Jax sâu thưr 3 hnuz 11.8.2015:

NUS ZƠƯV CẦM NGỌC MINH, CHỦ TỊCH UB TỈNH SƠN LA LOK HÂUX LƯV CXIV TSA ĐUÔZ SHAV ZƠƯV HLOZ HÔX

 

          Nus: Thor cox puz pâuz, nhiv no tsôngv box tsênhv lok six tsov cưv txos iz cxiê xor mông,  hâur co muôx xor mông tiêk: Sơn La zos iz tỉnh pluôs, cxiv uô đuôz shav zơưv Hloz Hôx zos 1400 tỷ  mak nhiêx ntâu hênhr thiêz iz cxiê ngênhx muôx lênhx coaz ho tsi pâuz txos hâux lưv cxiv uô đuôz shav zơưv hloz Hôx no. Zos iz lênhx chủ tịch tỉnh, cox xar li chas, thor cox puz pâuz?

          Têz: Uô ntêx mak cur khav tênhv, xor mông cxiv uô đuôz shav zơưv Hloz Hôx zos 1400 tỷ thiêz xor mông têx bôv ngênhx muôx lênhx coaz tsi pâuz txos hâux lưv cxiv uô đuôz shav no mak tsi tsênhz mênhx.

          Tsênhz mênhx, tỉnh uỷ Sơn La tưz tso tơưv luôs hâux lưv pov cov Ban bí thư Trung ương Đảng, têx bôv, ngênhx Trung ương lok hâux lưv cxiv uô đuôz shav zơưv Hloz Hôx đros tsôngv box têx mênhx cxưx Tei Bar ntơưv đrôngs Sơn La cxôngx shông 2014. Tỉnh uỷ Sơn La li luôs hâux lưv no, đhâu co tưz tâu Ban bí thư Trung ương Đảng tso ziv chênhv; tâu thủ tướng chính phủ thôngx ziv cxaz nzir lol njuôs xav cxiv uô đuôz shav zơưv Hloz Hôx txos shông 2030. Thôngx cxix tâu têx bôv ngênhx Trung ương thôngx ziv.

          Cxôngx têx luôs hâux lưv uô huv đros chêi têz qơưs coaz tsôngv co, tỉnh Sơn La tưz tso tơưv luôs hâux lưv cxiv uô đuôz shav zơưv Hloz Hôx đros tsôngv box têx mênhx cxưx Tei Bar ntơưv đrôngs Sơn La thiêz muôz trâu HĐ tỉnh thôngz đhâu Nghị quyết số 127/NQ-Hội đôngx hnuz xiêz 8/7/2015 nhiv kruôr đhâu. Luôs hâux lưv no muôx ntâu njiêz luv coaz tsôngv, tsênhv tsênhz hâur six hơưv huôv tsar cxiv tsa đrôngs Sơn La yênhx niêv đrôngs hov 2 trâu shông 2020. Yưv pênhr muôx nhos 1.400 tỷ đeiv nhiv kruôr zos chor pênhr njuôs xav xuz thơưx chiê uô tas nro luôs hâux lưv cxiv uô đuôz shav zơưv hloz Hôx, hâur co, nhiêx txiêx pâux nzir ar têz thiêz qơư nhoz yiêz trâu tsôngv box thax tsav qơư ntơư. Hâur co, pênhr cxiv uô đuôz shav zơưv Hloz Hôx muôx nhos 200 tỷ, xav mak hâur 4 shông krêz uô, cxôngx shông 2016 txos shông 2020, zos ndax trâu chiv nhênhv 60 shông Hloz Hôx tuôx seiz yuô Tei Bar zuôr uô cov tiêr.

          Nus: Xưk li cox tưz heik, luôs hâux lưv no muôx ntâu njiêz luv tsênhz tsênhz hâur six hơưv huôv tsar đrôngs Sơn La, hâur luôs hâux lưv  no muôx HĐ, UB, Đoanx teiv plor côx hôiv đros têx chiz coaz hành chính têz qơưk tỉnh Sơn La li qơư uô xưv. Zos li thor cox heik tsênhz mênhx đuô lok njiêz luv no?

          Têz: Luôs hâux lưv krêz uô sâuv mênhv chêx muôx nhos 20 hecta. Đuôz shav zơưv Hloz Hôx đros tsôngv box têx mênhx cxưx Tei Bar muôx qơư yar tiêx huv đros. Đuôz shav zơưv Hloz Hôx zos tsênhv, taz sik sâuv mênhv chêx 20 hecta co tsênhv yuôr ntâu côngz tsênhx lok six coaz tsôngv, tsuv tâu cxiv uô cov ndax fiv hâur six hơưv huôv tsar tỉnh Sơn La, cux xưk li cxiv tsa đrôngs Sơn La yênhx niêv đrôngs hov 2 lok shông 2020 lơưr thủ tướng chính phủ li cuiz tênhv số 1659/QĐ-TTg hnuz 7/11/2012.

          Pir li yar tiêx mak txos nhiv no tỉnh Sơn La zos tỉnh nhoz Tei Bar tsi tâu muôx. Lơưr luôs hâux lưv njuôk xav, yar tiêx zuôr taz por chiê tsưr tsix thax tsav Tei Bar thiêz tỉnh Sơn La li têx huôx tôngv chính trị- vênhx huôv…thôngx cxix zos qơư tsôngv box đrôngs Sơn La yax six xênhz huôx côngv thôngx.

