Jax sâu hnuz 12/11/2015:
Phiv liv uô luôs hâux lưv tênhx qơư nhoz
huyện Tam Đường Lai Châu
Jok Ban Hon 1, Bản Hon 2, xã Bản Hon muôx 160 ntâu
chuôz zis tsôngv box Lự. đros kror liv zos vênhx huôv mênhx cxưx yo chàm, hniêr
đuz thiêz ntâu zav vênhx huôv txơưr đuô, ntơưv no tâu tiv phaz xêir tsov zos
qơư du lịch côngv thôngx. Du lịch tâu xav jênhv zos tsưr ziv cxuôv yêiz thiv
pluôs yiêz trâu pox nhuôs hâur kriz uô tsưr ziv têz qơưk cxiv tsa jêx jok yiêz.
Taz sik tênhv qơư jêx jok hok zos kror phiv liv lox trâu zaz zâuv tsôngv kruô
tuôx ntơưv no. Qênhx shênhx tu zus tsiêx cxu hâur kaz tsêr lơưx, têx đêx tsik
hur, vuôz tsuôz tâuz por tsês cxiê qơư, zor kror mak tsôngv kruô tsik nhiêv.
Nhiv no, hâux lưv vêv xênhz tênhv qơư hâur jok tâu uô tsik so yênhx ciêz, taz
sik tiv chor chuôz zis li qơư nhoz grêiv, tsik muôx qơư nquôr têx vuôz tsuôz
viv li lok six khiv vav txos chính quyền tiv phaz paz. Tix lâus Lò Văn Sâu,
tsưr jok Bản Hon 1 puz pâuz:
Băng: “Tu zus tsiêx cxu hâur kaz tsêr lơưx nhoz
jok Bản Hon cux tsênhv muôx, iz cxiê
chuôz zis cux tsênhv khi tưv hâur kaz tsêr lơưx. Têik cik hnuz thưr 7 yênhx
ciêz mak pox nhuôs qêz suô, tsik muôx qơư nquôr têx vuôz tsuôz viv li pox nhuôs
nquôr trâu cxiê qơư. Uô li co mak zuổ rphiv liv txos zaz zâuv tsôngv kruô du
lịch viv tsik hur. Hâur ntu zuôr txos cur zuôr tror hêik pox nhuôs iz chuôz zis
khơưz iz luz kror chiê nquôr têx vuôz tsuôz”.
Xã Bản Hon zos 1 hâur huyện Tam Đường li 3 luz xã nhiv
kruôr tâu tỉnh Lai Châu côngz jênhv tax ploz tsênhr jêx jok yiêz. Txơưv uô tiêr
luôs hâux lưv, taz sik nhiv no luôs hâux lưv tênhv qơư mak xã cux uô tsik tâu
tiêr thiêz tsik pâuz thâuv tưs thiêx uô tâu. Iz huôv xã muôx 9 luz jêx jok,
hâur co muôx 8 luz jok tsôngv box Lự nhoz, taz sik txos nhiv no mak tas nro
chor jok tsik tâu muôx qơư tso đêx ntưk muk huv vêv xênhz. Chor chuôz zis muôx
tsêr vêv xênhz, tsêr đa đêx huv vêv xênhz tsav muôx 77% ntâu. Zơưv Nguyễn Văn
thuận, chủ tịch UBND xã Bản Hon puz pâuz:
Băng: “Tsêr guôx tsik muôx qơư uô tsêx tsung viv
li pox nhuôs pov kror tưs tsês khôngz mak uô, viv li cux tsênhv phiv liv txos
tênhv qơư. Zuôr txos no mak sêiz lax tsưr ziv uô chak cov pox nhuôs yêv têx
tsêr guôx muk đêz tsêr, tsik phiv liv txos tênhv qơư. Xã xav tiêk zuôr choz
trâu chor đoanx thêv uô. Chor chuôz zis tsik muôx ar mak 2-3 chuôz zis uô uô cê
iz kror qơư trâu têx vuôz tsuôz”.
