Cxaz nzir 5.100 tiv đêiv chiê uô hâux lưv phax, tar caz moz:

Chinhr phuv khav tênhv “Pêx xênhv li đas jos zor kror moz siêz txos xuz thơưx”

Kuôk no tsik ntêr, ntơưv jiês cơưv trực tuyến sơ kết côngz xưv tài chính Nhiêx txiêx têz qơưk 6 luz hli hâur shôngk shông 2021, kriz uô têx hâux lưv 6 luz hli kaz shông, Bôv Tài chinhr hêik pâuz, 6 luz hli hâur shôngk shông, Nhiêx txiêx têz qơưk tưz muôz muôx 4.650 tiv đêiv trâu côngz xưv phax, tar caz moz. Xav cxuô txix shông 2020, chor nhiêx muôz trâu hâux lưv no zos 21.500 tiv đêiv, hâur co muôx 8.400 tiv đêiv zos muôz trâu hâux lưv zuôr chuôz zênhx cxuô zav…chiê phưx vưv trâu phax, tar caz moz. Cux zos tiêk, 5.100 tiv đêiv nhiv kruôr tâu Chinhr phuv muôz trâu chor Bôv Y têr, Tài chính sir zôngv, tsik zos chor nhiêx xuz thơưx ciês muôz trâu côngz xưv phax, tar caz moz, taz por đas jos thiêz txox siêz, luz nênhx trâu pêx xênhv tiv phiv liv txix moz Covid-19. Nênhs nhênhz chơưv kinh têr, tiến sĩ Nguyễn Minh Phong hêik pâuz:

“Kror no cux  tsik zos iz kror xar tsik txos, tsik uô trâu pêx xênhv sơưr đơưk xar tsik thôngz-pir li tsênhv tsênhz, viv pêz tsênhv njiz trâus caz moz siz cik jiês tiv plâuz ntơưv ntâu kror qơư, viv li nhiêx txiêx zôngv trâu têx hâux lưv chơưv paz, phax, tar caz moz lok six ntâu. Lơưr cur mak chor nhiêx muôz nzir muôx 5000 tiv đêiv ntâu no cux tsênhv tsik tâu zos kror uô kaz ciês. Pêx xênhv zuôr tso siêz đuô zos tiêk tâu sir zôngv jông đros cxuô zav chiê paz trâu hâux lưv tir tar caz moz, tiv zix zos chơưv kho trâu chor nênhs trâus moz hnhar zuôr tâu uô jông đuô. Têx qơư muôx tsik txâuk qơư trâu nênhs moz nhoz pư, muôx tsik txâuk mêir uô pa, muôx tsik txâuk yuôx zuôr tâu đơưk kho thiêz kriz uô tâu jông đuô”.

Xav lok cxuô nro, nênhs nhênhz chơưv ngaz tuk xar hôiv Mạc Văn Tiến hêik tiêk, chor têz qơưk sâuv ntiêx têz tưz thiêz tsênhv tsuv zôngv ntâu đuô trâu côngz xưv phax, tar caz moz-xav tas nro hâux lưv y têr thiêz ngaz tuk xar hôiv. Việt Nam mak jông đuô viv pêz jiês uô ntêx muôx chor nênhs trâus moz tsơưs, côngz xưv phax, tar caz moz cux tâu uô jông, têx hâux lưv siêz jông, siz paz hâur luz nênhx cux muôx ntâu đuô. Zơưv Mạc Văn Tiến puz pâuz:

“Cxaz nzir 5.100 tiv, tsuv hêik tiêk zos kror huv zos thiêz tsuv uô, chiê muôx pênhr jos đơưk kho cxuô kror. Taz sik cux tsuv sâu chênhz zênhv lok njuôk xav, dưv phax-têx phiv liv viv zuôr uô tsik jông trâu nền kinh têr ntu tov ntêx no. Tsik tâu xav txos têx kror muôx yưv pâuz tsik tâu, cux zuôr zôngx ziv njiz trâus phiv liv cik txos uô cxâuv chêi têz qơưk, uô tuôr xuôv têx nhiêx txiêx…Vav tiêk chor nênh uô hâux lưv zuôr sir jos, moz siêz uô cov jông, taz por zôngv cov huv zos Chinhr phuv chor nhiêx txiêx no; zuôr tâu têx chuôz zênhx phưx vưv trâu pêx xênhv, no mak zênhx zuôr zos pêx xênhv siêz xar njôngr thiêz”.

