Tox siêz Lào Cai phax tar ntux no trâu paz tsiêx cxu

Ntơưv huyện Sa Pa-tiv phaz siêz muôx 1.200 thiêr tror sâur, cux zos qơư njiz phiv liv tiv zix hâur chêix ntux no nhoz Lào Cai, txix ciês thâuv kaz chêix ntux lax, côngz xưv phax tar ntux no trâu tsiêx cxu tưz tâu chính quyền thiêz cơ quan txơưx jênhv bax uô jông têx tsưr ziv.

Zơưv Nguyễn Tiến Thành, Trưởng phongx Kôngz nuv huyện Sa Pa puz pâuz, tas nro huyện nhiv no muôx 13 cxênhz ntâu tuk tsiêx cxu, hâur co phênhv ntâu zos tưv. Xav txos six hơưv no, xar muôx 95% chor tsiêx cxu nhoz Sa Pa tưz tâu uô tsêr guôx truôx jông. Chor tsik tâu muôx tsêr guôx ntov jông mak tâu chox lok trâu têx qơư kik sor đuô chiê txar jav ntux no. Nganhx Kôngz nuv huyện cux hêik pox nhuôs nôngx mênhx tsik tso tsiêx cxu muk noj pêv têx yar jâuv thâuv jêx tưv grêk kik đuô 13 tưv chiêz paz trâu chor tsiêx cxu muôx đas jos jông.

“Hâux lưv tsês chiê zav nox trâu chor tsiêx cxu cux tưz tâu kriz uô, txos nhiv no muôx zuôr xar 60% chor chuôz zis tu zus bax tsês chiê jông zav nox trâu chor tsiêx cxu txix têx jâuz tâux, hnhaz blêx kruôr, vâuv kâuz…”

Lơưr zơưv Nguyễn Xuân Nhẫn, Phưv giám đốc Sở Kôngz nuv thiêz huôv tsar jêx jok tỉnh Lào Cai, shông 2018 qiv hơưv zôngx ziv, Lào Cai chor tsiêx cxu trâus tuôs no tsơưs đuô pir li têx shông uô ntêx zuôr uô trâu iz cxiê pêx xênhv tso siêz. Viv li, nganhx kôngz nuv tưz hêik trâu tỉnh, đros co hêik têx tiv phaz tsuv kriz uô phax tar ntux no trâu chor tsiêx cxu nzor đuô, jông đuô thiêz truôx đuô.

“Txix ciês thâuv hâur hlik hli 9, Sở Kôngz nuv zos taz viv hêik pâuz trâu tỉnh tưz cxiv uô tsưr ziv phax, tar ntux no trâu tsiêx cxu chiê cxuô cấp, cxuô nganhx bax tâu jông zav nox, kho đuô têx tsêr guôx, uô cov tâu jông tiv zix têx tsưr ziv phax tar no, yêiz plaz trâu tsiêx cxu”.

Lơưr nriêr pâuz puz pov, tas nro tỉnh Lào Cai nhiv no muôx 160 cxênhz tuk tsiêx cxu. Viv li, cơ quan txơưx jênhv hêik pâuz, đros ntux no ziv hnuz ziv phiv liv, chor chuôz zis xêir tsov têx tuk tsiêx cxu lâul, chor muôx đas jos grêk kik chiê tuô muôs grêix, cê chiê muôs trâu ciêz đrôngs, tiv zix zos thâuv txos tsiêz, cê paz txo grêk tsơưs têx trâus hiêv zos ntux no chênhr, no njiv truz ntêr./.

(An Kiên-Lik Thox cxêik nhênhv)

Zơưv Phùn Hợp Sềnh: Tsôngv box thax tsav ntus đriv li qơư khov truôx

Zơưv Phùn Hợp Sềnh (xã Quảng Đức, huyện Hải Hà, tỉnh Quảng Ninh) shông no tưz 70 shông. Txơưv li ntơư, taz sik lênhx txir nênhx heir nênhs Cho no hâur niêx hnuz, thâuv tưs cux pov cheix luz yêz meir kuz mul lok tưz sưv đros tsôngv box nhoz suôv qơư co. Ntơư zos thâuv zơưv Phùn Hợp Sềnh muk qênhz yuôx shuôs têx cêr đriv têz, ndêx cxok kuôk ntus đriv. Thâuv pov tuk ndêx tưs trâul pâus, kiêk nênhs tiv ntux yar ntux nas uô ruôr hiêv, zơưv Sềnh ho đrêk, muôz qêz suô, tu đu lus, hur si. Thax tsav tox trôngz hâur pêk nxaz, ntâu cêr mul lok phiv liv taz sik zơưv Sềnh cux uô đreiv luôs hâux lưv no tâu 2, 3 châuv shông lok no. Đros thiêz zơưv Sềnh, mul lok qênhz yuôx shuôs têx ntus đriv, đriv têz zos iz kro jông, cêr shir phaz:

“Cur muk yêz meir cux tsênhv muk tâu, muk qênhz shuôs zos pov muôx đaz tsi txơưr txar mak lol heik trâu têx hloz hâur Zênhx pênhz phax pâuz chiê lơưr đơưk uô, kho tâu zênhx max. Cur seiz luôs hâux lưv muk qênhz yuôx, đros têx tuz lênhv sđ uô hâux lưv zos iz cêr shir phaz trâu cur. Muk por hưv đriv têz, ndêx cxok kuôk cêv ntus đriv cux jông xưk iz zav muk uô hâux lưv uz no xưz, nhiv no hnuz nhôngs siêz, đal jos ntâus, so lâuk lơưv, iz jiês cheix yêz meir muk lol sik muk tơư lok txos zuk cux pov iz chêr nxênh, jông tas hor ntâu. Zos iz hnuz tsi muk qênhz shuôs mak cur tưz tsi tso siêz hlo”.

