Yên Bái: Pêx xênhv nhoz tox siêz sir jos tsoz phưz

tsiêx cxu hâur chêix ntux no

Cux xưk li têx chuôz zis txơưr đuô, zơưv Lý Blà Dì ziv chuôz zis nhoz jok Trống Páo Sang, xar La Pán Tẩn tưz bax cxix cxuô têx zav jâuz krâur trâu tsiêx cxu nox hâur chêix ntux no. Zơưv Dì chuôz zis tưz uô huv tsưr ziv sâu blêx txos tưs, mak khơưk sâu têx kuôr blêx tsês chiê uô zav nox trâu tsiêx cxu. “Oz pêz hnuz no xar yax kriê hêik pox nhuôs tsoz phưz trâu chor tsiêx cxu viv li cur chuôz zis tưz chox tsiêx cxu lok cơưv hâur guôx chiê zus. Cur cux bax txâuk zav nox trâu chor tsiêx cxu thiêz bax tơưl trâur trâu tsiêx cxu ntê cov sor zos jêx tưv grêk kik”.

Jok Trống Páo Sang, xar La Pán Tẩn muôx 1.000 ntâu tuk tsiêx cxu, hâur co muôx 200 ntâu tuk nhux, tưv. Txix ciês thâuv hla trâu chêix ntux no, cán bộ cxơưz cxiz uô kôngz huyện, xar đros tsar jok tưz yax kriê, hêik pêx xênhv kho đuô têx tsêr guôx, tsês chiê zav nox trâu chor tsiêx cxu. Hêik pox nhuôs chox têx tsiêx cxu lok cơư hâur tsêr guôx chiê tu zus thâuv jêx tưv grêk kik…zơưv Dương Phúc Khuê, cán bộ cxơưz cxiz uô kôngz thiêz thú y huyện, sêiz car xar La Pán Tẩn puz pâuz: “Pêz hêik trâu UBND xar uô truôx jông Ban chox kriê phax tar yêiz plaz, ntux no trâu tsiêx cxu. Cur cux muk trâu têx jêx jok tsik so yax kriê trâu pox nhuôs pâuz lok côngz xưv phax, tar ntux no, caz moz trâu chor tsiêx cxu. Tsêr guôx tsuv tâu thêir, vor, qêz suô hur si; lok zav nox mak cux tsuv taz por cov txâuk”.

Xar La Pán Tẩn chor tsiêx cxu muôx nhos 4 cxênhz tuk nhux, tưv, yil. No zos pox nhuôs tox siêz têx tsiv grê lox. Chiê taz por trâu chor tsiêx cxu huôv vav jông, xar tưz côngv đros têx cơ quan uô hâux lưv no hâur huyện muk trâu têx jêx jok kruôz kriê pox nhuôs uô têx tsưr ziv sêiz kaz, tsoz phưz paz tsiêx cxu li đas jos thiêz qênhx shênhx caz moz uô hiêv txos tsiêx cxu. Thôngx cxix, sir jos xưv lik truôx chor chuôz zis tưs tsik uô lơưr têx tsưr ziv tu zus cơư hâur tsêr guôx thâuv ntux no chênhr, no njiv…zơưv Hảng Xáy Chông, Chủ tịch UBND xar La Pán Tẩn, huyện Mù Cang Chảy puz pâuz: “Choz zok hâux lưv yênhx ciêz, xar hêik tas nro chor bí thư, tsar jok, têx ban nganhx đoanx thêv sir jos yax kriê trâu pox nhuôs pâuz tsik chiê tsiêx cxu trâus tuôs no thiêz tuôs yêiz hâur chêix ntux no. Nhiv no, La Pán Tẩn cux sir jos chox kriê tsik chiê tso yar têx tsiêx hâur chêix ntux no”.

Huyện Mù Cang Chải muôx 63 cxênhz ntâu tuk tsiêx cxu, hâur co muôx 13 cxênhz ntâu tuk tưv, đuô li zos nhux đas thiêz yil. Chiê taz por trâu chor tsiêx cxu hâur chêix ntux no, huyện tưz chox kriê cxuô ban, nganhx, đoanx thêv, cấp ủy sêiz car xar thiêz têx cơ quan uô hâux lưv no yax kriê hêik pêx xênhv chos muôx 200 ha ntâu tâux, tsês chiê muôx nhos 7.000 pơưs kuôr blêx uô zav nox trâu tsiêx cxu… Thôngx cxix, kruôz kriê nênhs tu zus cơư têx tsiêx cxu hâur tsêr guôx, tsik so qênhz shuôk jông qênhx shênhx caz moz ơưk chiê bax tsưr ziv phax tar tsik chiê muôx yưv têx phiv liv lox trâu têx tsiêx cxu hêik sâu…/.

