Yên Bái tso so têx qơư uô gạch uô tsik hur txos tênhv qơư

Lơưr Thủ tướng Chính phủ li quyết định 1469/QĐ-TTg lok cêv kuôk cxuô nro huôv tsar chuôz lov cxiv tsa Việt Nam txos shông 2020 thiêz tsưr ziv txos shông 2030 mak chor qơư uô gạch nhoz thax tsav tox siêz cxiv uô tsưr ziv suôv câuv têx hâux lưv uô kênhz tiv zix tas shông 2017 đros têx qơư uô xưk thâuv ntêx, têx qơư uô xưk thâuv ntêx tâu kho đuô yiêz mak kênhz tiv zix trâu shông 2020. Uô lơưr quyết định no, huyện Văn Yên, tỉnh Yên Bái tsênhv cxiv tsa tsêr mêir uô gạch tuynel nhoz HTX uô têx chuôz lov cxiv tsa Mạnh San, uô tâu muôx 10 triệu luz iz shông. Tsêr mêir tâu cxiv uô sâuv kror qơư đar muôx 10.000 yiv ndis thiêz muôx pênhr yưv uô zos 30 tiv đêiv ntâu. Nhiv no kriz cxiv uô tâu xar muôx 90%. Pos Nguyễn Thị San, sêiz car HTX cxiv tsa Mạnh San hêik: Txơưv tưz uô têx gạch thâuv ntêx oz pêz châuv shông đhâu, hâux lưv uô thiêz phênhv sâu cux truôx tuk taz sik huv lơưr têz qơưk li cuiz tênhv, HTX tưz cuêz tênhv tso tsês qơư uô gạch li thâuv ntêx, hlôngr trâu uô lơưr tsưr ziv uô yiêz, cê gra siêz tsơưr lươngv, cê por vêv tênhv qơư:

“Công nghệ uô yiêz no mak txơưr đuô hur si, viv tas nro zos têx mêir yiêz jông. Uô lơưr tsưr ziv kuz mak zos uô tsik ntâu thiêz tsuôk muôx nhos 50 lênhx côngz nhân, hok công nghệ yiêz no mak muôx nhos 150 lênhx côngz nhân”.

Jênhv pâuz tiv phaz zôngx ziv lok chuôz lov li: Hmôngr poz jêz, xi măng, lok six huv đros chiê uô chor gạch tsik hlơưr; piz txix shông 2014, Công ty TNHH Vĩnh Thành nhoz tổ 18, thị trấn Yên Bình, huyện Yên Bình tưz yưv pênhr muôx 5 tiv đêiv ntâu chiê cxiv uô tsêr mêir uô gạch tsik hlơưr, uô tâu 5 triệu luz iz hnuz. Sir zôngv têx zav chênhr txix hmôngr poz jêz thiêz xi măng, tâu uô xênhz yar txix têx chuôz zênhx yiêz jông, taz por đas jos trâu nênhs lox tôngv thiêz por vêv tênhv qơư. Taz sik, txix thâuv ntêx txos nhiv no pêx xênhv cor cav sir zôngv têx gạch hlơưr liêz viv li muôs têx gạch tsik tâu hlơưr co cux njiz ntâu phiv liv. Zơưv Phạm Hữu Việt, Giám đốc Công ty TNHH Vĩnh Thành puz pâuz: chor hnuz xuz thơưx, gạch uô tâu ntâu taz sik nênhs zuôr tsênhv tsơưs, nênhs zuôr tsik tâu tso siêz thiêz njênhs trâu têx hax huv no taz sik đros sir jos uô têx hax huv lơưr tsưr ziv yiêz no, Công ty tsik so tsov cưv txos tsơưr lươngv hax huv chiê sơưr đơưk njênhs, kriz đar qơư muôs:

“Pêz li tsơưr lươngv hax huv tưz tâu njuôk shuôk jông thiêz muôx ntơưr cungz jênhv. Oz qơư uô iz shông uô tâu 5 triệu luz taz sik nhiv no mak tsik tâu uô ntâu li co tiv qơư muôs thiêz nênhs zuôr tsênhv tsơưs. Chuôs li chor chuôz zis tsik tâu sir zôngv, têx uo tâu cux phênhv ntâu zos muôs trâu têx côngz trinhx nhoz tỉnh thiêz phênhv ntâu zos têx côngz trinhx muôx phênhv pênhr têz qơưk”.