Thâuv ntu tsênhv uô hâux lưv têz qơưk, zơưv Phùn Hợp Sềnh zos Công an huyện, canr bôv xã, chênhr viv li zơưv pâuz tsênhz txos têx thax tsav, suôv qơư, lênhx nênhs thiêz ziv pâuz tsênhz đuô lok luôs hâux lưv fuô kriê têx chei têz qơưk trâu tsôngv px, uô têx nuv por hưv thax tsav, qơư nhoz. Zơưv Phùn Hợp Sềnh tsi tiêk moz siêz uô hâux lưv tsưx phưv ntus đriv, đriv têz mak tsênhv đros têx lênhx lâul jok, tsar jok yax kriê, heik têx tuz nhuôs, cưr tix nênhx tsa sđ hâur jok đros tsưx phưv truôx đriv têz, por hưv têx ndêx cxok kuôk cêv ntus đriv. Têx shông đhâu, zơưv thâuv tưs tưz tâu tsôngv box nhoz no seiz hloz txos, seiz zơưv zos qơư khov truôx trâu tsôngv px sđ hâur jok-Iz tsov iêr chi cax chiê sđ cơưv shâuv, uô trơưk. Tix lâus Phùn Văn Hòa, nhoz xã Quảng Đức heik:

“Niêx shông txir hloz Sềnh cux yax kriê trâu têx nhuôs hâur chuôz zis heik taz thiêz xã Quảng Đức heik cxuô lok sâuv tsưx phưv jông ntus đriv, ndêx cxok kuôk cêv đriv têz. Đhâu yax kriê, pêz cux pâuz tsênhz đuô lok vax huôv, hâux lưv đros tsưx phưv thax tsav ntus đriv, đriv têz, tso siêz  huôv tsar uô nox thiêz tror đros tsưx phưv jông thax tsav ntus đriv, siz chos por hưv têx ndêx cxok kuôk cêv đriv têz, đros têx tuz lênhv qênhz pov, pâuz zênhx max têx tsi jông, uô cxâuv chei têz qơưk cik txos ntus đriv, uô thax tsav đriv têz tsi truôx tuk”.

Đros thiêz têx hâux lưv uô jông, tâu tsôngv px sđ njênhs njôngr txos, zơưv Sềnh tsênhv tsi so hux jos truôx đros têx lưv lươngv muôx vax huôv, hâu nov ntơưv qơư yênhx lix têx trâur nuv, tsưr ziv tưx seiz car, tsưx phưv. Txos nhiv no, 96 ntâu chuôz zis tsôngv box hâur xã đas cir tưx car seiz 17 cêik cêr ntâu ntus đriv thiêz 22 tuk ndêx cxok kuôk cêv đriv têz. Zơưv Sềnh thâuv tưs tưz pâuz tsênhz txos têx uz no muôx nhoz ntus đriv, yênhx chor tuz lênhv pênhz phax qơư tsov seiz cxuô tsar zav hâur thax tsav. Trung tá Nguyễn Văn Luyện, Phưv Zênhx tsar Zênhx pênhz phax Quảng Đức heik:

“Txir Hloz Phùn Hợp Sềnh cux zos lênhx nhoz đreiv tâu ntêr hâur thax tsav. Txir hloz zos iz lênhs tâu sđ njênhs njôngr, nhiêv txos thiêz tsi so đros taz viv uô hâux lưv yax kriê, heik tsôngv px hâur thax tsav, lar heik zos tsôngv px heir nênhs tsơưs đros uô têx hâux lưv tsưx phưv ntus đriv, ndêx cxok kuôk cêv đriv têz, đros têx tuz lênhv pênhz phax qênhz yuôx shuôs têx thax tsav ntus đriv, zênhx max muôz tâu têx mông jông, zov chênhr trâu tuz lênhv pênhz phax, heik kriê trâu chor tuz lênhv pâuz lok têx cêr tsi truôx tuk hâur thax tsav....Muôx têx heik, no zos têx lênhx uô tâu hâux lưv jông, lok six tsiv nhos tâu kruôs txos”.

Đros thiêz tsôngv box xã Quảng Đức, zơưv phùn Hợp Sềnh zos tsov iêr chi cax trâu tsôngv box sđ cơưv shâuv thiêz uô trơưk. Shông 2018, zơưv zos iz hâur têx lênhx txir ndâux txir luk uô hâux lưv jông tâu kruôs txoss ntơưv tsaz yênhx “Qơư khov truôx trâu tsôngv px jêx jok” zos Tạp chí Cộng sản thiêz Bộ Tư lệnh Bôv đôiv Pênhz phax sik đros tsưr tsix./.

(CTV Thu Hằng-Riê Lâux cxeik, nhênhv)