Cêr jông siêz đhâu jiês đêx cuôr yôngz nhoz faz Bắc

          Hâur 2,3 hnuz no, sâuv têx ntơưr mạng xar hôiv zos têx lo lul hu grus, vênhv tôngv gôngr côngv paz txưv, pheiz kênh têx cêr pôngz siêz nhoz têx thax tsav trâus đêx cuôr yôngz nhoz faz Bắc li Mường La (Sơn La), Mù Cang Chải (Yên Bái), Điện Biên, Nậm Pồ (tỉnh Điện Biên)...Jax sâu tưs, lul vênhv tôngv tưs cux jênhv tâu côngv thôngx li tsov cưv, đros yênhx puôk, yênhx tsov jiês lênhx nênhs thôngx ziv paz max.

          Tsênhz mênhx zos hâur 2,3 hnuz đhâu, tưz muôx yênhx puôk đoanx côngz xưv cxôngx Trung ương txos têx tiv phaz gra mix tôm, cxur, tris yo, đros têx chuôz zênhx zuôr trâus txos têx xã, jêx jos, txos ciês têx ziv chuôz zis trâus zênhr shar chiê seiz nus, pheiz kênh thiêz tôngv vênhx lơưr. Nênhs khơưk muôz, nênhs tâu jênhv txơưv tsi shưv jê, txơưv tsi đros iz thax tsav têz qơưk, tsi đros iz mênhx cxưx, taz sik cxôngx têx cêr pôngz siêz đhâu jiês đêx cuôr yôngz, lênhx tưs cux pov no tsuôk li zuk cêr pôngz siêz. “ Sik hluz, sik paz max” mênhx cxưx Việt Nam li chinhz yênhx jông co tâu iz jiês thiêz phuôx huiz jông. Niêv lâuk Nguyễn Thúy Mai, txưv zênhv viên đoanx txưv zênhv cxôngx Hà Nội tuôx đros pheiz kênh têx cêr pôngz siêz hêik pâuz:

          “ Thâuv hnor mông tiêk Mường La trâus đêx cuôr yôngz, cur lok six hluz. Thâuv tuôx txos no, paz max iz phênhv mê trâu tsôngv box nhoz no, cur pov jông siêz đuô”.

          Iz lênhx paz max mê njik, cxôngx têx chuôz zênhx, têx trik yo, đeiv pav txos nhiêx txiêx...cêr jông siêz thâuv njiz phêv liv ziv tâu muôz siêz. Tix lâuk Cà Văn Uẩn, mênhx cxưx Thái nhoz jos Huổi Liếng, xã Nậm Păm, huyện Mường La, tỉnh Sơn La muôx pox niêv thiêz oz tul mê nhuôs trâus tuôs hâur jiês đêx cuôr yôngz. Pôngz lơưv lênhx nênhs cxênhz jê, tix lâuk tsi xar tror uô nênhx thiêz. Tâu chinhr quyênx tiv phaz thiêz têx tsưr tsix đoanx thêv seiz nus, tôngv vênhx, paz max, tix lâuk tưz hla đhâu cêr pôngz siêz lox co chiê tror sir jos nhoz uô nênhx:

          “ Cur pox niêv tsi nhoz lơưv, cur tsi xar tror nhoz uô nênhx thiêz. Tâu pox nhuôs thiêz têx cấp chinhr quyênx tôngv vênhx, nhiv no cur tưz jông siêz đuô phênhv tưs, cur uô tsâus ntâu hênhr”.

          Thôngz sâu txos nhiv no, ntơưv têx tỉnh faz Bắc, tiv zix zos 2 tỉnh trâus ruôr hiêv hnhar zos Yên Bái thiêz Sơn La, tưz muôx zuôr xar 400 đoanx tuôx seiz nus, khơưk muôz nhiêx txiêx thiêz chuôz zênhx cxuô zav, đros chor nhiêx txiêx ndê txos 10 tỷ đeiv, 37 tênhr cxur, 4.300 huv mix tôm, yênhx cxênhz poz trik yo đros têx chuôz zênhx xênhz huôx txơưr. Ntâu bộ, nganhx, tiv phaz paz txưv chor nhiêx txiêx ntâu li Bộ tài nguyên thiêz tênhx qơư paz huyện Mù Cang Chải, tỉnh Yên Bái 600 tsov đeiv chiê yưr lir tênhx qơư; Ban chox kriê Tây bắc paz txưv tsôngv box thax tsav trâus ntux nas Sơn La 100 tsov đeiv; tỉnh Lào Cai 500 tsov đeiv; Tổng công ty hàng hải Việt Nam paz txưv 3 tỷ đêiv chiê cxiv tsa qơư y tế yiêz xã Nậm Păm, huyện Mường La, tỉnh Sơn La đhâu jiês đêx cuôr yôngz...Zơưv Đỗ Đức Duy, Chủ tịch UB tỉnh Yên Bái puz pâuz:

          “ Hâur têx phêv liv co, ziv pov tsênhz tâu têx nganhx têx cấp cxôngx Chinhr phuv txos têx Bộ, nganhx TW, têx chiz coaz đoanx thêv hâur thiêz đrâuv tỉnh, côngv thôngx doanh nghiệp li siêz jông, tiv zix zos lưx lươngv vũ trang thâuv tưs cux pheiz kênh thiêz paz max pêz khưx phưx têx trâus ruôr hiêv hnhar. Hlôngr njêx muôk lênhs tov tỉnh Yên bái, cur uô tsâus ntâu txos chinhr phuv, têx bộ nganhx, têx chiz coaz ban nganhx TW, têx tiv phaz, têx lưx lươngv vũ trang thiêz pox nhuôs sđ, têx doanh nghiệp tưz sik đros pêz hla đhâu têx phêv liv no”.

          Tâu pâuz, têx Bộ, nganhx thiêz ntâu tiv phaz hâur têz qơưk nhiv no tsênhv tror phuôx tôngv têx jiês gôngr côngv, paz max tsôngv box thax tsav trâus đêx cuôr yôngz faz Bắc. Tas nro têz qơưk li siêz jông tsênhv ndar txos Tây Bắc tsênhz tsênhz muôx ziz njiêz lok six lox, paz tsôngv box thax tsav trâus đêx cuôr yôngz faz Bắc ziv pov sor si đuô, yênhx trus khưx phưx têx phêv liv, sir jos đuô ngaz tul luz nênhx./.

( Thu Thùy- Txâur Vax cxeik nhênhv)

PHÊNHV TSÊNHV CHEI THIÊZ LUZ NÊNHX

UBND tỉnh Sơn La Quyết tinhv tso tơưv têx tsưr ziv, hâux lưv lok cxiv tsa jêx jok yiêz tỉnh Sơn La, ntu 2017-2020 (tiếp theo)

        Tsôngv  box.....! Xưk li pêz tưz xa mông, hnuz 30/5/2017, UBND tỉnh Sơn la tưz quyết tinhv tso tơưv luôs hâux lưv lok cxiv tsa jêx jok yiêz tỉnh Sơn La, ntu 2017-2020.

        Hâur phênhv "Tsênhv chei thiêz luz nênhx"hnuz no, pêz tror xa txos sơưr đơưk mnôngs têx tsênhv njiêz hâur Quyết tinhv no:

Lok sâuv tênhv tênhz:

1. Tsênhv njiêz:

       -Cxix  luôs tênhv uô tâu trơưk tsưr ziv: Ntơư zos tâu.

       -Têx chuôz zis sir zôngv tênhv tsi so, ngaz tuk muôx 95% lok sik ntâu đuô.

       b) Qơư muôx vax huôv fuô kriê, ntâuk grê: zos Sở công thương.

       Lok sâuv tsêr cơưv ntơưr:

      a)Tsênhv njiêz: Têx tsêr cơưv cxuô cấp: Cxênhx nhuôs zâu, cxênhx iz, cxênhx 2 muôx qơư thiêz chuôz zênhx jông phưx vưv kriê, cơưv ntơưr tâu trơưk têz qơưk tsưr ziv 70% lok sik ntâu đuô.

      b)Qơư muôx vax huôv fuô kriê, ntâuk grê zos Sở zoz zux thiêz thox cxov.

      Lok sâuv têx côngz trênhx vênhx huôv:

1. Tsênhv njiêz:

      -Xã muôx tsêr vênhx huôv thiêz yar tiêx thể thao phưx vưv xênhz huôx vênhx huôv, thể thao hâur tas nro xã zos tâu 100%.

      -Xã muôx qơư xênhz huôx siz njiz siz chuôs uô si, lov jêv trâu têx nhuôs zâu thiêz nênhs lâuk hnuz nhôngs siêz lơưr cui tinhv (thax tsav qơư uô si, xênhz huôx co tsuv taz por jông thiêz muôx tsênhv njiêz uô têx nuv phax tir thêir trâus pôngz đês trâu têx nhuôs zâu): Zos uô tâu trơưk tsưr ziv tso tơưv.

      -Têx jêx jok muôx tsêr vênhx huôv lok sik qơư xênhz huôx vênhx huôv, thể thao phưx vưv côngv thôngx: Tâu 100% tsưr ziv tso tơưv.

      b) Qơư muôx vax huôv fuô kriê, ntâuk grê zos: Sở vênhx huôv, thể thao thiêz ju lix.

      Lok sâuv têx côngz trênhx muôv muôs jêx jok tox siêz:

      a)Tsênhv njiêz:

     -Xã muôx ciêz lok sik qơư zuôr muôs xiv huv, sik pâur têx hax huv: Zos uô tâu trơưk tsưr ziv.

     b) Qơư muôx vax huôv fuô kriê, ntâuk grê zos: Sở Công thương.

                                 (Thu Thùy-Riê Lâux cxeik, nhênhv)