Nhiv no sâuv thax tsav tỉnh Yên Bái cux tsênhv yuôr 10 qơư uô xênhz yar gạch tsuv hlơưr. Têx tiv phaz hâur tỉnh tsênhv sir jos uô têx tsưr ziv chiê txos kaz shông 2020, tas nro têx qơư no tsuv so tsik uô hâux lưv chiê hlôngr trâu uô txix kror Tuynel lok sik uô gạch tsik hlơưr. Zơưv Đinh Mạnh Cường, Phưv trưởng phongx, Phongx kinh tế thiêz Hạ tầng huyện Văn Yên puz pâuz:

“Nhiv no sâuv thax tsav huyện tưz hlôngr yiêz tâu iz kror qơư uô co zos qơư uô Mạnh Sơn. Huyện tsưr ziv zos hêik cxuô cấp paz tsar tov cungz chêi trâu têx doanh nghiệp kriz đar qơư uô gạch tsik hlơưr sâuv thax tsav chiê tax tâu zoz qơưx cxiv tsa sâuv thax tsav”.

Tsưr ziv cxuôv por tsês qơư uô gạch li thâuv ntêx sâuv thax tsav tỉnh Yên Bái tưz tâu pêx xênhv, doanh nghiệp thôngx ziv thiêz paz. Kror no tưz tsik zos uô trâu chor doanh nghiệp gra siêz công nghệ thiêz tsơưr lươngv hax huv xưz mak tsênhv paz đros por vêv tênhv qơư truôx đrênhk./.

(Tuấn, Xuân-Lik thox cxêik nhênhv)

Đảng viên paz chuôz zis pluôs-Đảng viên tâu tsôngv box njênhs njôngr

Tas cik tưs pos Lâm Thị Thủy qơư muôs jâuz, grêix thiêz njêl ntơưv ciêz nhoz jok Thạnh Trị, xã Long Điền, huyện Đông Hải cux muôx chôngz kruô tuôx zuôr huv. Pos Thủy heik: Pos chuôz zis tsuôk muôx iz kro ar đar 50 ntâu xưv phaz chiê uô tsêr. Tsi muôx ar uô nox, pos Thủy tsuv muôs jâuz, muôs têx xiv huv uz no hâur niêx hnuz ntơưv tsêr chiê muôx pluôk nox đhâu hnuz hmo. Ntâu jiês pos xar krêz đar qơư muôs huv taz sik tsi muôx pênhr. Txix thâuv muôx canr bôv, đảng viên tuôx zok nriêr, paz max têx chuôz zis pluôs, đhâu ntơư paz pênhr, pos chuôz zis tưz jux juk hla đhâu cêr txov. Pos Lâm Thị Thủy heik:

“Lơưr chor đảng viên chi bộ no cxơưx, moz siêz txos. Lơưr nuk tiêk iz hnuz muôs jâuz tâu pêk tsơưs. Cur heik, tsi muôx pênhr, muôs jâuz xưz. Lơưr muôz nhiêx nzir uô grêix nhux grêix tưv đros thiêz muôs njêl kruôr muôz uô cov siêr chiê muôx nzir phênhv sâu tâu. Lơưr muôz tâu 4 tsov đeiv paz, cur zuôr jâuz, zuôr njêl têx lok uô siêr muôs. Iz hlik tâu 3 tsov, cux nhoz khênhr đuô thâuv ntêx, shông no hla đhâu yeiz pluôs, uô tsâus lok six ntâu txos chor canr bôv, đảng viên”.

Txix têx tsênhv tsênhz nhoz Bạc Liêu tso pov, hâur six hơưv chox car, lês uô têx hâux lưv cux tsênhv yuôr iz cxiê lênhx canr bôv, đảng viên tsi tâu sưv jông đros tsôngv box, tsi moz siêz lês uô hâux lưv, tsi seiz car jông, nox nhiêx têz qơưk, tsi tas siêz, tsưr ziv paz tsôngv box..... Txix thâuv muôx trâur nuv đảng viên paz têx chuôz zis pluôs tsi tiêk paz tỉnh hâux lưv cxuz cêr yeiz pluôs uô tâu jông, mak tsênhv paz têx lênhx canr bôv, đảng viên ntơưv cxuô thax tsav qơư hâur tỉnh ziv hnuz ziv tâu tsôngv px sđ njênhs njôngr, nhiêv txos. Zơưv Nguyễn Năm-Bí thư chi bộ jok Thạnh Trị, xã Long Điền, huyện Đông Hải heik:

“Đhâu phênhz côngz trâu têx đảng viên hâur chi bộ đros paz tsôngv box, vênhv tôngv tsôngv box huôv tsar uô nox mak muôx tâu tsôngv box sđ cêr njênhs njôngr, chiê siêz trâu đảng viên hâur zuk chi bộ, txix ntơư tsôngv px njênhs zuk. Taz sik ntơư cux zos đảng viên tsuv uô ntêx nyuôs, txix co zuk thiêx heik tâu tsôngv px sđ njênhs thiêz uô trơưk”.

