Yên Bái: Tror muôx têx shux xênhz uô cxâuv chei cheix yêz muk lol tâus cêr

Thâuv têik cik sơưr nzor thiêz thâuv zuôr tar su zos luz six hơưv têx shux xênhz so ntơưr, sâuv têx cêr lox muk lol hâur đrôngs Yên Bái, tỉnh Yên Bái pov iz cxiê lênhx shux xênhz cheix yêz meir, yêz meir tênhv muk uô yênhx paz iz ndêis tsar yêz chênhr, muk đaz muk tuôs, muôx iz cxiê lênhx shuv xênhz cux tsi ntông câuk mov por hưv tâuz hâu….., zôngx ziv uô tsi truôx tuk trâu luôs lưv tus txơưr đuô cheix yêz muk lol tâus cêr. Tix lâus Trần Đức Văn, nhoz đrôngs Yên Bái, lênhx khênhr cheix yêz muk lol thâuv luz six hơưv têx nhuôs shux xênhz so ntơưr lok tsêr jov jơưk co heik:“Cur lok six cxơưx thâuv pov ntâu lênhx nhuôv zâu nhiv kruôr cơưv ntơưr cxênhx 2, cxênhx 3 xưz tsar yêz mul đaz mul tuôs lok six chênhr. Lar heik zos thâuv tas cik sơưr nzor lok sik luz six hơưv chor nhuôv cơưv ntơưr so lok tsêr jov jơưk ntơư, muk yênhx paz 3, 4 lênhs uô iz nzêis, muôx têx tsênhv tsar yêz chênhr, lok six riêz nênhs, zôngx ziv uô yêz siz yar, tsông luôs lưv tus txơưr đuô muk lol tâus cêr”.

Seiz pov khênhr muôx shux xênhz uô cxâuv têx chei cheix yêz muk lol tâus cêr, ntâu lênhx pêx xênhv tưz cxơưx txos thiêz muôz máy cxeik đuôz tso trâu sâuv mạng xã hội cov sđ pâuz txos têx tsik jông ntơư. Nhiv kruôr tsi ntêr no,  tsôngv pêx xênhv sơưr đơưk tror cxơưx txos thâuv hâur mạng xã hội Facebook muôx yưv iz cxiê lênhx nhuôv shux xênhz tsi ntông câuk mov por hưv tâuz hâu, chox ntâuz bos kror ndâux tsi trơưk cui tinhv, tsar yêz muk têx paz uô iz nzêis sâuv txox cêr lox Nguyễn Thái Học hâur đrôngs Yên Bái. Đhâu pâuz tsênhz chor shux xênhz heik sâuv zos têx shux xênhz cơưv hâur zuk tsêr cơưv, Ban giám hiệu tsêr cơưv cxênhx 3 Lý Thường Kiệt, đrôngs Yên Bái tưz fuô uô ntâu faz tsưr ziv kriê, heik têx  nhuôs shux xênhz. Cưk kriê Nguyễn Đức Cường, thơưx seiz car tsêr cơưv heik pâuz:“Pêz tưz tsưr tsix trâu shux xênhz cir ntơưr, chos luk lol sâuv truôx tuk zoz thôngz, txiv ngaz, phax tir thêir têx tsi jông, uô cxâuv chei têz qơưk, phax tar moz Covid-19 hâur tsêr cơưv. Taz sik, yuôr iz cxiê lênhx tsi uô jông trơưk têx cui tinhv, pêz hu shux xênhz li niêv txir thiêz têx nhuôs tuôx cir ntơưr chos luk, heik shux xênhz niêv txir, cux iz zav li tsưr tsix, đoanx thêv ntơưv qơư shux xênhz nhoz sik đros choz kriê chor nhuôs uô jông lơưr chei têz qơưk têx cui tinhv”.

Zos têx nhuôv shux xênhz nhoz qơư kis khênhr uô cxâuv têx cui tinhv lok sâuv tsar yêz muk chênhr, tsi ntông câuk mov por hưv tâuz hâu lok sik mul đhâu tênhz liêz....., taz sik, chor nhuôv shux xênhz ntơưv têx tsêr cơưv cxênhz 3 nhoz tox siêz  Yên Bái ho khênhr uô cxâuv lok sâuv cheix têx yêz tsi tâu txâuk shông tsar yêz máy tuôx tsêr cơưv. Qir tiv têx nhuôv uô cxâuv cux muôx ntâu. Hoàng Thị T. H nhoz Nà Hẩu-Iz hâur têx lênhx nhoz chor xã txov nhêv đuô hur si hâur huyện Văn Yên, nhiv no  tsênhv cơưv ntơưr cxênhx 3 ntơưv iz tsêr cơưv hâur thax tsav huyện heik:“Muk txix Nà Hẩu trâu tsêr cơưv, cur muk tas iz six hơưv, cêr muk tsuv ndê tox, grêk har thiêz hla đhâu đêx hur si, viv li cheix chor yêz mê mak mul tsi tâuk, chênhr zos li co cur tsuv cheix niêv txir lơưr chor yêz muk cơưv ntơưr”.

