Thax tsav trâus đêx nas cuôr yôngz Trạm Tấu tsênhv huôv tsar jux juk

          Jos Hát 1, xã Hát Lừu, huyện Trạm Tấu tsênhv txos cheix sâu blêx. Sâuv têx jês liêx tsi pov têx trâus ruôr hiêv hâur jiês đêx cuôr yôngz lix xưv hli 10 tsêiz no thiêz. Niêv lâuk Lò Thị Hùng, tsôngv box hâur jos puz pâuz: Đhâu jiês đêx cuôr yôngz niêv lâuk chuôz zis trâus poz vâu tas hur si. Niêv lâuk oz niêv txir thiêz chor mê nhuôs khiêr tâu taz sik chuôz zênhx chuôz tas mak trâus cuôr lơưv tas hur si. Chuôz zis tưz jênhv tâu pox nhuôs hâur xã li têx paz max lok six ntâu. Chinhr quyênx tiv phaz paz uô tsêr lav nhoz, chuôz zênhx mak tâu têx tập thể, lênhx nênhs jông siêz hâur tas nro têz qơưk paz:

          “ Tâu Đangv, têz qơưk tsov cưv, tas nro huyện thiêz xã txos têx lênhx nênhs jông siêz tuôx paz txưv viv li cux ngaz tul. Cur zos nênhs Thái cux zuôr tsuv uô guôx tu zus buô, keiz taz sik nhiv no tsi tâu uô tâu, xar njôngr tâu paz txưv cxaz keiz, buô chiê tu zus”.

          Niêv lâuk Lò Thị Thươi, Chủ tịch Hội pox niêv xã Hát Lừu, huyện Trạm Tấu puz pâuz, tas nro xã muôx 11 chuôz zis hội viên trâus đêx cuôr lơưv tsêr nhoz, 28 chuôz zis tsuv txar qơư nhoz yiêz, 385 chuôz zis trâus đêx cuôr lơưv tsoz chos, tsiêx tu zus, chuôz zênhx... Txơưv tsênhv yuôr ntâu phêv liv taz sik luz nênhx cux tưz ngaz tul. Co puôr lênhx zos khov txos tsôngv box tas nro têz qơưk li têx sik pheiz kênh, paz max:

          “ Sơưr đơưs tưz sik côngv tês sik paz max lok chuôz zênhx chuôz tas, chinhz yênhx, gôngr phênhv txu grês têx cêr pôngz siêz, ngaz tul luz nênhx. Hâur Hội pox niêv xã cux xưk li tas nro xã li tsưr ziv zos tror hu lơưs têx lênhx nênhs jông siêz tsov cưv paz txưv têx chuôz zis trâus ruôr hiêv hâur jiês đêx nas cuôr yôngz”.

          Pos Lê Thị Thu Hà, Phưv chủ tịch UB huyện Trạm Tấu puz pâuz: Lol nas thiêz tox poz shông 2017 sâuv thax tsav tưz uô tuôs thiêz plox mông 15 lênhx nênhs, 15 lênhx trâus saz, cuôr lơưv 29 luz tsêr, 106 luz tsêr trâus tox poz vôngz tsuv txar qơư nhoz....Txos nhiv no, huyện tưz uô tiêr hâux lưv uô tsêr nhoz trâu 128 chuôz zis trâus ruôr hiêv thiêz bax chuôz zênhx chiê tsôngv box ngaz tul luz nênhx. Đrâuv chinhr quyênx tiv phaz têx cấp li paz txưv, huyện cux tưz jênhv tâu têx chiz coaz, tsưr tsix, lênhx nênhs hâur tas nro têz qơưk li paz txưv đros chor nhiêx txiêx zos 7,1 tỷ đeiv, zuôr xar 35 tênhr cxur, yênhx cxênhz zav nox, têx chuôz zênhx phưx vưv xênhz huôx niêx hnuz li trik yo, pav, vix tsav.... tsiv grê 1,7 tỷ đeiv. Pos Lê Thị Thu Hà puz pâuz cxaz:

          “ Đros têx chuôz zis trâus đêx cuôr yôngz tsêr nhoz, chuôz zênhx chuôz tas mak txos nhiv no phênhv ntâu têx chuôz zis co luz nênhx tưz ngaz tul. Txos nhiv no têx chuôz zis trâus zênhr shar tiv đêx nas mak pêz pov cux tưz uô lơưr sor siêz đuô tuôx thâuv lơưr tsuv hla đhâu jiês đêx cuôr yôngz zov chênhr....”

