Jax sâu thưr 3 hnuz 12/7/2016

Vêv xênhz ngaz tuk hax huv zav nox nhoz tox siêz Yên Bái tsênhv yuôr ntâu kror cxơưx

Tưz xar muôx iz đraz shông đhâu, niêv tix Chư Xênhv Thox, nhoz xã Trạm Tấu, huyện Trạm Tấu, tỉnh Yên Bái cux tsênhv ndo njôngr txos jiês trâu tsơưr tưx thâuv nox grêix nhux tưv tuôs thâuv hâur shôngk shông no. Hnuz co cux xưk li 34 lênhx nênhs txơưr đuô, đhuâ pluôs nox niêv tix moz plaz, tơưv trôngx ntâu, ntuôr thiêz tsuv muk tsêr kho moz chiê chơưv kho. Qir tiv trâus tsơưr tưx tâu xav jênhv tiêk zos thâuv uô, tsês chiê grêix nhux tưv tsik taz por viv li muôx yưv tsơưr tưx, uô trâu nênhs nox trâus tưx:

Đros uô, kror xêir tsov thiêz tsês chiê hax huv zav nox cux zos qir tiv uô muôx yưv tưx nhoz tox siêz Yên Bái. Đrâuv pêx xênhv tsuôk pâuz xuôk kror muôs njiê, njênhs trâu nênhs muôs mak cêr muk lok cux phiv liv, viv li iz jiês muk ciêz mak pêx xênhv zuôr ntâu lok tsês nox hâur oz pêz hnuz. Taz sik tsar tov tsês chiê cux tsik jông, uô trâu chor zav nox lưx , tsik jông sêi, tiv zix zos chêix ntux sor mak zav nox hax zav tsư kâuz, lưx sêi. Zơưv Giàng Xênhv Vax, phưv chủ tịch UBND xã Túc Đán, huyện Trạm Tấu puz pâuz:

 “Nhov no mak lok six txov nhêv, tsuôk muôx 3 luz jêx jok muôx tênhv, tsênhv yuôr mak tsik tâu muôx tênhv. Zav nox thâuv zuôr lok nox tsik tas, mak tsuôk zos kra, jiêz cov kruôr thiêx tsik lưx, tsư. Hok jâuz mak tsuôk pâuz zuôr xưz, tsik tâu muôx iz kror chiê ntâuk gri tiêk hur lok tsik hur”.

Ndêz thiêz chor zav jâuz txir txir har jôngr cux zos iz qir tiv uô muôx yưv trâus tsơưr tưx nhoz tox siêz hâur chêix ntux sor. Nhiv no tsênhv zos chêix ntux nas, cux zos chêi ntâu zav txir ntông kuk siêr, ndêz tuôx ntâu, pêx xênhv mak tsik so sir zôngv cxuô zav txir, ndêz co uô zav nox. Taz sik xêir tsov cux zos kror cor cav, chênhz zênhv viv li mak zuôv cêr cux tưz muôx yưv thiêz tsik muôx lênhx tưs khav tênhv tâu tiêk zuôr tsik tror muôx nênhs trâus tưx, tsik tâu xav txos chor zav ndêz nox tâu taz sik tuôx sâuv chor ntông muôx tưx, lok sik nhoz jê chor yuôx nox tuôs cux zuôr uô trâu nênhs nox trâus tsơưr tưx. Zơưv Kyv Xênhv Muôk, xã Khao Phạ, huyện Mù Cang Chải puz pâuz:

Txix hâur shôngk shông txos nhiv no, tỉnh Yên Bái tưz muôx yưv 7 txuz trâus tsơưr tưx zav nox, đros 230 lênhx nênhs trâus tưx thiêz tưz muôx 4 lênhx nênhs trâus tuôs. Chor txuz trâus tsơưr tưx zav nox no phênhv ntâu zos ntơưv chor thax tsav tox siêz nhoz chor tinhv li: Trạm Tấu, Mù Cang Chải, Văn Chấn. Phênhv ntâu trâus tưx zos qênhx shênhx tsês chiê, uô zav nox tsik jông, sir zôngv yuôx por vêv đrox tsuôs tsik zos li kruôz kriê, nox txir ntông kuk li: Txiz chor shux xênhz nhoz huyện Trạm Tấu nox tâu txir hồng Trâu; nox txir lưk suôr nhoz huyện Văn Chấn. Uô ntêx qênhx shênhx co, tỉnh Yên Bái chox kriê chor tiv phaz, nganhx y tế, sir jos yax kriê lok vêv xênhz ngaz tuk zav nox hâur pêx xênhv, tiv zix zos tox siêz, mênhx cxưx tsơưs nênhs. Zơưv Nguyễn Văn Tuyến, Giám đốc sở y tế tỉnh Yên Bái puz pâuz:

 “Tiv iz zos pêz sir jos uô côngz xưv yax kriê trâu cxuô cấp chinhr quyền tiv phaz; nênhs uô xênhz yar kinh doanh chiê lơưr jênhv pâuz tâu zuk li txơưx jênhv thiêz pưk txux hâur vêv xênhz ngaz tuk zav nox. Tiv 2 yax kriê trâu pêx xênhv pâuz xêir tsov zav nox hur, pâuz phax tar trâus tsơưr tưx zav nox. Iz kror thiêz zos sir jos xưv lik truôx chor nênhs phamv cxâuv”.

