Điện Biên: Sâu tsi tâu têx nhiêx sê khoar cxax thiêz têx uô tsik tâu huv đros hâur seiz car krêz yâu zuôr xuôz jêz

Noong Hẹt zos iz hâur têx xã muôx qênhx shênhx krêz yâu zuôr suôz jêz tsi trơưk chei muôx yưv ntơưv thax tsav huyện Điện Biên, tỉnh Điện Biên. Hâur têx shông đhâu, txơưv tiêk hâu nov ntơưv qơư tưz uô ntâu faz tsưr ziv tir thêir li: sâu tsês chor nênhs khơưz yâu suôz jêz tsi trơưk chei ntơư têx meir, chuôz zênhx, xưv bluô.....taz sik cux phax tir thêir tsi tâu têx li heik no. Cêr mul lok zôngx ziv, đros trâu têx suôz jêz muôs tâu grê; viv li ntâu lênhx tiz nênhs ho tror yưx nhiêx zuôr đuô têx chuôz zênhx, mêir yâu, zơưv suôz jêz, txơưv trâus bluô ntâu jiês, chor nênhs uô ntơư cux six uô thiêz tror thêv nhiêx. Zơưv Trần Công Kha, Chủ tịch UBND xã Noong Hẹt heik pâuz:

"Chiê tir thêir tâu jông, txo grêk luôs hâux lưv khơưz yâu têx suôz jêz tsi trơưk chei mak cxuô cấp, cxuô ngênhx tsuv qênhz yuôx, tso tơưv iz cxiê cui tinhv trâu têx doanh nghiệp chiê lơưr uô thiêz muôx txâuk ntâuz ntơưr thor têx hloz tso chei. Kror ntơư cê paz trâu Đảng, têz qơưk thiêz tsôngv pêx xênhv sơưr đơưk zoz qơưx, iz chas ntơư txo grêk txơưx jênhv, hâux lưv seiz car têx doanh nghiệp, muôz jông six hơưv trâu doanh nghiệp muôx txâuk têx ntâuz ntơưr, chei khơưz yâu têx suôz jêz. Đros thiêz têx xiz nênhs muôx tsi txâuk têx li heik sâuv khơưz yâu suôz jêz mak thâuv ntơư mav tsưr tsix tir thêir, xưv bluô".

Trơưk li Sở tênhx qơư tỉnh Điện Biên, njuôk xav iz shông tỉnh sâu tsi tâu 50 tỷ đeiv txix têx khoar cxax. Hâur ntơư, têx nhiêx sâu tsi tâu phênhv ntâu  zos txix khơưz yâu suôz jêz. Nhiv no, viv ntâu lênhx chôngz tuk ziv hnuz ziv sir zôngv ntâu suôz jêz chox muk cxiv uô vax tsêr, uô trâu qênhx shênhx khơưz yâu têx suôz jêz tsi trơưk chei cux muôx yưv phiv liv trâu ntâu suôv qơư. Têx li heik no tưz uô ntâu kror tsi jông txos têx đêx ntưk, uô trâu tox poz ar lơưk, tsi muôx ar uô liêx têz... Zơưv cà Văn Đôi, nhoz jok 18, xã Noong Hẹt, heik:

"Khơưz yâu zuôr suôz jêz, lơưr khơưz yâu thâuv hmo ntux ciês xưz, têx li no muôx tsi so, uô ruôr hiêv txos tsôngv box sơưr đơưk hâur jok luz nênhx nox nhoz. Ntâu liêx têz hâur jok trâus xưz poz tas tiv khơưz yâu suôz jêz, uô trâu sơưr đơưk tsi jông uô têz. Cur chuôz zis mak cur tsi muôs ar viv cur nyei tsav têx ar trâus xưz poz, viv cur chuôz zis nhoz jê ntus đêx".

