Ntux yiêz lok ntơưv mênhx cxưx Phù Lá nhoz Điện Biên

Thâuv chor pax txir đuôx, txir khơưz piz tơưs đơưz vos mak nênhs Phù Lá nhz jok Khua Chá, xã Phình Sáng, huyện Tuần Giáo, tỉnh Điện Biên ho lov jêv ntưk bax tok tsiêz yiêz shông 2017.

Ntơưv jok Khua Chá, mênhx cxưx Phù Lá tsuôk muôx 15 ziv chuôz zis, đros xar muôx 80 lênhx nênhs, uô nênhx nhoz đros chor mênhx cxưx txơưr đuô. Tiv muôx lok six tsơưs nênhs, 100% hâur co zos chuôz zis pluôs, ho zuôr njiz trâus pôngz plox vênhx huôv, viv li têx shông đhâu khov muôx chính quyền tiv phaz tsov cưv txos. Cxuô cấp thiêz chor mênhx cxưx txơưr đuô paz, mak mênhx cxưx Phù Lá nhoz Khua Chá tưz sir jos uô xênhz yar, sir jos truôx tuk luz nênhx.

Zos iz lênhx nênhs Phù Lá muôx hnuz nhôngs siêz, nhoz ntêr tiv zix ntơưv jok Khua Chá, viv li zơưv Shôngx A Xa zos lênhx nênhs pov tsênhz tâu kror hlôngr yiêz no. Zơưv Xa hêik: Pir li thâuv ntêx mak nhiv no cxuô kror li cêr muk lok, tênhv, tsêr cơưv ntơưr…puôr lênhx tưz tâu uô. Txơưv pox nhuôs Phù Lá nhoz no tsênhv pluôs, tsar tov kinh tế tsênhv kik, taz sik sơưr đơưk tưz pâuz sir jos, uô nox chiê hla đhâu cêr pluôs hâur oz pêz shông lok no. Li tas nro chor tuz nhuôs txưv hnuz nhôngs puôr lênhx tâu cơưv ntơưr, iz cxiê lênhx tsênhv cơưv ntơưv têx tsêr cơưv chuyên nghiệp thiêz cux muôx iz cxiê cán bộ zos mênhx cxưx Phù Lá xuz thơưx ciês tơưv tsêr cơưv lok uô hâux lưv ntơưv tiv phaz. Ciês li zơưv Xa cux jênhv pâuz tsênhz lok cơưv ntơưr hâur hlôngr yiêz luz nênhx, viv li tuk nhuôs nxêik tiv 5 hâur chuôz zis cux chiê tâu sir jos muk cơưv ntơưr Đại hov sêiz car têz qơưk shông tiv pêz ntơưv Hà Nội. Nhiv no, zơưv Xa vav yênhx hnuz njiêz pov tâu tuk cxêik cơưv tiêr ntơưr, tror lok uô cán bộ cxiv tsa têz qơưk. Zơưv Shôngx A Xa hêik:

“Đảng, chính phủ nhiv no mak tsov cưv txos ntâu hênhr, cxuô zav cux jông đuô thâuv ntêx lơưv. Nhiv no mak sir jos uô nox uô hâuk, muôx moz gênhs mak muk tsêr kho moz. Têx phôngx cxưx pôngz kaz, tsik jông mak tso por tsês tas. Thâuv ntêx mak txov nhêv hênhr, tsik txâuk nox, hnar, tsik cxơưz đaz tsi hlo, yuôr đaz tsi mak Đảng, chính phủ tsơv cưv txos paz”.

