Tổng Bí thư, chủ tịch têz qơưs Nguyễn Phú Trọng luk phôngv tsiêz  tưv shông 2021

Tsôngv px thiêz  tuz lênhv hâur hur si têz qơưs hmor yuô! Hla trâu shông yiêz tưv shông 2021, cur hlôngr njêx muôs hâu nov Đảng, têz qơưs muôx luk phôngv côngz jông txos hur si tsôngv px cxuô hêir nênhs đros trâu tuz lênhx hâur tas nro têz qơưs thiêz tsôngv px VN tsênhv muk cơưv, uô hâux lưv trâu oz chas têz qơưs njiz ntâu kror jông thiêz muôx luk phôngv jông xa txos tsôngv fôngx zưs hâur hur si sâuv ntiêx têz, ziv hnuz ziv muôx cêr côngv siêz, huôv tsar truôx jông.

          Hâur shông 2020 đhâu, pêz têz qơưs tưz uô tâu tiêr ntâu luôs hâux lưv jông, lar hêik zos đại hội đại biểu hur si têz qơưs jiês tiv 13 tưz kriz cơưv tâu yênhx.

          Hâur shông đhâu, hur si Đảng, hur si px đros trâu tuz lênhv tưz sir tas đas jos tsưr ziv uô tâu tiêr ntâu luôs hâux lưv jông. Kinh tế  huôv tsar, Chính trị xã hội truôx tuk; cêr fôngx zưs đros cxuô têz qơưs sâu ntiêx têz ziv hnuz ziv huôv tsar tâu truôx jông.

Lar hêik zos hâur ntu muôx moz Covid-19, cê tir thêir caz moz gênhk, cê huôv tsar kinh tế xã hội thiêz kriz cơưv yênhx côngz Đại hội Đảng hur si têz qơưs jiês tiv 13, uô trâu tsôngv px thiêz tuz lênhv njênhs njôngr, têx fôngx zưs sâuv ntiêx têz kruôk txos.

          Hlôngr njêx muôs trâu hâu nov Đảng, têz qơưs, cur muôx luk kruôk txos têx lênhx px thiêz tuz lênhv uô tâu ntâu hâux lưv jông hâur shông đhâu.

          Hla trâu shông yiêz tưv shông 2021-zos xuz thơưx fuô uô trơưk Đảng li Nghị quyết Đại hội 13 thiêz fuô uô luôs hâux lưv huôv tsar kinh tế-xã hội 5 shông 2021-2025; Shông tsưr tsix bâux xêir đại biểu Quốc hội jiês tiv 15 thiêz đại biểu hội đôngx cxuô cấp ntu 2021-2026; tsưr ziv siêz xar njôngr huôv tsar truôx têz qơưs; hur si Đảng, têz qơưs thiêz px đros trâu tuz lênhv tsuv tror huôv tsar truôx cêr côngv siêz, uô cov tâu truôx đuô cxuô luôs haux lưv hâur ntu têz qơưs hlôngr yiêz, tsưx phưv truôx tuk pêz têz qơưs.

          Muôx luk phôngv côngz jông txos trâu cxuô chuôz zis, cxuô lênhx px VN, hla trâu shông yiêz muôx đas jos thiêz njiz ntâu cêr vav mênhx hâur luz nênhx.

          Shông yiêz, uô tâu ntâu luôs hâux lưv jông

          Cxuô chuôz zis, cxuô lênhx sđ muôx cêr shir phaz!

