Jax thưr 3, hnuz 12/1/2016

Yên Bái chuôz tsar phax tir thêir têx xiv huv chuôr thiêz xiv huv tsi muôx tsơưr lươngv hâur six hơưv tsiêz

2 hlik đhâu, lưv lươngv cảnh sát kinh tế Yên Bái tưz hux jos đros lưv lươngv seiz car ciêz đrôngs thiêz ngênhx muôx vax huôv xưv lik yênhx châuv txuz nuv cik txos têx uô cxâuv lok tsơưr lươngv xiv huv. Lar heik li txuz sâu tsês xar muôx 650 cir plaz hnhur nhux tưv, nhux đas, buô tsi pâuz tsênhz qơư, tsi muôx cxix cxuô ntâuz ntơưr qênhz yuôx moz, tưz tsư pok nziês tsênhv tâu fax thâux đhâu thax tsav hâur têx hnuz kaz hli 12/2015. Lơưr co, Đội cảnh sát kinh tế, Công an TP Yên Bái tưz qênhz pov thiêz sâu tsês tâu zuôr xar 400 poz zênhz gaz ntơưr lok zos zênhz nzeik zuôr đrâuv luôs 2 chas têz qơưs lok, tâu jêis tsês lok six jông, tsênhv tâu thâux gra sâuv yêz lox muk muôs…. Tsênhz tiês tso pov, nhoz Yên Bái nhiv no, tsênhv thâuv tsôngv box tox siêz đêz đrôngs tsi yuô muôx txux chi tsưr ziv jênhv pâuz txos têx xiv huv chuôr, xiv huv tsi muôx tsơưr lươngv mak têx nênhs siêz tsi jông ho liv zôngv têx no uô têx nuv tsi trơưk chei…. Thiếu úy Lương Ngọc Tuấn, canr bôv Phòng Cảnh sát kinh tế, Công an tỉnh Yên Bái heik:

“ Têx lênhx nênhs siêz tsi jông, uô luôv zuôr muôs têx xiv huv no khênhr muôz têx xiv huv ntơư pheiz kênh uô têx kror mê chiê thâux iz kro mê njik, đhâu ntơư thâux xa lok trâu têx tsênhv qơư TP, ciêz đrôngs lox chiê muôs hâur thax tsav. Lơưr uô têx ntâuz ntơưr, muôz têx xiv huv heik sâuv uô yênhx têx ziv chuôz zis uô luôv muôs zuôr xiv huv lok sik têx công ty têx ntâuz ntơưr zuôr huv. Lar heik, chiê uô tâu tsênhz têx xiv huv ntơư zos xiv huv tsi muôx tsơưr lươngv, xiv huv chuôr mak uô đhâu lok six ntâu têx nuv li: qênhz yuôx, qênhz shuôs…. Têx li heik co uô trâu pêz hâux lưv qênhz yuôx shuôs têx xiv huv njiz ntâu phiv liv”.

Lơưr phòng cảnh sát kinh tế-Công an tỉnh Yên Bái sôr laov, txix hâur shôngk shông txos nhiv no tưz qênhz pov, qênhz yuôx, uô tsênhz mênhx thiêz xưv bluô 74 txuz, 80 ntâu lênhx nênhs uô cxâuv têx chei, cui tinhv lok kinh tế, hur si têx nhiêx bluô tâu, xiv huv tưz sâu tsês zos 11 tỷ đeiv ntâu. Thượng tá Đào Văn Bình, Tsar phòng cảnh sát kinh tế heik pâuz: Six hơưv txix nhiv no txos tsiêz têz qơưs shông 2016 zos six hơưv mak têx lênhx nênhs uô luôv zuôr muôs, fax thâux ntâu têx xiv huv tsi trơưk chei, tsi pâuz tsênhz qơư muk lok muôs trâu hâur ciêz đrôngs, viv ntu no tsôngv box sơưr đơưk zuôr txos têx xiv huv ntơư ntâu, chênhr viv li taz viv tưz thiêz tsênhv hux jos truôx đros Công an têx huyện, thị xã thiêz têx ngênhx muôx vax huôv cxơưz tiês uô jông hâux lưv qênhz yuôx, qênhz shuôs, sir jos  xưv bluô ntov jông têx lênhx tiz nênhs uô cxâuv:

“ Pêz zuôr tror uô jông tsưr ziv sơưr tơưv txênhz, tir thêir têx nênhs fêv, nênhs uô cxâuv, chêx tsôngk xưv bluô têx txuz uô cxâuv chei. Chuôz tsar têx faz tsưr ziv qênhz yuôx shuôs têx cêr muk lok thiêz têx thax tsav zov chênhr li: cêr lox 70, cêr muk chênhr Hà Nội-Lào Cai thiêz ntâu txox cêr muk lok txơưr đuô chiê pâuz tsênhz, pâuz tâu têx lênhx tiz nênhs ntơư tsưr ziv, hâux lưv thâux xa têx xiv huv muk lok. Đhâu co qênhz pov têx xiv huv tsi taz por tsơưr lươngv lơưr cui tinhv, lar heik zos têx xiv huv tsi truôx tuk, tsi taz por vêv xênhz zav nox. Tiv 2 zos hux jos truôx  đros  têx lưv  lươngv seiz car ciêz đrôngs, sê ….hâur hâux lưv no”.

