Jax sâu thưr 6 hnuz 11/12/2015

Sir zôngv qir tsiêx cxu uô phênhv sâu-tsưr ziv uô txix Đồng Tháp

Zos tiêk thâuv ntêx no, đros pz nhux muôx zuôr xar 10 tuk tix lâus Võ Thanh Dũng nhoz xã tân Công Chí, huyện Tân Hồng yênhx hnuz tsuv zok nriêr qơư chiê phâuk nhux li têx qir. Taz sik nhiv no mak tsik thav uô li lơưv, tsiêx cxu li têx qir co tâu sâu tsês yênhx hnuz, jiêz kruôr thiêz tso trâu hâur hnaz chiê muôs. Đros iz hnnaz txix 16 txos 20 cir, nênhs tu zus zuôr sâu tâu 20-25 cxênhz đêiv. Tsuôk xav nhiêx muôs qir iz shông tix laus Dũng sâu tâu 500 cxênhz đêiv ntâu. Chor nhiêx no paz trâu tix lâus uô tâu ntâu kror, paz trâu tix lâus khưx phưx tâu iz phênhv tưs hâur chuôz zis. Tix lâus Võ Thanh Dũng hêik:

Băng: “Thâuv ntêx no mak khơưz kror iz saz co chiê trâu tsik pâuz uô li chak. Muôz huk uô yênhx pơưs tsês kruôr mak muôz hlơưr por tsês. Nhiv no muôx nênhs zuôr mak zuk muôz jiêz chiê muôs. Nhiv no lơưr zuôr 21 cxênhz đêiv iz hnaz, muôx nhos iz ciêz li mak lơưr tuôx thâux iz jies”.

Đros cor cav zos muôz têx vuôz tsuôz por hâur cưx đêx, ntu thâuv ntêx no, ntâu chuôz zis zus nhux tưv nhoz Đồng Tháp tsênhv muôz tsiêx têx qir por hâur đêx. Uô trâu tênhv qơư tsik hur phiv liv. Txix thâuv muôx taz viv sâur zuôr, pêx xênhv nhoz no tưz sâu tsês têx qir guôx co chiê muôs, viv li tưz phênhv tưs cêir chêx tâu phiv liv hâur tu zus tsiêx cxu nhoz tiv phaz. Cux khov uô jông côngz xưv sâu zuôr têx qir co, mak xã Tân Thành B, huyện Tân Hồng, chính quyền tưz tsik yuô njiz phiv liv tiv têx chuôz zis tu zus tsiêx cxu lơưv. Txos nhiv no, xã cux tưz phênhv tưs uô tiêr cxiv tsa jêx jok yiêz, hâur co muôx luôs hâux lưv tênhv qơư. Zơưv Võ Văn Thoàn, phưv chủ tịch UBND xã Tân Thành B, Huyện Tân Hồng hêik:

Băng: “Qir nhux tưv mak cux uô phiv liv txos tênhv qơư thâuv ntux lok nas mak pêx xênhv jiêz tsik tâu, nhiv no pêz cux tsik tâu muôx qơư chiê kra jiêz. Phênhv ntâu mak nhiv no pêx xênhv sâu tsês trâu hâur hnaz thiêz muôs”.

Tâu pâuz, têx qir guôx thâuv sâu tâu zuôr tâu muôs trâu nênhs sâu zuôr. Đhâu co ho tror tâu muôs trâu pêx xênhv chos têx shôngz ntông têr shông ntơưv chor tỉnh Đông Nam Bộ thiêz Tây Nguyên…chor qir no tâu zôngv đros cxuô zav qir zuôv trâu tsoz chos paz uô trâu tsoz chos huôv tsar jông. Lơưr chôngz nênhs mak chor qir nov tâu chôngz nênhs nhiêv. Tưz tsik zos saz đrâuv tỉnh mak chor qir no tsênhv tâu zôngv ntâu hâur têx vax chos ntông nox txir…ntơưv huyện Lai Vung, Châu Thành thiêz huyện Cao Lãnh. Zơưv Trần Thanh Phong, iz lênhx tsưr qir guôx  ntơưv thị trấn Sa Rài, huyện Tân Hồng, Đồng Tháp hêik:

Băng: “Sâu tsês nhoz no, cê sâu tsês cê uô hur tênhv qơư. Cur sâu zuôr tsês no thiêz chox muk Tây Nguyên muôs trâu sơưr đơưk zuôv trâu cà phênh, hưx txoz. Thax tsav tây nguyên zuôr lok six ntâu, nhiv no mak luôs xar zuôr chor qir no.Zuk sâu zuôr txix cxuô qơư lok trâu ntơưr no chiê muôs”.

