Lênhx pox niêv Bí thư, Chủ tịch xã đros paz px hla đhâu yeiz pluôs

PV: Niêv lâuk thor cox heik pâuz, tưz đhâu 2 ntu siz lơưr liês, cox puôr lênhx tâu cxuô lênhx đảng viên thiêz tsôngv px, bâux xeir lês uô hâux lưv hâur xã, uô li cox pok xar li chas?

Bí thư Lê Thị Lụa: Têx no mak cux cxơưx, xar ntâu thiêz, tsi zos tsi xar. Xar tiêk zuk tâu uô luôs hâux lưv no, zuôr uô li chas cov huv px siêz, chox px sđ huôv tsar uô nox chiê cov sđ muôx luz nênhx tsâu sor, vav mênhx, tsi trâul yeiz pluôs.

PV :Nhiv no xã Việt Thành tsuôk yuôr iz chuôz zis pluôs, ntơư cux zos iz luôs hâux lưv tsik zôngx ziv uô tâu?

Bí thư  Lê Thị Lụa: Pêz tưz qênhz shuôs tas hur si têx lênhx nênhs pluôs, pov muôx lok six ntâu zav pluôs, txov nhêv nhiêk txơưr nhiêk tsi siz thôngx . Chor nênhs ntơư pêz phênhz, pheiz nhiêk muôx nhiêk. Chuôz zis pluôs zos tuz gênhs tsi xar khưr uô nox mak pêz choz trâu têx tsưr tsix, đoanx thêv muk heik, tơư kriê tsưr ziv huôv tsar uô nox. Hok têx chuôz zis pluôs tsi muôx nênhs lox tôngv, mak đhâu qênhz shuôs tas pov, ntơư zos chor chuôz zis nênhs lâuk; lâuk taz sik muôx mê tuz mê nhuôv hloz lox tiêr nênhs, yênhx nênhs tas, pêz heik lơưr têx tuz nhuôs tsuv muôx vax huôv tu thiêz zus chor lâuk. Têx chuôz zis pluôs tiv muôx tsi txâuk ar uô nox, pêz qênhz shuôs đuô têx liêx têz hâur jok chiê choz trâu lơưr uô kôngz, uô nox. Hok têx ziv tsi muôx tsưr ziv huôv tsar uô nox uô hnar, pêz hux jos đros huyện chiê kriê cxaz, cơưv nzir têx txux chi tsưr ziv yuôr trâul lok huôv tsar uô nox....

PV: Thâuv cox muôx 37 shông, tưz tâu sđ bâux xêir uô chủ tịch xã Việt Thành thiêz hnor cox tưz sir tas đas jos tsưr ziv uô tâu tiêr cxuô luôs hâux lưv zok muôz, hnuz no uô, cax ntus so cux tâu?

Bí thư Lê Thị Lụa: Xuz thơưx thâuv bâux xeir cur uô Chủ tịch xã mak px cux cxơưx. Lơưr xar, txir nênhx tưz uô tsi tâu, zuôr heik txos pox niêv thiêz tsênhv hluôk li ntơư. Cur pâuz tâu px, tsôngv niêv txir cưr tix nênhx tsa lơưr xar li co, viv li cur lok six sir jos. Xuz thơưx zos đơưk tu hur tiz si têx tus tsi px sđ tsi jông siêz, kror tưs uô tsi tâu mak uô tas nro. Hâur 2, 3 luz hlik tưz lês uô tâu zuôr xar tas têx hâux lưv, cuz nxor li heik sâuv. Uô tas, zuk mul hâur jêx jok mnôngs px heik, seiz px uô thiêz nus px sêz lơưr tsưr ziv xar zuôr, xar pâuz txos têx tus tsi, uô zav đaz tsi. Kror tiv iz px sđ lơưr xar njôngr zos muôx têx hlôngr yiêz lok sâuv zuz nôngz tsoz chos, tsiêx tu zus. Li ntơư, pêz zênhx max njuôk hov, muôz xã pheiz uô 3 thax tsav huôv tsar uô cxuô zav. Suôv qơư muôx ntâu ar têz, por tox mak pêz njuôk hov chos ciêv fix, nhiv no 600 ntâu ha lơưv, têx chuôz zis chos ciêv fix, ziv tưs tsơưs nhiv no cux tsuv muôx 500-600 tsov đeiv, px nhiv nor lơưr tưz cxiv uô tâu têx vax tsêr jông lok nhoz tas. Tiv 2 zos njuôk hov qơư chos jâuz caz, zav tsoz chos no tưz tâu cxuô cấp hâu nov gra lok kriê trâu px chos thâuv nzor, taz sik cux tsi tâu yênhx qơư chos ntâu chiê muôs thiêz tsi tâu muôx tsưr ziv chos, tu. Pêz tưz sir jos heik trâu huyện, trâu tỉnh cov chox têx lênhx nênhs muôx txux chi tsưr ziv chos thiêz tu lok paz kriê px chos, pêz zuôr njuôk hov xã yênhx iz qơư chos uô đreiv zav tsoz chos co chiê zus caz chaz xor, nhiv no tưz tâu 2, 3 puôk ha trơưk 2 saz ntus đêx liêz. Uô tâu 2 hâux lưv no, cux tsuv pôngz tas ntâu six hơưv, côngz đas jos, tsuv truôx siêz; thâuv co cur xar, txơưv hnuz no uô cax ntus so lok cux  tsi cxơưx, sâu zuôr tas hur si 5% ar têz, zos chuôz zis tưs chos jâuz caz mak choz ar, chuôz zis tưs tsi chos muôz choz trâu lưv tus txơưr đuô uô, chiê yênhx iz qơư, iz thax têz lox đar. Px pov uô li ntơư zos uô huv chei, huv sđ thiêz njênhs njôngr, uô trơưk.