                                                                              Tsu cxêik nhênhv

Tưv shông heik lol tsôngv box Poz Ziz Tây Bắc chei txi hu plis nhux tưv

Hâur tsôngv box Poz Ziz têx txux chi đaz nênhs mak chor lâul heik piêr tsês, tưv zos zav tsiêx thâuv tưs tưz đros đreiv lênhx nênhs hâur luz nênhx niêx hnuz.  Thâuv zơưv sâuz tso hmôngz ntiêx têz lok uô nênhs cux zênhx muôx tưv đros lok. Tưv đros lênhx tiz nênhs lok đhâu đêx, đhâu har, đhâu trôngx ntus lok nhoz hâur ntiêx têz. Chênhr viv li, tsôngv box seiz tus tưv zos zav tsiv gri, thiêz cux chênhr zos li heik co mak thâuv uô đaz uô kruô, muôx iz tus nênhs pur 120 shông tâu tas siv nênhx, khênhr zôngv tưv chiê tuô trâu, tưv zos zav txuôk lênhx nênhs sâuv zax chênhz li lul heik trâu têx đaz xênhz têz xênhz qơư, pos zơưs, têx lâuk tâu tas siv nênhx, chiê thor chor lâuk, đaz xênhz xênhz têz qơưk, hnar, tu tsiêx cxu lok pur guôx, uô kôngz lôngk lol pur cxaz, jêx jok nox nhoz njiês to. Thâuv ntêx, tsôngv box khênhr muôz iz gơưv tưv đuz, đơưz lok txi đaz xênhz têz xênhz qơư. Zơưv Cà Văn Chung, lênhx pâuz thôngz pâuz cxuô lok nênhs Poz Ziz li txux chi chei đaz kruôs, Hội viên hội văn nghệ dân gian VN, nhoz xa Chiềng Ngần, TP Sơn La, tỉnh Sơn La heik pâuz:“Tưv tsênhv tâu xeir zos iz hâur 12 tus tsiêx, iz zav li hâur shông muôx 12 luz hlik hâur ntơưr lix Poz Ziz, tưv zos tus tsiêx xuz thơưx hâur hnuz yiêz, đhâu iz tas hmo zos nak six. Thâuv tưs muôx lênhx nênhs tâu tas siv nênhx, nênhs Poz Ziz puôr lênhx tuô tưv trâu. Tâuz hâu thiêz grêix muôz txi trâu tus nênhs tuôs chiê xa muk chuôs pos zơưs. Taz sik zov chênhr đuô zos, tus tưv njux đuôz  zuôr tâu đros tus nênhs tâu tas siv nênhx ntơư muk đruôz zênhz chiê tus nênhs co muk uô đuô luz nênhx yiêz muôx nhux tưv lêix têz, đros muôx tsiêx muôx cxu iz zav li sâuv zax no”.

Thâuv ntêx, tsôngv box Poz Ziz nhoz Tây Bắc tso tưv muk seiz nox jâuz trâu iz qơư lơưr cui tinhv, chiê tsiêx tsi nox uô ruôr hiêv lênhx nênhs têx kôngz, txos cheix uô liêx têz mav mul zok nriêr têx tưv lok lêix têz xưz. Chênhr zos li heik co, đros thiêz tsôngv box, tưv zos zav tsiêx lok six zov chênhr hâur luz nênhx, zos iz zav chuôz zênhx tsiv gri  hâur chuôz zis. Tưv paz chuôz zis uô liêx têz, paz lênhx nênhs luôs têx shôngz ntông lox lok cxiv vax kho tsêr nhoz. Thâuv ntêx chor lâuk tsuôk uô iz chiv kôngz, zar tas cik chaz tưv  muk lêix têz, zar hnuz kêix chiê têx nhuôv chaz muk nox jâuz. Txơưv tiêk zôngv txos tưv đas jos tsơưs li ntơư xưz, taz sik tsôngv box Poz Ziz cux xar tsi tas, zuk tưz muôz tưv zuôv uô ntâu hâux lưv, đhâu nhux tưv đas jos. Chênhr zos li co hâur niêx shông, đhâu thâuv lêix têz tas, tsôngv box muôx chei txi nhux tưv, lơưr xeir têx hnuz nhôngs, six hơưv jông hu nhux tưv plis, phôngv côngz hmôngr trâu nhux tưv muôx đas jos, tsi muôx moz gênhs, tsơưs njiz trâul têx cêr fêv cêr tsi jông..... Zơưv Cầm Vui, lênhx pâuz thôngz pâuz cxuô lok têx txux chi cêr nênhx vênhx huôv, hội viên Hội vênhx huôv vênhx ziv VN nhoz huyện Mường La, tỉnh Sơn La heik pâuz:“Đhâu thâuv uô liêx têz tas, uô ntêx thâuv zuôr muôz têx tsiêx tso muk pêv yar jâuz nox jâuz, lơưr uô ntênhs txi hu nhux tưv plis. Chuôz zis tưs nhiêk txi uô trâu nhiêk têx tsiêx, chiê uô tsâus txos nhux tưv tưz đros paz lênhx nênhs khưr uô liêx têz, thiêx uô tâu kôngz lôngk lol đros luôs lưv tus nox muôx hnar. Thâuv tso tsiêx muk nox jâuz pêv yar jâuz, thor cov têx tsiêx tsi njiz tsor, tsi njiz hma, tsi nyâus trơưk, tsi ntos tox, tus lox tus mê lok nhoz cxix nhoz cxuô, trok maz jông gâux. Txos cheix uô liêx têz mav tror tuôx tok, tuôx chaz muk vax muk tsêr chiê paz lênhx nênhs khưr uô liêx têz”.