Nhiv no tỉnh Điện Biên thiêx muôx ntơưr tso chei khơưz yâu têx suôz jêz trâu 2 taz viv, tâu khơưz yâu zuôr suôz jêz ntơưv thax tsav qơư jok 6, xã Pom Lót thiêz jok 19, xã Noong Luống, huyện Điện Biên. Taz sik, viv muôx chôngz lênhx ntâu tus sir zôngv suôz jêz cxiv uô vax tsêr, cxiv uô têx côngz trênhx, tsuôk muôx 2 qơư tâu tso chei yâu, zơưv suôz jêz, tsik txâuk suôz jêz muôs trâu sđ cxiv uô vax tsêr cux li cxiv uô cxuô côngz trênhx. Kror no, zos qir tiv uô muôx yưv chôngz lênhx ntâu tus khơưz yâu suôz jêz tsi trơưk chei ziv hnuz ziv tsar ndê siêz. Zơưv Bùi Châu Tuấn, Giám đốc Sở tênhx qơư tỉnh Điện Biên heik:

"Nhiv no trơưk li chei têz qơưk cui tinhv mak tsi muôx têx li: khơưz yâu têx suôz jêz, khoar cxax iz kro mê njik ntơưv têx, tsuôk cui tinhv zos chuôz zis uô lax luôv, zuôr muôs têx suôz jêz mak tâu chei khơưz yâu tsi tsênhr đhâu 3 cxênhz yiv đruôz hâur shông, tâu đas cir khơưz yâu, taz sik tsuv uô lơưr têz qơưk cui tinhv li: tsưr tsix qênhz njuôk shuôs, ntâuk grê lok sâuv têx suôz jêz, têx uô tsi jông txos tênhx qơư mak thiêx tâu tso chei khơưz yâu. Taz tsênhv njiêz no uô lơưr trâu têx qơư khơưz yâu tsơưs iz chiv hâur six hơưv tsi ntêr, nzaz nzơưv 2, 3 yiv đruôz mak ntơư zos iz kro phiv liv. Lok têx li heik tas no, cux tsuv muôx têx cui tinhv tsênhz mênhx đuô, lar heik zos hâur cxiv uô jêx jok, cxiv uô têx côngz trênhx zos têz qơưk thiêz tsôngv pêx xênhv sik đros uô".

Tsuv uô li chas cov muôx txâuk suôz jêz cxiv uô vax tsêr, cxiv uô cxuô côngz trênhx hâur thax tsav tỉnh thiêz sâu tâu têx nhiêx sê khơưz yâu suôz jêz lok trâu têz qơưk zos đrêiv chei tso tơưv thiêz zos uô cov tâu li hêik ntơư, hâu nov tỉnh Điện Biên tsuv zok nriêr cxuô faz tsưr ziv đơưk cov tâu têx phiv liv hêik sâu./.

(Vũ Lợi-Riê Lâux cxeik, nhênhv)

PHÊNHV CÊR CHEI TÊZ QƠƯS

HĐ tỉnh Sơn La tso tơưv Nghị quyết lok tsênhv chei paz txưv huôv tsar hợp tác xã chos ntông nox txir, yuôx đrox njuôz hâur têx xuz ntông sâuv thax tsav tỉnh, ntu 2017-2021

          1. Lênhx nênhs tâu paz txưv

          1. Hợp tác xã tâu yênhx lix, hlôngr yiêz, huôx tôngv lơưr Chei hợp tác xã shông 2012; lênhx nênhs hâur HTX cxaz chuôz sik côngv uô xênhz yar kôngz nuv đros HTX chos ntông nox txir (txir trâuv buô, txir lưv tsiz, bơ...yuôx đrox njiêz chos hâur xuz ntông sâuv thax tsav tỉnh.

          2. Têx doanh nghiệp tưz cir ntơưr, uô hôx thôngx sik côngv sâu zuôr xiv huv đros HTX chos ntông nox txir, yuôx đrox njuôz sâuv thax tsav tỉnh.

          3. Têx chiz coaz, taz viv uô tsênhv chei paz txưv.

          II. Njiêz luv thiêz phênhv paz txưv.

          1. Paz txưv iz phênhv liv pênhr nhiêx txeik.

          - Chiê tâu sơưv paz txưv iz phênhv nhiêx liv txeik pênhr

          Têx HTX, lênhx nênhs HTX txeik têx tuêv puz txeik pênhr sâuv thax tsav tỉnh li pênhr chiê uô iz hâur têx njiêz luv li no mak tâu paz txưv iz phênhv nhiêx liv txeik pênhr:

          + Hlôngr tsưr ziv chos ntông nox txir; chos yiêz ntông nox txir cxôngx nôngz txuôv thiêz tsoz yuôx đrox njuôz ( tâu UB huyện, thành phố xav jênhv zos lênhx nênhs chos ntông nox txir, yuôx đrox njuôz hâur xuz ntông nox txir nhoz tiv phaz).