Txos nhiv no, huyện Tam Đường tưz muôx 4/13 xã tax
ploz tsênhr cxiv tsa jêx jok yiêz, hâur co muôx 3 xã nhiv kruôr tâu tỉnh Lai
châu côngz jênhv zos Bản Bo, Bản Hon, Bản Giang thiêz sơưr thơưx tỉnh thâuv uô
tâu muôx 13,5 luôs hâux lưv iz xã. Txơưv tiêk thâuv kriz uô cxiv tsa jêx jok
yiêz, côngz xưv yax kriê tưz tâu chính quyền tiv phaz kriz uô đêz dar, taz sik
uô luôs hâux lưv tênhv qơư ho njiz iz cxiê phiv liv, iz cxiê xã tưz uô tiêr
tsaz yênhx taz sik cux tsênhv njiz phiv liv hâur sâu têx vuôz tsuôz, cêv kuôk
qơư nza tsêx tsung…
Zơưv Nguyễn Hoàng Quân, trưởng phongx kôngz nuv thiêz
huôv tsar jêx jok, phưv ban chox kriê tsaz yênhx tsưr ziv têz qơưk cxiv tsa jêx
jok yiêz huyện Tam Đường puz pâuz: hâur cxiv tsa jễ xjok yiêz nhoz tiv phaz,
huyện tsik so tsov cưv txos tênhv qơư. Tsênhv tsênhz, shông no huyện tưz yưv
pênhr cxiv uô 187 côngz trinhx đêx xênhz huôx, uô trâu chor chuôz zis tâu sir
zôngv đêx xênhz huôx huv vêv xênhz nde emuôx 98%. Taz sik, lok tas nro mak tsưr
ziv tênhv qơư nhoz tiv phaz cux zos luôs hâux lưv lax uô tiv zix, viv têx
phongx cxưx thiêz iz cxiê tsôngv box nhoz tiv phaz tsik tâu tsov cưv txos:
Băng: “Hâur qênhx shênhx kriz uô, tsưr ziv phiv
liv tiv zix zos tênhv qơư. Muôx oz qir tiv chênhr zos pox nhuôs tu zus tsiêx
cxu tsênhv tso yar. Tiv oz zos pêx xênhv li yênhx tưv tsik siz bâus. Hâur ntu
zuôr txos, Ban chox kriê huyện zuôr sik côngv truôx đros Ban chox kriê xã hêik
pêx xênhv tsik so uô veve xênhz jêx jok, thoz huk têx cưx đêx, uô tsêr guôx đêz
tsêr, muôx qơư trâu têx vuôz tsuôz thiêz uô jông lơưr coangr lik qơư nza”.
Chiê chor tiv phaz tỉnh Lai châu, hâur co muôx Tam
Đường khưx phưx tâu kror phiv liv hâur uô luôs hâux lưv tênhv qơư, lok sik khov
txos cxuô cấp chính quyền li têx tsov cưv, yưv pênhr uô cxuô zav thiêz pêx
xênhv li hlôngr yiêz lok jênhv pâuz./.
(Khắc Kiên-Ly
cxêik-nhênhv)
Phênhv “Nênhs gruôs uô tâu hâux lưv
jông” hnuz 12/11/2015:
Iz lênhx cưk
kriê, tâu chôngz lênhx shuv xênhz njênhs njôngr
Băng
tiết học
Nhoz trâu têx thax tsav muôx chôngz lênhx nênhs, xar
sêz, zuk zuôr tsuv uô li chas? Lênhx shuv xênhz tưs pâuz?
Cur pâuz, nhoz têx qơư chôngz lênhx nênhs, zuk xar
hêik li chas cux tâu.
Zos cơưs, cox hêik ntơư cux zos cơưs.