PV: Lênhk uô 2 luôs hâux lưv lox đros trâu ntâu hâux lưv txơưr đuô, cox ho  uô li chas thiêx txâuk six hơưv lês uô tas chor hâux lưv ntơư?

Bí thư Lê Thị Lụa: Tsênhz tiês Bí thư Đảng ủy, uô ciês Chủ tịch xã mak hâux lưv cux ntâu, taz sik cur tsuv phênhz six hơưv li chas cov huv đros, njênhs njôngr trâu têx lênhx phưv, chor zâu chiê choz hâux lưv, đhâu ntơư qênhz yuôx shuôs.

PV: Ntâu lênhx heik, nhoz hâur qơư uô hâux lưv car seiz, chox kriê tâu lơưv, zos li chas cox ho muk trâu têx jêx jok, pêv têx liêx têz uô đaz tsi thiêz?

Bí thư Lê Thị Lụa: Viv li chas cur muk hâur têx liêx têz seiz px, đros px uô, tưz zos ntâu jiês cur khur xiv, pâuz kror ar no, thax têz tov jông chos thiêz uô tâu zav no zuôr trơưk tsưr ziv xar, uô tâuk bluô nux, taz sik px tsi tâu muôx tsưr ziv uô. Chênhr zos li heik co, cur đros px muk, kriê px tsưr ziv uô.

Cur tsuôk xar cov uô li chas px muôx tâu iz luz nênhx tsâu sor. Px muôx luz nênhx tsâu sor, vav mênhx mak canr bôv thiêx jông siêz, shir phaz. Zos tiêk uô canr bôv, chiê px pluôs, px trâul yeiz mak ntơư zos tiv pêz chor canr bôv. Chênhr zos li heik co, pêz buôk ti muk shuôs px, kriê px tsưr ziv, đros px uô.

PV: Việt Thành nhiv no tưz zos xã uô tâu luôs hâux lưv cxiv tsa jêx jok yiêz, tâu ntâu thax tsav cơưv shâuv, uô trơưk. Uô li cox xar li chas lok têx hâux lưv cxiv tsa jêx jok yiêz cov jông jav đuô hâur ntu zuôr txos?

Bí thư Lê Thị Lụa: Cur xar, txơưv zuôr cxiv tsa jêx jok yiêz jông jav đuô bâuv li chas lok puôr lênhx zos uô cov gra siêz tsôngv px luz nênhx nox nhoz, chiê sđ muôx luz nênhx tsâu sor, yar ntux đris thiêz muôx tsưr ziv huôv tsar uô nox xưz.

PV: Uô cox tsâus ntâu./.

(Đinh Tuấn-Riê Lâux cxeik, nhênhv)

Việt Nam sir jos uô, zok nriêr chor yuôx vắc xin phax tar moz Covid-19 chiê cov cxuô lênhx nênhs puôr lênhx tâu cxax yuôx siz bâus

Việt nam tưz đros uô zok nriêr vắc xin phax, tar caz moz thiêz zos yênhx iz hâur 40 luz têz qơưk xuz thơưx ciês siv yuôx vắc xin sâuv lênhx nênhs. Chính phủ Việt Nam chox kriê chor nênhs uô yuôx hâur têz qơưk sir jos uô têx hâux lưv nhênhz chơưv uô yuôx vắc xin. Txos trâu six hơưv no, muôx 4 taz viv cxaz chuôz nhênhz chơưv uô yuôx, njuôk xav hâur shông no, zuôr muôx tsơưs tiv zix iz qơư uô siv yuôx jiês 2, jiês 3 ntơưv Việt Nam.

Lơưr co, taz viv xuz thơưx ciês cxaz chuôz nhênhz chơưv uô yuôx vắc xin phax moz Covid-19 zos công ty Cổ phần công nghệ sinh học yuôx Nanogen (TP.HCM). Tsuôk đhâu 5 luz hli, đros têx sir jos, xar tơưv, Công ty Nanogen tưz uô tâu chor yuôx vắc xin Nano Covax chiê siv yuôx.

