Uô jâuz ngaz tuk nhoz tox siêz Sơn La

Đros kror liv zos muôx đêx ar jông, qiv hơưv huv đros trâu uô xênhz yar kôngz nuv, đros huov tsar chos ntông nox txir, tsoz chos công nghiệp, jâuz tâuv, tỉnh Sơn La tưz tsov cưv huôv tsar chor hax huv kôngz nuv jông nhoz chor tiv phaz, sir jos uô xênhz yar hax huv kôngz nuv hur. Lơưr co, tỉnh tưz muôx ntâu tsưr ziv, tsênhv chêi chiê huôv tsar jâuz, txir, kok ngaz tuk, cxiv uô chor tsưr ziv, Hợp tác xã uô jâuz hur lơưr ploz tsênhr VIETGAP.

Piz txix tsênhv tsênhz hâur uô xênhz yar thiêz pov tâu krỏ rliv, tsiv gri truôx thâuv chos jâuz ngaz tuk, chor hợp tác xã, ziv chuôz zis tưz yưv pênhr, sir zôngv khoa học kỹ thuật sir jos huôv tsar chos jâuz, txir, kok ngaz tuk. Nhiv no tas nro tỉnh muôx zuôr xar 6.000 hec ta chos jâuz, txir, kok tax tsơưr lươngv 77 cxênhz ntâu tấn iz shông, phênhv sâu njuôk xav muôx 386 tiv đêiv. Chor jâuz, txir, kok tâu muôs hâur tỉnh, thành phố Hà Nội thiêz chor tỉnh iz ndis. Zơưv Hà Văn Bình, Phưv chủ tichnUBND huyện Mai Sơn puz pâuz:

“Nhiv no sâuv thax tsav huyện Mai Sơn muôx 2 HTX tâu cungz jênhv Viet Gap, thax tsav đar 12 ha hax huv tưz tâu muôs trâu iz cxiê qơư. Tsưr ziv mak huyện Mai Sơn tror kriz đar muôx 500 ntâu ha ntơưv chor xã Hát Lót, Chiềng Mung, Mường Bon, Mường Bằng, Cò Nòi. Hâur sêiz car vêv xênhz ngaz tuk zav nox tsik so chox kriê chor cơ quan uô hâux lưv no qênhz yuôx, sêiz kaz lok uô lơưr chor cơ quan li cuiz tênhv”.

Tỉnh Sơn La nhiv no muôx 18 hợp tác xã uô jâuz, txir kok ngaz tuk đros thax tsav xar muôx 108 ha. Chos jâuz lơưr saz ngaz tuk thiêz ploz tsênhr Viet Gap tâu chor hợp tác xã sir zôngv, paz muôx chêx cur, chuôz cxaz phênhv sâu trâu chor thành viên. Zơưv Phạm Thanh Thưởng, Giám đốc HTX kôngz nuv Tiên Sơn, huyện Mai Sơn hêik:

“Txix thâuv pêz sik côngv 26 chuôz zis yênhx iz HTX chos jâuz ngaz tuk thiêz ploz tsênhr Viet Gap mak hax huv uô tâu lok six taz por tsơưr lươngv cux li gri tâu truôx tuk mak pêz sik côngv đros chor doanh nghiệp, chor qơư zuôr nhoz Hà Nội cux li TP Sơn La, Sông Mã, Quỳnh Nhai chiê muôs”.

Tỉnh Sơn La sir jos txos shông 2020, uô jâuz zos yênhx iz nganhx huôv tsar lơưr saz uô tsik so, tsêx trung, muôx tsơưr lươngv siêz txix công nghệ jông, chos hâur tsêr xuôk nzêik thêir vor thiêz đrâuv jôngr. Tỉnh cux tưz cxiv uô 10 hec ta chos siv nôngz jâuz ntơưv huyện Mai Sơn, Yên Châu, Mộc Châu, Phù Yên thiêz thành phố Sơn La chiêz iz thênhv jux juk tax tâu chor chuôz zis li zoz qơưx uô xênhz yar. Pos Cầm Thị Phong, phưv giám đốc sở kôngz uv thiêz huôv tsar jêx jok tỉnh Sơn La hêik:

“Pêz uô thiêz huôv tsar uô xênhz yar, cungz muôl muôs jâuz, paz 12 hợp tác xã chos jâuz ngaz tuk, kruôz kriê tsưr ziv uô xênhz yar kôngz nuv. Thôngx cxix, xav jênhv hax huv jâuz uô muôs lơưr tsưr ziv ngaz tuk trâu 28 qơư sâuv thax tsav chor huyện, thành phố, paz hêik pâuz muôl muôs hax huv jâuz ngaz tuk trâu HTX jâuz, txir kok sâuv thax tsav tỉnh”.

Zuôr txos, Sơn La zuôr muôx nzir ntâu côngz bê jâuz ngaz tuk, tsơưr lươngv tâu ciêz đrôngs hâur thiêz đrâuv têz qơưk nhiêv, paz muôx iz tsưr ziv uô truôx thiêz chêx cur siêz hâur huôv tsar kinh tế trâu pêx xênhv./.

(Thanh Thủy-Lik Thox cxêik nhênhv)

Huôv tsar đảng viên pox niêv mênhx cxưx tsơưs nênhs Trạm Tâur

Niêv tix Nzông Xênhv Hav, 33 shông, mênhx cxưx Hmôngz nhoz xã Bản Công, huyện Trạm Tấu tâu pâuz txos zos iz hâur chor pox niêv đảng viên mênhx cxưx tsơưs nênhs uô tâu hâux lưv jông nhoz tỉnh Yên Bái. Đros zos iz pênhx chủ tịch hội gâux muôv vir ndâuk xã, hâur côngz xưv yax kriê hêik chor gâux muôv vir ndâuk Hmôngz, niêv tix muôs ntâu tsưr ziv uô jông, paz muôx chêx cur tsênhv tsênhz, tâu Đảng bộ xã thiêz cxuô cấp hội gâux muôv vir ndâuk ntâu gri siêz.

