Cxiv tsa Mường Ảng yênhx thax tsav huôv tsar chos ntông nox txir nhoz Điện Biên

Cux xưk li ntâu chuôz zis txơưr đuô nhoz huyện Mường Ảng, thâuv ntêx pos Vũ Thị Ngân, nhoz jok Co Hắm, xã Ẳng Nưa chuôz zis phênhv sâu zos khov trâu têx tsoz chos cà phê. Taz sik, txix têx cà phê tsi so trâul pôngz gri, shông 2016, pos Ngân tưz muôz têx têz cà phê hlôngr chos têx zav tsoz chos ntông nox txir muôx grik kinh tế siêz li: Txir lưk pax tơưr njuôz, txir lưk pax Thái Lan, txir mo môngk Đài Loan..... Nhiv no pos chuôz zis tưz muôx 4 ha ntâu têz ntông nox txir, hâur co ntâu liêx têz têx ntông tưz txi txir tâu sâu đê 1-2 chiv:

“Cà phê 2, 3 shông no cux tsi tâu grik, viv li chuôz zis muôz têx liêx têz hlôngr chos txir lưk pax, zos muôx qơư sâu zuôr truôx tuk, mak cux sâu tâu ntâu đuô pir li cà phê. Tiv 2 zos zuk chos têx txir ntông li heik sâuv, mak hâur têx xuz ntông  cux muôx têx tu zus tâu keiz, ok hur si”.

Nhiv no tas nro xã Ẳng Nưa, huyện Mường Ảng muôx zuôr xar 30 chuôz zis tưz muôz têx liêx têz hlôngr chos têx ntông nox txir, muôx grik kinh tế siêz, đros thiêz 20 ha ntâu, hâur co phênhv ntâu nhiv kruôr chos hâur shông 2019 thiêz 2020. Têx chuôz zis no puôr lênhx tâu canr bôv cxiz kôngz huyện kriê tsưr ziv chos, tu têx ntông nox txir trơưk li VietGAP, khov li co, têx ntông hloz lox jông, ntâu liêx têz tưz qir txi txir, tâu sâu đê, taz por tsơưr lươngv. Pos Lò Thị Minh, Phưv Chủ tịch Ủy ban xã Ẳng Nưa, huyện Mường Ảng heik:

“Tâu paz max têx zuz ntông nox txir, px tưz muôz têx liêx têz uô cà phê tsi jông ntơư hlôngr chos têx tsoz chos nox txir muôx grik kinh tế siêz, nhiv no tas nro xã Ẳng Nưa muôx nhos 20 ha, têx tsoz chos co hloz lox lok six jông”.

Huyện Mường Ảng xav hur si têx ar têz muôx nhos 44 cxênhz ha, hâur co, 90% zos ar uô kôngz. Viv nhoz hâur thax tsav tox siêz, jông chiê huôv tsar chos iz cxiê zav tsoz chos muôx grik kinh tế, têx tsoz chos ntông nox txir thiêz uô kôngz muôs..... Chênhr zos li co, thax tsav qơư xav, huôv tsar chos ntâu têx tsoz chos ntông nox txir muôx grik kinh tế siêz chiê muôs zos lok six jông. Zơưv Nguyễn Hữu Hiệp, Chủ tịch Ủy ban huyện Mường Ảng, tỉnh Điện Biên heik pâuz:

“Pêz xav tinhv zuôr chêx tsôngk huôv tsar thax tsav têx tsoz chos nox txir  hâur huyện Mường Ảng yênhx tỉnh Điện Biên thax tsav zov chênhr, uô li chas cov txos shông 2025 mak têx liêx têz chos têx tsoz chos nox txir hâur tas nro huyện muôx iz cxênhz ha. Chiê uô tâu têx li heik no, huyện tưz chox kriê têx phongx ban lês car uô đreiv têx hâux lưv sâuv kriê cxaz txux chi tsưr ziv yuôr trâul, gra siêz tsưr ziv jênhv pâuz trâu px, lar heik zos hâux lưv tsoz phưz thiêz gra siêz txux chi tsưr ziv trâu tsôngv px lok sâuv huôv tsar uô nox uô hnar trơưk têx tsưr ziv yiêz, chiê uô li chas hâur têx shông zuôr txos, huyện Mường Ảng yênhx thax tsav taz por sâu zuôr têx xiv huv uô tâu trâu tsôngv box truôx tuk”.

Mường Ảng nhiv no tưz muôx 300 ha têz têx tsoz chos ntông nox txir, phênhv ntâu zos têx txir lưk pax, txir mo môngk Đài Loan, txir thênhx caz thiêz txir lưk hmaz. Huyện sir jos cov txos shông 2025, têx têz tsoz chos ntông nox txir muôx nhos iz cxênhz ha. Luôs hâux lưv chos têx tsoz chos co zuôr tâu uô chêx tsôngk uô cê, chiê muôx tâu têx xiv huv jông thiêz ntâu, sik đros uô trơưk yênhx thax tsav, suôv qơư, cxơưz cxiz sik côngv uô, cxiv uô qơư muôs têx hax huv thiêz truôx tuk luz nênhx trâu tsôngv px./.

(Vũ Lợi-Riê Lâx cxeik, nhênhv)