Jax sâu hnuz thưr 7.12.11.2016:

Nênhs Tày li zav nquôr chiê txi côngv ntux têz

          Viv zos “nquôr chiê txi côngv ntux têz” viv li nênhs Tày phênhv ntâu tsuôk uô hâur six hơưv nox tsiêz, tos shông yiêz tuôx lok sik ntênhs “ lồng tồng” zos ntênhs mul uô liêx. Trôngx mor txi côngv muôx lok six ntâu zav nox kaz, hâur co muôx iz zav nquôr lơưr hu uô “ nquôr kâuv ntux”. Lơưr nhà thơ Dương Thuấn lênhx nênhs nhênhz chơưv lok vênhx huôv Tày li luk heik kriê:

          “ Nênhs Tày khênhr uô nquôr hâur hmo 30 tsiêz chiê txi côngv pos zơưs, viv lơưr xar tiêk thâuv co pos zơưs zuôr lol nox tsiêz, lơưr uô nquôr chiê txi côngv thiêz lâuz chơưr zâuv pos zơưs nox hâuk. Uô nquôr xar uô tâu kz, uô ntêx tsuv xeir njiêz thiêz suôz thax njêr cov jông, chox mul jov kruôr mak tsi chox mul juôx đros đêx li têx zav nquôr txơưr”.

          Niêv lâuk Nông Thị Lịch, iz lênhx nhuôs nhoz thax tsav niêv pas đêx Ba Bể, Bắc Kạn pheiz kênh tsưr ziv uô nquôr: “ Njiêz chox mul jov yênhx môngr, đhâu co muôz juôx, taz sik tsi juôx shơư đêx mak juôx đros đêx yuôx zêx thiêz chơưr poz cưk kaz. Thâuv juôx cov jôngx, muôz xuôz uô yênhx luz nquôr mê”.

          Môngr tâu juôx đros đêx yuôx zêx chiê muôx maux jông gâux thiêz muôx njik xêv, yuôr chơưr mak uô nquôr tsư kaz đuô. Đhâu co lơưr bax iz ziês trox cuz chiê thênh, thâuv nquôr siêr mak muôz lol cov trox xâuk tas. Muôz suôz thax njêr uô cov zax thiêz muôz nquôr shơư đros, thâuv nquôr grus tâu têx cuô suôz thax mak tror muôz lol shơư đros môngr blêx blâuv. Chor môngr blêx blâuv co tâu jov thiêz chox mul ciz đax. Thâuv co nquôr lok six tsư kaz.

          Nhà thơ Dương Thuấn heik: “ Tsês chiê saz đrâuv txiêk taz sik saz hâur luz nquôr tsênhv sor, nox thâuv co lok six kaz”.

          Fênhx yax nênhs Tày uô nquôr cxôngx thâuv tsâus ntux txos iz tas hmo, viv lơưr xav hnuz 30 tsiêz zos cxôngx 2 txos 3 six sơưr nzor, tsi xav thâuv 12 six tas hmo. Uô tâu nquôr muôz tso sâuv thax đaz thiêx uô ntênhs txi côngv pos zơưs hâur shôngk shông yiêz.

          Zos seiz mak luz nquôr tsi muôx tul tsi jông heik, taz sik thâuv nox thiêx li pov tâu kror kaz jông. Lênhx tưs cux nhiêv nox zuôr no, thiêz nox tsi pâuz đhuôr.

          Lênhx tưs môngr jông muôx jiês tâu nox nênhs Tày nhoz Ba Bể li zav nquôr kaz no, thâuv tưs cux zênhx ndo njôngr txos nhoz trơưr siêz tsik plox thiêz tsênhv tâu sêiz pov thax tsav têz qơưk ntơư jông jav đros trâu nênhs Tày li luz siêz jông thiêx li pâuz, viv li chas lơưr xeir zav nquôr no zos iz zav nox kaz nto bê hâur têx zav nox Việt./.

                           (VOV4-Txâur Vax cxeik nhênhv)