Sơn La bax tsưr ziv yêik txar tsôngv box hâur thax tsav tox xưz poz muk nhoz qơư truôx tuk

Tuk đêx Nậm Mạ nhoz xã Chiềng Lao, huyện Mường La, tỉnh Sơn La-Suôv qơư têx shông đrav ntêx khênhr muôx têx jiês đêx nas cuôr yôngz thiêz tox xưz poz uô hiêv lok lênhx nênhs thiêz tsôngv box têx chuôz zênhx chuôz tas, nhiv no têx chuôz zis tsôngv box nhoz 2 saz ntus đêx no tưz tâu yêik txar muk nhoz qơư yiêz. Taz sik  lơưr cux tsênhv ndo njôngr lok têx trâus uô ruôr hiêv tiv đêx nas uô. Zơưv Lò Văn Nhọt, nhoz jok Nậm Mạ heik pâuz:

“Shông 2017 cur chuôz zis njiz trâus jiês đêx nas lox, cuôr yôngz tas hur si têx chuôz zênhx chuôz tas, tsi yuôr iz zav đaz tsi hlo, tsuôk yuôr lênhx nênhs xưz”.

Hâur shôngk shông no, zơưv Nhọt chuôz zis tưz tâu yêik txar đros 60 chuôz zis tsôngv box hâur jok muk nhoz qơư truôx tuk. Co zos têx chuôz zis puôr lênhx tưz muôx jiês trâul uô hiêv tiv đêx nas ngaz, cuôr yôngz, tox poz ar lơưk. Khov muôx têz qơưk thiêz hâu nov ntơưv qơư cêr paz max txos, li muôx jok Huổi Tóng yiêz thiêz tsênhv jux juk truôx tuk luz nênhx. Zơưv Lò Văn Sang, nhoz jok Huổi Tóng heik:

“Têz qơưk, huyện, xã tưz moz siêz, paz pêz yêik txar muk nhoz qơư yiêz. Ntơưv qơư yiêz muôx cêr mul lok, muôx qox, muôx qơư nox nhoz hur si, uô tsâus lok six ntâu txos têz qơưk tưz paz pêz tsôngv px”.

Mường La zos thax tsav qơư niêx shông trâus uô ruôr hiêv hnhar tiv ntux nas. Txix ciês hâur shôngk shông, tỉnh, huyện thiêz hâu nov têx xã tưz zênhx max qênhz yuôx, qênhz shuôs, yêik txar têx chuôz zis tsôngv box hâur thax tsav zôngx ziv muôx tox xưz poz, trâus đêx nas ngaz, cuôr yôngz muk nhoz qơư truôx tuk. Xav txos iz jiês no, huyện Mường La tưz phênhz thiêz yêik txar 302 chuôz zis tsôngv box muk nhoz trâu 5 xã hâur thax tsav. Zơưv Nguyễn Văn Bắc, Phưv chủ tịch Ủy ban huyện Mường La, tỉnh Sơn La heik pâuz:

“Txix ciês hâur shôngk shông, hâur thax tsav huyện tưz muôx iz cxiê coz nas lox, khâur jênhs chuô, chênhr viv li huyện tưz chêx tsôngk chox kriê hâu nov ntơưv qơư thiêz yax kriê, heik tsôngv box sđ cov tsi cxoz nhoz têx thax tsav zôngx ziv muôx tox xưz poz, đêx nas cuôr yôngz”.

Txix shông 2010 txos shông 2017, tỉnh Sơn La tưz phênhz thiêz yêik txar  2.157 chuôz zis tsôngv box thax tsav trâus ntux uô ruôr hiêv muk nhoz qơư truôx tuk. Txơưv tiêk tỉnh Sơn La luôs hâux lưv yêik txar tsôngv box txix qơư riêz nênhs muk nhoz qơư taz por tưz uô tâu jông, taz sik cux tsênhv yuôr ntâu chuôz zis tsôngv box tsi tâu yêik txar viv ntâu qir tiv. Chiê pâuz tsênhz đuô lok têx li heik co, zâuv sđ tror tok mnôngs PV Đeix nta suôz VN têx jax sâu hâur tsaz yênhx tov kaz./.

(Thanh Thủy-Riê Lâux cxeik, nhênhv)

Lênhx hluôk tuz Ê Đê trâus sêv khiz lok luz chêr li tsưr ziv

Huôv tsar cêr uô nox

Trâus sêv khiz lok luz chêr cxôngx thâuv xênhz zus lol, viv li cxeik tơư mul tsi tâus cêr, chuôz zis pluôs, cơưv tas tiv 9; Y Phăng Mlô muôx (26 shông) nhoz jos Jok, xã Ea H’đing, huyện Cư Mgar, tỉnh Đăk Lăk tsuv so ntơưr nhoz tsêr paz tul muôv muôs đêx kuôr njuôk. Têx thâuv uô tas hâux lưv, Y Phăng khênhr mul ntơưv qơư tsiv uô têx teik chos ntông, chos pax jê ntơưv tsêr chiê seiz lơưr uô teik.

