Xã uô tâu tiêr luôs hâux lưv cxiv tsa jêx jok yiêz

Thanh Chăn, tsi muôx txâuk đêx hur sir zôngv

Hâur 3 shông ntâu lok no, zơưv Lò Văn Chiêng nhoz jok 14, xã Thanh Chăn chuôz zis côngz trênhx đêx hur xênhz huôx tâu yưv pênhr uô trơưk têz qơưk tsaz yênhx qơư tsov txos lok cxiv tsa jêx jok yiêz mak tưz tsi muôx đêx lok, zơưv chuôz zis tsuv tror zôngv têx đêx hâur luz kror đêx kuz xưz. Têx đêx hâur luz kror đêx co trâus tsi hur, tsi jông zôngv, lar heik zos hâur cheix ntux nas mak đro, tsư nxiêz:

“2, 3 shông jê lok no, tsi pâuz shor li chas, xã tsơưs moz siêz txos têx đêx hur trâu tsôngv px. Nhiv no tsuv tror sir zôngv têx đêx tsi hur hâur kror đêx xưz. Cur chuôz zis nhiv no tsi muôx đêx hur zôngv. Cheix ntux nas no zôngv chiê nxuô têx tsôngk tril yo, đa, nzuôr tưx têis, pir li đrav ntêx mak tsi yuô hur li. Zos tiêk tsi muôx đêx hur mak chuôz zis cux tsuv lav zôngv xưz, tsi pov kaz uô chas”.

Iz chas ntơư, zơưv Lò Văn Xiên chuôz zis cux zos hâur 3 shông lok no tsuv zôngv têx đêx hâur kror đêx. Kuôk no 2 luz hlik, tiv têx đêx hâur kror tsi txâuk zôngv, viv li zơưv Xiên ho khơưz nzir iz luz kror đêx yiêz:

“Côngz trênhx đêx hur mak tưz 3 shông lok no cux tsik tâu muôx đêx zôngv. Shông 2016 mak muôx mê njik, txos shông 2017, 2018 thiêz txos nhiv no mak tưz tsi muôx đêx hlo. Tsi muôx đêx hur mak hur si sđ hâur jok tsuv zôngv têx đêx hâur kror xưz, têx chuôz zis mak lơưr yâu, kênh ziv chuôz zis mak khơưz, nhiv no chuôz zis cux tsuôk khơưz kror đêx chiê muôx đêx zôngv. Trơưk li tsôngv px sđ tsưr ziv, siêz xar, zos muôx đêx hur zôngv mak jông đuô”.

Fuô uô têz qơưk tsaz yênhx qơư tsov txos lok cxiv tsa jêx jok yiêz, xã Thanh Chăn tâu yưv pênhr uô 2 dưv anr lok côngz đêx xênhz huôx, zos Tsênhv qơư đêx hur thiêz vêv xênhz tênhx qơư tỉnh Điện Biên zos tsưr yưv pênhr uô, xav hur si têx nhiêx txiêx cxiv uô tas muôx 16 tỷ đeiv. Trơưk li tsưr ziv njuôk xav, 2 côngz trênhx côngz đêx trâu tas nro têx jêx jok hâur xã. Taz sik txos nhiv no tsuôk muôx nhos 50% chuôz zis tâu zôngv 2 côngz trênhx no têx đêx. Zơưv Phạm minh Tiệp, Phưv Chủ tịch Ủy ban xã Thanh Chăn heik pâuz:

“Xuz thơưx tsuv heik, côngz trênhx muôz lok sir zôngv tâu trơưk li 100% têx chuôz zis tsôngv box hâur thax tsav xã li tsưr ziv, siêz xar. Taz sik, đhâu six hơưv, hnuz nhôngs, nhiv no têx car đêx cux tưz puôk tsuôx tsi jông tas iz cxiê ntu, chênhr viv li thiêx muôx tsi txâuk chiê côngz trâu têx chuôz zis tsôngv box nhoz đêz tsênhv qơư. Thiêz têx chuôz zis tsôngv box co cux tsi muôx đêx sir zôngv. Nhiv no 2 côngz trênhx, tsôngv box tâu zôngv muôx nhos 50% , yuôr đuô li 40% ntâu têx chuôz zis tsôngv box nhiv no tsi tâu zôngv têx đêx hur”.

Chiê đơưk uô cov tâu têx li heik co, lơưr zơưv Hoàng Văn Tịnh, Phưv Giám đốc Tsênhv qơư sêiz car đêx hur-vêv xênhz tênhx qơư tỉnh Điện Biên, taz viv tưz cxiv tsa tsưr ziv, sir zôngv nhiêx txiêx krêz uô đar qơư vêv xênhz thiêz đêx hur trâu thax tsav tox siêz (kêr txeik tsêr nhiêx WB pênhr nhiêx) chiê cxiv kho, uô đuô côngz trênhx côngz đêx hâur xã Thanh Chăn. Nhiv no dưv anr tưz tâu cir ntơưr thiêz zuôr nzor tâu cxiv uô chiê tror côngz đêx xênhz huôx trâu tsôngv px:

“Iz cxiê thax tsav zos tsênhv zôngx ziv muôx tsi txâuk đêx zôngv. Chênhr viv li, Tsênhv qơư đêx hur thiêz vêv xênhz tênhx qơư tox siêz cux tưz cxiv tsưr ziv chiê sir zôngv têx pênhr nhiêx txiêx cxiv kho, krêz uô đar têx côngz trênhx côngz đêx trâu tsôngv box hâur tas nro xã hâur six hơưv zuôr txos”.

