Yên Bái bax tsưr ziv phax tar hluôr tơưk cuz tox cuz jôngr hâur kaz cheix ntux kruôr

Xã Dế Xu Phìn, huyện Mù Cang Chải muôx zuôr xar 2 cxênhz ha jôngr ntông nzôngr têx hâur đêx. Hâur six hơưv đhâu, xã tưz sir jos đros canr bôv sêiz car jôngr hâur thax tsav thiêz ban seiz car jôngr ntông tsưr tsix trâu tsôngv box 6 paz chuôz zis cir ntơưr sik đros por hưv jôngr. Iz chas ntơư, sir jos pheiz têx ntơưr yax kriê chei têz qơưk lol sâuv por hưv jôngr txos trâu tsôngv px, chiê gra siêz tsôngv box sđ txux chi tsưr ziv jênhv pâuz thiêz txơưx jênhv hâur por hưv thiêz phax tar cuz tox cuz jôngr. Tix lâus Hảng A Dở, Tsar jok Háng Cuốn Rùa, xã Dế Xu Phình, huyện Mù Cang Chải heik pâuz:

“Chiê phax tar hluôr tơưk cuz jôngr hâur cheix ntux kruôr gis mak pêz tsôngv box tưz tâu canr bôv yax kriê lok têx tsưr ziv phax tar cuz tox cuz jôngr. Hâur cheix ntux kruôr mak hur si jok tưz muk qêz suô, luôx đrox cêv hluôr tơưk chiê txar jav hluôr tơưk tsi txeik chis cuz trâu lưv thax tsav jôngr ntông”.

Mù Cang Chải nhiv no muôx zuôr xar 81 cxênhz ha ar har jôngr, hâur co muôx 60 cxênhz ntâu ha jôngr ntông chiv xênhz đrox tsuôs, 20 cxênhz ntâu ha jôngr ntông chos, nzôngr tox trôngz câuv har muôx 67% ntâu. Tiv tox trôngz hâur pêk nxaz, phiv liv muk lol, tsôngv box nhoz tsi uô cê, hâur cheix ntux kruôr kror cxiê qơư kruôr gis guôr, viv li fuô uô luôs hâux lưv phax cuz tox cuz jôngr niêx shông  njiz ntâu phiv liv. Hâur cheix ntux kruôr shông no, huyện tưz fuô uô ntâu faz tsưr ziv li: Qênhz shuôs đuô têx ban chox kriê thiêz tổ, đội phax cuz tuô cuz jôngr txix cấp huyện txos jêx jok, ziv chuôz zis; tsưr tsix trâu tsôngv px cir ntơưr chos luk tsi nav luôx têx xuz jôngr ntông uô liêx têz, tsi gra hluôr tơưk hâur têx har jôngr thâuv cheix ntux kruôr gis; cxiv uô têx qơư  cêv hluôr tơưk nhoz têx thax tsav, suôv qơư zov chênhr..... Zơưv Nguyễn Anh Tuấn-hạt tsar hạt yuôx jôngr Mù Cang Chải heik pâuz: Tiv uô jông hâux lưv phax cuz tuô cuz jôngr viv li hâur 2 shông đhâu, hâur thax tsav huyện tsi pov muôx hluôr tơưk tưs cuz tox cuz jôngr:

“Iz zos pêz fuô kriê uô têx cêr cêv hluôr tơưk ntơưv têx thax tsav nhoz iz ndis têx har jôngr thiêz têx suôv qơư zov chênhr zôngx ziv muôx hluôr tơưk txeil cuz jôngr thiêz xav tinhv iz cxiê tsênhv njiêz hâur hâux lưv yax kriê nhoz têx jok txos tsôngv box. Iz chas ntơư zos cir ntơưr chos luk sik đros por hưv jôngr trâu têx chuôz zis hâur tas nro thax tsav huyện”.

