Tỉnh tox siêz ntus đriv Lai Châu taz por hnuz bâux xeir hâur phax tir moz

Tâu canr bôv xã yax mông, heik kriê lok cử tri vax huôv, txơưx jênhv, tix lâus Ma A Cu, nhoz jok Sin Chải, xã Mù Sang, huyện Phong Thổ, tỉnh Lai Châu đros 5 lênhx nênhs hâur tsêr tưz muk trâu tsêr vênhx huôv jok chiê seiz ntơưr lo bê cử tri, bê têx lênhx nênhs ứng cử đại biểu Côx hôiv thiêz Hội đôngx cxuô cấp, iz chas ntơư nriêr pâuz lok chor nênhs ứng cử li qơư nhoz, luz nênhx, qơư uô hâux lưv. Chiê đros tsôngv box hâur jok mul tso ntơưr bâux xeir cxix cxuô, tix lâus Ma A Cu tưz nhoz tsêr uô liêx têz, tsi muk uô nox đêz: “Xã tưz fuô uô hâux lưv yax kriê lok bâux xeir txos trâu chuôz zis, cur tưz pâuz tâu hnuz 23/5 zos hnuz ciêz zuôr muk bâux xeir. Chuôz zis lok six njênhs njôngr thiêz jông siêz, thôngx ziv trâu chor nênhs ứng cử.  Hnuz ntơư hur si pêz zuôr muk tso ntơưr bâux xeir”.

Zos huyện muôx 12 hâur 17 xã  muôx cêr đriv têz buôk Trung Quốc, muôx ntâu lênhx nênhs muk uô hâux lưv saz tov Trung Quốc tror lok, hâur ntu muôx moz Covid-19 tsênhv huôv xênhz phiv liv, huyện Phong Thổ tưz tso canr bôv muk yênhx jok đros canr bôv xã yax kriê, thôngz sâu bê thiêz kriê chor nênhs hâur tsêr hu, heik nênhs lox tôngv tror lok bâux xeir. Hok têx lênhx muk uô nox đêz thâuv tror lok zuôr tâu tso kuôk cêv lơưr nhoz lơưr iz kro thiêz zuôr muôx thôngz trâu ntơưr chiê tsôngv box tso têx ntơưr bâux xeir. Zơưv Vương Thế Mẫn, Chủ tịch Ủy ban huyện Phong Thổ heik pâuz: “Pêz tưz lo tas bê têx lênhx cử tri, qênhz shuôs duô hur tiz si cử tri hâur thax tsav cux li têx lênhx tsênhv uô hâux lưv hâur qơư nhoz. Đhâu tsiêz, hâur huyện muôx chor nênhs lox tôngv muk nox đêz, pêz tưz tso nênhs muk qênhz shuôs txos yênhx chuôz zis chiê bax trâu hâux lưv uô tiêr lo bê cử tri”.

Zơưv Nguyễn Thanh Văn, Phưv Chủ tịch Ủy ban huyện Tân Uyên heik pâuz: Tas nro huyện muôx 82 qơư tso ntơưr bâux xeir, phênhv ntâu têx qơư tso ntơưr co tâu huyện phênhz uô ntơưv tsêr vênhx huôv jêx jok thiêz têx tsêr cơưv ntơưr chiê tsôngv niêv txir lax px sđ zôngx ziv muk lol. Têx qơư, chuôz zênhx uz no phưx vưv bâux xeir txos iz jiês no tưz tâu cxiv uô, cxaz nzir chiê taz por jông trâu luôs hâux lưv bâux xeir: “Pêz tsênhv bax fuô uô hâux lưv trâu chor nênhs ứng cử, co zos tsưr tsix têx jiês vênhv tôngv bâux xeir trơưk tsưr ziv. Iz chas co tror cxơưz tiês yax kriê, vênhv tôngv tsôngv px muk bâux xeir cov tâu trơưk li tsưr ziv, lar heik zos qênhz shuôs chor nênhs lox tôngv tsênhv muk uô hâux lưv đêz chiê zênhx max heik trâu lơưr pâuz lok hnuz bâux xeir ntơư”.

Tỉnh Lai Châu muôx 10 lênhx ứng cử đại biểu Côx hôiv khóa 15, hâur co muôx 2 lênhx đại biểu zos T.Ư heik kriê; 83 lênhx tâu heik kriê ứng cử uô đại biểu Hội đôngx tỉnh khóa 15, six cxiv 2021-2026. Tỉnh muôx 2 qơư bâux xeir đại biểu Côx hôiv; 13 qơư bâux xeir đại biểu Hội đôngx tỉnh.

