Jax  thưr 7, hnuz 11/6/2016:

Hêir nênhs poz ziz đơưz Lai Châu tsiêz xiêz 5 hli 5 hli ntux

Tsiêz xiêz 5 hli 5 hli ntux, thâuv ntêx hêir nênhs poz ziz tâu xav zos ntux têz phôngz nov, uô trâu hêir nênhs poz ziz đơưz nhoz Lai Châu siêz cax lul thiêz muôx chêi nox chơưr blâuv trâu thâuv têis cik sơưr nzor, đhâu ntơư ho nox cxuô zav txir chiê tuô cxuô zav caz. Hêir nênhs poz ziz xav tiêk: Tuô cxuô zav caz, đê yuôx đrox njuôz trâu hnuz xiêz 5hli 5 hli ntux thiêz râuz yuôx đrox njuôz chiê nzuôr chêr đa đêx hâur hnuz tsiêz xiêz 5, zos chiê têx mê nhuôv sđ tsik muôx moz gênhk.

Trơưk li hêir nênhs poz ziz xav: Cxuô zav yuôx đrox njuôz tâu đê hnuz xiêz 5 hli 5 hli ntux thiêz đê zos nênhk six, chuôs li ziv jông yuôx kho tâu cxuô zav moz gênhk đuô.

Tsiêz hnuz xiêz 5 hli 5, hêir nênhs poz ziz đơưz nhoz Lai Châu cux tsênhv muôx chêi trâuk trâu têk, trâu tơư uô cov jông jav. Pos Phượng x Vax nhoz jos 3, phươngx đoanx kết, đrôngl Lai Châu hêik pâuz:

Băng: “Thâuv cur tsênhv hluôk, cur cux tâu trâuk trâu têk trâu tơư, muôz tsoz chos cao chox lok tuôr shơư mê njik cuô njuôs kâuz, jak trâu têk trâu tơư thiêx tsik thiv thiêz thâuv trâuk ntơư, tsuv trâuk trâu thâuv hmo ntux”.

Đros ntơư, hêir nênhs poz ziz nhoz Lai Châu cux muôx iz hâur cxuô zav nduôr mor txâuv puôz hâur hnuz tsiêz xiêz 5/5, ntơư zos nduôr mor txâuv puôz yâur. Chor nduôr mor txâuv puôz yâur ntơư cux zos muôz cxur blâuv chox lok tsâu shơư cuô hmôngr yâur thiêz chor cuô yâur ntơư, tsuv tâu liv cov hur. Đhâu ntơư muôz blôngx chox lok krưr thiêz tsuv hâu 8 luz six hơưv, chor nduôr ntơư thiêx blâuv thiêz nox thiêx kaz. Pos Đèo Thị ôn, nhoz jos 3, phươngx đoanx kết đrôngl Lai Châu hêik pâuz:

Băng: “Nduôr txâuv puôz yâur zos heeirr nênhs poz ziz iz zav nduôr thâuv ntêx, tsuôk tâu krưr uô hâur hnuz xiêz 5/5 hli ntux chiê sir zôngv thiêz nox hâur ziv chuôz zis. Zav nduôr mor txâuv puôz yâur, tâu cxuô lênhx sđ nhiêv nox; nhiv no cur cux uô hâu hâur yênhx hnuz chiê muôs trâu hâur ciêz”.

Tsiêz xiêz 5/5 hli ntux, tưz yênhx hêir nênhs poz ziz đơưz nhoz Lai Châu iz cêr nênhx vênhx huôv jông muôx nhoz trơưr hâur luz nênhx tsik plox./.

                                           (Tsu cxêik, nhênhv-Thúy Ngoạn)

Phênhv thưr 7.11.6.2016:

TÊX LÊNHX NÊNHS JÔNG HÂUR PHONGZ YAOX VÊNHX ZIV NHOZ CƠ SƠV

***

          ( Băng bài hát...)

          Co zos jax cưr cxiêx tâu têx pos, têx zơưv hâur tuêv vênhx ziv jos Bó, phường Chiềng An, đrôngs Sơn La thâuv ntêx heik ndaz ndơưv chiv nhênhv 56 shông hnuz yênhx lix tuêv. Thâuv co, jos Bó yênhx lix 2 tuêv vênhx ziv, iz tuêv hluôk nênhs, iz tuêv zos nênhs muôx hnuz nhôngs siêz. Thâuv co cơ sở chuôz zênhx chuôz tas tsi muôx, tênhv tênhz cxuô zav cux tsi muôx. Taz sik cxôngx cêr moz siêz têx diễn biên tưz chiv chir tôngv vênhx sik đros shâuv thiêz tâu huyện, tỉnh hu mul piêr kriê. Pos Lù Thị Anh, nhoz tuêv vênhx ziv thâuv ntêx, nhiv no cux tsênhv cxaz chuôz tuêv vênhx ziv nênhs muôx hnuz nhôngs siêz jos Bó puz pâuz:

          “ Cur cxaz chuôz tuêv vênhx ziv cxôngx thâuv tsênhv zos iz lênhx hluôk nxeik, txos nhiv no cur tưz muôx 70 shông ntâu taz sik tsênhv cxaz chuôz tuêv vênhx ziv nênhs muôx hnuz nhôngs siêz. Thâuv ntêx cxaz chuôz vênhx ziv mak tsi tâu muôx tênhv tơưk li nhiv no, tsi muôx cưk kriê kriê. Nhiv no tsi xưk li thâuv ntêx lơưv, muôx tênhv tênhz, muôx loa đeix, muôx đĩa, muôx lênhx nênhs kriê...luz nênhx tsi khưr lơưv, cur tsênhv cxaz chuôz vênhx ziv, thiêz pov zuk tsuôk li hluô đuô tuôx”.