          Iz cxiê côngz tsênhx txơưr nhoz hâur luôs hâux lưv no, cux zos côngz tsênhx tsuv krêz uô. Co zos hội đôngx, uỷ ban, Đoanx teiv plor côx hôiv tỉnh Sơn La đros têx chiz coaz hành chính têz qơưk tỉnh Sơn La li qơư uô hâux lưv, viv têx taz viv no li qơư uô xưv tsênhv trâus txar đhâu qơư di tích têz qơưk tsêr tux Sơn La lơưr thủ tướng chính phủ li cuiz tênhv số 2408/QĐ-TTg hnuz 31/12/2014. Cux zos hâur luôs hâux lưv no, tsênhv muôx thax tsav đô thị tsêr nhoz thiêz jix vuv, cêr muk lok, qơư uô si thiêz ntâu côngz tsênhx muôx ziz njiêz txơưr đuô…/.

          Thor uô cox tsâus ntâu!

( Thuỳ Lan- Txâur Vax cxêik nhênhv)

 

 

 

 

 

PHÊNHV “NÔNGX MÊNHX ZUÔR TSUV PÂUZ” HNUZ 11-8-2015 

     

Tix lâus Tsưz Xênhv Cưr nhoz jok Háng A, xã Hồ Bốn, huyện Mù Cang Chải, Yên Bái zos iz ziv chuôz zis yeiz pluôs hâur jok, tix lâus tưz sir jos hla đhâu têx cêr txov nhêv chiê yênhx iz lênhx nênhs uô nox uô hâuk coz hâur tỉnh.

 

Uô lơưr têx tsưr ziv yiêz hâur tu zus tsiêx cxu tâu trơưk tsưr ziv

 

Tix lâus Tsưz chuôz zis luz nênhx xar muôx 10 ntâu shông zar đrav ntêx cux yeiz pluôs txov nhêv njuôr, khưr tsi txâuk nox tsi txâuk hnar iz zav li  ntâu ziv chuôz zis txơưr đuô hâur  xã Hồ Bốn, viv liêx têz tsơưs, muôx tsi txâuk ar tsêz chos kôngz lôngk, tsi muôx tsưr ziv huôv tsar uô, tu zus tsiêx cxu. Shông 2010, tâu Hội Nôngx mênhx xã xeir zuôr đros uô hâux lưv hâur tsưr tsix Hội, tâu cxaz chuôz têx lớp cơưv shâuv tsưr ziv huôv tsar uô nox, tu zus tsiêx cxu, tix lâus tưz hlôngr yiêz siêz xar, tsưr ziv uô. Thôngz đhâu têx tsưr ziv cươv shâuv tâu, tix lâus Tsưz tưz pâuz tâu ntâu tsưr ziv jông, têx zuôr trâus txos chiê huôv tsar uô nox. Txix têx tsiêx cxu zuk muôx li: 2 tuk nhux tưv, 3 tuk nhux đas thiêz 5 tuk yis, tix lâus tưz muôz 45 tsov đeiv nhiêx chiê zuôr nzir nôngz tsiêx cxu lok zus, uô guôx cơư, ndaz ndơưv têx trôngz đo chiê chos tâux tu zus tsiêx.

Nhạc cắt:

Uô lơưr têx tsưr ziv yiêz hâur huôv tsar tu zus tsiêx cxu, lar heik zos uô trơưk têx tsưr ziv cươv  shâuv tâu, tsik chiê têx tsiêx cxu trâus yêiz jâuk thiêz tsik chiê têx tsiêx cxu trâus ntux no njiv hâur cheix ntux no; cxax yuôx phax tar moz ươk trâu tsiêx cxu trơưk cui tinhv. viv  li, tix lâus Tsưz chuôz zis luôs hâux lưv huôv tsar tu zus tsiêx cxu uô tâu trơưk tsưr ziv; iz chas ntơư, tix lâus tsênhv tu zus keiz ok; muôz têx liêx têz tsi jông blêx hlôngr chos poz cưk, chos txir hơưk thiêz uô liêx blêx 2 chiv hâur iz shông. Đhâu 2 shông huôv tsar uô nox lơưr tsưr ziv tu zus ntâu tsiêx, shông 2012, jiês xuz thơưx, tix lâus chuôz zis tưz muôx phênhv sâu tâu 45 tsov đeiv, txix muôs yis thiêz muôs nhux tưv, nhux đas.

Nhiv no, tix lâus chuôz zis têx tsiêx cxu, xav hur tiz si muôx zuôr xar 60 tuk, hâur ntơư muôx 11 tuk nhux tưv, 13 tuk nhux đas thiêz xar muôx 40 tuk yis. Txix têx tsưr ziv huôv tsar cêr uô ntươ, tưz paz tix lâus Tsưz chuôz zis hla đhâu yeiz pluôs, hur si chuôz zis phênhv sâu tâu hâur iz shông muôx nhos 300 tsov đeiv thiêz tsênhv muôx hâux lưv uô, chuôz cxaz phênhv sâu tâu trâu iz cxiê lênhx lox tôngv ntơưv qơư.

Phênhv “Nôngx mênhx zuôr tsuv pâuz” hnuz no zos Đeix nta suôz VN sik côngv đros tsênhv qơư cxiz kôngz têz qơưk uô./.

                                                                  (VOV4-Riê Lâux cxeik, nhênhv)