Shông 2015, Thanh Chăn zos iz hâur 11 xã uô siv uô ntêx cxiv tsa jêx jok yiêz hâur tas nro têz qơưk tưz uô tiêr hâux lưv heik co đros thiêz 100% chuôz zis hâur thax tsav tâu zôngv têx đêx huv vêv xênhz thiêz đêx hur trơưk cui tinhv. Đros trâu têx li heik sâuv lok đêx hur thax tsav qơư nhiv no, tưz uô tsi jông txos tsôngv box luz nênhx. Hâu nov ntơưv qơư tsuv nzor fuô uô têx faz tsưr ziv paz tsôngv box tror muôx đêx hur zôngv, taz por đas jos, luz nênhx nox nhoz, tuôr truôx tâu têx luôs hâux lưv lok tênhx qơư./.

(Vũ Lợi-Riê Lâux cxeik, nhênhv)

Tsar tov taz por ngaz tuk zoz thôngz thâuv

cxaz chuôz zoz thôngz cêr đêx

Nus: Têx tsar tov taz por ngaz tuk zoz thôngz thâuv cxaz chuôz zoz thôngz cêr đêx zos li chak?

Têz: Têx tsar tov taz por ngaz tuk zoz thôngz thâuv cxaz chuôz zoz thôngz cêr đêx zos;

“Grê 24. Chuôz zênhx li tsar tov huôx tôngv

1. Đros têx zav fuôx gox thâux tsik tâuk ntâu đuô 15 tấn, fuôx gox muôx mêir thâux tâu muôx jos bâuv 15 tuk nênhl li đas jos, fuôx gox thâux tâu muôx 12 lênhx nênhs tror sâur thâuv muk lok sâuv têx cêr đêx tsuv taz por têx tsar tov li đrav kaz:

a) Tax ploz tsênhr tsơưr lươngv, ngaz tuk kỹ thuật thiêz por vêv tênhv qơư lơưr cuiz tênhv ntơưv khoản 3 thiêz khoản 4 Grê 26 hâur luật no;

b) Muôx ntơưr cungz jênhv đăngk cir fuôx gox muk lok sâuv cêr đêx, ntơưr cungz jênhv nga ztuk kỹ thuật thiêz por vêv tênhv qơư; cok lok sik đêi đros số đăngk cir, caz cok đêx ngaz txos ngaz tuk, sâu chor nênhs thâux tâu sâuv fuôx gox;

c) Muôx txâuk chor nênhs tsar sêiz shuôk nhoz sâuv fuôx gox thiêz bê ntơưr chor nênhs lơưr cui tênhv.

2. Đros chor fuôx gox muôx jos bâuv txix 5 tuk nênhl txos 15 tuk nênhl li đas jos lok sik thâux tâu txix 5 txos 12 lênhx nênhs thâuv muk lok sâuv cêr đêx tsuv taz por tsar tov cui tênhv ntơưv điểm a thiêz điểm b khoản 11 Grê no.

3. Đros chor fuôx gox tsik muôx mêir thâux txix 1 txos 15 tấn lok sik thâux tâu txix 5 txos 12 lênhx nênhs, fuôx gox muôx jos tsơưs đuô 5 tul nênhl li đas jos lok sik thâuv tâu tsơưs đuô 5 lênhx nênhs thâuv muk lok sâuv cêr đêx tsuv muôx ntơưr cungz jênhv đăngk cir fuôx gox muk lok sâuv cêr đêx thiêz taz por tsar tov ngaz tuk li đrav kaz:

a) Luz fuôx gox co tsuv khor truôx, tsik cxênhv đêx trâus hâur luz fuôx gox; tsuv tơưl iz luz tênhz đơưz trâu ntơưv kror qơư zôngx ziv njiê pov zos tsuv muk lok thâuv hmo ntux; thâux nênhs mak tsuv muôx txâuk qơư jâuv cov hnhar siz luôs thiêz muôx txâuk yo hnar muk sâuv đêx thiêx têx zav chơưv paz sâuv đêx trâu chor nênhs tâu chêi thâuv sâuv fuôx gox;

b) Mêir lôngx sâuv fuôx gox tsuv truôx khor, ngaz tuk, zôngx ziv sir zôngv thiêz zôngv tâu ngaz tuk;

c) Fuôx gox tsuv muôx cok lok sik đêi dố đăngk cir, sâu chor nênhs tâu chêi thâux sâuv fuôx gox co;

d) Fuôx gox tsuv muôx caz đêx ngaz txos ngaz tuk thiêz thâuv thâux nênhs, thâux hax huv mak đêx tsik ngaz siêz đuô jax caz cok ngaz tuk co. Caz cok ngaz tuk co mak tsuv cok cov njiê pov tsênhz tsik jông li luz fuôx; caz cok đar luôx oz tuk ntir têk siz puôz, ntêr muôx 2 thiêr ntâu ntơưv luz đraz oz saz fuôx; caz cok co kuôk ntus fuôx muôx iz đok đros thiêz fuôx gox thâux lênhx nênhs.

4. Đros thiêz têx zav fuôx gox thâux tâu muôx 1 tấn lok sik thâux tsơưs đuô 5 lênhx nênhs lok sik têx gox thâuv muk lok sâuv đêx tsuv taz por tsar tov ngaz tuk lơưr cui tênhv ntơưv điểm a khoản 3 Grê no.

5. Fuôx gox tsuv taz por tsênhv yuôr hnuz nhôngs, six hơưv sir zôngv lơưr Chính phủ li cui tênhv./.

(Bích Thủy-Lik Thox cxêik nhênhv)