Têx phêv liv thâuv ntêx chiê mê nhuôv jâuv hâur hnaz truz đhâu đêx muk cơưv ntơưr nhoz Huổi Hạ

tsuôk zos muôx yưv thâuv ntêx

Qox Huổi Hạ

          “Thâuv tsi tâu muôx qox, cưk kriê thiêz shux xênhz li hâux lưv kriê thiêz cơưv ntơưr nhoz no njiz lok six ntâu phêv liv. Thâuv txos cheix ntux lok nas cêr nhav, cưk kriê muk mak ntok tox, ntâuz ntơưr, chuôz zênhx lo ar tas lok sik pôngz tas hâur đêx. Yêz cux pôngz trâu hâur đêx tsuv muk khov tsôngv box txos tsôngv box paz txưv. Cưk kriê thiêz shux xênhz mak puôr lênhx ntuz thiêz lo ar tas, mê nhuôs shux xênhz muk cơưv ntơưr tsi cxix cxuô”.

          Co zos têx hâux lưv muôx yưv ntu đrav ntêx mak cưk kriê Nguyễn Thị Dinh kriê ntơưr ntơưv tsêr cơưv mê nhuôs zâu số 1 Na Sang, xã Na Sang thiêz pos Pax Xênhv Zax 78 shông tsôngv box jos Huổi Hạ ndo njôngr. Tul đêx Nậm Chim đêx ntưs lok six lox nhiv no tsi zos têx mak tsôngv box cxơưx thiêz thâuv txos cheix ntux lok nas.

          Ciês đhâu Đeix nta suôz Việt Nam li têx jax sâu thâuv hâur hlik hli 9 shông 2018 heik txos qênhx shênhx “shux xênhz gras jâuv hâur hnaz hla đhâu đêx muk cơưv ntơưr” cxôngx tsôngv box, shux xênhz nhoz Huổi Hạ thiêz têx jêx jos nhoz buôk co li zoz qơưx muk lok, uô Bộ zaoz thôngz vênhv teiv li chox kriê, Ban coar lik dự án 4, Tổng cục cêr ar Việt Nam đros Sở zaoz thôngz vênhv teiv tỉnh Điện Biên tưz ciêr chênhr muk seiz shuôk, muôx tsưr ziv cxiv qox chiê tsôngv box muk lok ntơưv jos Huổi Hạ. Đhâu qênhz yuôx tsênhv tsênhz, têx ploz tsênhr puôr lênhx huv đros dự án cxiv tsa qox muk lok thiêz coar lik cêr tiv phaz (LRAMP).

          Taz sik, tiv zaoz thôngz, qiv hơưv, ar têz ho nxaz, txos đraz hli 10 shông 2019, tul qox Huổi Hạ thiêx li tâu krêz côngz cxiv tsa đros chor pênhr zos 5,7 tỷ đeiv, zos Tổng cục cêr ar Việt Nam uô tsưr yưv pênhr. Txos nhiv no, tul qox bê tông kuôr hlâu tưz tâu uô tiêr jông thiêz chox lok sir zôngv, đar 3,5 thiêr, ntêr 100 yiv...

          Cưk kriê Nguyễn Thị Dinh, cưk kriê tsêr cơưv mê nhuôv zâu số 1 Na Sang, xã Na Sang, huyện Mường Chà shir phaz heik:

          “Cur uô tsâus ntâu txos Đảng, têz qơưk, têx chiz coaz tưz tsov cưv txos cưk kriê thiêz shux xênhz nhoz no. Muôx tul qox mak muk lok chiê uô côngz xưv zôngx ziv đuô. Nhiv no thâuv muôx qox mak shux xênhz pluôk nox cux tâu taz por đuô, tâu nox têx zav nox yiêz thiêz txos hnuz thứ 4 cưk kriê cux muk zuôr tâu zav nox lok”.

          Tix lâuk Tsu Xênhv Zax, tsôngv box jos Huổi Hạ puz pâuz:

          “Thâuv tsi muôx qox muk lok lok six khưr, hli 6 txos hli 9 lok nas lox, muk fuôx lok six lax. Shông no têz qơưk yưv pênhr uô qox mak lok six jông, tsi tsuv khưr li ntu đrav ntêx thiêz. Uô tsâus Đảng, têz qơưk lok six ntâu. Tsôngv box nhiv no muôx moz gênhs cux muk huyện, xã seiz njuôs thiêz kho moz tâu, jông đuô lok six ntâu”.