Thôngx ziv đros tsưr ziv xar no, pos Phạm Nguyên Cường-Nênhs nhênhz chơưv txos têx vênhv thix ngaz tuk xar hôiv, lox tôngv, hâux lưv uô-iz hâur chor thành viên cxaz chuôz sêiz kaz hâux lưv kriz uô zôngv têx nhiêx txiêx xưk li chor nhiêx 62 cxênhz tiv đêiv paz trâu doanh nghiệp-nênhs lox tôngv hêik tiêk:

“Hâur Thủ tướng li Nghị quyết, Cuêz tênhv tưz hêik cơ quan sêiz car têz qơưk lok y têr tiêk Bôv y têr zuôr suv uô tas nro têx cui tênhv txix Chêi đấu thầu txos trâu zuôr cxuô zav chuôz zênhx cov cxênhx txuôs, thiêz jông tiv zix. Taz sik, no zos iz kror mak tsuv hêik tiêk muôx têx kror mak cux tsik muôx six hơưv chiê đấu thầu lok sik xêir tsov li chak mak zov chênhr tiv zix zos tsuv uô tâu trơưk têx tsưr ziv ngaz tuk, paz trâu pêx xênhv đas jos thiêz luz nênhx”.

5100 tiv đêiv zos iz kror nhiêx tsik tsơưs-zos txơưx jênhv, cux zos Chinhr phuv li têx sir jos lox hâur sâu-sir zôngv nhiêx txiêx têz qơưk, hâur ntu kinh têr xar hôiv njiz trâus phiv liv txix caz moz, xar muôx 2 shông. Taz sik, xưk li chor nênhs nhênhz chơưv tưz hêik, njiê đêz đar hâur côngv thôngx mak no cux zos iz cuêz tênhv jông, viv thâuv Chinhr phuv sir jos uô luôs hâux lưv phax, tar caz moz, pêx xênhv, côngv thôngx doanh nghiệp-tas nro nền kinh têr-xar hôiv cux zuôr phênhv tưs njiê pov tâu thiêz sir jos uô cov truôx zuk têx hâux lưv phax, tar caz moz./.

(VOV-Lik Thox cxêik nhênhv)

Lênhx hluôk tuz nênhs Hmôngz moz siêz tuôr tsês pêz Hmôngz luôs hâux lưv phiêz cxuô zav vaz, cxuô zav tơưz sir zôngv hâur luz nênhx niêx hnuz

Cơưv tas ntơưr Cao đẳng Dược ntơưv Thái Nguyên, thor tsi tâu hâux lưv uô, Hành Xênhv Zax tror lol zuk qơư nhoz ntơưv jok Hồ Nhì Pá, xã Lao Chải khưr uô liêx têz, txoz cxơưx trâu luz nênhx. Đhâu thor tsi tâu hâux lưv uô, tsi pov kaz uô faz tsưr ziv tưs chiê huôv tsar uô nox, Hành quyết tinhv tsi muk uô jos hâur têx đrôngs lox li ntâu lênhx hluôk txơưr đuô, hlôngr trâu co zos Hành sir jos cơưv shâuv zuk heir nênhs têx txux chi phiêz tơưz, phiêz cơưv, phiêz cuôr tênhz….chiê muôs trâu tsôngv kruô, têx fôngx zưs sđ nhoz cxuô thax tsav thâuv lơưr tuôx ndis shuôs têz qơưk uô si txos hâur qơư nhoz.