Chiê chor tsưr ziv co phuôx huiz tâu chêx cur, tiv zix zos hâur chêix ntux sor chor zav nox zôngx ziv tsik jông sêi, pêx xênhv tox siêz li tsar tov tuôr chiê, yênhx tưv lik ngaz tuk zav nox tsênhv kik, lok six khov vav txos chor tiv phaz thiêz nganhx y tế tỉnh yên Bái tsik so sir jos đuô hâur hâux lưv qênhz yuôx, xưv lik vêv xênhz ngaz tuk zav nox nhoz tox siêz./.

(Thừa Xuân-Lik Thox cxêik nhênhv)

Phênhv thưr 3, hnuz 12/7/2016

PHÊNHV NÔNGX MÊNHX ZUÔR TSUV PÂUZ

Luk Hmôngz: ( số 10)

                  Hnuz tso: Thưr 3 hnuz 12 hli 7 shông 2016

Nhạc hiệu chuyên mục “ Nhà nông cần biết”

Tsôngv box….! Zos iz tỉnh muôx ntâu txơưr txar, hâur ntơư muôx têx thax tsav mak no, lax nziês….lok six jông huôv tsar chos ntâu zav ntông nox txir, lar heik zos têx ntông nox txir nziv thax tsav ar txiêk, lax nziês.

( Hlôngr suôz)

Txix kaz shông 2013, Tsênhv qơư nhênhz chơưv thiêz huôv tsar uô têx ntông nox txir, Viện kôngz nuv tox siêz faz Bắc tưz fuô uô tsưr ziv chos siv iz cxiê zav zuz ntông nox txir nziv thax tsav qơư ar txiêk ntơưv xã Giang Ma, huyện Tam Đường li: Zuz ntông txir juôx, txir đuôx siêr nzor. Đhâu 3 shông chos, têx txir đuôx tưz txi txir tâu sâu đê. Thâuv six hơưv đê sâu têx txir đuôx ntơư lok six nzor, iz đraz hli 4 tưz siêr jông đê, viv li muôs tâu grê, xav kror đruôz đraz txix 40-45 cxênhz đeiv iz cir. Iz tsoz txir đuôx sâu đê tâu 30 cir, muôs tâu nhos iz tsov đeiv iz tsoz.

Txix shông 2015, Tsênhv qơư cxiz kôngz Lai Châu fuô uô dưv anr huôv tsar chos ntông nox txir nziv trâu têx ar txiêk, lax nziês, đar  37 ha, muôx 212 ziv chuôz zis nhoz ntơưv 3 xã Giang Ma, Hồ Thầu, Nùng Nàng, huyện Tam Đường, tỉnh Lai Châu huôv tsar chos. Têx zuz ntông nox txir gra tuôx chos ntơưv thax tsav heik sâuv zos: txir juôx, txir đuôx, txir khơưz, txir hồng. Têx ziv chuôz zis đros uô dưv anr tâu paz hur si têx zuz ntông thiêz qir zuôv puô; chuôz zênhx phưx vưv chos thiêz tu, yiz txiêr têx chês. Đhâu iz shông chos têx ntông nox txir ntơư puôr lênhx hloz lox jông , tsi muôx caz tho nox uô ruôr hiêv, chos chiêx tâu 93-97%. Tix lâus Trưk Xênhv Zax, nhoz jok Phìn Chải, xã Giang Ma heik pâuz: Six hơưv đhâu, iz cxiê ziv chuôz zis tsôngv box hâur xã tưz chos têx txir đuôx txi txir siêr nzor thiêz tưz tâu sâu đê, muôs tâu grê, viv li tsôngv box sđ lênhx tưs cux shir phaz, tso siêz lus huôv tsar chos, tu têx txir ntông no. Đhâu iz shông chos, pov têx ntông nox txir heik sâuv puôr lênhx hloz jông viv li sđ lok six moz siêz tu chiê têx ntông lox, huôv jông. Cxuô cơ quan car uô đreiv têx luôs hâux lưv no ntâuk grê: têx txir đuôx, txir hồng, txir khơưz….lok six jông chos trâu thax tsav 3 xã Giang Ma, Hồ Thầu, Nùng Nàng. Huôv tsar chos ntông nox txir  ntơưv têx xã no zuôr krêz hâu cêr, tsưr ziv yiêz trâu tsôngv box sđ huôv tsar uô nox uô hnar, muôx phênhv sâu tâu.

Tsôngv box…..! Phênhv nôngx mênhx zuôr tsuv pâuz ciêz no zos Đeix TNVN đros tsênhv qơư cxiz kôngz têz qơưs uô./.

( VOV4-Riê Lâux cxeik, nhênhv)