          Zơưv Por Xênhv Vax, Chủ tịch UB xã Na Sang puz pâuz: ntu tsi tâu cxiv uô qox, cheix lok nas tas nro pox nhuôs jos Huổi Hạ zos 76 ziv chuôz zis đros muôx nhos 500 lênhx nênhs nhoz saz tiv uz tul đêx Nậm Chim muk tsi tâu hor tưs ciês tiv đêx lox. Thâuv co, tsôngv box nyei tiv zix zos muôx lênhx nênhs moz gênhs, tiv zix zos thâuv hmo ntux mak tsi pâuz uô li chas chiê muk đhâu đêx chiê muk chơưv kho ntơưv tsêr kho moz.

          Txos shông 2019, thâuv muôx dự án uô qox đhâu tul đêx Nậm Chim, pox nhuôs thiêz chinhr quyênx tiv phaz lok six jông siêz, ntâu lênhx tsôngv box tsênhv gôngr ar uô côngz tsinhx chiê nzor uô tiêr tul qox. Hli 2/2020, thâuv tul qox tâu uô tiêr, tsôngv box muk lok tâu zôngx ziv đuô. Cêr muk cxôngx tsênhv qơư xã txos hâur jos ntêr muôx nhos 20 cei cêr, nhiv no tưz tâu nquôr bê tông 50%. Ntu cêr tsênhv yuôr txơưv zos cêr ar taz sik tưz tâu krêz đar thiêz uô plas cêr chiê tos yưv pênhr uô:

          “Thâuv pox nhuôs hnor tiêk zuôr cxiv uô tul qox ntơưv jos Huổi Hạ mak lênhx tưs cux jông siêz, têx ziv chuôz zis gôngr ar chiê uô qox phưx vưv muk lok. Muôx tul qox jos Huổi Hạ huôv tar đuô, pox nhuôs lok six shir phaz. Tiv 2 zos paz por vêv ntus đriv, por vêv tsưr qênhx têz qơưk. Txox cêr cxôngx tsênhv qơư xã muk jos Huổi Hạ tưz yưv pênhr uô bê tông tâu 1 đraz, tror thix ziv têx chiz coaz muôx txơưx jênhv tsov cưv uô ntu tsênhv yuôr chiê pox nhuôs muk lok tsi khưr thiêz”.

          Đhâu ntâu shông zaoz thôngz lax muk lok, nhiv no tul qox tsi taz uô jêx jos hlôngr yiêz ntâu, zôngx ziv muk lok đhâu đêx mak tsênhv uô tsôngv box têx mênhx cxưx nhoz no ziv njênhs njôngr txos Đảng, têz qơưk li tsov cưv. Cxôngx co chêx chôngk huôv tsar uô nox uô hâuk, cxiv kho jêx jos ziv hnuz ziv huôv tsar hâur ntu zuôr txos./.

(Vũ Lợi- Txâur Vax cxeik nhênhv)

Tự do tín ngưỡng, tôn giáo zos tas nro sơưr đơưk li vax huôv

Tsôngv box thiêz fôngx zưs sơưr đơưk hmor yuô! Ntơưv Grê 24, Hiến pháp shông 2013 muôx cui tênhv lok cxuô lênhx nênhs li vax huôv tự do, tín ngưỡng, tôn giáo. Hâur co hêik mênhx:

1. Cxuô lênhx nênhs muôx vax huôv tự do tín ngưỡng, tôn giáo, trơưk lok sik tsik trơưk iz tôn giáo tưs. Chor tôn giáo muôx vax huôv siz luôs trơưk li chêi têz qơưs.

2. Têz qơưk tsov cưv txos thiêz tsưx phưv tự do tín ngưỡng, tôn giáo.

3. Tsik muôx lênhx tưs tâu uô cxâuv txos tự do tín ngưỡng, tôn giáo lok sik liv zôngv tín ngưỡng, tôn giáo chiê uô cxâuv chêi têz qơưs.