“Cur xar tiêk, zuk zos cxênhx hluôk tsuv cơưv chor lâuk têx txux chi uz no chiê phưx vưv luz nênhx xênhz huôx, tuôr tsês zuk heir nênhs li txux tsi chiê pôngz plox”.

Chiê muôx tâu têx luz vaz, tơưz, cơưv…..jông, Hành thâuv tưs tưz tsês six hơưv, hnuz nhôngk seiz tsov têx shôngz, car thênhx jông, đhâu ntơư txiêr lok fuô, joz, jiêz kra tsês. Hành heik pâuz: Cơưv shâuv, tuôr tsês thiêz huôv tsar uô luôs hâux lưv phiêz vaz, phiêz tơưz, phiêz cơưv zos iz kro phiv liv, taz sik ziv lax uô, lax phiêz ziv sir jos thiêx uô tâu:

“Hâur ntu zuôr txos, cur xar uô thiêz phiêz cov tâu ntâu đuô têx xiv huv li heik sâuv, iz zav li uô têx huv ntơư chiê muôs trâu tsôngv kruô ndis shuôs têz qơưk uô si zuôr muk tsês tâu seiz, uô huv muôz puz trâu luôs lưv tus”.

Hành Xênhv Zax li kror zôngx ziv zos têx hâux lưv uô, tsưr ziv siêz xar ntơư puôr lênhx muôx lênhx txir-zơưv Là Xênhv Zax, iz tus txơưx phiêz tơưz, phiêz cơưv jông gâux yax hâur jok kriê, hiêz uô iz kro jux juk. Nhoz hnuz nhôngk tưz lâul, tsi muôx đas jos huôv tsar uô nox, zơưv Là xar cov zuk lênhx tuz thiêz ntâu lênhx hluôk nênhs hâur jok, hâur xã sir jos moz siêz cơưv shâuv, uô trơưk têx lâul tsưr ziv uô nênhx, tuôr tsês têx txux chi jông chiê huôv tsar uô zuk heir nênhs têx xiv huv, chuôz zênhx phưx vưv xênhz huôx niêx hnuz thiêz muôs trâu tsôngv kruô ndis shuôs ntux uô si.

“Luôs hâux lưv phiêz tơưz, phiêz vaz….heik sâuv iz hnuz tsênhv trâul pôngz jux juk, tsi yuô muôx nênhs pâuz uô têx nuv li heik co, cur xar cov chor nhuôs tuôr tsês, por hưv chiê têx txux chi no. Tsi tiêk tuôr tâu tsês chor lâuk têx txux chi mak tsênhv muôx phênhv sâu tâu truôx thiêz”.

Tsuôk đhâu 2 shông, Hành yênhx puô têx xiv huv tưz uô tiêr, muôx muôs hâur têx ciêz đrôngs thiêz hâur huyện têx hnuz hôiv vênhx huôv, tâu ntâu tsêr kruô, qơư lênhk tok tsôngv kruô tuôx nhoz so….xeir zuôr thiêz nhiêv txos. Tix lâus Jêz Xênhv Hav, tsưr qơư lênhk tok kruô tuôx nhoz so Hmestay Thu Dê ntơưv thị trấn Mù Cang Chải heik pâuz:

“Đhâu sir zôngv, cur pov têx tơưz, xiv huv heik sâuv lok six jông. Têx chuôz zênhx no zuk gra muk tsêr muôx têx zôngv uô tâu ntâu zav hâux lưv thiêz chox muk  đei sâuv têx poz nja tsêr”.

Niêx hnuz Hành Xênhv Zax ho moz siêz fuô, joz têx ndâu, car thênhx, phiêz uô têx vaz, tơưz đros trâu tsưr ziv xar, thâuv muôx kruô tuôx ndis shuôk têz qơưs txos hâur thax tsav, lơưr zuôr pâuz nzir lok tsôngv box ntơưv qơư têx txux chi, chuôz zênhx jông thâuv nzor./.

(Đinh Tuấn-Riê Lâux, cxeik, nhênhv)