Chiê chuôz tsar hâux lưv por hưv jôngr; bax phax tir thêir, txo grêk tsơưs têx txuz hluôr tơưk cuz jôngr, tỉnh Yên Bái tưz heik cxuô thax tsav qơư chuôz tsar tiês hâux lưv seiz car jôngr ntông, xav tinhv phax cuz tuô cuz jôngr hâur thax tsav zos hâux lưv zov chênhr thiêz tsuv uô tsi so. Qir qênhz shuôs, phênhz têx chuôz zênhx phax cuz tuô cuz thiêz cxiv uô, cxok têx fiêx heik pâuz, fiêx txưr ntơưv têx thax tsav zov chênhr; yênhx lix mạng yax xa mông phưx vưv jông hâux lưv phax cuz tuô cuz jôngr.....Zơưv Nguyễn Thái Bình, Chi cục tsar Chi cục yuôx jôngr tỉnh Yên Bái heik pâuz:

“Pêz kriê cxaz tsưr ziv yuôr trâus lok sâuv phax cuz tuô cuz jôngr txix ntâu zav luk, lar heik zos luk heir nênhs tsơưs ntơưv qơư chiê gra siêz tsưr ziv jênhv pâuz thiêz chênhr phax trâu tsôngv px thax tsav tox siêz pov tâu têx tsi jông hâur ntor luôx, uô ruôr hiêv têx jôngr ntông, hluôr tơưk cuz jôngr. Uô đreiv cxuô cấp li luôs hâux lưv seiz jor lok heik pâuz, njuôk xav qênhx shênhx hluôr tơưk cuz jôngr hâur cxuô qơư xa xor mông hâur tỉnh, xav tinhv têx qơư zov chênhr zôngx ziv muôx hluôr tơưk txeil cuz jôngr chiê chuôz tsar canr bôv yuôx jôngr muk đros hâu nov têx xã thiêz tsưr jôngr chiê uô jông hâux lưv phax cuz tuô cuz jôngr”.

Tror fuô uô ntâu hâux lưv, sir jos uô têx tsưr ziv por hưv jôngr thiêz phax cuz tuô cuz jôngr txix tỉnh txos ntơưv qơư, Yên Bái tsênhv sir jos tsưx phưv truôx jông têx jôngr ntông hâur cheix ntux kruôr shông no./.

(Tuấn Xuân-Riê Lâux cxeik, nhênhv)

Tas nro iz xênhv nênhs uô hâu nov thiêz siêz sir jos tir tar luôk hâux lưv tsi jông lok bo xeir uô hâu nov nhoz Quỳnh Nhai

          2 shông ntâu đhâu, hâux lưv Chủ tịch UB xã tsi tâu bo xeir uô teiv plor Hội đồng pêx xênhv xã tsênhv six fênhx tâu ntâu lênhx nênhs nhoz xã Pá Ma Pha Khinh, huyện Quỳnh Nhai ndo njôngr txos. Lơưr tsôngv box, Chủ tịch xã thâuv co zos lênhx nênhs sei đrơưv, muôx txơưx jênhv đros hâux lưv uô thiêz tâu tsôngv box lok six njênhs njôngr txos. Viv li, hâux lưv zơưv tsi txâuk ntơưr bo xeir chiê uô teiv plor Hội đồng pêx xênhv xã uô ntâu lênhx nênhs xar tsi txos. Thiêz iz hâur têx qir tiv tâu pox nhuôs heik txos ntâu zos tiv Chủ tịch zos lênhx nênhs nhoz qơư txơưr tuôx, têx hâu nov txơưr ntơưv xã no ho muôx ntâu lênhx nênhs cxênhz jê, puôr lênhx uô hâu nov lox nhoz xã, muôx têx lênhx zos thường trực cấp ủy, muôx tul nhuôv nxeik zos Phưv bí thư đoàn xã, muôx tul tuz zos phưv chủ tịch HĐPX xã, 2 tul nhuôs xênhz nzưr zos cán bộ công chức xã; đrâuv co tul nxeik, tul vâur, tul hnhaz zos cán bộ chuyên trách nhoz xã...Tix lâuk Lò Văn Phong, Bí thư Chi bộ jos Nà Đo, xã Pá Ma Pha Khinh puz pâuz:

          “ Lơưr cur pâuz mak lok cơ cấu cán bộ xã đ/c Bí thư xã nhiv no muôx tul hnhaz cux zos cán bộ xã; đ/c Chủ tịch mak muôx tul nxeik zos Phưv bí thư đoàn xã. Co nyei cux zos Ban chấp hành Đảng bộ li cơ cấu”.

