Ciêz ju lix hâur ntênhs 30/4: Muôx têx hlôngr yiêz jông

          Muôx ntâu qơư muk ndis shuôk têz qơưs thiêz xar muk ndis shuôk uô si lơưr yênhx paz fôngx zưs, chuôz zis; taz sik ho tsi xar pôngz ntâu six hơưv chiê nriêr pâuz qơư muk ndis shuôk. Co zos ntâu lênhx nênhs li tsưr ziv  siêz xar muk uô si hâur ntu so ntênhs 30/4, xiêz 1/5 shông no. Ntơưv công ty ju lix Viettravel, ntâu jiês muk ndis shuôk uô si tưz tâu tsôngv kruô tênhv tas. Hâur co, têx jiês muk ndis shuôk uô si ntơưv niêv đêx hiêr li Quy Nhơn, Nha Trang, Phú Quốc, Côn Đảo…zos têx qơư tâu tsôngv kruô xeir ntâu tiv zix. Đrâuv co, Sa Pa, Hạ Long nhoz faz Bắc thiêz têx qơư nhoz faz Tây cux tâu tsôngv kruôr nriêr pâuz xor mông. Pos huỳnh Phan Phương Hoàng- Phưv Tổng giám đốc Công ty ju lix Vietravel puz pâuz:

          “Kruô tuôx ntiêr pâuz Vietravel li têx jiês muk ndis shuôk uô si tsênhv chuôz ndê siêz. Niêx hnuz tas nro cxix luôk Vietravel cxôngx Bắc txos Nam tos 2 cxênhz ntâu jiês kruô tuôx thiêz nriêr pâuz lok têx qơư uô si ntu so ntênhs 30/4, cheix so sor shông no. Đrâuv co pêz cux muôx têx phênhv grê cxơưz cxiz hâur ntu so ntênhs cux xưk li uô ntêx cheix so sor cov huv đros tiv zix”.

          Lơưr iz cxiê công ty ju lix, têx kruô ndis shuôk ju lix niêx shông khênhr xeir muk ndis shuôk saz đrâuv têz qơưk, shông no phênhv ntâu xeir muk ndis shuôk hâur têz qơưk. Đrâuv co têx jiês tsôngv kruô xar muk ndis shuôk uô si tas nro, têx công ty ju lix cux cxơưz hâux lưv sik côngv tas nro vé yêz za, qơư so, jiês ndis shuôk uô si chuôz zis cxôngx lơưr li yêz lok sik txu grês grê lok cxuô zav trâu kruô, cux taz por tsơưr lươngv. Lơưr zơưv Bùi Thanh Tú, Giám đốc Maketing công ty ju lix Best Price, grê têx jiês muk ndis shuôk uô si tsênhv txu grês ntâu pir đros thâuv ntêx:

          “Grê têx jix vuv ndis shuôk uô si txu grês ntâu pir đros thiêz đrav ntêx. Pir li 1 jiês muk ndis shuôk Phú Quốc thâuv ntêx cxôngx 4 tsov iz lênhx kruô mak nhiv no yuôr muôx nhos 3 tsov ntâu iz lênhx. Muk yêz gox đêx ndis shuôk Hạ Long thâuv ntêx 2,6 tsov đeiv iz lênhx mak nhiv no xaz zênhz đuô, tsuôk muôx nhos 2 tsov đeiv, 2 tsov iz lênhx mak tâu muk yêz gox đêx jông tiv zix sâuv Hạ Long”.

          Chiê uô jông tsưr ziv cxơưz cxiz huôv tsar, têx công ty ju lix tuôr truôx hâux lưv sik côngv đros têx tiv phaz, sik côngv đros têx doanhy nghiệp thâux kruô thiêz têx hãng yêz za chiê muôx têx jiês ndis shuôk uô si jông đros phênhv nhiêx txiêx huv đros. Lơưr hlôngr njêx muôk Vietnam Airlines, hâur ntu so ntênhs zuôr txos, cêr za Hà Nội, TP HCM cxôngx 6 six txos 20 six zuôr phưx vưv 100% cxôngx têx yêz za lox, chiê taz por tsơưr lươngv jix vuv thâuv tsôngv kruô li zoz qơưx chuôz ndê. Zơưv Hà Minh Quang- Phưv tsar ban thôngz xor mông Vietnam Airlines puz pâuz:

          “Chor qơư jâuv thiêz têx grê cux huv đros, cxôngx nhiv no txos 30/4, 1/5 tuôv zênhv tas nro tsôngv kruô hâur têz qơưk li zoz qơưx muk lok hâur ntu so ntênhs”.

          Lơưr xor mông cxôngx hlôngr njêx muôk Bamboo Airways, viv krêz trôngx muôk vé yêz za nzor thiêz kruô tuôx giao dịch cux chuôz ndê hâur têx hnuz jê ntơưv no viv li chor vé yêz za za lok six hơưv jông cxôngx têx thành phố lox muk têx qơư ndis shuôk uô si nto bê li Đà Nẵng, Quy Nhơn, Côn Đảo, Phú Quốc phênhv ntâu tưz tas. Chiê tuôv zênhv tsôngv kruô li zoz qơưx, ntu zuôr txos Bamboo Airways njuôs xav zuôr cxaz nzir muôx nhos 100 ntâu jiês yêz za hâur têz qơưk. Pos Nghiêm Thu Hòa- Phuv giám đốc phưv txơưx muôv muôs Hãng yêz za Bamboo Airways puz pâuz:

          “Nhiv no Bamboo tsênhv muôx zuôr xar 60 cêr yêz za hâur têz qơưk. Iz cêr yêz za zuôr muôx têx chính sách tsov cưv lơưr yênhx tsaz yênhx. Lơưr co zos têx xiv huv trâu tsôngv kruô tâu zôngv têx jix vuv jông tiv zix. Đros tsưr ziv huôv tsar cxix luôk jix vuv jông, Bamboo cux chiê tsôngv kruôr tâu pâuz txos. Tas nro tsôngv kruô zuôr vé business zuôr tâu khơưk muôz iz jiês so ntơưv FLC li chor poz hiêr tưs cux tâu”

          Hâux lưv tsôngv box ciêr chênhr tênhv uô ntêx têx jiês muk ndis shuôk uô sit so pov zoz qơưx trâu têx jiês muk uô si chuôz ndê siêz hâur ntu so ntênhs. Tiv zix zos hâur jiês so ntênhs 30/4, 1/5 tsênhv tâu tsôngv kruô thiêz têx doanh nghiệp tos njôngr. Qênhx shênhx moz Covid-19 tâu tir tar tsênhv paz uô muôx têx kror jông trâu nganhx ju lix./.

                                                           VOV1-Txâur Vax cxeik nhênhv