Chủ tịch HCM tưz kriê “Chiê tsôngv box pâuz, tsôngv box njênhs, tsôngv box uô trơưk, têx canr bôv, đảng viên tsuv zos lênhx uô ntêx nyuôs”. Đros thiêz trâur nuv đảng viên paz têx chuôz zis pluôs, canr bôv đảng viên nhoz Bạc Liêu tưz chiv chir kho zuk têx uô tsi tâu tsi tiêr, zos zuk tsi uô ntêx nyuôs mak thâuv heik, thâuv kriê tsôngv box zuôr tsi mnôngs, tsi njênhs, tsi uô trơưk. Đros trâur nuv đảng viên paz chuôz zis pluôs, Bạc Liêu tưz muôx nzir cêr sik thôngx siêz jông hâur Đảng thiêz tsôngv px. Đhâu tsưr ziv uô no ziv hnuz ziv muôx nzir cêr chiê siêz, njênhs njôngr trâu canr bôv, đảng viên. Zơưv Nguyễn Văn Nhân nhoz jok Ninh Thạnh 2, xã Ninh Hòa, huyện Đồng Dân heik pâuz: Hâur 2 shông đhâu, zơưv chuôz zis tưz hla đhâu yeiz pluôs khov canr bôv, đảng  viên hâur jok paz max. Nhiv no, txơưv zơưv chuôz zis tưz tsi zos chuôz zis pluôs thiêz muôx phênhv sâu tâu txix 7-8 tsov đeiv iz hlik txix luôs hâux lưv uô trôngx tos, taz sik canr bôv, đảng viên hâur jok cux tsi so tuôx shuôs thiêz heik kriê chuôz zis tsưr ziv huôv tsar uô nox. Zơưv Nguyễn Văn Nhân heik li no:

“Têx canr bôv, đảng viên lok six moz siêz uô hâux lưv, thiêz tsi so tuôx seiz shuôs, iz hlik muôx têx tuôx 2-3 jiês chiê shuôs zuk huôv tsar uô nox li chas, paz kriê tsưr ziv trâu zuk. Lơưr nuk iz kro jux juk, pir li zuk zos chuôz zis pluôs, zuk sâu tâu li chas nhiêx txiêx, muôx moz gênhs li chas.....chiê lơưr muôx tsưr ziv paz zuk. Txix ntơư tsôngv px thiêz canr bôv, đảng viên txơưv siz sưv, siz pâuz jông jux juk, siz njênhs xưz”.

Tsênhz tiês tso pov, cách mạng VN têx luôs hâux lưv uô tâu jông hâur Đảng tsưr ziv chox car puôr lênhx zos uô trơưk li têx cêr sik thôngx siêz, siz paz no. Chênhr viv li, hâux lưv tuôr truôx cêr sik thôngx siêz, siz paz nhoz canr bôv, đảng viên thiêz tsôngv px thâuv tưs tưz zos hâux lưv zov chênhr hâur cxiv tsa Đảng nhiv no.

Ban Thường vụ Tỉnh Bạc Liêu xav tinhv, trâur nuv đảng viên paz chuôz zis pluôs zos tsưr ziv uô jông, tsuv tror tâu tuôr truôx thiêz nthuôr uô đêz đar chiê canr bôv, đảng viên uô jông lơưr jiês cơưv T.Ư 4, khóa 12 li Nghị quyết, đhâu ntơư têx đảng viên uô ntêx nyuôs hâur cxuô luôs hâux lưv chiê cxiv kho, chuôz tsar sik thôngx siêz, siz paz nhoz Đảng thiêz tsôngv px, taz por Đảng tsưr ziv chox car, tuôr truôx thiêz gra siêz Đảng cêr njênhs njôngr, chiê siêz trâu tsôngv box, phax tir thêir têx nênhs fêv, tsi jông. Co cux zos têx zuôr trâul txos thiêz hâux lưv mak jiês cơưv T.Ư 8, khóa 12 nhiv kruôr tso tơưv đros thiêz Cui tinhv canr bôv, đảng viên txơưx jênhv uô ntêx nyuôs hâur cxuô luôs hâux lưv./.

(Tấn Phong ĐBSCL-Riê Lâux cxeik, nhênhv)