Jax thưr 2, hnuz 12/9/2016:  

Yên Bái: Yêz thâux ntâu kuôr hlâu tưz uô txox cêr lox 173 puôk tsuôx, tsi jông tas

Tỉnh txox cêr lox 173, ntêr muôx 26 cêik muk đhâu 5 xã tsi nhoz hâur huyện Văn Chấn zos Đại Lịch, Chấn Thịnh, Bình Thuận, Nghĩa Tâm thiêz Minh An. Lơưr tsôngv box heik, đrav ntêx txox cêr no lok six jông, zôngx ziv trâu tsôngv box thâux hax huv, kôngz l«ngk muk lok. Shông 2009, tsêr meir uô kuôr  hlâu jok Mỵ qir uô hâux lưv thiêz tsuôk hâur iz ntu tsi ntêr, tsêr meir no thâux têx hax huv muk lok đhâu txox cêr ntơư tưz uô cêr puôk tsuôx, tsi jông tas, ntâu ntu cêr tưz kơưx, tsi jông muk lok. Đhâu 6 shông muk lok, seiz txox cêr no tưz tsi zos txox cêr cxiv uô tâu jông đrav ntêx. Pos Vũ Thị Diêm, nhoz jok Trung Tâm, xã Bình Thuận, huyện Văn Chấn heik:

“ Cêr lok six đaz tuôs, tsi jông muk hlo, têx nhuôs muk cơưv ntơưr lok cux tos,  nênhs lâuk muk uz  muk no cux tos, viv cêr puôk tsuôx tas thiêz pâus hênhr. Tsi pâuz pêk tsơưs shông, pêz tưz heik trâu lơưr công ty, taz sik lơưr cux lav nquôr ar, cxiv  kho iz kro mê njik xưz, 3, 4 hnuz tov kaz tưz tror tsi jông tas. Li nêx sđ tưz seiz pov ntơư, txov bâuv li chas. Tưz muôx kênh jiês pêz thêir cêr tsi khênhr têx yêz lox muk lok, taz sik lơưr cux tsuôk lav kho tax mê njik uô ntêx, đhâu co cux tror jông li kuz”.

Thâuv tar sur, seiz pov ntâu luz yêz muk lok siz lơư liês, pos Phạm Thị Hòa, nhoz jok Trung Tâm, xã Bình Thuận, huyện Văn Chấn heik:

“ Ntu cêr no lok six riêz nênhs, 2 saz cêr mak kơưx tas, plơưr cêr siêz. Niêx hnuz yêz thâux ntâu têx li heik sâuv luz tiz luz muk uô cêr pâus nqo niêz. Pêz tsôngv box tưz tsi jông muk lok hlo, thiêz tưz muôx ntâu txuz tos yêz, uô yêz siz yar. Chor tuz nhuôs shux xênhz muk cơưv lok cux lok six phiv liv, heik têz qơưs tsuv  muôx faz tsưr ziv tưs uô li chas chiê pêz tsôngv box muk lok tsi yuô phiv liv”.

Lơưr têx tuz sâu xor xưv seiz pov, chiê txo grêk tsơưs têx pa ar nqo thiêz pâus, tsêr meir uô kuôr hlâu jok Mỵ tưz tso iz luz yêz zưs đêx uô ntêx thâuv muôx ntâu yêz lox thâux hax huv muk lok đhâu. Taz sik, chor đêx zưs cêr no tưz tsi txâuk chiê txo grêk tsơưs têx pa ar nqo. Zơưv Hoàng Văn Vượng, Phưv Chủ tịch UBND xã Bình Thuận, huyện Văn Chấn heik:

“ Ủy ban xã Bình Thuận tưz buôk ti uô hâux lưv đros Giám đốc tsêr meir tsiv uô kuôr hlâu jok Mỵ, tiv iz thâuv muôx yêz lox muk lok tsuv zưs đêx, kho đuô cêr, thâuv tưs chor nhuôs shux xênhz muk cơưv mak tsuv tso yêz muk kênhz. Tsêr meir cux tưz cir ntơưr thôngx ziv li ntơư thiêz nhiv no tsênhv uô lơưr. Hâur six hơưv zuôr txos, xã Bình Thuận heik cxuô cấp tỉnh, huyện cxiv kho ntu cêr no viv tiêk, zos choz trâu tsêr meir uô kuôr hlâu jok Mỵ kho mak lơưr cux uô tsi tâu, tsuôk zos lav kho iz kro mê njik xưz”.

Lok sâuv hâu nov tsêr meir, zơưv Lê Quang Trung, Giám đốc tsêr meir uô kuôr hlâu jok Mỵ tưz lênhk nhav: Hâur six hơưv đhâu, tsêr meir têx yêz lox muk lok đhâu thâux hax huv li uô trâu cêr trâus puôk tsuôx, tsi jông tas li co. Taz sik, zơưv Trung cux khav tinhv, yêz cux thâux trơưk li cui tinhv, tsi tâu thâux ntâu đhâu:

“ Hâur six hơưv zuôr txos, phênhv ntâu zos pêz khưx phưx, kho iz kro mê njik, lok sâuv têx pluô ar pâus thiêz kho têx kror jơưx thiêz tsênhv heik trâu Hạt seiz car cêr ar cov lơưr kho têx ntus cêr”.