          Tsi taz nhoz Pá Ma Pha Khinh, hâux lưv iz chuôz zis, iz xênhv nênhs muôx chôngz lênhx nênhs uô hâu nov lox hâur xã cux muôx ntâu nhoz têx xã txơưr hâur huyện Quỳnh Nhai. Tsênhz mênhx, ntơưv xã Mường Giôn, Bí thư Đảng ủy xã muôx tul tuz uô công chức tư pháp hộ tịch xã, tul hnhaz zos Phưv chủ tịch Hội liên hiệp pox niêv xã, tul nxeik xênhz nzưr zos Phưv chủ tịch UB xã. Ntơưv xã Chiềng Khay, muôx iz ntu, phưv bí thư thường trực Đảng ủy xã muôx tul cưr zos Phưv chủ tịch UB xã, tul tuz zos Bí thư đoàn xã, tul nxeik zos công chức Văn phòng Đảng ủy xã....

          Lơưr Tsar Ban tsưr tsix huyện ủy Quỳnh Nhai Lừ Mai Văn, hâux lưv iz xã muôx ntâu lênhx nênhs hâur iz chuôz zis, iz xênhv nênhs uô hâu nov hâur xã zuôr uô muôx yưv têx luôk hâux lưv tsi jông...

          “ Lok vênhv thix sik côngv tês hâur nội bộ mak lênhx nênhs cxênhz jê thâuv tưs cux sik côngv tês đuô. Taz sik hâur krêz uô jênhv vưv mak lênhx nênhs cxênhz jê khênhr tsi car yưr lir txos qơư zos muôx uô cxâuv; lok sik pheiz côngz hâux lưv uô; tiv zix zos đros têx cán bộ tâu bo xeir uô hâu nov hâur xã, zos heik kriê lênhx nênhs txơưr nhoz qơư txơưr tuôx mak phênhv ntâu tsi tâu bo xeir, lênhx nênhs hâur tiv phaz mak lơưr tsuôk khênhr bo xeir lơưr li lênhx nênhs cxênhz jê. Viv li, pêz uô hâux lưv no cux lok six phêv liv”.

          Cxôngx qênhx shênhx no, hli 7/2018, Ban thường vụ Huyện ủy Quỳnh Nhai tưz tso tơưv têx Cui tênhv lok hlôngr cán bộ thiêz pheiz cấp, coar lik cán bộ cux xưk li heik kriê, bo xeir cán bộ yiêz. Têx luz hlik kaz shôngk shông 2018, Quỳnh Nhai tưz hlôngr iz cxiê cán bộ uô hâu nov nhoz iz cxiê xã. Hâur shôngk shông no, huyện Quỳnh Nhai tror tso tơưv tsưr ziv hlôngr hâux lưv uô đros cán bộ công chức, viên chức lênhs tov Ban thường vụ Huyện ủy coar lik.

          Lơưr đồng chí Đặng Ngọc Hậu, Bí thư Huyện ủy Quỳnh Nhai, huyện xav tênhv hlôngr cán bộ, công chức, viên chức lênhs tov li hâux lưv uô zos tsưr ziv coaz tsôngv chiê kriê cxaz cán bộ, paz lơưr tâu pâuz txos thiêz uô jông ntâu vênhv thix côngz xưv nhoz qơư yiêz, muôx pênhr xưv uô jông têx jênhv vưv tâu choz:

          “ Quỳnh Nhai cux lok six tsưv ziv yênhx trus uô lơưr têx cui tênhv. Tiv zix zos BCH tưz sik seiz lax, thâuv thôngx ziv siêz mak thiêx li tso tơưv, tsưr tsix krêz uô. Six hơưv uô, cux tsuv njiz yênhx lênhx cán bộ chiê heik cov lơưr pâuz thôngz. Lênhx coaz txos qênhx liv, muôx têx thâuv muôx lênhx nênhs jeik bê uô ntơưr tuôx muôx lênhx coaz txos chủ trương, cux xưk li tsưr tsix krêz uô côngz xưv cán bộ iz cxiê đồng chí tsi tax tâu trơưk li siêz xar. Huyện li tsưr ziv zos tror pâuz tâu qênhx shênhx chiê thôngx ziv cxôngx tập thể Ban thường vụ txos cơ sở, chiê hlôngr cán bộ, hlôngr hâux lưv uô mak têx cán bộ co tsênhz tsênhz thôngx ziv viv zuk li hâux lưv uô”.

          Tâu seiz zos iz hâur têx hâux lưv phưx txuôx, taz sik côngz xưv hlôngr cán bộ tưz tâu Huyện Quỳnh Nhai truôx siêz uô thiêz tâu xav tênhv zos iz tsưr ziv đros ntâu qơư tsov txos./.

(PVTTTB- Txâur Vax cxeik nhênhv)