Ntơư zos iz phênhv cưk kriê Lưu Thị Biên, kriê cơưv
hêik lok huôv tsar cêr uô nênhx trâu shuv xênhz lớp 6 C2, tsêr cơưv Đoanx Thị
Điểm.
Têx kror muôx tsênhz chiê chox lok kriê trâu cxuô
lênhx shuv xênhz cơưv thôngz đhâu luk thav…Đhâu ntơư, shuv xênhz tưz pâuz tâu
lok hôv tsar cêr uô nênhx nox nhoz muk lok hâur yênhx hnuz.. Pir li hâur jiês
cơưv hêik kriê tsưx phưv têz qơưs, cưk kriê Biên tưz nus txos cxuô lênhx shuv
xênhz tiêk: Li chas thiêx zos nhiêv têz nhiêv qơư. Iz cxiê lênhx shuv xênhz tưz
sâu têx zav đuôz hêik lok tsưx phưv têz qơưs.
Đros ntơư, cưk kriê cux kriê hêik lok huôv tsar cêr uô
nênhx hâur ziv chuôz zis; ntơư zos cxuô lênhx sđ hâur ziv chuôz zis tsuv tâu
siz hluz, siz paz uô cxuô luôs haux lưv cov huv đros. Giang Huyền Anh, shuv
xênhz cơưv lớp 6 hêik pâuz:
Băng: “Cur tưz cơưv tâu zôngx ziv cxuô jax
ntơưr cưk kriê, cur pov jông hênhr. Cưk kriê cxix cxuô lok hâur luz nênhx, pêz
chor shuv xênhz sđ, lênhx tưs cux xar cơưv, tưz tsik ndo gênhk”.
Lưu Thị Biên, cơưv tas tsêr cơưv đại học sư phạm Hà
Nội, tror lok uô cưk kriê ntơưr thiêz xar njôngr ntơưv lênhx txir, tsuv tâu
kriê cxuô tsưr ziv uô nênhx trâu cxuô lênhx shuv xênhz. Cưk kriê Biên thav
tiêk: Thâuv nhiv kruôr cơưv đhâu tsêr cơưv lok uô cưk kriê ntơưr, cux njiz ntâu
phiv liv; viv zos tsuv kriê li chas shuv xênhz thiêx pâuz to tâuz. Cưk kriê Lưu
Thị Biên hêik pâuz nzir:
Băng: “Cur xav tâu tiêk, zuk tsuv kriê li
chas cov muôx tsênhz mênhx đros đrêiv hâur luz nênhx, huv đros xã hội. Xã hội
nhiv no, muk txos trâu kror tưs cux hnor hêik txos shuv xênhz tsuv uô nênhx
tsiv txiêx, mnôngs niêv txir hêik; tsuv uô li chas cov muôx liv trâu cxuô lênhx
shuv xênhz”.
Pos Nguyễn Thị Kim Nga, phó hiệu trưởng, nhoz tsêr
cơưv Đoanx Thị Điểm shir phaz lul hêik pâuz:
Băng: “Ntâu jiês cur muk sêiz cưk kriê Biên
kriê ntơưr; shuv xênhz cux pâuz to tâuz thiêz đros cưk kriê thav cux zôngx ziv
cơưs. Đros ntơư, cưk kriê cux chiê cxuô lênhx shuv xênhz sik thav lok cêr lov
jêv; thav đaz nênhs…thiêz pâuz hlôngr yiêz tsưr ziv kriê ntơưr trâu shuv
xênhz”.
Hauar 10 shông uô hâux lưv kriê ntơưr, cưk kriê Lưu
Thị Biên, muôx ntâu shông siz lơư liês kriê tâu ntơưr coz thiêz pâuz hlôngr
yiêz tsưr ziv kriê ntơưr trâu shuv xênhz, uô trâu cxuô lênhx shuv xênhz njênhs
njôngr./.
(TTT)
Viết bình luận