Chei txix hu nhux tưv plis tsi uô ntâu zav. Lênhx tsưr tsêr bax iz trôngx jâuz mor txi hu nhux tưv plis muôx: Iz tus keiz hâu tâu siêr, đros trâu iz ntiv cuô, khoz chơưr, pênhz laz thiêz fax mor blâuv xưz. Đhâu thâuv bax uô tâu trôngx jâuz mor, mak gra trôngx jâuz mor co muk trâu hâur kaz tsêr tsar lơưx, jê qơư khi tưv nhoz pư. Lênhx txir nênhz tiv iz jâuv khôngx zưz, txi hu tas, nưk muôz grêix đê shơư iz kro mê njêr lok đros iz kro mor blâuv, krưr blôngx tsơưz thiêz iz têk jâuz mok puz iz tus tsiêx jux juk nox thiêz nquôr khoz chơưr trâu tưv tâuz hâu. Zơưv Cà Văn ....., hội viên Hội vênhx huôv vênhx ziv VN, nhoz xã Chiềng Ngần, TP Sơn La, tỉnh Sơn La heik pâuz nzir:“Nhux tưv tưz paz trâu lênhx tsưr tsêr uô tâu ntâu luôs hâux lưv, li ntơư taz sik muôx kênh jiês kênh qiv lênhx nênhs tưz muôz têx tsiêx seiz yuô txos qơư, tsi yuô muôx grik, viv li tsưr tsêr uô trôngx jâuz mor no chiê uô tsâus, thor txiv trâu nhux tưv thiêz chos luk zuôr muôz têx tsiêx seiz trâu gri đuô hâur six hơưv zuôr txos. Phôngv têx tsiêx muôx đas jos jông, tsi trâul muôx moz gênhs”.

XH ziv hnuz ziv huôv tsar, tsôngv px ntâu thax tsav qơư nhiv no lơưr tưz hlôngr yiêz ntâu hâur uô liêx têz, tsi yuô muôz têx tsiêx lok lêix liêx têz, taz sik tus tưv cux tsênhv zos zav tsiêx lok six zov chênhr trâu ntâu chuôz zis. Chênhr viv li, nhoz ntâu suôv qơư, tsôngv box Poz Ziz cux tsênhv tuôr tsês, uô đreiv chei txi hu tưv plis, tsi chiê pôngz plox.