Iz chas têx qir tiv li heik sâuv, ntâu kror uô cxâuv ho qir txix têx nhuôv tsưr ziv, siêz xar. Nguyễn Đức Mạnh, iz lênhx shux xênhz cxênhx 3 nhoz tỉnh Yên Bá tưz muôx jiês uô cxâuv chei cheix yêz muk lol tâus cêr heik pâuz: “Pêz chor hluôk nhiv no, sơưr đơưk khênhr nhiêv tsar yêz muk chênhr, tsi ntông câuk mov por hưv tâuz hâu.... Lok sâuv muk chênhr, luz yêz tưs lox mak zuôr muôx jos thiêz muk sei đuô, hok thâuv cheix tsar yêz muk tâus cêr ntơư zênhx uô trơưk tsi tâu li cui tinhv lok truôx tuk zoz thôngz”.

Chiê txo grêk tsơưs têx nhuôv shux xênhz uô cxâuv chei cheix yêz muk lol tâus cêr, cxuô luz tsêr cơưv hâur thax tsav tỉnh Yên Bái cux tưz sir jos fuô uô ntâu faz tsưr ziv. Lar heik li tsêr cơưv cxênhx 3 Nguyễn Lương Bằng, ntơưv xã An Thịnh, huyện Văn Yên-Iz luz tsêr cơưv muôx ntâu lênhx shux xênhz zos tsôngv box Cho, Hmôngz, Tày, Nùng....têx tuz nhuôs, thâuv qir ndê trâu shông cơưv yiêz shông no, tsêr cơưv tưz qênhz shuôs hur si shux xênhz têx chuôz zênhx, yêz cheix tuôx cơưv ntơưr uz no. Đhâu ntơư, qênhz pov muôx 100 ntâu lênhx shux xênhz cheix niêv thiêz txir lơưr têx yêz tuôx cơưv, viv li tưz zênhx max zok nriêr tsưr ziv khưx phưx, heik chor nhuôs uô trơưk cui tinhv.  Cưk kriê Hoàng Văn Chinh, thơưx seiz car tsêr cơưv cxênhx 3 Nguyễn Lương Bằng, huyện Văn Yên heik pâuz:“Tsêr cơưv tưz tso cưk kriê ntơưr muk yênhx xã hux jos đros hâu nov ntơưv qơư chuôs njiz, sik thav thiêz buôk ti yax kriê trâu shux xênhz li niêv txir chiê chor uô niêv uô txir  pâuz tâu chei têz qơưk, hâur tsêr cơưv têx cui tinhv. Txix ntơư muôz jông six hơưv  trâu chor nhuôs chiê lơưr muôx yêz cheix muk cơưv ntơưr taz por trơưk cui tinhv, taz por truôx tuk zoz thôngz. Đhâu jiês yax kriê li heik sâuv, cur njênhs tiêk faz tsưr ziv no zuôr uô tâu trơưk li siêz xar”.

Iz hâur têx qir tiv uô shux xênhz, têx tuz nxeik hluôk, nhuôs zâu uô cxâuv chei cheix yêz muk lol tâus cêr cux six tror muôx yưv zos iz cxiê lênhx uô niêv uô txir tsi tâu pâuz tsênhz, cxix cxuô, tsi yuô moz siêz txos chor tuz nhuôs, lok sik muôz têx nhuôv hluz đhâu chiê mê nhuôv uô trơưk lơưr tsưr ziv, siêz xar; kênh lênhx shux xênhz mak tsi uô trơưk chei cheix yêz muk lol tâus cêr. Iz kro thiêz, viv nhiv kruôr ndê trâu shông cơưv yiêz, iz cxiê luz tsêr cơưv tsi yuô uô đrux ntov têx cui tinhv lok sâuv seiz car shux xênhz..... Chênhr zos li heik co, lok six zuôr trâul txos tsêr cơưv, chuôz zis thiêz xã hội sik đros choz kriê, gra siêz tsưr ziv trâu chor nhuôv shux xênhz thâuv cheix yêz muk lol tâus cêr. Iz chas co, cux zuôr tsuv muôx têx chei uô đrux ntov chiê xưv bluô chor nhuôs shux xênhz tsi uô trơưk thiêz cxoz txưv uô cxâuv têx chei cheix yêz muk lol tâus cêr./.

(Thừa Xuân-Riê Lâux cxeik, nhênhv)