Txơưv nhiv kruôr huôv tsar hênhr hâur 2 shông tror lok no, taz sik sâu zuôr qir tsiêx cxu sâuv thax tsav tỉnh Đồng Tháp chiê uô qir zuôv hâur kôngz nuv tưz gôngr phênhv hênhr trâu tso grêk tsơưs tsik hur tênhv qơư hâur tu zus tsiêx cxu…Kror no cê paz muôx nzir phênhv sâu trâu pêx xênhv cê uô hur tênhv qơư tiv zix zos têx jêx jok. Đhâu co, txo grêk tsơưs ntâu kror phiv liv txix tu zus txos lênhx nênhs li luz nênhx, đas jos./.

(Thanh Tùng-Lik Thox cxêik nhênhv)

Phênhv nriêr pâuz lok têz qơưs têx chei pháp luật thưr 6, hnuz 11/12/2015

Piêr kriê têz qơưs têx chei cxaz nzir pênhr dưv anr yeik txar tsôngv box muk nhoz qơư yiêz zuôr qơư uô tsêr meir tênhv tênhz Sơn La.

Tsênhv tsênhz, Thủ tướng Chính phủ jông siêz, thôngx ziv cxaz nzir Dưv anr cêr muk Mường Lay-Nậm Nhùn ntu iz, tỉnh Điện Biên thiêz Dưv anr cxiv kho, uô đuô tỉnh txox cêr 107 ( ntu Chiềng Pấc-Phiêng Lanh) , tỉnh Sơn La hâur bê têx dự anr zuôr trâus uô hâur tsưr ziv njuôk hov yeik txar tsôngv box muk nhoz qơư yiêz zuôr qơư uô Dưv anr tsêr meir tênhv tênhz Sơn La lơưr Thủ tướng chính phủ quyết tinhv số 875/QĐ-TTg hnuz 6/6/2014.

Iz chas ntơư, cxaz nzir 629,35 tỷ đeiv trâu chor pênhr yưv uô Dưv anr yeik txar tsôngv box nhoz qơư yiêz, zuôr qơư uô tsêr meir tênhv tênhz Sơn la lơưr Thủ tướng Chính phủ Quyết tinhv số 2009/QĐ-TTg hnuz 4/11/2013.

Đros hâux lưv seiz car, sir zôngv têx pênhr yeik txar tsôngv box muk nhoz qơư yiêz zuôr qơư uô tsêr meir tênhv tênhz Sơn La tâu choz lơưr Thủ tướng Chính phủ Quyết tinhv số 2009/QĐ-TTg hnuz 4/11/2013, têx Bộ, cơ quan thiêz ntơưv qơư seiz car, sir zôngv cov tâu jông trơưk cui tinhv nhiv no, taz por yưv pênhr uô thiêz taz txơưx jênhv uô ntêx Thủ tướng chính phủ lok hâux lưv seiz car, sir zôngv chor pênhr no.

Thủ tướng chính phủ heik UBND têx tỉnh Sơn La, Điện Biên, Lai Châu zênhx max qênhz shuôs, xav tinhv zoz qơưx pênhr yưv uô, lar heik zos têx pênhr zos EVN taz por trơưk Thủ tướng chính phủ Quyết tinhv số 2009/QĐ-TTg hnuz 4/11/2013 chiê uô tâu tiêr dưv anr trơưk Thủ tướng chính phủ chox kriê ntơưv thôngz pov số 172/TB-VPCP hnuz 20/5/2015, xa trâu têx Bộ tsưr ziv thiêz yưv pênhr uô, Nhiêx txiêx, Kôngz nuv thiêz huôv tsar tox siêz chiê chêx tsôngk, pov cov thủ tướng Chính phủ lơưr cui tinhv./.

                             (Thu Thùy-Riê lâux cxeik, nhênhv)