Têx lênhx bộ đội Điện Biên thâuv ntêx ndo txos ntu tsênhv hluôk cxaz chuôr tir ntâus tros châuz

          Ndax trâu ntu no, hâur 66 shông đrav ntêx, thâuv têx bộ đội cxôngx tiêx đras tuôx tox siêz cxaz chuôz jiês tsav txênhz Điện Biên Phuv, chiến sĩ Bùi Văn Tỉnh tâu nhoz hâur Trung đoàn 176, Đại đoàn 316. Iz ntu đhâu co, zơưv tâu hlôngr mul Trung đoàn 174, cxaz chuôz tir ntâus tros sâuv trôngz A1- qơư muôx jiês tsav txênhz zov chênhr tiv zix hâur quân đội Việt Nam thiêz tros châuz Pháp hâur tsav txênhz Điện Biên Phuv.          Nhiv no tưz muôx 90 shông ntâu, tưz tsi yuô ndo txos ntu tsav txênhz thâuv co, taz sik thâuv jiês tsav txênhz Điện Biên Phuv tâu zênhx liv mak zơưv ndo njôngr txos, tsuôk li nhiv kruôr muôx yưv đhâu:“Cur cxok qix sâuv trôngz A1, tros châuz mak tuôs tas, taz sik thâuv pêz tuô tsuôv tav mak tror pov tros tuô pêz. Tros nhoz sâuv trôngz viv li tuô trâu pêz mak zôngx ziv đuô. Thâuv co thiêx li pov tros muôx kror ar chiê đreiv thiêx pov trâu chỉ huy sở. Đhâu co jênhv tâu lênhv yiêz thiêz li ntâus tâu zênhx liv, txênhz tâu trôngz A1”.

          Đros bộ đội lâus Phạm Văn Ngân mak hâux lưv tâu xênhz zus, hloz lox sâuv têz Hải Dương- têz qơưk trâus tros châuz txênhz, niêx hnuz pov tsôngv box luz nênhx txov nhêv njuôr, ziv uô zơưv xar tâu muk cxaz chuôz cơưx mênhv. Viv li, zơưv tưz cxaz chuôz cơưx mênhv cxôngx thâuv tâu 14 shông; txos thâuv tâu 16 shông mak tâu cxaz chuôz lok Đại đoàn 316, mul Điện Biên Phuv.        Tror ndo txos ntu thâuv co, zơưv xar tiêk zuk môngr jông đuô cxuô lênhx fôngx zưs, thâuv cxaz chuôz 3 jiês tsav txênhz: Điện Biên Phuv, tsav txênhz thủ đô thiêz tsav txênhz faz Nam thôngz ziv têz qơưk. Zuôr xar 90 shông nhoz uô nênhx, zơưv thâuv tưs cux txưv haox heik trâu tuz nhuôs tiêk tas nro zuk ntu hluôk nênhs puôr lênhx cxaz chuôz têx jiês tsav txênhz tir ntâus tros chiê têz qơưk tâu thax zênhz tiêx tul li nhiv no: “Cơưv 6 luz hlik chinhr trị lơưv, pâuz tâu tsôngv box li txox cêr khưr, têz qơưk trâus ntâus tsiv zov chênhr. Taz viv thiêx hu grus hluôk nênhs sơưr cêr cxaz chuôz tir ntâus tros, txưv zênhv mul, txơưv hnuz nhôngs tsênhv zâu cur cux sơưr cêr mul. Cxênhx hluôk nênhs thâuv co zơưv muôx fâu ntơưr hâur tsêr mak cux tsênhv zaoz zux, kruôz kriê tuz nhuôs hâur niêx hnuz. Cxênhx hluôk nhoz taz viv no cux li ntơưv, heik cxuô chor hluôk puôr lênhx seiz jông thiêz kruôk cur. Viv pêz zos lênhx nênhs uô ntêx nyuôk hâur quân đội”

          Puôr lênhx zos hluôk nênhs nhiv kruôr muôx 19, 20 shông hnuz nhôngs tưz tsuv tso tsês hâux lưv cơưv ntơưr chiê cxaz chuôz cxiv tsav txênhz Điện Biên Phuv, têx jiês tsav txênhz zov chênhr co tưz yênhx têx chiv nhênhv mak iz lênhx hluôk nênhs thâuv co ndo njôngr txos. Nhiv no, thâuv txox six hơưv chiv nhênhv, têx lênhx bộ đội co tror sik njiz, sik đros ndo txos ntu thâuv co thiêz seiz co zos jax cơưv chiê zaoz zux cxênhx hluôk nênhs nhiv no. Phạm Hải Nam, zơưv Phạm Văn Ngân li nhuôs xênhz nzưr pheiz kênh:          “Cur lok six txưv haox thâuv tâu zos chiến sĩ Điện Biên thâuv ntêx li nhuôs xênhz nzưr. Thâuv tâu mnôngs zơưv piêr kriê lok têx ntu thâuv ntêx co cur ndo njôngr thiêz xar tiêk zuôr chiv chir sir jos cơưv ntơưr chiê paz têz qơưk ziv hnuz ziv huôv tsar đuô”.

          Hâur 66 shông đhâu, cxôngx thâuv têz qơưk tâu zênhx liv, têx lênhx bộ đội lâus thâuv co nhiv no tsênhv nhoz uô nênhx puôr lênhx lâuk tas, hnuz nhôngs siêz. Đros lơưr, tâu sơưr tơưv txênhz, sir tas zuk li đas jos  tsưr ziv, tir ntâuk tros châuz Điện Biên Phuv tâu tiêx tus zos kror lok six txưv haox. Yuôr đros hluôk nênhs Điện Biên nhiv no, co zos têx jax cơưv tsiv grê, cxơưz cxiz cêr nhiêv têz nhiêv qơư, chinhz yênhx sik côngv siêz, chiê iz lênhx nênhs chiv chir xav tênhv zuôr sik côngv tas cxiv tsa Điện Biên heik taz, tas nro têz qơưk heik cxuô ziv hnuz ziv huôv tsar, truôx tuk./.

(Vũ Lợi- Txâur Vax cxeik nhênhv)