Nhiv no, Chi cục seiz car ciêz đrôngs tỉnh Yên Bái tưz nhênhz chơưv trâu cxuô thax tsav hâur tỉnh yênhx lix têx tổ côngz xưv lênhx ngênhx, sir jos uô hâux lưv qênhz yuôx vêv xênhz ngaz tuk zav nox, tir thêir têx xiv huv chuôr, xiv huv tsi muôx tsơưr lươngv. Lar heik, tưz tso canr bôv muk trâu cxuô thax tsav tox siêz đêz đrôngs chiê seiz kaz, qênhz yuôx têx xiv huv thâux muk lok đhâu, iz chas ntơư uô jông hâux lưv yax kriê  trâu tsôngv box chiê lơưr pâuz tsưr ziv xeir têx xiv huv jông, taz por tsơưr lươngv hâur six hơưv tsiêz. Zơưv Trần Hùng Tuấn, Phưv Chi cục tsar, Chi cục seiz car ciêz đrôngs  tỉnh Yên Bái heik pâuz nzir:

“ Nhiv no pêz choz trâu têx đội zos muk trâu têx qơư uô lax luôvv, zuôr muôs têx xiv huv cir ntơưr lênhk jênhv tsi zuôr muôs têx xiv huv tsi muôx tsơưr lươngv, xiv huv chuôr, iz chas ntơư xa mông lok heik kriê trâu Ban chox kriê 389 thiêz Ban chox kriê  ngaz tuk vêv xênhz zav nox têz qơưs têx lênhx nênhs car uô đreiv luôs hâux lưv no  chiê tsôngv box thâuv qênhz pov têx xiv huv tsi jông mak heik kriê tâu zênhx max txos trâu têx lênhx nênhs muôx vax huôv”.

Tsuôk yuôr tưz tsi muôx iz hlik tưz zuôr txos tsiêz têz qơưs 2016, têx lưv lươngv muôx vax huôv nhoz tỉnh Yên Bái tsênhv tror sir jos uô luos hâux lưv qênhz yuôx, qênhz shuôs têx ciêz đrôngs, xưv bluô ntov jông têx lênhx nênhs uô cxâuv, taz por tsơưr lươngv têx xiv huv jông phưx vưv tsôngv box sơưr đơưk hâur six hơưv tsiêz  lov jêv, shir phaz./.

( Đinh Tuấn-Riê Lâux cxeik, nhênhv)

Phênhv thưr 3 hnuz 12/1/2016

Huyện Than Uyên, tỉnh Lai Châu phax tar caz moz trâu tsiêx cxu hâur chêix ntux no

----------------------------------------

Nhiv no tsênhv zos chêix ntux no, qiv hơưv txơưr txar phiv liv, zuôr muôx yưv ntâu tsiêx cxu trâus moz tơưv dnâux hlê trâu, đôngr nyar, thox plaz…viv li, sâu chênhz zênhv txix chor shông uô ntêx huyện tưz tso tơưv ntâu ntâuz ntơưr hêik chor phongx uô hâux lưv no sik côngv đros xã, thị trấn sir jos uô côngz xưv yax kriê hêik pox nhuôs cxax yuôx phax tar caz moz thiêz uô vêv xênhz têx tsêr guôx. Lơưr co, trạm thú y huyện sik côngv đros ban, nganhx, đoanx thể, tiv phaz kriz uô phax tar caz moz trâu tsiêx cxu 2 jiês iz shông trâu hâur hlik hli 2 thiêz hli 10 li: tsuôs yuôx tuô lov caz moz têx tsêr guôx, qơư tu zus, cxax yuôx phax moz…Phênhv paz yuôx lơưr tsaz yênhx 30a, chor tiv phaz muôx tsiêx cxu ntâu, trạm cux hêik pêx xênhv zuôr nzir yuôx lok cxax. Đuô li, trạm tsênhv sik côngv đros nganhx txơưx jênhv qênhz yuôx thâux gra tsiêx cxu thiêz têx hax huv tsiêx cxu tsik taz por tsơưr lươngv, pâuz tsik tsênhz qơư.

Lơưr zơưv Trần Văn Viên, trưởng trạm thú y huyện Than Uyên: “Uô ntêx chêix ntux no, trạm phiêz cán bộ sêiz shuôk thax tsav chor xã tsik so sêiz shuôk jông thax tsav, đros tiv phaz tsuôs yuôx tuô lov caz moz trâu tsiêx cxu. Thôngx cxix hêik trâu tsôngv box sâuv thax tsav pâuz lok chor zav moz li: Đôngs nyar, thox plaz, tơưv ndâux hlê trâu thiêz tsưr ziv phax tar. Tsưr tsix cxax yuôx phax moz tsik so, kriê trâu pêx xênhv jêx jok lok tsưr ziv tu zus, xêir nôngz zus chiê taz por zus tsiêx muôx chêx cur”.

Đros côngz xưv phax tar caz moz trâu tsiêx cxu, Trạm thú y huyện tsênhv kriz lớp kruôz kriê trâu thú y xã, jêx jok tsưr ziv tsês nzir chor yuôx vắc xin, tsưr ziv cxax yuôx vắc xin huv kỹ thuật. Thâuv muôx yưv moz, trạm puôr lênhx tso nênhs muk đros chor thú y xã, jêx jok njuôk xav moz thiêz cxax yuôx cov ndar six hơưv; kriê tsưr ziv tu zus tsiêx cxu trâus moz. Đuô li, cán bộ thú y tsik so muk tiv phaz yax kriê, hêik pox nhuôs tsês chiê jâuz, zav nox trâu tsiêx cxu thiêz bax cxuô zav li tax, ntâuz chiê thêir vor cov sor trâu tsiêx cxu hâur chor hnuz ntux no./.

(Báo ĐTLC-Lik Thox cxêik nhênhv)