Phênhv paz 26 cxênhz tiv:

Paz trâu nênhs lox tôngv thiêz doanh nghiệp-tso tsês têx ntâuz ntơưr phiv liv

Bôv trưởng bôv Lox tôngv, Xaz pênhz thiêz Xar hôiv Đào Ngọc Dung hêik mênhx: Phênhv paz 26.000 tiv đêiv jiês no muôx ntâu kror yiêz pir li phênhv paz 62.000 tiv đêiv shông uô ntêx. Co zos  txo grêk tsơưs tâu muôx 2/3 têx ntâuz ntơưr tsuv uô. Tsưr ziv uô cux zôngx ziv đuô. Pir li phênhv paz uô ntêx, txêik jênhv têx ntâuz ntơưr thiêz uô têx ntâuz ntơưr co zos hâur 4 hnuz, mak nhiv no tsuôk uô hâur 1 txos 2 hnuz lơưv xưz. Chiê kriz uô sêiz phênhv paz no, trung ương zuôr muôz iz phênhv nhiêx txiêx uô ntêx trâu cxuô thax tsav qơư. Tiv zix, iz thứ trưởng tâu choz sêiz car iz kror hâux lưv, tsuv sêiz shuôk jông thiêz uô cov txos qơư. Zơưv Đào Ngọc Dung hêik:

“Nhiv no mak uô lơưr têx kror tưs cêr chêi hêik tsik txos mak tsik thav uô. Têx kror tsênhv njiêz thâuv ntêx no hâur Nghị quyết 42, cxiv tsa hâur iz tsênhv chêi uô, iz cuêz tênhv uô txơưr, thâuv co mak cux pâuz tsik tâu tas, taz sik đhâu Nghị quyết 42 mak cux muôx  tâu chênhz zênhv. Đros co zos uô iz kror zos: txo grêk tsơưs tiv zix têx ntâuz ntơưr cov uô zôngx ziv tiv zix. Iz zav li txo grêk cuiv ngaz tuk lox tôngv, tsuôk muôx iz cuêz tênhv zos doanh nghiệp sơưr hlo uô, muk trâu bảo hiểm xar hôiv muôz tas nro bê ntơưr chor nênhs tưz thêv nhiêx yênhx hli, đhâu co bảo hiểm muôx cuêz tênhv tror paz trâu lơưr”.

Iz kror phiv liv nhoz phênhv paz uô ntêx zos luôs hâux lưv uô thiêz phênhv paz trâu chor lox tôngv tsik muôx hux thôngx (lox tôngv tự do) thiêz iz cxiê kror txơưr đuô mak nhiv hno tưz tâu đơưk kho đuô. Chinhr phuv cux hêik pâuz phênhv paz tsơưs tiv zix, muôz zok trâu cxuô thax tsav qơư cxiv tsa uô. Lox tôngv tự do tưz tsik zos txêik tâu ciês têx paz txix nhiêx txiêx têz qơưk zos paz ntâu tiv zix 1 triệu đêiv iz lênhx nênhs iz hli truz ntêr tsik ntâu đuô 3 luz hli li thâuv ntêx no. Hlôngr trâu co, cxuô thax tsav qơư khov trâu têx kror tsênhv tsênhz, nhiêx txiêx têz qơưk ntơưv qơư muôx chiê xav jênhv chor nênhs tsuv tâu paz thiêz phênhv paz tsênhz mênhx, taz sik tsik tsơưs đuô 1,5 triệu đêiv iz lênhx nênhs lok sik 50.000 đêiv iz hnuz. Bôv trưởng Đào Ngọc Dung puz pâuz nzir:

“Chinhr phuv muôx tsưr ziv paz trâu chor nênhs no taz sik tsưr ziv no mak choz tas hur si trâu cxuô thax tsav qơư thiêz khov trâu nhiêx txiêx têz qơưk ntơưv zuk qơư muôx chiê cxiv tsa têx tsưr ziv kriz uô. Iz zav li thành phố Hồ Chí Minh li phênhv paz 886 tiv đêiv nhiv kruôr kriz uô paz mak cux xav jênhv têx kror paz li chor nênhs khưr uô jos, muôs xổ số trơưk têx cêr…Hà Nội cux li, lok sik Đà Nẵng nhiv kruôr đhâu cux hêik sơưr đơưk paz trâu chor nênhs chox ndis shuôk, du lịch tâu txêik txos 100 triệu đêiv…viv li pêz xar tiêk uô tâu li mak zuôr huv đros đuô”.

Nghị quyết yiêz cux cxaz nzir ntâu hov nênhs tâu paz. Iz zav li, chor nênhs trâus moz tâu paz nhiêx nox 80.000 đêiv iz hnuz xav txix thâuv tror huôv moz siz cik jiês tiv 4 (27/4) txos kaz shông 2021 taz sik tsik ntâu đuô 45 hnuz (bâuv li 3,6 triệu đêiv), chor nênhs nhoz jêz, njiz tâu chor nênhs moz mak cux tâu paz xưk li chor nênhs trâus moz taz sik tsik ntâu đuô 21 hnuz (bâuv 1,68 triệu đêiv). Nhuôs zâu trâus moz Covid-19 lok sik cêv kuôk y têr cux tâu têz qơưk paz nhiêx chơưv kho thiêz nhiêx nox, tsik tâu xav txos phênhv paz 1 triệu đêiv iz lênhx nhuôs zâu hâur ntu chơưv kho thiêz cêv kuôk. Cưk kriê ntơưr nhuôs zâu (xav tas nro tsêr cơưv công thiêz tư thục), nghị sĩ hâur taz viv têz qơưk thiêz nênhs chox kriê ndis shuôk du lịch puôr lênhx tâu paz ciês txix nhiêx txiêx. Lox tôngv pox niêv tsuv so hâux lưv tsik muôx nhiêx hli lok sik tsik muôx hâux lưv uô tsênhv tu zus mê nhuôs zâu tsik tâu muôx 6 shông lok sik xênhz nhuôs hâur chêr tsênhv tâu paz nzir 1 triệu đêiv đrâuv têx tsênhv chêi tưz tâu paz trơưk li cui tênhv.

Pir đros tâu paz 1 triệu đêiv iz hli li kror paz uô ntêx, nênhs lox tôngv lav tso tsês hux thôngx uô hâux lưv, so hâux lưv tsik muôx nhiêx hli zuôr tâu paz iz jiês đros phênhv paz 1,855 triệu đêiv iz lênhx nênhs zos so hâux lưv txix 15 hnuz txos xar muôx iz hli, paz 3,71 triệu đêiv iz lênhx nênhs zos so hâux lưv txix 1 hli tror sâur.

Nênhs lox tôngv uô hâux lưv ntơưv doanh nghiệp, hợp tác xã, taz viv sự nghiệp công lập suôv câuv hux thôngx uô hâux lưv tâu paz 3,71 triệu đêiv iz lênhx nênhs thiêz tâu paz iz jiês xưz…/.

(VOV1-Lik Thox cxêik nhênhv)