Tsôngv box tox siêz Lai Châu tsâu sor cxôngx huôv tsar thiêz por vêv jôngr

          Têx shôngk tov ntêx, tsôngv box mênhx cxưx Hmôngz, Cho nhoz jos Sin Suối Hồ, xã ntus đriv Sin Suối Hồ, huyện Phong Thổ (Lai Châu) li phênhv sâu tsuôk khov njôngr txos hâux lưv muk lor njuôs hâur têx har xuz jôngr thiêz uô liêx têz tsêz chos kôngz lôngk, sir jos khưr hâur yênhx shông cux zos txâuk nox. Khov tâu cán bộ tuôx jêx jos yax kriê, vênhv tôngv por vêv jôngr, tsôngv box uô lơưr, viv li luz nênhx jux jus ngaz tul đuô.        Tix lâuk Lai Xênhv Vax, iz lênhx tsôngv box nhoz jos Sin Suối Hồ heik: Kuôk nor 5 shôngk, tix lâuk chuôz zis cxaz chuôz dự án chos jôngr thiêz por vêv jôngr ntơưv thax tsav xã. Cxôngx mênhv chêx jôngr jênhv chos tsoz txir tuz ziz thiêz por vêv jôngr tsênhv muôx, tix lâuk tsênhv chos cxaz 2 cxênhz tsoz txir hơưk thiêz pax lan hâur xuz jôngr. Txos nhiv no, iz shôngk, tix lâuk chuôz zis puôr lênhx muôx phênhv sâu yênhx puôk tsov đeiv cxôngx jix vuv tênhx qơư jôngr, sâu txir tuz ziz, txir hơưk thiêz muôs pax lan.

          “Jos li ar muôx tsi ntâu, phênhv ntâu chos jôngr tas, nhoz tưs cux pov njuôz jông, tsi chiê ar khôngz li ntu đrav ntêx lơưv thiêz. 5 shôngk đhâu zos tsi muôx lênhx tưs ntor luôx lok sik hlơưr thiêz mak jôngr zuôr njuôz jông. Đros jôngr công nghiệp li txir tuz ziz thiêz ntâu tsoz chos txơưr cux huôv tsar jông, 2 shông thiêz pêz cux zuôr sâu đê chox muk muôs trâu niêv ciêz thiêz cux zos tiv phaz li xiv huv jông”.

          Niêv lâuk Le Xênhv Shôngx chuôz zis cux muôx ntu zos ziv chuôz zis pluôs tiv zix nhoz jos Sin Suối Hồ no. Muôx 6 lênhx nênhs hâur iz chuôz zis tsuôk tos njôngr lok mê njik ar uô liêx têz chos blêx, chos kok ntông.    Cxôngx thâuv jênhv tsoz phưz, por vêv 2hecta ntâu jôngr thiêz chos txir hơưk, niêv lâuk chuôz zis tưz hla đhâu cêr pluôs thiêz yênhx chuôz zis bluô nux hâur jos. Muôx phênhv sâu ngaz tul cxôngx chos jôngr, niêv lâuk thiêz pox nhuôs hâur jos puôr lênhx pâuz tâu têx liv zix cxôngx jôngr gra lok chiê por vêv. Niêv lâuk Le Xênhv Shôngx pheiz kênh:“Thâuv zuk por vêv jôngr mak por vêv tâu tênhx qơư jôngr hâur jos thiêz muôx tâu khôngz qiv jông, no zos kror mak cur pov lok six jông. Thâuv por vêv tâu jôngr li no mak tsi muôx tox poz ar lơưk, tsi muôx đêx ngaz. Thiêz cur zuôr sir jos chiê uô jông têx mak cur cơưv tâu hâur têx jiês tâu yax mông, heik kriê li hnuz no”.

          Chiê pox nhuôs tuôr truôx thiêz muôz siêz jênhv pâuz đuô thiêz hâur hâux lưv por vêv jôngr, cxôngx ntâu shông no, iz luz hlik 2,3 jiês, tuêv côngz xưv Zênhx pênhz phax Sin Suối Hồ ho đros cán bộ qênhz jôngr muk jêx jos tsưr tsix qênhz yuôx jôngr. Đrâuv yax mong por vêv jôngr, cán bộ pênhz phax thiêz cán bộ qênhz jôngr tsênhv heik kriê pox nhuôs chos cxaz jôngr, tsưr ziv phax tar cuz tox cuz jôngr. Khov co, pox nhuôs hâur jos tưz chuv tôngv sik đros cxaz chuôz por vev jôngr, phax tar cuz tox cuz jôngr.Trung úy, Măng Xênhv Shôngx, cán bộ vênhv tôngv tsôngv box, zênhx pênhz phax Sin Suối Hồ, huyện Phong Thổ puz pâuz:“Pêz chêx chôngk yax mông lok hâux lưv por vêv jôngr, tiv zix zos jôngr phax phưv nhoz jos nhoz đêz tsênhv qơư, tsi muôx têx thôngz xor mông. Hlôngr yiêz lơưr li jênhv pâuz, paz lơưr uô li chas por vêv tâu har jôngr jông đuô. Niêx shông têx chuôz zis cxaz chuôz por vêv jôngr puôr lênhx tâu thêv nhiêx txiêx tênhx qơư jôngr, viv li tas nro jêx jos sik côngv tês por vêv lok six jông”.

