Lạng Sơn: Ntâu lênhx nênhs zôngv yuôx shơư zênhz cxuô zav

Hâur hlik hli 5 nhiv kruôr đhâu, ntơưv tsêr so Vinpearl, lưx lươngv Công an TP Lạng Sơn (tỉnh Lạng Sơn) tưz ntês tâu 9 lênhx nênhs muôx 4 lênhx hluôk tuz, 5 lênhx hluôk nxeik tsênhv zôngv zax zênhz đros ntâu chuôz zênhx muôx lênhx coaz. Têx lênhx nênhs no jênhv ntiêr qơư so chiê zôngv zax zênhz:

          “ Pêz tuôx ntiêr qơư so ntơưv tsêr so Vipear, cur cux tuôx đros cur fôngx zưs uô si viv cur fôngx zưs nhoz đêz tuôx. Tuôx no uô si tas, thâuv sik zâuv zôngv zênhz mak công an txơưv tuôx”.

          Qênhx shênhx hluôk nênhs sik zâuv nox hâuk thiêz zôngv zax zênhz nhoz Lạng Sơn tâu pov thiêz trâus ntês cxov mak muôx ntâu. Đại úy Hoàng trung Thành, Phó đội trưởng Đội cảnh sát qênhz yuôx nênhs phamv cxâuv lok zax zênhz, CÔng an TP Lạng Sơn (tỉnh Lạng Sơn) puz pâuz: Têx lênhx nênhs no khênhr zôngv yuôx shơư zênhz, zax zênhz cxuô zav...ntơưv têx qơư uô si, qơư heik gâux, tsêr so...

          “Tuêv cảnh sát qênhz yuôx nênhs phamv cxâuv lok zax zênhz tưz tơưv txênhz ruôr yênhx côngz 4 qơư li: tsêr nox hâuk, tsêr heik gâux... ntês tâu 20 lênhx nênhs, sâu tâu têx zav zax zênhz mak têx lênhx nênhs co tsênhv zôngv. Pêz cux tik cêr cxâuv hình sự đros 5 lênhx nênhs, xưv bluô hành chính đros hâux lưv zôngv zax zênhz tsi trơưk chei ntơưv têx tsêr heik gâux, tsêr so đros 30 lênhx nênhs”.

          Hâux lưv zôngv zax zênhz tsi taz uô zênhr shar txos hluôk nênhs li đas jos mak tsênhv uô muôx yưv têx hâux lưv tsi jông hâur côngv thôngx xã hội. Tiv zix li txuz án Hoàng Anh Tuấn xênhz shông 1987 nhoz phường Chi Lăng, TP Lạng Sơn tuô lênhx nênhs kaz shông 2018. Thâuv hâuk zax zênhz tas, tsi mênhx pêv, Tuấn xar tiêk lênhx nênhs tsar yêz meir thâux kruô zos nênhs fêv, hêv nưs viv li nưs tưz zôngv triêv tuô lênhx nênhs tsar yêz co tuôs.

          Chiê tir tar qênhx shênhx hluôk nênhs zôngv zax zênhz, tiv zix zos yuôx shơư zax zênhz, Ban chox kriê 138 tỉnh Lạng Sơn tưz heik lưx lươngv muôx txơưx jênhv cxơưz tiês côngz xưv tơưv txênhz đros nênhs phamv cxâuv zax zênhz. Hâur 6 luz hlik shông no, têx lưx lươngv muôx txơưx jênhv tưz pov, ntês tâu 152 txuz, 311 lênhx nênhs, sâu tâu 80 ntâu cêr zênhz đơưz, 4 cxênhz ntâu njiêr zax zênhz thiêz 2,9 cir yuôx shơư zênhz....Đros co, lưx lươngv muôx txơưx jênhv tỉnh Lạng Sơn tsênhv đros têx nganhx, đoanx thêv chuôz tsar yax mông, zaoz zux cêr chei zax zênhz, tiv zix zos đros têx hluôk nênhs, shux xênhz. Zơưv Hoàng Văn May, tsar jos Khòn Mỏ, xã Khuất Xá, huyện Lộc Bình, tỉnh Lạng Sơn puz pâuz:

          “Zax zênhz uô hiêv txos lênhs nênhs thiêz uô zênhr shar lox txos xã hội. Viv li pêz cux pâuz thiêz yax mông trâu tsôngv box pâuz zax zênhz li txux hiêv. Chiê têx lênhx uô niêv uô txir thâuv tưs cux seiz njôngr zuk mê nhuôs, tsi chiê mê nhuôs uô cxâuv cêr chei”.

