Tsôngv px ntus đriv Lai Châu shir phaz thâuv tâu cxax yuôx vắc xin phax phôngz moz Covid-19

Qơư Y tế xã ntus đriv Hua Bum, huyện Nậm Nhùn hâur ntu cxax yuôx vắc xin phax tar moz Covid-19 jiês 3, iz chas têx cán bộ tuz lênhv cxax uô ntêx trơưk cui tinhv tsênhv muôx chôngz lênhx ntâu tus px hâur thax tsav tâu cxax hur tiz si. Bê chor nênhs cxax yuôx tưz heik pâuz uô ntêx, viv li cxuô lênhx sđ tuôx puôr lênhx uô trơưk cui tinhv, iz tus jâuv kuôk đêz iz tus chiê tok tâu cxax zos đrêiv Bộ y tế cui tinhv. Niêv lâul Lý Mạn Chiêu, canr bôv uỷ ban xã Hua Bum, huyện Nậm Nhùn heik:

“Zos zuk hâux lưv thiêz zos iz xã ntus đriv, tsuv nhoz jê đros chôngz lênhx nênhs. Chênhr zos li heik co, tâu cxax yuôx vắc xin jiês no zos iz cêr shir phaz lox trâu cur. Cur vav chiê siêz tiêk, xã zuôr tâu têz qơưk moz siêz txos đuô chiê hur si tsôngv px sđ hâur xã tâu cxax yuôx cxix cxuô chiê phax phôngz moz”.

Iz chas têx cán bộ tuz lênhv tâu cxax uô ntêx trơưk Chính phủ Nghị quyết 21, jiês cxax yuôx vắc xin phax tar moz Covid-19 no, xã Hua Bum, huyện Nậm Nhùn muôx lok six ntâu px zos tsôngv box heir nênhs tsơưs hâur thax tsav cux tâu cxax yuôx vắc xin tir thêir moz.

Zơưv Lò A Cấu, tsar jok Pa Mu, xã Hua Bum, huyện Nậm Nhùn heik, zơưv thiêz iz cxiê lênhx px hâur jok nhoz hâur tổ uô hâux lưv phax tar moz gênhk hâur jok, tsi so tsuv chuôs njiz ntâu lênhx nênhs, thâuv tâu cxax uô ntêx li no cux tso siêz đuô:

“Đhâu thâuv cur tâu cxax yuôx phax tar moz Covid-19 cux tso siêz đuô. Nhiv no, chuôs njiz têx lênhx zuk tsi pâuz nênhs thiêz chuôs njiz luôs lưv tus mak cux tsuv chox ntâuz bos kror ndâux, taz sik cux tso siêz đuô. Tok njôngr têz qơưk zuôr nzor paz cxax côngz tiv 2 thiêz nzor cxax yuôx phax phôngz moz trâu tsôngv px sđ hâur thax tsav”.

Txos nhiv no, xã Hua Bum, huyện Nậm Nhùn tưz cxax yuôx vắc xin phax tar moz Covid-19 jiês 3, muôx 125 lênhx tâu cxax. Hur tiz si sđ puôr lênhx tâu seiz njuôk shuôs jông uô ntêx thâuv zuôr cxax thiêz tsi muôx lênhx nênhs tưs uô li chas đhâu cxax tas. Zơưv Khoàng Văn đại, thơưx seiz car qơư y tế xã Hua Bum, huyện Nậm Nhùn heik pâuz:

“Đhâu 3 jiês cxax, tsi pov lênhx nênhs tưs uô li chas thiêz cux tsi muôx lênhx tưs trâul moz li uz li no đhâu thâuv cxax tas. Chor nênhs tưz tâu cxax côngz tiv iz, lơưr cux xar cov nzor tâu cxax côngz tiv 2 ziv nzor ziv jông, chiê phax tar moz Covid-19. Đhâu pâuz tâu px sđ siêz xar, lơưr cux xar cov Đảng, têz qơưk nzor fuô uô cxax yuôx vắc xin phax phôngz moz trâu tsôngv px hâur thax tsav”.

Seiz car zuôr xar 25 cêik cêr đriv têz, 7 tus ndêx cxok kuôk cêv ntus đriv, đhâu 3 xã Hua Bum, Nậm Ban thiêz Trung Chải; hâur ntu đhâu, Zênhx Pênhz phax Hua Bum tưz tso canr bôv, tuz lênhv muk đros uô luôs hâux lưv seiz jor têx ndâux cêr muk lol chiê phax tir thêir moz Covid-19, lar heik zos têx qơư seiz jor ndâux cêr qênhz shuôs nênhs muk lol hâur thax tsav tsi trơưk chei đhâu đriv têz, tsik chiê caz moz Covid-19 cik lok hâur thax tsav.