          Xã ntus đriv Sin Suối Hồ, huyện Phong THổ muôx 10 jêx jos, 900 ntâu ziv chuôz zis, đros zuôr xar 5 cxênhz lênhx nênhs, phênhv ntâu zos tsôngv box Hmôngz thiêz Cho nhoz uô nênhx. Nhoz no muôx ntu tâu pâuz txos zos huyện Phong Thổ li qơư pluôs thiêz cuz nxor lok zax zênhz. Khov uô jông côngz xưv por vêv jôngr, pox nhuôs tưz hlôngr têx har jôngr đo yênhx têx qơư njuôz jông huôv tsar ju lix côngv thôngx nhoz Lai Châu. Zơưv Chẻo Quẩy Hòa, Chủ tịch UB xã Sin Suối Hồ, huyện Phong Thổ puz pâuz:“Pêz sik côngv tsưr tsix muk txos têx jêx jos chiê yax mông por vêv jôngr, cxôngx co tsôngv box cux tsi uô cxâuv cêr chei, tsi ntor luôx jôngr thiêz. Tsôngv box cxaz chuôz muôx txơưx jênhv thiêz jênhv pâuz tâu muôz siêz tsênhv tsênhz. Hâur ntu zuôr txos cux xar njôngr bộ đội pênhz phax thiêz têx cấp sik côngv đros chinhr quyênx tiv phaz, uô jông côngz xưv yax mông chiê jôngr tâu taz por ziv hnuz ziv huôv tsar”.

          Por vêv jôngr zos por vêv luz nênhx tsâu sor. Cxôngx chêx cuk tsênhv tsênhz nhoz Sin Suối Hồ thiêz xav tênhv tâu jôngr li pưs txux, kror coaz tsôngv, hâur tsaz yênhx huôx tôngv ntu 2020-2025, tỉnh Lai Châu tưz cxiv tsa đề án thiêz nghị quyết lok huôv tsar jôngr truôx vênhs, sir jos txos shông 2025, chuôz cxaz jôngr tâu chos njuôz jông hâur tas nro tỉnh ndê txos 54% chiê tsôngv box nhoz uô nênhx jông đuô khov txos har jôngr./.       

(K.Kiên-Txâur Vax cxeik nhênhv)

Jênhv pâuz moz trưx phax ka hâur ntu qir moz

Nriêr pâuz lok moz trưx phax ka

Moz trưx phax ka zos zav moz huôv tsar kênhz, taz sik zos tsik tâu chơưv kho nzor mak zuôr huôv moz trâu chax đaz, njưl thiêz poz cxa.

Chor nênhs moz zav moz no mak uô nênhx nhoz tâu muôx 5 shông tror sâur cux chôngz. Pov nzor tâu zav moz trưx phax ka ntu 1, chor nênhs moz zuôr uô nênhx nhoz tâu ntêr, moz trưx phax ka ntu 2 mak cux li co, moz nhoz ntu 3 mak zos 93%, hok moz trưx phax kaz ntu moz lox lơưv mak chiêx tâu muôx 51%. Đros uô tâu nênhx nhoz siêz đuô pir li têx zav moz trưx phax txơưr đuô thâuv pov tau moz nzor, sơưr đơưk tsuv njuôk shuôk đas jos cov pov tâu moz trưx phax ka nzor hâur ntu xuz thơưx chiê chơưv kho cov sêi zos hmôngr tsik jông zuk ho trâus moz zav moz no.

Têx kror jênhv pâuz moz trưx phax ka nhoz ntu 1

Zus pov tâu trâus moz trưx phax nhoz ntu xuz thơưx, zuôr uô nênhx nhoz tâu ntâu đuô 5 shông trâu 100% chor nênhs trâus moz, viv no zos iz hâur chor zav moz trưx phax zôngx ziv chơưv kho tiv zix. Zos li têx muôx yưv thâuv trâus moz trưx phax nhoz ntu xuz thơưx zos li chak?

Pov moz su poz ntơưv chax đaz muôx njil tơưr, njiê pov tsênhz đros moz kos ntơưv iz saz chax đaz, pov txar muk lok thâuv zuk grok zav nox, kâuz ndâus.

Luz poz su o co mak tơưr, hêik luk mak cxơưk ka, lax uô pa

Lax grok zav nox, kâuz ndâus tiv kror moz oz co thêir.

Tơưr grêix ntơưv chax đaz xiêr đuz lok sik to pêiv nyar.

Siêu âm mak zuôr pâuz pov tâu trâus moz trưx phax ka, viv li, zos pov zuk luz chax đaz muôx yưv têx phiv liv li hêik tas co mak tsuv tuôx ciês trâu têx qơư y têr chiê tâu njuôk kho moz cov sêi. Đuô li, sơưr đơưk tsuv njuôk shuôk zuk đas jos tsik so 6 luz hli iz jiês chiê pâuz tâu zuk đas jos thiêz têx moz muôx hâur zuk luz chêr./.

(Thu Thùy-Lik Thox cxêik nhênhv)