Vax huôv tự do tín ngưỡng, tôn giáo cux tâu cui tênhv nhoz Yôngx 2, chêi tín ngưỡng, tôn giáo đros muôx 4 grê, txix grê 6 txos grê 9. No zos jiês xuz thơưx ciês vax huôv no tâu chêi uô tsênhz mênhx, cxix cxuô.

Grê 6 chêi tín ngưỡng, tôn giáo, đros iz chas khav tênhv cxuô lênhx nênhs li vax huôv tự do tín ngưỡng, tôn giáo, trơưk lok sik tsik trơưk iz tôn giáo tưs, tsênhv cui tênhv tsênhz mênhx lênhx nênhs li vax huôv tự do tín ngưỡng, tôn giáo tâu hêik tơưv thôngz đhâu têx kror njênhs siêz, uô lơưr têx ntênhk, cxaz chuôz ntênhk hôiv tín ngưỡng, tôn giáo, cơưv shâuv thiêz uô lơưr tsưr ziv uô nênhx, têx chêi hâur tín ngưỡng, tôn giáo.

Tiv zix, jiês xuz thơưx ciês hâur lịch sử lok chêi tín ngưỡng, tôn giáo nhoz pêz têz qơưk cui tênhv: lênhx nênhs trâus cxov cơư lơưr chêi têz qơưs li cui tênhv, lênhx nênhs tsênhv uô lơưr chêi cơư nhoz tux, nênhs tsênhv uô trơưk têx chêi chox muk nhoz trâu qơư kruôz kriê, qơư zoz zux, qơư tsuv chiv zênhk zax zênhz muôx vax huôv sir zôngv ntơưr hêik tơưv siêz njênhs trâu tín ngưỡng tôn giáo. Zơưv Nguyễn Văn Thanh, Tsar Ban tôn giáo, Ủy ban Mặt trận têz qơưk Việt Nam khav tênhv, no zos kror uô cxix cxuô vax huôv tự do tín ngưỡng, tôn giáo:

“pêz cê taz por tâu cxuô lênhx nênhs li vax huôv tự do tín ngưỡng, tôn giáo, thôngx cxix cux taz por tâu txơưx jênhv hâur hâux lưv sêiz car têz qơưk đros chor hâux lưv, huôx tôngv tín ngưỡng, tôn giáo. Phuôx huiz tâu chor tsưr tsix tôn giáo li têx tsiv gri hâur hâux lưv cxaz chuôz cxiv tsa thiêz por vêv têz qơưk”.

Bùi Quốc Phong, Hội thánh Tin lành Hà Nội cux hêik tiêk:

“Tự do tín ngưỡng, tôn giáo zos lênhx nênhs li vax huôv tsuv muôx, viv li nhiv no tưz hlôngr trâu cxuô lênhx nênhs thiêz yênhx lênhx nênhs puôr lênhx muôx vax huôv tự do tín ngưỡng, tôn giáo, trơưk lok sik tsik trơưk thiêz tâu hêik tơưv siêz njênhs. Cur pov kror co mak zos”.

Li co, tsuv tuôr chiê huôv tsar chor tsưr tsix tôn giáo li têx hâux lưv, huôx tôngv tôn giáo tưz tâu taz por lok saz cêr chêi cxix cxuô. Zơưv Trương Đình Căn, Phưv chủ tịch Ủy ban sik côngv siêz tôn giáo tỉnh Lâm Đồng khav tênhv, têx cui tênhv hâur chêi tín ngưỡng, tôn giáo zuôr paz  tâu trâu têx hâux lưv, huôx tôngv tôn giáo tâu zôngx ziv đuô:

“Pêz pov chêi muôx ntâu kror lok six yiêz thiêz zuk li vax huôv tự do tín ngưỡng, tôn giáo tâu taz por, tâu uô jông đuô. Hâux lưv tôn giáo tín ngưỡng sâuv têz qơưk Việt Nam cux zuôr muôx ntâu kror zôngx ziv uô đuô”.

Đros têx cui tênhv cxix cxuô, chêi tín ngưỡng, tôn giáo li têx hlôngr yiêz jông, tsênhz mênhx têx hâux lưv, huôx tôngv tín ngưỡng, tôn giáo zuôr huôv tsar, tax tâu pêx xênhv li zoz qơưx lok luz nênhx chênhz yênhx./.

(VOV1-Lik Thox cxêik nhênhv)