Tsôngv box nhoz trơưk 2 saz ntus cêr lox 173 cux tsi jông siêz lok qênhx shênhx uô cêr trâus puôk tsuôx, tsi jông tas li heik sâuv. Cxuô cấp, ngênhx muôx vax huôv hâur tỉnh Yên Bái tsuv đros qênhz shuôs têx qir tiv uô cêr tsi jông, nzor muôx tsưr ziv cxiv kho, uô đuô txox cêr no chiê tsôngv box sđ zôngx ziv muk lok đhâu./.   

                                                 ( Đinh Tuấn-Riê Lâux cxeik, nhênhv)

Phênhv thưr 2 hnuz 12/9/2016:

Nênhs Chà Nưa li tsưr ziv cxiv tsa jêx jok yiêz

Uô tsênhz mênhx txix tas nro cxiv luôs chính trị thiêz pêx xênhv li sir jos đros tsưr ziv “Khov trâu đas jos côngv thôngx pêx xênhv zos chênhr”, Đảng Bộ xã Chà Nưa tưz tso tơưv nghị quyết lok luôs hâux lưv “Cxiv tsa jêx jok yiêz” ntu 2016-2020. Zơưv Khoàng Văn Van, Bí thư Đảng ủy xã Chà Nưa, hêik: Chiê cxiv tsa jêx jok yiêz, “phiv liv tiv zix zos pêx xênhv siêz xar, thâuv pêx xênhv tưz thôngx ziv mak kror tưs cux uô tâu”. Phuôx huiz pêx xênhv uô tsưr “pêx xênhv pâuz, pêx xênhv sêiz lax, pêx xênhv uô thiêz pêx xênhv tâu sir zôngv”, txos nhiv no Đảng bộ thiêz pêx xênhv xã Chà Nưa tưz uô tâu 5 hâur 19 luôs hâux lưv cxiv tsa jêx jok yiêz thiêz luôs hâux lưv tso tơưv cxiv uô tsêr cơưv ntơưr,  chor nênhs muôx hâux lưv uô, y tế, ngaz tuk), zos iz hâur 3 xã chiê uô tâu tiêr luôs hauax lưv cxiv jêx jêx jos yiêz nhoz huyện. shông 2017, Chà Nưa sir jos cov tax tâu nzir 4 luôs hâux lưv tso tơưv: muôx tênhv tơưl pov cêr, bưu điện, ciêz jêx jok, zoz zux thiêz sir jos txos shông 2020 uô cov tâu tiêr 17 luôs hâux lưv lok cxiv tsa jêx jok yiêz. Đros trâu luôs hâux lưv “têz qơưk thiêz pêx xênhv sik đros côngv uô”, Đảng bộ xã Chà Nưa xav jênhv cxiv tsa jêx jok yiêz zos tas nro cxiv luôs chính trị txix xã txos jêx jok li jênhv vưv; sir jos yax kriê gra siêz jênhv pâuz trâu cán bộ, đảng viên thiêz pêx xênhv lok cxiv tsa jêx jok yiêz. Xã tso tơưv luôs hâux lưv sik tưr uô xênhz yar, sik tưr cxiv tsa jêx jok yiêz hâur tas nro xã; khov trâu pêx xênhv; uô tsênhz mênhx tsênhv njiêz têz qơưk yưv pênhr, pêx xênhv, côngv thôngx paz đas jos tsik chiê muôx yưv têx kror tsik jông, trâus pôngz plox. Sir jos uô hlôngr yiêz jux juk txo grêk kôngz nuv, cxiv uô cxuô qơư zuôr muôs hax huv; sir zôngv khoa học kỹ thuật trâu uô xênhz yar chiê gra siêz chêx cur uô xênhz yar thiêz kinh tế; huôv tsar uô xênhz yar đros truôx tuk qơư nhoz. Uô uô cê chor tsaz yênhx tsưr ziv têz qơưk, chính phủ li nghị quyết 30a, chor dự án tsênhv tâu paz kriz uô sâuv thax tsav xã; phênhv pênhr paz txix têz qơưk chiê cxiv tsa jêx jok yiêz….

Xưk li ntâu luz xã tox siêz txơưr đuô, Chà Nưa cux tsuv njiz trâus phiv liv tsik tsơưs lok phênhv sâu. Lơưr zơưv Khoàng Văn Van, tiv zos xã txov nhêv tiv zix, pêx xênhv luz nênhx phênhv ntâu zos khov trâu chos poz cưk, chos blêx; viv li phênhv sâu tsênhv kik. Đros co, chor jêx jok nhoz đêz, tox siêz cux tsênhv fênhx nhoz tok tâu têz qơưk paz, uô trâu yêiz pluôs tsênhv yuôr ntâu. Viv li, chiê tax tâu tsưr ziv lok phênhv sâu mak cux tsênhv zos iz kror phiv liv nhoz Chà Nưa, zuôr uô tsik tâu sêi.

Đros tsưr ziv xar thiêz uô lok cxiv tsa jêx jok yiêz piz txix tsênhv tsênhz nhoz tiv phaz thiêz tsênhz đuô zos cxuô mênhx cxưx đros cấp ủy, chính quyền…li sir jos, thôngx siêz, njênhs tiêk xã Chà Nưa zuôr nzor uô tâu tiêr luôs hâux lưv cxiv tsa jêx jok yiêz lơưr tsưr ziv tso tơưv./.

                                                         (Báo ĐBP-Lik Thox cxêik nhênhv)