Đros siêz xar “tsuv chiê mê nhuôs muk cơưv ntơưr chiê lok uô nov paz trâu zuk mênhx cxưx, jêx jok thiêz cxiv tsa têz qơưk” tix lâus Lò Văn Căm, mênhx cxưx Phù Lá cux hêik thiêz sir jos chiê tuk tuz nzơưs sir jos cơưv ntơưr. Pâuz tâu cêr txov nhêv, viv li cux sir jos cơưv shâuv, nriêr pâuz chiê uô nox trâu chuôz zis. Shông 2015, tix lâus chuôz zis tâu têz qơưk paz iz tuk nhux đas. Sir jos thiêz uô jông sêiz jor, viv li nhiv no cux tưz sha tâu nzir 3 tuk nhux. Đros sir jos uô kôngz lôngk, tix lâus chuôz zis tưz hla đhâu cêr pluôs, zos iz hâur chor chuôz zis uô nênhs hênhr nhoz hâur jok. Tix lâus Lò Văn Căm hêik:

“Xav mak zuôr chiê tuk nhuôs nzơưs cơưv ntơưr cov txos qơư, cơưv tas cấp 3 mak xar cơưv đaz tsi chiê muk cơưv kror ntơưr. Cur xar mak tsuv chiê mê nhuôs muk cơưv siêz đuô thiêz, viv zuk mênhx cxưx muôx tsơưs, yuôr ntâu kror txov nhêv tsuv chiê mê nhuôs muk cơưv ntơưr chiê tror lok paz trâu zuk hêir nênhs”.

Luz nênhx hlôngr yiêz, muôx tsar tov, viv li nênhs Phù Lá tưz nox tsiêz shir phaz đuô. Têx hnuz no, pox nhuôs Phù Lá tưz tso siêz tsês têx hâux lưv chiê bax tok iz luz tsiêz yiêz. Shir phaz tiv zix mak zos tix lâus LÒ Văn Phờ li chuôz zis, thâuv luz tsêr yiêz nhiv kruôr tâu uô tiêr khov muôx chính quyền xã thiêz jêx jok paz uô. Txơưv tsik lox luôx tưs, taz sik pir li luz thâuv ntêx mak zênhx jông đuô lơưv.

Zơưv Giàng A Dũng, Chủ tịch UBND xã Phình Sáng, huyện Tuần Giáo, tỉnh Điện Biên puz pâuz: Zos luz xã nhoz đêz thiêz tsênhv txov nhêv tiv zix hâur huyện Tuần Giáo, pêx xênhv luz nênhx tsênhv pluôs, taz sik cêr siz hluz siz paz nhoz pêx xênhv mak siêz. Ciês mênhx cxưx Phù Lá muôx tsơưs nênhs mak chính quyền tiv phaz hax zav tsês ntâu kror paz đuô trâu pêx xênhv.

“Hâur shông 2018 thiêz six hơưv jê tsiêz mak pêz tưz tso tơưv tsưr ziv, qênhz shuôk đuô chor chuôz zis Phù Lá tsênhv txov nhêv, hêik pêx xênhv hâur xã sik côngv paz chiê chor chuôz zis Phù Lá tsênhv txov nhêv muôx tsiêz nox shir phaz”.

Chor chuôz zis Phù Lá nhoz Khua Chá tok tsiêz shông no lov jov shir phaz đuô cxiê shông. Sơưr đơưk sik đros qêz suô têx vax tsêr, cêr muk lok cov hur si. Bax cxix cxuô zav chiê krưr nduôr txâuv puôk nox tsiêz. Txơưv kinh tế tsênhv yuôr ntâu kror tsov nhêv, taz sik yênhx chuôz zis nênhs Phù Lá nhoz Khua Chá puôr lênhx sir jos đros siêz xar hla trâu shông yiêz luz nênhx zuôr jông đuô, shir phaz đuô thiêz tsâu sor đuô./.

(Vũ Lợi-Lik thox cxêik nhênhv)

Chi bộ jok Suối Lìn tuôr truôx pưs txux uô ntêx nyuôs chox kriê cêr

Zos iz jok heir nênhs Cho ciês xưz hâur xã Vân Hồ, nhiv no chi bộ jok Suối Lìn muôx 28 lênhx đảng viên. Niêx shông, chi bộ cxiv tsa tsưr ziv, hâux lưv uô tsênhv tsênhz hâur yênhx hli. Iz chas ntơư, moz siêz txos luôs hâux lưv zoz zux chính trị, cêr uô nênhx trâu đảng viên. Hâur têx jiês xênhz huôx hâur niêx hli, Chi bộ tưz fuô uô cxix cxuô, zênhx max Đảng cxuô cấp têx chỉ thị, Nghị quyết txos trâu chor đảng viên. Tiz jông ntâuk grê têx luôs hâux lưv uô tsi tâu tâu thiêz heik tsênhz mênhx txos têx đảng viên li hâux lưv seiz car lês uô cxuô luôs hâux lưv tâu zok muôz taz sik uô tsi tâu tâu tiêr chiê muôx tsưr ziv khưx phưx.