          Tuêv vênhx ziv thâuv co tsi taz đhiê pax vuôk, heik cưr cxiêx phưx vưv pox nhuôs xưz mak tsênhv muôx jênhv vưv yax mông, vênhv tôngv pox nhuôs cxiv tsa hợp tác xã, vênhv tôngv tuz nhuôs sơưr cêr mul por vêv têz qơuk thâuv têz qơưk tsênhv tir ntâus tros châuz Mỹ. Iz cxiêx lênhx hâur tuêv tâu xeir mul cơưv tsêr cơưv nghệ thuật qơư tưv trị Tây Bắc, thâuv tror lol tiv phaz tror sir jos gôngr côngv trâu phongz yaox vênhx ziv nhoz cơ sở. Zơưv Quàng Văn Ân, kuz diễn viên tuêv vênhx ziv jos Bó puz pâuz:

          “ Hâux lưv tsưr tsix vênhx ziv nhoz cơ sở zos Đảng, têz qơưk li chủ trương huv đros. Đhâu côngz xưv vênhx huôv vênhx ziv kruôk Đangv, zơưv côngz Hôx, kruôk txos têz qơưk, vênhv tôngv pox nhuôs sir jos cxaz chuôz uô lox tôngv xênhz yar, njênhs njôngr Đangv, têz qơưk li cêr chei, gôngr phênhv cxiv tsa, por vêv têz qơưk”.

          Tror phuôx huiz pos zơưs li cêr moz siêz, têx diễn viên hâur tuêv vênhx ziv jos Bó thâuv ntêx li têx tuz nhuôs tror cơưv têx tsêr cơưv vênhx huôv nghệ thuật hâur tỉnh, Trung ương. Ntâu lênhx hâur co tưz yênhx nênhs thiêz muôx ntâu gôngr côngv trâu vênhx huôv cơ sở. Tix lâuk Quàng Văn Hùng, Quàng Quý Ngọc thiêz tiv zix zos niêv lâuk Lù Thúy Vinh, zos tuêv tsar tuêv vênhx ziv thâuv ntêx li tul nhuôv nxeik tưz tau khơưk muôz bê nghệ sĩ jông. Jos Bó muôx 4 tuêv vênhx ziv, hâur co muôx tuêv pox niêv, tuêv nôngx mênhx thiêz tuêv hluôk nênhs, yuôr tuêv vênhx ziv Hôiv nênhs muôx hnuz nhôngs siêz muôx iz cxiê lênhx diễn viên cxôngx têx shông 1960 tsênhv cxaz chuôz phongz yaox. Têx tuêv vênhx ziv yax six shâuv tsi taz chiê phưx vưv kruô tuôx ndis shuôk tiv phaz, mak tsênhv sik njiz sik đros uô vênhx ziv đros têx tiv phaz hâur tỉnh, đrâuv tỉnh. Zơưv Lường Văn Đích, Bí thư chi bộ jos Bó ntâus grê:

          “ Phongz yaox vênhx huôv vênhx ziv tâu yênhx lix cxôngx shông 1960, txos nhiv no jos tror tuôr truôx huôx tôngv no. Six hơưv zuôr txos, cấp ủy, chính quyênx thiêz têx tsưr tsix đoanx thêv, pêz thâuv tưs cux tsov cưv txos têx tuêv vênhx ziv hâur jos, tiv zix zos tuêv muôx hnuz nhôngs siêz chiê têx zơưv, têx pos kruôz kriê tuz nhuôs moz siêz tuôr truôx mênhx cxưx li vênhx huôv. Gôngr phênhv cxiv tsa phongz yaox vênhx huôv vênhx ziv phuôv tsar truôx vênhs”.

          ( Băng bài hát...)

          Cxôngx zuk li cêr moz siêz uô vênhx huôv vênhx ziv, tuêv vênhx ziv thâuv ntêx li têx lênhx diễn viên tsênhz tsênhz zos têx lênhx nênhs uô ntêx nyuôk hâur phongz yaox vênhx ziv nhoz cơ sở. Lơưr li cêr moz siêz tâu cxênhx hluôk, têx tuz nhuôs nhiv no tror sir jos tuôr tsês phongz yaox vênhx ziv nhoz tiv phaz./.

( Lường Hạnh- Txâur Vax cxeik nhênhv)