Iz zav li niêv tix tưz hêik chor gâux muôv vir ndâuk Hmôngz uô lơưr tsưr ziv xênhz zus mê nhuôs hâur chuôz zis, tsik xênhz zus tuk nhuôs tiv 3, tsik siz zuôr nzor thiêz zuôr cxênhz jê; hêik chor gâux muôv sơưr đơưk sir jos huôv tsar kinh tế chuôz zis, tsik chos zax zênhz, tsik mnôngs uô lơưr chor nênhs fêv nziêk đas; tiv zix zos uô lơưr luz nênhx yiêz hâur nox yôngz cok, uô đaz uô kruô…Niêv tix puz pâuz: “Zuk zos đảng viên, zos cán bộ mak tsuv uô ntêx hlo. Zuk uô tâu mak chor gâux muôv sơưr đơưk thiêz uô trơưk”.

Jok Kháo Chu, xã Bản Công, huyện Trạm Tấu txơưv tiêk iz đraz ntâu zos pox niêv, taz sik phênhv ntâu chor pox niêv tsik pâuz ntơưr. Uô chak chiê chor pox niêv no muôx txâuk txux chi chiê sêiz shuôk tso nhoz đảng viên xưk li zos iz kror jênhv vưv lax uô tâu, co tưz tsik tâu xav txos têx sêiz tsik siz bâus pox niêv txir nênhx hâur côngv thôngx. Pox niêv hmôngz tsik so tâu chiê uô têx hâux lưv hâur tsêr, liêx têz, phưx vưv trâu tuk txir thiêz mê nhuôs.

Lơưr niêv tix Nzông, xar tso tâu pox niêv nhoz đảng viên mak tsuv pâuz tsênhz lơưr luz nênhx txix thâuv tsênhv muk cơưv ntơưr, thiêz hêik chuôz zis chiê lơưr cxaz chuôz xênhz huôx chiê yênhx nênhs jux juk thiêz txâuk tsar tov tso nhoz đảng viên.

Zơưv Chinh Xênhv Zax-bí thư chi bộ jok Tàng Gênh, xã Bản Mù, huyện Trạm Tấu puz pâuz: iz cxiê kror côngz xưv zos muôx đảng viên pox niêv uô mak muôx chêx cur đuô xưk li côngz xưv tsưr ziv xênhz zus nhuôs hâur chuôz zis, phax tar muôl muôs pox niêv, nhuôs zâu…Taz sik, nriêr pâuz, kruôz kriê tso pox niêv nhoz đảng viên zos iz kror phiv liv tiv phongx cxưx thiêz pox niêv li txux chi tsênhv kik.

Chor shông đhâu, Hội gâux muôv vir ndâuk huyện Trạm Tấu tưz tsik so hêik, yax kriê, gra siêz txux chi trâu chor hội viên, hâur co paz muôx lok cxuô zav, txux chi chiê chor gâux muôv sơưr đơưk cơưv tiêr ntơưr. Đros co, thôngz đhâu chor đảng viên pox niêv xênhz huôx ntơưv cxuô cấp hội, tưz yax kriê, gra siêz chor pox niêv mênhx cxưx tsơưs nênhs li jênhv pâuz lok Đảng.

Đảng bộ huyện Trạm Tấu nhiv no muôx 1.935 đảng viên, xênhz huôx ntơưv 32 chi, đảng bộ tiv phaz. Chos đảng viên zos pox niêv muôx 553 lênhx, tsav 28% ntâu; chor đảng viên zos pox niêv mênhx cxưx tsơưs nênhs muôx 189 lênhx, tsav 9% ntâu, taz sik đảng viên pox niêv zos mênhx cxưx Hmôngz tsuôk muôx 71 lênhx nênhs, tsav 3% ntâu thiêz phênhv ntâu zos cán bộ xã, cán bộ hội.

Zơưv thox Xênhv Zax, Bí thư Huyện ủy Trạm Tấu puz pâuz: “Cấp ủy đảng, chính quyền tiv phaz tưz bax, sir jos sik côngv đros chor chi bộ jêx jok hêik shux xênhz zos pox niêv mênhx cxưx tsơưs nênhs đhâu cơưv tas ntơưr cxênhx oz tror cơưv ndê thênhv siêz đuô. Đros co, chor tsưr tsix đảng tưz sir jos yax kriê, zoz zux cách mạng thiêz jênhv pâuz lok Đảng trâu sơưr đơưk, hâur co muôx pox niêv zos mênhx cxưx tsơưs nênhs, paz trâu sơưr đơưk sir jos cxaz chuôz cxiv tsa Đảng thiêz sir jos cov tâu nhoz hâur đảng”.

Cán bộ tsênhv tsênhz zos chor nênhs sưv jê đros tiv phaz, uô 4 đros pêx xênhv. Hâur côngz xưv Đảng cux li, nriêr pâuz lênhx nênhs, uô côngz xưv kruôz kriê, gra siêz jênhv pâuz thiêz tas nro tu uô ntâuz ntơưr, cxuô thênhv chiê tso nhoz hâur đảng trâu chor pox niêv… cux tưz thiêz tsênhv tâu cxuô cấp ủy Đảng nhoz tỉnh Yên Bái tsov cưv txos kriz uô./.

(Báo Yên Bái Điện tử-Lik Thox cxêik nhênhv)