Hâur chox kriê cêr trâu tsôngv box sđ huôv tsar kinh tế, Chi bộ jok Suối Lìn tưz chox kriê Ban seiz car jêx jok thiêz têx đoanx thêv hâur jok vênhv tôngv tsôngv box hlôngr yiêz tsoz chos, tsiêx tu zus cov fiv đros trâu têx tsênhv tsênhz ntơưv qơư. Chiê paz tsôngv box muôx txux chi tsưr ziv uô lơưr hâur uô nox uô hâuk, Ban seiz car jok heik trâu Ủy ban xã tso canr bôv cxiz kôngz muk têx jêx jok kriê tsưr ziv tu têx tsoz chos, tsiêx tu zus. Nhiv no, jok tưz muôx 135 ha têz chos têx nôngz poz cưk txuôv, iz ha sâu tâu txix 4-5 tênhr, 22 ha liêx sâu tâu txix 5-7 tênhr iz ha. Lar heik  hâur shông 2017, co zos jok Suối Lìn tưz chos tâu zuôr xar iz ha tsoz txir lưk hmaz lok zos txir Lok tsuôk, nhiv no tâu sâu đê. Hâur tu zus tsiêx cxu, tsôngv box thâuv tưs cux uô jông luôs hâux lưv phax tar moz, uô lơưr têx tsưr ziv tu zus yiêz chiê huôv tsar tu zus ntâu tuk tsiêx cxu thiêz gra siêz phênhv sâu tâu trâu tsôngv box hâur jok ndê 13 tsov đeiv ntâu iz lênhx nênhs iz shông.

Sik thav đros pêz lok sâuv hâux lưv phuôx huiz têx đảng viên li pưs txux uô ntêx nyuôs hâur têx hâux lưv uô thiêz sir jos tuôr truôx côngz bê Chi bộ hur jông, truôx vênhk, zơưv Bàn Văn Liềm, Bí thư Chi bộ jok Suối Lìn, heik pâuz: Chi bộ iz shông sir jos cov kriê cxaz tâu têx txux chi tsưr ziv yuôr trâus tâu 2-3 lênhx tsôngv box uô tâu hâux lưv jông chiê tso nhoz hâur Đảng. Iz chas ntơư, tror vênhv tôngv tsôngv box sđ uô lơưr têx tsưr ziv yiêz hâur huôv tsar uô nox uô hnar chiê sâu tâu kôngz nju, tu zus tsiêx cxu trơưk têk; bax jông cxuô zav hâux lưv yuôr trâus chiê huôv tsar ju lix côngv thôngx, sir jos cov txos shông 2022 tsi muôx chuôz zis tưl zos chuôz zis pluôs.

Sir jos uô lơưr têx luôs hâux lưv tưz uô tâu jông. Chi bộ jok Suối Lìn tror sir jos uô cov tiêr Đảng viên li cêr uô ntêx nyuôs hâur cxuô hâur cxuô luôs hâux lưv hâur jok, lar heik zos hâur uô lơưr têz  qơưk tsaz yênhx qơư  tsov txos lok cxiv tsa jêx jok yiêz. Iz chas ntơư, cxơưz tiês uô têx faz tsưr ziv gra siêz chi bộ vax huôv, hâux lưv chox kriê cêr thiêz lês uô cxuô zav nuv, sir jos tuôr truôx côngz bê chi bộ hur jông thiêz truôx./.

                       (KT Báo Sơn La-Riê Lâux cxeik, nhênhv)