          + Yưv pênhr uô cxix luôk zưs đêx cxôngx công nghệ cxênhx txuôl đêx ( tsov cưv paz txưv yưv pênhr công nghệ zưs lơưr Israel li công nghệ) trâu vax chos nôngz zuz thiêz vax chos ntông nox txir, chos yuôx đrox njuôz.

          - Phênhv paz txưv nhiêx liv

          + Lênhx nênhs HTX: muôx txâuk theox chênhv thâuv txeik pênhr ntơưv têx tuêv puz txeik pênhr tâu paz txưv phênhv nhiêx liv bâuv phênhv paz txưv nhiêx liv mak têx tuêv puz txeik pênhr xav lơưr Zênhx hax tsênhv chei xã hội li tsaz yênhx puz txeik pênhr ziv chuôz zis pluôs, ntâu tiv zix zos tsi đhâu 30 tsov đeiv iz lênhx nênhs chiê thêv nhiêx liv hâur chor pênhr nhiêx txeik trâu têx tsưr tsix puz txeik pênhr hâur six hơưv 5 shông đros thiêz chos yiêz ntông nox txir; 3 shông đros thiêz hlôngr yiêz chos ntông nox txir, chos yuôx đrox njuôz, yưv pênhr uô cxix luôk zưs đêx công nghệ cxênhx txuôk đêx trâu vax chos nôngz zuz, vax chos ntông nox txir, yuôx đrox njuôz.

          + HTX: Muôx txeik theox chênhv txeik pênhr ntơưv têx tuêv puz txeik pênhr tâu paz txưv nhiêx liv bâuv phênhv nhiêx liv têx tsưr tsix puz txeik pênhr njuôs xav đros Zênhx hangx tsênhv chei xã hội li tsaz yênhx puz ziv chuôz zis txeik pênhr, ntâu tiv zix zos tsi đhâu 200 tsov đeiv iz HTX chiê thêv phênhv nhiêx liv tưz txeik trâu tsưr tsix puz txeik pênhr hâur six hơưv 5 shông đros chos yiêz ntông nox txir; 3 shông đros hâux lưv hlôngr yiêz chos ntông nox txir, chos yuôx đrox njuôz, yưv pênhr uô cxix luôk zưs đêx cxôngx công nghệ zưs đêx cxênhx txuôk trâu vax chos nôngz zuz, vax chos ntông nox txir, chos yuôx đrox njuôz.

          2. Paz txưv pênhr nhiêx chiê HTX cir hôx thôngx heik kriê tsưr ziv uô:

          - HTX chos ntông nox txir, yuôx đrox njuôz tâu paz txưv 3 tsov đeiv iz luz hlik, ntâu tiv zix tsi đhâu 30 tsov đeiv iz HTX chiê cir hôx thôngx heik kriê tsưr ziv chos ( tsi zos lênhx nênhs nhoz hâur HTX).

          - Paz txưv nhiêx chiê Ban chox kriê puz txeik pênhr kôngz nuv thiêz nôngx cxênhz huyện, thành phố li Tuêv heik kriê tuôr truôx huôx tôngv chiê paz HTX, lênhx nênhs hâur HTX uô ntâuz ntơưr txeik pênhr ntơưv têx zênhx hax thiêz ntâuz ntơưr thix ziv paz txưv nhiêx liv; Iz HTX, lênhx nênhs hâur HTX tsuôk tâu Tuêv heik kriê paz heik kriê iz jiês thiêz uô txos tas shông 2017; phênhv paz txưv bâuv 10% phenhv nhiêx liv mak têx HTX, lênhx nênhs hâur HTX tâu paz txưv, ntâu tiv zix tsi đhâu 50 tsov đeiv/huyện, thành phố./.

( Bích Thuỷ- Txâur Vax cxeik nhênhv)