          Nganhx muôx txơưx jênhv canhv pov, six hơưv zuôr txos zuôr muôx ntâu txuz thâux gra zax zênhz, tiv zix zos yuôx shơư zax zênhz đhâu ntus đriv lok Việt Nam. Viv li, đrâuv lưx lươngv muôx txơưx jênhv li hâux lưv uô, iz lênhx nênhs, tiv zix zos cxênhx hluôk nênhs tsuv chuv tôngv nriêr pâuz zax zênhz li txux hiêv txos zuk thiêz xã hội. Thâuv tưs cux tsưv ziv tsi mnôngs lơưr nênhs fêv li luk hâuz zâuv. Tsi siv hâuk zax zênhz txơưv tiêk zos iz jiês xưz cux tsi siv./.

(TTĐB- Txâur Vax cxeik nhênhv)

Đắc Nông: Lênhx tuz lênhv lâuk uô ntêx nyuôs hâur

cxuô luôs hâux lưv huôv tsar uô nox

Muôx jiês uô côngz xưv nhoz trung đoanx 498-Bộ Tư lệnh Đặc công, txos shông 2008, đhâu thâuv so lâuk tsi uô tuz lênhv, lênhx tuz lênhv lâuk Hoàng Văn Phượng, nhoz tỉnh Thái Nguyên tưz đros chuôz zis muk nhoz, huôv tsar uô nox ntơưv xã Cư Knia, huyện Cư Jút, tỉnh Đắc Nông. Tix lâus Hoàng Văn Phượng heik pâuz, têx six hơưv, hnuz nhôngs xuz thơưx thâuv nhiv kruôr lok ntơưv qơư mak tsi tâu muôx tsưr ziv huôv tsar uô kôngz, tu zus tsiêx cxu, viv li kinh tế chuôz zis njiz trâus lok six ntâu phiv liv. Taz sik, đros thiêz zos iz lênhx tuz lênhv zơưv Hloz Hôx, tsi nyei cêr yeiz pluôs, đros trâu têx pênhr xuz thơưx muôx iz kro mê njik, zơưv Phượng tưz muk kêr txeik nzir tsêr nhiêx pênhr lok uô 2 ha têz hưx txoz. Khov sir jos khưr thiêz gruôs tu têx hưx txoz, đhâu 10 ntâu shông huôv tsar uô, nhiv no lênhx tuz lênhv lâuk Hoàng Văn Phượng chuôz zis tưz muôx 10 ntâu ha tsoz chos công nghiệp cxuô zav, iz qơư lês car uô đreiv hâux lưv côngz têx chuôz laov cxiv tsa, muôz hâux lưv uô truôx tuk trâu 20 ntâu lênhx lox tôngv ntơưv qơư:

“Cur cux tsi so vênhv tsôngv cưr tix nênhx tsa sđ gra siêz txux chi uô hâux lưv chiê cxiv tsa phôngz yaox hội bôv đôiv lâuk ziv hnuz ziv lox đar, truôx jông. Tsi so đros sđ cxaz chuôz uô têx nuv uz no, iz zav li: cxiv kho cêr mul lok ntơưv qơư. Zôngv chênhr sđ têx nhiêx txiêx chiê chiv chir cxiv uô thiêz kho. Cur cux vav chiê siêz, zuôr uô li chas cov hội huôv tsar đêz đar đuô, yax kriê ntâu đuô, sik cơưv shâuv lok têx txux chi, tsưr ziv huôv tsar uô nox chiê sđ ntơưv qơư cơưv shâuv, uô trơưk têx tsưr ziv huôv tsar uô nox cov tâu jông đuô”.