          Luz nênhx nhoz thax tsav trâus đêx nas cuôr yôngz Trạm Tấu tsênhv jux jus ngaz tul tuôx. Taz sik đrâuv têx chuôz zis tưz ngaz tul uô xênhz yar mak tsênhv yuôr têx chuôz zis tsi tâu tâu hôx phưx viv ar têz trâus vôngz tas, tsuv nhoz uô nênhx khov txos chor cxur tâu têz qơưk paz, lok sik muôx têx chuôz zis tsi tâu tâu zuôr tâu tsiêx cxu, keiz ok chiê tu zus.

          Lơưr số laov thôngz sâu, jiês đêx cuôr yôngz lix xưv hli 10/2017, Trạm Tấu zos iz hâur têx tiv phaz trâus zênhr shar hnhar tiv zix. Huyện tox siêz no tsênhv trâus mul tsi tâu kror tưs tiv niêv cêr 174 trâus tox poz, têx đoanx chơưv paz cux tuôx tsi tâu chiê paz pox nhuôs. Chênhr viv li, pir đros têx tiv phaz txơưr hâur tỉnh Yên Bái, tốngv box thax tsav trâus đêx cuôr yôngz no tsênhv yuôr ntâu phêv liv, thiêz zuôr trâus tror tâu paz txưv./.

( Tuấn, Xuân- Txâur Vax cxeik nhênhv)

Chơưv thâuv trâus pôngz đêx

- Thâuv pov muôx lênhx nênhs trâus pôngz đêx, tsuv kư, hu sơưr đơưk tuôx đros paz chơưv lênhx nênhs co. Tsik tâu đhiê muk hâur đêx chiê paz zos tsik pâuz uô luôv đêx, thiêz tsik pâuz tsưr ziv chơưv paz mak zuk cux zuôr trâus pôngz đêx.

- Thâuv pov nênhs trâus pôngz đêx, xuz thơưx tsuv sêi đrơưv chox lênhx nênhs co tơưv lok sâuv ntus đêx. Nênhs chơưv paz muk saz đrâuv đraz kâuv chiê puôs ciês lênhx nênhs trâus pôngz đêx, lok sik tuôr nênhs trâus pôngz đêx chor plâuz hâu chiê truz lok, kror no zuôr paz txar jav tâu nênhs trâus pôngz đêx. Thâuv chox tâu nênhs trâus pôngz đêx lok sâuv ntus mak tsuv uô cov lênhx nênhs co điv tâu pa thiêz yuôz cov nưk uô tâuk pa. Nênhs trâus pôngz đêx tsuv tâu tso pư sâuv têx kror qơư tiêx, xuôk têk thơưz nênhs trâus pôngz đêx njêx muôs tis trâu iz saz, xuôk tuk ntir têk câuk cxuô zav hâur nênhs trâus pôngz đêx kror ndâux por tsês chiê têx đêx hâur kror ndâux tơưv tâu lok. Đhâu co sêi đrơưv muôz njêx muôs tis tror lok li kuz, nênhs chơưv paz cxok châus iz saz, iz cxêik têk tso trâu sâuv nênhs trâus pôngz đêx hâur pliêx, iz cxêik tuôr kaz poz tsêis sir jos tsa cov nênhs trâus pôngz đêx luz chax đaz zôngx ziv uô tâuk pa.

- Zos tiêk nênhs trâus pôngz đêx uô tsik tâuk pa, tsuv sêi đrơưv yuôz  lênhx nênhs trâus pôngz đêx luz kror ndâux cov thiêx uô tâuk pa. Nênhs chơưv paz gruk iz pa lox, muôz zuk kror ndâux tưz ciês trâu nênhs trâus pôngz đêx luz kror ndâux yuôz trâu hâur muôx 2 giây, yuôz 2 jiês sik lơưr liês. Thâuv yuôz pa mak tsuv nhêv nênhs trâus pôngz đêx luz kror njưs cov truôx.

- Đhâu 2 jiês yuôz xuz thơưx, zos tsik pov plơưr đhiê mak tsuv xuôk têk juôx, niêk hâur siêz 30 jiês hâur 2 jiês yuôz pa cov lênhx nênhs trâus pôngz đêx luz plơưr đhiê tâuk, thâuv juôx thiêz niêk hâur siêz ntơư tsuv juôx, niêk 80-100 jiês hâur iz phênhz. Zos nênhs trâus pôngz đêx tror uô tâuk pa mak tsuv sêi đrơưv chox lênhx nênhs co muk chơưv kho tsêr kho moz.  Thâuv chox muk tsêr kho moz tsuv sir zôngv tsi so têx tsưr ziv chơưv paz thiêz uô cov sor lênhx nênhs trâus pôngz đêx luz chêr./.

(Thu Thùy-Lik Thox cxêik nhênhv)