          Iz ntu đhâu, Y Phăng xar tơưv tsưr ziv chos ntông uô jav. Têx tsưr ziv xar hâur 1 shông nriêr pâuz tsưr ziv uô, Y Phăng tưz uô tâu têx teik ntông lok six jông gâux...Têx xiv huv tix lâuk uô tâu, tưz tâu ntâu lênhx nênhs pâuz txos thiêz tuôx zuôr. Tix lâuk Y Phăng Mlô pheiz kênh:

          “ Qir thơưx hâux lưv no lok six lax uô, tiv zix zos tsi muôx pênhr, tsi muôx chênhz zênhv. Đhâu iz ntu mak tâu Huyện đoàn puz txeik pênhr thiêz côngz xưv cux ngaz tul đuô. Cur zôngv pênhr chiê zuôr chuôz zênhx uô”.

          Shông 2016, tâu Đoanx xã Ea H’đinh heik kriê, Y Phăng uô ntơưr heik tơưv zuk tsưr ziv uô nox uô hâuk thiêz tâu Huyện đoàn Cư M’gar paz txưv 20 tsov đeiv cxôngx Cuiv uô nox uô hâuk. Đros chor pênhr no, Y Phăng zuôr chuôz zênhx thiêz tsâu siêz uô teik chos ntông, uô trôngx tos cxôngx xi măng. Tix lâuk tsênhv nriêr pâuz têx zav teik jông chiê tuôv zênhv niêv ciêz li zoz qơưx.

          Tix lâuk Nguyễn Văn Lanh, tsưr iz qơư chos pax-chos ntông uô jav nhoz thành phố Buôn Ma Thuột, tỉnh Đăk Lăk tưz ntâu jiês zuôr tix lâuk Y Phăng li xiv huv uô tâu puz pâuz, tsuôk heik đhâu zuk li siêz xar Y Phăng txơưv to tâuz thiêz uô trơưk zuk li siêz xar:

          “ Cur pov Y Phăng txơưv tsi tâu cơưv đhâu tsêr cơưv tưs taz sik nưs lok six gruôs nriêr pâuz, viv muôx têx thâuv ntus lol nas, chuô lox mak nưs cux tsi so. Hâux lưv no tsuv chiv chir uô, tsi zôngv meir uô. Tsơưr lươngv mak cux jông li têx lênhx nênhs txơưr uô, taz sik cur pov xiv huv tưs nưs lok six sir jos uô cov jông tiv zix”.

          Nhiv no, fênhx pheiz iz hnuz Y Phăng muôs muôx nhos 4-5 luz teik chos ntông tsiv grê cxôngx 50 cxênhz txos 600 cxênhz iz teik, chox lol phênhv sâu ngaz tul iz shông muôx nhos 50 tsov đeiv. Tix lâuk Y Long Kbuôr, canr bộ đoanx huyện Cư Mgar ntâus grê, Y Phăng li trâur nuv uô nox uô hâuk lok six jông; Y Phăng zos iz lênhx hluôk nênhs mênhx cxưx tsơưs nênhs muôx pênhr xưv:

          “ Y Phăng zos iz lênhx hluôk nênhs trâus sêv khiz lok six muôx pênhr xưv. Trâur nuv no txơưv tsi tâu cơưv shâuv lớp cơưv tưs, taz sik tix lâuk chiv chir nriêr pâuz đhâu ntâuz ntơưr, sâuv mạng thiêz uô cov huv đros niêv ciêz li zoz qơưx thiêz txos nhiv no trâur nuv tưz huôv tsar đuô. Đros hluôk nênhs Y Phăng pêz cux tsuv cơưv shâuv chiê seiz co đas jos huôv tsar tov kaz no”.

          Txos nhiv no, Y Păng tưz thêv tas têx pênhr txeik chiê uô nox uô hâuk. Tix lâuk njuôs xav zuôr krêz đar qơư tsiv uô, nriêr cxaz lênhx nênhs lox tôngv, gôngr phênhv muôz hâux lưv uô trâu lơưr. Tix lâuk cux jông siêz paz max lênhx tưs xar cơưv shâuv tsưr ziv uô teik chos pax, chos ntông no. Y Phăng heik, uô nox uô hâuk tsuv moz siêz uô, đros lênhx nênhs fênhx yax tưz lax uô, trâus sêv khiz lok luz chêr li tix lâuk mak ziv lax đuô. Taz sik tsuôk truôx siêz uô, cxuô phêv liv cux puôr lênhx hla đhâu thiêz chox lol yênhx côngz jông./.

( VOV Tây Nguyên- Txâur Vax cxeik nhênhv)