Paz tsar tov sir jos trâu chor chuôz zis pluôs

Pos H’Brai ziv chuôz zis zos iz hâur chor chuôz zis txov nhêv nhoz jok Bu Sốp, xar Đắk Nia, thị xar Gia Nghĩa tâu sơưv tsaz yênhx paz hâur shông no. Pos H’Brai puz pâuz, têx xor tênhv tênhz zôngv hâur chuôz zis tưz tâu ntêr tsik jông tas, taz sik tsik tâu muôx nhiêx hlôngr kho, viv li luz nênhx txov nhêv. Tâu công nhân tênhv tênhz tuôx ti gâuk tsêr kho tênhv, hlôngr đuô hluô tênhv yiêz, kê tênhz yiêz, paz trâu chuôz zis tso siêz sir zôngv tênhv tâu ngaz tuk. Pos H’Brai, jok Bu Sốp, xar Đắk Nia, thị xar Gia Nghĩa, Đắk Nông, hêik: “Tênhv mak nhiv no chuôz zis sir zôngv ntêr tưz tsik jông tas lơưv, uô tsâus công ty tênhv tênhz paz hlôngr hluô tênhv tênhz trâu cur chuôz zis, chiê tov kaz no têx tuz nhuôs tâu cơưv ntơưr taz por, tênhv zuôr chis pov cêr đuô thiêz tsik piv liv đaz tsik hlo, công ty tênhv jos paz mak chuôz zis uô tsâus hênhr”.

Tuk txir tưz tâu tas siv nênhx thâuv nzor, tsik muôx txir nênhx hâur chuôz zis paz, viv li cxiv luôs tênhv hâur pos H’Mhao, xar Dắk Nia, thị xar Gia Nghĩa tưz tsik jông tas ntêr lok lơưv, taz sik cux tsik tâu kho cov truôx đuô. Yênhx hmo têx tuz nhuôs cơưv ntơưr mak lok six phiv liv. Nhiv no tâu nganhx tênhv hlôngr kho đuô cxiv luôs tênhv, luz tsêr tưz chis pov cêr lul. “Cur lok six shir phaz viv công ty tênhv tênhz Đắk Nông tsov cưv paz trâu chuôz zis. Txix thâuv ntêx txos nhiv no cur chuôz zis lok six txov nhêv, kê tênhz tsik jông tsik pâuz thor lênhx tưs paz kho, zuk cux tsik pâuz kho li chak, têx tuz nhuôs cơưv ntơưr cux lax, hmo ntux mak ntâu jiês tsuv max mav mâuz xuôk cêr muk. Tâu nganhx tênhv tsov cưv paz cur chuôz zis uô tsâus ntâu hênhr”.

Tsaz yênhx kriz uô hâur shông 2019, zos paz kho, hlôngr yiêz têx xor tênhv, kê tênhz trâu 100 ziv chuôz zis pluôs, chuôz zis tâu sơưv cêr chêi sâuv thax tsav tỉnh. Têx kê tênhv tênhz no zos chor kê tênhz paz trâu pêx xênhv cxênhx txuôs tênhv. Cux hâur luz hli no, công ty tênhv tênhz Đắk Nông tưz yax kriê txos trâu cưk kriê thiêz shux xênhz tsêr cơưv cxênhx iz Trần Văn Ơn, ntơưv xar Đắk Nia, thị xar Gia Nghĩa, tỉnh Đắk Nông lok tsưr ziv phax tar txiêz nanv tênhv thiêz cxênhx txuôs tênhv trâu chor shux xênhz têx tsêr cơưv ntơưr sâuv thax tsav. Cưk kriê Phan Thị Hằng, cưk kriê ntơưr tsêr cơưv cxênhx iz Trần Văn Ơn hêik: “Tsêr cơưv cxênhx iz Trần Văn ơn hnuz no shir phaz tâu chor cán bộ  tênhv tênzh lok yax kriê cxênhx txuôs tênhv, ngaz tuk tênhv. No cux zos yax kriê trâu chor shux xênhz pâuz sir zôngv tênhv ngaz tuk thiêz cxênhx txuôs, txix co hêik trâu zuk chuôz zis pâuz sir zôngv tênhv thiêz cxênhx txuôs tênhv tâu ngaz tuk thiêz truôx jông đuô”.

Zơưv Nguyễn Văn Trình, Phưv Giám đốc Công ty tênhv tênhz Đắk Nông puz pâuz, nganhx tênhv Đắk Nông tsov cưv txos chor nênhs sir zôngv tênhv zos tsênhv njiêz thiêz sêiz nênhs sir zôngv li thôngx siêz zos kror njuôk xav txos trâu doanh nghiệp li yênhx côngz. Nganhx tênhv zuôr qênhz shuôk đuô tas nro cxuô kror hâur phưx vưv nênhs sir zôngv tênhv cov tâu zos đrêiv luôs hâux lưv tso tơưv. “Đhâu ntâu shông thiêz tiv zix hâur shông no, hâux lưv yưv pênhr kho đuô cxiv luôs tênhv, nhiv no tênhv tưz tâu chaz txos tas nro têx jêx jok nhoz đêz, tox siêz. Đros tsaz yênhx paz trâu nênhs sir zôngv cov muôx tâu nênhs sir zôngv, nênhs yưv pênhr li tsov cưv txos, piêr pâuz têx qơư tsoz phưz nênhs sir zôngv chiê nênhs sir zôngv pâuz tâu thiêz zôngx ziv, hêik pâuz têx zoz qơưx phưx vưv chiê txix co paz muôx chôngz đuô nênhs sir zôngv tênhv tênhz têz qơưk đuô”./.

(TTTN-Lik Thox cxêik nhênhv)