Cux jông xưk li zuk têx lênhx tuz lênhv, lênhx tuz lênhv lâuk Lê Giám nhoz jok 5, xã Kiến Thành cux zos iz hâur têx tuz lênhv lâuk uô nox uô hâuk coz, muôx phênhv sâu tâu yênhx tỷ đeiv iz shông. Shông 1992, đhâu thâuv muk uô tuz lênhv ntơưv Lạng Sơn tror lok, zơưv đros chuôz zis muk uô nox ntơưv xã kiến Thành, huyện Đắc Rlấp. Thâuv co muôx ntâu liêx têz, viv li chuôz zis sir jos krêz phaz chiê chos ntông cao su, cà phê, hưx txoz.... Txos shông 2005, cê chiê phưx vưv trâu tsoz chos công nghiệp ntơưv chuôz zis, cê chiê uô lax luôv, zơưv Giám tưz krêz qơư muôs têx qir zuôv ntơưv qơư. Xênhz zus thiêz hloz lox hâur chuôz zis uô liêx têz viv li zơưv pâuz tsênhz txos tsôngv box têx phiv liv, lênhx tưs tsi muôx pênhr lok sik muôx tsi txâuk pênhr huôv tsar uô nox, zơưv puôr lênhx paz txix: muôz qir zuôv kêr txeik uô ntêx chiê chos kôngz lôngk tsi xav nhiêx nju. Txix tsưr ziv uô nênhx sik thôngx siêz đros tsôngv cưr tix nênhx tsa sđ, đros iz zav huv muôs, tuk gri cux tsi civ luôx tưs, viv li lênhx tuz lênhv nhoz suôv qơư txov nhêv no tưz tâu sđ njênhs njôngr, nhiêv txos. Zơưv Giám heik kriê li no:

“Hâur pêz hội têx tuz lênhv lâuk, muôx iz cxiê lênhx hội viên tâu pêz yưv pênhr paz lok sâuv têx qir zuôv trơưk tsưr ziv: Paz zuôr qir thiêz thêv jux juk, muôx kênh chuôz zis txov nhêv mak tso 100% tsi zuôr nhiêx nju, phưx vưv ntơưv tsêr trâu tsôngv box, têx qir zuôv mak muôs tal mav tror uô đuô, tsi zos uô tâu mav muôs”.

Zơưv Nguyễn Thanh Quang, phưv Chủ tịch Hội tuz lênhv lâuk tỉnh Đắc Nông heik: Đros thiêz gruôs khưr, moz siêz hâur huôv tsar uô nox uô hnar, tuz lênhv lâuk Hoàng Văn Phượng thiêz Lê Giám tưz yênhx têx lênhx nênhs uô tâu hâux lưv jông, huôv tsar uô nox uô hâuk coz. Iz chas ntơư, chor tuz lênhv lâuk tsênhv sir jos cxaz chuôz têx phôngz yaox thiêz paz ntâu chuôz zis hội viên txơưr đuô hla đhâu cêr pluôs truôx:

“Cur vav chiê siêz tiêk, têx lênhx tuz lênhv lâuk uô tâu nuv jông lok sâuv uô ntêx nyuôs hâur cxuô luôs hâux lưv trơưk zơưv Hloz Hôx zuôr tsi tiêk nhoz hâur huôv tsar uô nox uô hâuk coz, gra siêz txux, txơưx jênhv...., mak tsênhv zos uô ntêx nyuôs hâur hur si cxuô cêr nuv. Thôngz đhâu têx phôngz yaox no, chor đôngx chir tuz lênhv lâuk ntơưv têx thax tsav qơư ziv hnuz ziv muôx ntâu lênhx nênhs uô tâu hâux lưv jông, uô trơưk zơưv Hloz Hôx cêr nênhx jông”./.

(TTTN-Riê Lâux cxeik, nhênhv)