Xuz thơưx chor nênhs nhênhz chơưv ntâuk  gri, vắc xin Nano Covax ngaz tuk, paz tir tar tâu jông caz moz, zuôr tir  tar tâu caz moz Sát Covi-2, xav tas nro chor zav caz moz yiêz. Chor nênhs tâu cxax mak đhâu cxax tas puôr lênhx muôx đas jos jông, tsơưs lênhx nênhs thiêx li hnor moz ntơưv kror qơư cxax, uô cuz mê njil taz sik puôr lênhx grêk cuz đhâu 1-2 hnuz. Việt Nam chor yuôx vắc xin zuôr tsês chiê tâu hâur têx tuk txiêk (txix 2-8 tưv), thâuv mak iz cxiê hãng chor yuôx vắc xin tsênhv tâu uô tsuv tsês chiê hâur têx tuv txiêk muôx zênhz 75 tưv, uô phiv liv thâuv thâux xa muk lok.

Đros co, Công ty TNHH vắc xin thiêz Sinh phẩm số 1 (VABIOTECH) li chor yuôx vắc xin phax moz Covid-19 cux tưz uô tiêr tsưr ziv uô hâur qơư uô thiêz tsênhv tâu ntâuk gri txos kror ngaz tuk, tir tar caz moz sâu têx tsiêx cxu. Đuô li, Viện vắc xin thiêz Sinh phẩm Y têr (IVAC) thiêz Tsênhv qơư nhênhz chơưv uô yuôx vắc xin thiêz Sinh phẩm Y têr (POLYVAC) cux tsênhv nhênhz chơưv, uô yuôx vắc xin phax moz Covid-19. Li co, xav txos nhiv no, Việt nam tưz muôx tas nro plâuz qơư uô yuôx vắc xin phax moz Covid-19 thiêz tưz muôx oz zav yuôx vắc xin tâu cxax xiv sâuv lênhx nênhs.

Chiê bax trâu côngz xưv phax, tar caz moz thâuv yuôx vắc xin hâur têz qơưk tsênhv uô tsik tâu tâu tiêr Việt Nam cux sir jos zok nriêr zuôr yuôx vắc xin txix chor nênhs uô saz đrâuv têz qơưk chiê phưx vưv ndar six hơưv trâu hâux lưv phax, tar caz moz, uô tâu jông oz tsưr ziv. Hnuz 24/2, chor yuôx vắc xin xuz thơưx ciês tưz lok txos trâu Việt Nam thiêz hnuz 8/3, Bôv Y têr tưz kriz uô cxax AstraZeneca chor yuôx vắc xin phax moz Covid-19 ntơưv 18 qơư y têr, Bôv trưởng Bôv Y têr Nguyễn Thanh Long puz pâuz:

“Zuôr khav tênhv tsik tâu tiêk tas nro chor yuôx vắc xin nhiv no, xav tas nro chor vắc xin tưz tâu tso chêi sir zôngv zuôr ngaz tuk 100%, thiêz muôx têx qơư, têx nênhs zuôr muôx yưv têx phiv liv đhâu cxax yuôx tas. Chênhr viv li, Bôv Y têr tưz hêik têx cơ quan uô hâux lưv no chiê uô chak cov bax tâu qơư cxax yuôx, tsưr tsix tâu hâux lưv cxax yuôx thiêz uô hâux lưv no cov ngaz tuk tiv zix”.

Lơưr Bôv trưởng Bôv Y têr, Bôv Y têr tsênhv sir jos sêiz lax đros têx công ty txơưr, iz cxiê luz têz qơưk txơưr chiê muôx nzir yuôx vắc xin. Tsưr ziv cxuô zos uô truôx jông lơưr chox kriê chiê paz muôx nzir yuôx vắc xin trâu pêx xênhv, chiê paz phax tar tâu jông caz moz tiv zix:

“Hâur shông 2021 zos cxax trâu tas nro pêx xênhv mak tsuv muôx txâuk 150 triệu hưx yuôx vắc xin. Nhiv no pêz tưz sêiz lax đros chor taz viv li COVAC 30 triệu hưx yuôx hâur shông 2021, phênhv ntâu zos hâur 6 luz hli kaz shôngk shông. Đros Công ty AstraZeneca mak tưz jênhv paz muôx 30 triệu hưx. Li co, hâur shông no pêz zuôr muôx tâu 60 triệu hưx yuôx vắc xin. Nhiv no Bôv Y têr tsênhv sik thav đros têx công ty txơưr thiêz nriêr nzir yuôx vắc xin txix têz qơưk Nga…”

Li co, đros njuôk xav muôx tâu chor yuôx vắc xin li hêik tas sâur, mak tas nro pêx xênhv zuôr tâu cxax yuôx vắc xin phax moz Covid-19 hâur ntu zuôr txos. Taz sik, uô ntêx zuôr moz siêz txos 11 hov nênhs chiê cxax yuôx vắc xin phax moz Covid-19. Chor nênhs tưs zuôr tâu chiê cxax yuôx uô ntêx, tsôngv box nhoz thax tssav mênhx cxưx tsơưs nênhs zos chor nênhs zôngx ziv trâus cik moz siêz mak puôk tâu chiê cxax yuôx phax moz uô ntêx lok tsik tâu, pêz zuôr tror piêr txos hâux lưv no nhoz phênhv no hâur tsaz yênhx ciêz tov kaz, zâuv tsôngv pox nhuôs sơưr đơưk tok mnôngs./.

(VOV4-Lik Thox cxêik nhênhv)