chiê huôv tsar tu zus nhux, yis thiêz keiz, niêv lâuk Chấu tưz zok nriêr thiêz cơưv shâuv nzir têx tsưr ziv tu zus, phax tar moz trâu tsiêx cxu sâuv đeix, ti vi. Niêv lâuk cux sir jos đros cxaz chuôz têx jiês piêr kriê tsưr ziv tu zus thiêz phax tar moz trâu têx tsiêx cxu zos qơư cxiz kôngz thiêz qơư kho moz tsiêx cxu huyện tsưr tsix chiê gra siêz txux chi tsưr ziv tu zus.

Niêv lâuk Lý Thị Chấu heik kriê: Chiê têx keiz hloz lox jông, niêv lâuk Chấu chuôz zis tưz zôngv têx qir nhux tưv vâuv tsês, chiê muôx chuô naz trâu keiz nox. Iz chas ntơư, niêv lâuk Chấu chuôz zis cux khênhr xor thêir qơư, tu zus tso hâur têx vax đar chiê keiz nưk zok nriêr nưk têx caz côngx nox nzir.

Trơưk li niêv lâuk Chấu, zus keiz đuz grêix tsi tiêk muôx phênhv sâu tâu siêz, mak luôs hâux lưv huôv tsar tu zus chor heik co, nhiv no tsênhv paz ntơưv qơư por hưv tâu chiê zav nôngz keiz jông no, tsi pôngz nôngz viv hâur ciêz đrôngs zuôr ntâu txos. Chor keiz heik sâuv zos zav nôngz keiz zôngx ziv tu zus, tsi yuô trâus muôx moz pir li têx keiz txơưr đuô ntơưv qơư. Iz chas co, keiz đuz grêix lok six nziv trâu tu zus tso vax đar, nưl zok nưl pêv têx li ntơưv têx thax tsav tsôngv box heir nênhs tsơưs tox siêz. Keiz têx krâur nox phênhv ntâu zos blêx, poz cưk thiêz têx jâuz đrox uz no.

Zơưv Lệnh Thế Hội, Phưv Chủ tịch UBND huyện Quản Bạ, tỉnh Hà Giang heik pâuz, niêv lâuk Lý Thị Chấu têx tsưr ziv huôv tsar tu zus keiz đuz grêix tưz paz tâu trâu tsôngv px thax tsav qơư ntơư tror por hưv tâu tsês zav nôngz keiz jông co, tsi chiê pôngz nôngz viv hâur ciêz đrôngs muôx zoz qơưx sâu zuôr txos ntâu.

   Tsôngv box....! Phênhv " Nôngx mênhx zuôr tsuv pâuz" hnuz no tsuôk xâuk li no xưz, phênhv no zos Đeix TNVN đros tsênhv qơư cxiz kôngz têz qơưk uô./.

                                                                                                                          (VOV4-Riê Lâux cxeik, nhênhv)