(Đinh Tuấn-Lik Thox cxêik nhênhv)

Tsov cưv thâuv zôngv tênhv tênhz ntơưv qơư uô jâuz mor

          Nam: Hâur qơư uô jâuz mor nox nhiv no, muôx lok six ntâu chuôz zênhx tênhv tênhz li kror chuz tênhv, tuv txiêk, meir nzuôr tưx, meir cxiêz zav nox, lâux câuz tênhv, meir jov jâuz grêix....Têx chuôz zênhx no puôr lênhx muôx công suất lox (cxôngx 2,3 puôk W txos 2,3 kw). Viv li, tsuv muôx cxix luôk tênhv tênhz taz por công suất trâu têx chuôz zênhx no, muôx tsưr ziv phax tar. Tsuv zôngv têx xor tênhv lox huv đros chuôz zênhx co li zoz qơưx. Tsi zôngv uô cê ntâu chuôz zênhx muôx công suất lox, zôngx ziv uô cuz hnhiêz xor tênhv.

Nhạc cắt

          Nữ: Muôz têx chuôz zênhx tso ntơưv têx qơư huv đros, taz por.

          Nam: Tsi tso qơư njiê tênhv, tuô tênhv tênhz jê qơư tso bình gas lok sik têx qơư zôngx ziv trâus đêx ntuz. Tsi chiê têx chuôz zênhx tênhv tênhz jê qơư chus đêx, hluôr tơưs, qơư khênhr trâus nyar ntux cuz.

Nhạc cắt

          Nữ: Zôngv qơư njiê tênhv thiêz xor tênhv muôx ntâu qơư njiê tênhv

          Nam: Đros têx chuôz zênhx tênhv li meir cxiêz zav nox, kror chuz từ, hồng ngoại, tuv txiêk....mak khênhr zôngv phích njiê tsênhv muôx 3 tơư njiê. Viv no puôr lênhx zos chuôz zênhx pêz khênhr zôngv txos. Têx chuôz zênhx no cux zôngx ziv chaz tênhv tênhz, lok six riêz nênhs trâu lênhx nênhs sir zôngv. 3 tơư njiê zuôr paz chaz tênhv tênhz trâu hâur ar, paz nênhs zôngv tsi trâus tênhv grus.

Nhạc cắt

          Nữ: Bax aptomat tir tar trâus tênhv tênhz grus lok zos quô

          Nam: Aptomat tir tar tênhv tênhz grus mak paz por vêv nênhs zôngv têx chuôz zênhx co. Têx chuôz zênhx muôx công suất lox li tuv txiêk, kror chuz tênhv mak tsuv zôngv aptomat thiêz muôx cxix luôk chiv chir tuô tênhv. Aptomat tir tar tênhv tênhz grus no tsuôk muôx txux zôngv thâuv chuôz zis muôx xor tênhv chaz tênhv trâu hâur ar. Tsuv qênhz yuôx txox xor tênhv chaz tênhv trâu hâur ar no 6 luz hlik iz jiês cxôngx nhêv luz check muôx sâuv aptomat.

Nhạc cắt

          Nữ: Tsưv ziv thâuv sir zôngv tênhv tênhz

          Nam:

          - Thâuv uô jâuz mor tsuv jav têx qơư muôx chuô njơưx. Tsi zôngv yuôx tuô caz thâuv tsênhv uô jâuz mor sâuv kror chuz viv zav yuôx no muôx tsơưr uô chis cuz.

          - Tsuv seiz njôngr kror chuz thâuv uô jâuz mor. Nhiv no, sâuv niêv ciêz muôx ntâu zav kror chuz tênhv, kror chuz từ muôx chuôz zênhx chiv chir tuô kror chuz thâuv jêx tưv ndê siêz đhâu cui tênhv, lok sik thâuv cuô jâuz mor fưx trâu sâuv kror chuz.

          - Kror chuz uô jâuz mor tsuv tso đêz têx zav fuôv ntâuz thiêz ntơưr...zôngx ziv trâus txêik cuz.

          - Hâur qơư uô jâuz mor tsuv muôx hưx phax tuô hluôr tơưs cuz./.

(Thanh Thủy- Txâur Vax cxeik nhênhv)