Trung tá Hoàng Toàn, thơưx seiz car Zênhx Pênhz phax Hua Bum, huyện Nậm Nhùn heik pâuz: Iz chas tsưx phưv đriv têz, nhiv no hâur thax tsav Zênhx seiz car 18 jok, zuôr xar 1.200 chuôz zis thiêz xar muôx 6 cxênhz lênhx nênhs. Chiê uô tâu tiêr têx hâux lưv zok muôz, chor canr bôv,  tuz lênhv thâuv tưs cux tsưx phưv truôx đas jos. 100% lênhx canr bôv, tuz lênhv tâu cxax yuôx vắc xin phax tar moz Covid-19 truôx tuk, zuôr paz chor tuz lênhv tso siêz đuô hâur lês uô têx hâux lưv zok muôz:

“Uô têx hâux lưv tsưx phưv têz qơưk, seiz car ntus đriv, đhâu thâuv cxax yuôx phax phôngz moz tas, chor tuz lênhv đas jos puôr lênhx truôx tuk. Canr bôv, tuz lênhv đhâu thâuv cxax, sđ uô têx hâux lưv zok muôz lok tsưx phưv đriv têz, sơưr tơưv txênhz, phax tir thêir chor nênhs muk lol đhâu ntus đriv tsi trơưk chei….lok six tso siêz”.

Yuôx vắc xin phax tar moz Covid-19 tưz tâu cxax uô ntêx trâu  chor nênhs uô têx hâux lưv li: Công an, tuz lênhv pênhz phax, ban chox kriê phax tar moz Covid-19…lơưr Chính phủ Nghị quyết 21 thiêz tsôngv px ntus đriv Lai Châu. Chor nênhs tâu cxax txơưv tsi ntâu, taz sik iz côngz yuôx tưz cxax  zos iz cêr truôx siêz chiê tsôngv px nhoz ntus đriv tso siêz đros tas nro têz qơưk nzor tir thêir tâu moz Covid-19./.

                       (Khắc Kiên-Riê Lâux cxeik, nhênhv)

Têx muôx liv lok cxax yuôx vắc xin phax moz Covid-19

          - Cxax yuôx vắc xin phax moz Covid-19 zos tsưr ziv coaz tsôngv chiê tsưx phưv đas jos: Yuôx vắc xin phax moz Covid-19 paz chuôz cxaz đas jos tir tar caz moz corona thâuv moz cik trâu hâur luz chêr. Thâuv moz Covid-19 tsênhv huôv xênhz phêv liv, cxax yuôx vắc xin phax moz zos tsưr ziv coaz tsôngv chiê tsưx phưv đas jos. Trơưk li têx lênhx nênhs nhênhz chơưv lok yuôx vắc xin phax moz đros têx zav moz txơưr thiêz xor mông qir thơưx cxôngx têx njuôs siv uô ntêx, yuôx vắc xin phax moz Covid-19 cux paz tir tar tsi trâus moz hnhar zos môngr tsi jông trâus moz Covid-19.

          - Cxax yuôx vắc xin phax moz Covid-19 paz tsưx phưv đas jos cxuô lênhx sđ hâur thax tsav: Nênhs tâu cxax yuôx vắc xin cxix cxuô tsơưs trâus cik moz thiêz tsi muôx têx moz yưv cux xưk li tsơưs cik caz moz Covid-19 trâu têx lênhx nênhs txơưr. Cxax yuôx phax moz cux paz tsưx phưv đas jos trâu têx lênhx nênhs hâur iz ndis thax tsav qơư nhoz, tiv zix zos têx lênhx nênhs tsênhv hloz tiêr nênhs thiêz têx lênhx nênhs muôx têx moz gênhk uô ntêx zôngx ziv trâus cik moz Covid-19, zôngx ziv trâus tuôs đuô pir đros têx lênhx nênhs txơưr.

          - Ziv muôx chôngz lênhx nênhs cxax yuôx vắc xin phax moz, luz nênhx ziv nzor tâu ngaz tul

          Đhâu iz shôngk ntâu đros ntâu jiês kinh têr tsik huôv tsar, tso tsês ntâu huôx tôngv lox viv moz Covid-19 huôv xênhz, cxuô lênhx nênhs puôr lênhx xar njôngr tror muôx iz luz nênhx jông, truôx tuk, tsâu sor chiê tror tâu uô cxuô luôs hâux lưv hâur xã hội. Txơưv tsi muôx lênhx tưs pâuz, shor txos thâuv tưs thiêx tir thêir tâu caz moz Covid-19; taz sik sđ tưz pâuz tâu tiêk, zos cxuô lênhx sđ tâu cxax yuôx vắc xin phax tar moz, txơưv li chas cux nzor tror muôx luz nênhx truôx tul, shir phaz.

          - Bộ y tế hu lơưs cxuô lênhx tsôngv box sik côngv siêz phax tir their moz Covid-19. Iz lênhx tsuv sik côngv tês muôz siêz txơưx jênhv, thôngx cxix uô jông Bộ y tế li têx luk heik kriê thiêz tsuv cxax yuôx vắc xin chiê paz phênhv tir tar tâu moz Covid-19./.

(Đức Anh-Txâur Vax cxeik nhênhv)