Chor nênhs ứng cử uô lơưr six hơưv, cui tinhv chuôs njiz cử tri txix hnuz xiêz 7/5, iz thax tsav qơư chuôs njiz cử tri nhoz 2 kror qơư. Hâux lưv chuôs njiz zuôr tâu uô uô cê hur si têx lênhx đại biểu Côx hôiv, Hội đôngx tỉnh, Hội đôngx huyện thiêz txo grêk tsơưs chor cử tri tuôx chuôs njiz. Zơưv Trần Tiến Dũng, Chủ tịch Ủy ban tỉnh, Chủ tịch ủy ban bâux xeir tỉnh Lai Châu heik pâuz: “Cxuô luôs hâux lưv taz por truôx tuk phax tir thêir moz tưz tâu Ủy ban bâux xeir tso tơưv, fuô uô. Pêz tưz chox kriê cxuô cấp, ngênhx chiê hux jos, lar heik zos yax kriê trâu cử tri uô trơưk T.Ư chox kriê lok uô lơưr têx cui tinhv: Chox ntâuz bos kror ndâux, tsi siz zâuv muk nhoz chôngz nênhs uô cê, muôz đêx cuô yuôx nzuôr têk.... Hâur luz six hơưv bâux xeir, cử tri zuôr uô lơưr cui tinhv chox ntâuz bos kror ndâux, njuôk shuôs đas jos, iz tus nhoz kuôk đêz iz tus, zos têx lênhx muk bâux xeir pov muôx têx moz li chas txơưr txar mak zuôr trâu kuôk cêv tso nưk nhoz nưk iz kro. Li ntơư thâuv bâux xeir tsi tâu tuôx chôngz nênhs uô cê thiêz tỉnh zuôr muôx nzir têx lênhx nênhs uô hâux lưv jông siêz chiê kriê tsôngv niêv txir lax px sđ uô têx li heik sâuv”.

Cử tri tsôngv box cxuô heir nênhs Lai Châu txix tsênhv qơư thị trấn txos trâu cxuô xã tox siêz, ntus đriv puôr lênhx shir phaz, chiê siêz tok njôngr txos hnuz bâux xeir, nhiêk chiv chir gra nhiêk ntơưr tso bâux xeir têx lênhx đại biểu txơưx njê, muôx txux chi, pâuz chox nox chox uô hlôngr njêx muôs trâu tsôngv niêv txir lax px chiê bâux xeir uô đại biểu Côx hôiv khóa 15 thiêz đại biểu hội đôngx cxuô cấp six cxiv 2021-2026./.

(Thanh Thủy-Riê Lâux cxeik, nhênhv)

Têx tsuv tsov cưv thâuv tu zus keiz hâur cheix ntux cuz sor thiêz tsưr ziv puz keiz nox hâur cheix ntux sor

          Keiz zos tul tsiêx tir chưv tsik tâu yar ntux cuz sor, viv keiz muôx iz chêr plâuz tuôz, lok tsi tâu hưk thiêz uô tsik tâu trâu luz chêr lax. Viv li cheix ntux sor, jêx tưv ndê siêz, keiz khênhr trâus kâus yar: uô tsik yuô tâu pa, tsi xar nox, gênhs gênhs...tsi muôx jos, zôngx ziv trâus thox plaz, Ecoli... zuôr uô zênhr shar txos keiz luz chêr thiêz đas jos. Zos jêx tưv ndê siêz pox nhuôs tsi muôx tsưr ziv phax tar mak keiz zôngx ziv trâus tuôs tiv cuz sor, viv li tu zus keiz hâur cheix ntux cuz sor tsuv tsov cưv têx  muôx li đrav kaz:

Tsuv muôx iz tênhx qơư jông tiv zix paz tu zus keiz hloz lox jông, tsuv tsov cưv: chôngx tu zus tsuv muôx cxix luôk nzuôv yuôz chuô thâuv yar ntux cuz sor.

          Iz cxiê tsov cưv thâuv tu zus keiz hâur cheix ntux cuz sor:

          - Lok chor keiz tu zus: Tsuôk jông tu zus cov huv đros, tu zus chôngz zuôr uô jêx tưv hâur chôngx keiz chuôz ndê siêz.

          - Lok đêx hâuk:

Tsuv puz keiz hâuk txâuk đêx, tiv zix zos đêx hur. Tsuv puz hâuk chuôz ndê chungz fênhx 1,8 txos 2 jiês pir đros thiêz fênhx yax.

          - Lok zav nox thiêz tsưr ziv puz keiz nox hâur cheix ntux cuz sor:

          Tsi puz keix nox têx zav njiêr, krâur trâus tuôx pưv, tsư cxiêz. Đros keiz tso ntơưv vax mak lok tsơưr khoáng thiêz vitamin tsi coaz tsôngv li keiz cơư chiê tu zus, viv li pêz tsuv nriêr pâuz keiz li zoz qơưx nox hâuk. Đrâuv co, krâur puz keiz tsuv taz por tsơưr lươngv, zôngx ziv nox, tsi tsês đhâu iz ciêz; tsi puz keiz nox thâuv yar ntux cuz sor hâur hnuz; tsuv puz keiz nox thâuv ntux pov cêr huv đros./.

(Khohangvn.vn-Txâur Vax cxeik nhênhv)