Chei txi hu tưv plis tâu uô li heik hâur luz nênhx, taz sik kror tsênhz thiêz tsưr ziv uô tsôngv box ho uô zôngx ziv thiêz jông, tsi tas ntâu zav. Co cux zos iz txux chi cêr nênhx vênhx huôv jông, heik lol nênhs Poz Ziz Tây Bắc li siêz jông, ndo txos têx tsiêx li txiêx njis, côngz đas jos lox./.

(Đức Anh-Riê Lâux cxeik, nhênhv)

Chuôz xênhv Lik li phongx cxưx tok tsiêz

Uô ntêx thâuv zuôr piz uô cxuô kror chêi đaz kruôk chiê nox tsiêz, chuôz xênhv Lik tsuv bax iz tsoz pok ndêis thiêz iz txox hluô grênhz ntêr đros iz tuk lâu kêiz liêz chiê lưv suz trâu tas nro chuôz xênhv. Zơưv Nhiêx Cuôv Xênhv Lik, nhoz jok Tênhk Lar, xar Pá Long, huyện Thuận Châu puz pâuz: Tsoz pok ndêis thiêz txox hluô grênhz đros tuk kêiz tâu gra tuôx tso trâu ntơưr iz kror qơư tiêx đar hâur jok. Txox hluô grênhz mak tsuv ntêr thiêz muôz iz zar hluô khi trâu hâur zar hâur pâuk tsoz pak ndêis thiêz iz zar mak khi trâu sâuv njiz tsoz pok ndêis, tuk kêiz cux tâu muôz khi trâu sâuv njil ntông. Thâuv bax tâu tas mak hu tas nro sơưr đơưk hâur chuôz xênhv tuôx ntơưv kror qơư chiê piz lưv suz, iz chuôz zis tuôx iz lênhx nênhs lok sik chôngz nênhs cux tâu thiêz gra đros chor nênhs hâur tsêr iz lênhx nênhs iz luz yo tuôx chiê lưv sưz. Thâuvbax tâu thiêz chor nênhs hâur chuôz xênhv tưz tuôx cxuô lơưv mak nênhs pâuz têx cêr chêi đaz kruôk zuôr tuôr iz tuk tư tơưl tsênhv chis thiêz iz yoz đêx thiêz piz cxâuz tơưl, cxâuz tơưl tas mak buôr đêr hâur luz yo tsuôs trâu tul tơưl, đhâu co sơưr đơưk piz muk đhâu luz vox txox hluô grênhz co. Thiêz thâuv cxâuz tơưl mak cxâuz li zơưv Nhiêx cuôv hêik:

Thâuv lưv sưz tas, tuk ntông pok ndêis thiêz txox hluô grênhz đros tuk kêiz tâu choz zok trâu chor hluôk hâur chuôz xênhv gra muk por tsês trâu pus tov têx câuk jok saz hnuz pôngz, muôz tuk kêiz tuô thiêz muôz nyar plênhr trâu tuk ntông pok ndêis thiêz txox hluô grênhz co, đhâu co gra tuk kêiz lok tsêr chiê uô nox.

Chor nênhs hâur chuôz xênhv thâuv lưv suz tas mak nhiêk lok trâu nhiêk tsêr thiêz piz ntuôk nhưx hâur zuk chuôz zis. Thâuv ntuôk nhưx mak ntuôk ntơưv luz kror trôngx tov tsêr mor thiêz zôngv poz cưk, ntuôk tas mak hlêiv têx njiêr poz cưk trâu câuv vax  câuv tsêr txix saz tsêr mor lok txos trâu luz kror trôngx tas, cê lêiv mak cê ntuôk, đros co iz lênhx nênhs hâur tsêr zuôr xuôk khâuz truôz qêz ciês tsêr lơưr kaz muk trâu đrav kror trôngx tas thiêz zơưv têx co chox muk por tsês. Đros siêz xar qêz tas nro têx moz gênhs, tsik jông hâur chuôz zis por tsês đros shông kuz muk. Tix lâus Thành Xênhv Lik, nhoz jok Tư Sáng, xar Pá Long, huyện Thuận Châu puz pâuz:

Thâuv tưz qêz tsêr tas mak piz qêz nkhơưz thiêz hu plis tsiêz thiêz txi côngv xưv caz. Thâuv hu plis tas mak trâu tsuv mor  thiêz hu têx cưr tix nênhx tsa, sơưr đơưk tuôx đrox nox hâuk, sik phôngv tsiêz li cxuô zav xênhv Hmôngz txơưr đuô. Zơưv Nhiêx Cuôv Xênhv Lik, nhoz jok Tênhk Lar, xar Pá Long, huyện Thuận Châu puz pâuz nzir:

Cux xưk li ntâu chuôz zis, chuôz xênhv tsôngv box Hmôngz, txix fâuv nênhx no trâu fâuv nênhs tov kaz hâur chuôz xênhv cux sir jos tuôr tsês chiê jông, phuôx huiz zuk mênhx cxưx li têx phongx cxux jông chiê txi côngv thiêz ndo txos pox công, zơưv côngz, thor pox paz trâu zuk chuôz zis, chuôz xênhv muôx đas jos, uô nênhx nhoz tsâu sor thiêz shir phaz./.

(Lik Thox cxiv sâu thiêz cxêik nhênhv)

Hêir nênhs Cho Thanh y têx trax blôngx hâur chêix ntux yiêz

          Ntơư zos hêir nênhs Cho Thanh y têx suôz trax blôngx, lar hêik zos hâur luz chêix sâu kôngz lôngk tas, hêir nênhs Cho Thanh y li têx tuz nxêik, tsuôk yuôz zav trax blôngx no đror uô kho siêz khuôr hêik lok cêr gâux cêr đrâus hâur chêix ntux yiêz. Taz sik tsuv zos chor pâuz yuôz thiêz tus uô luz trax blôngx co, tsuv pâuz xêir tsov shôngz uô thiêx uô tâu iz luz trax blôngx đror jông. Pos Phùng Thị Mản, hêir nênhs Cho Thanh y, nhoz xã Bắc Lãng, huyện Đình Lập, tỉnh Lạng sơn shir phaz lul hêik:“Chiê uô cov tâu iz luz trax blôngx đror jông, tsuv xêir têx zav shôngz lâuk,truôx khor, caz tsik tho, zar shôngz co ntêr 25-30 phênhv, nhiêk thiêz khôngz jông, thâuv uô tâu thiêz yuôz luz trax co thiêx đror huv zuk siêz nhiêv”

          Hêir nênhs Cho Thanh y zav trax blôngx co, thâuv yuôz cux đror uô kho siêz khuôr, huv đros hêir nênhs co li luz nênhx niêx hnuz. Taz sik, hêir nênhs Cho Thanh y zav trax blôngx co, tsuôk uô hâur luz chêix sâu kôngz lôngk tas. Đros co, hêir nênhs Cho Thanh y cux xar tiêk, thâuv zuk têx kôngz tsik tâu siêr, zos yuôz zav trax blôngx co, zuôr uô trâu zuk chuôz zis têx kôngz lôngk tsik jông thiêz sâu tsik tâu kôngz. Chênhr zos xar li hêik ntơư, thâuv sâu kôngz lôngk tas, hêir nênhs Cho Thanh y thiêx uô zav trax co chox lok yuôz uô cêr lov jêv hâur niêx hnuz. Pos Phùng Thị Mai, nhoz jos Khe Phạ, huyện Lập Bình, tỉnh Lạng Sơn hêik pâuz nzir: “Đhâu ntâu tiêv txos trâu nhiv no, luz nênhx tưz muôx ntâu hlôngr yiêz thiêz tsik yuô sir zôngv zav trax blôngx co chox lok yuôz nthuôr uô cêr lov jêv hâur luz chêix sâu kôngz lôngk tas. Txơưv li ntơư, taz sik txos trâu nhiv no hêir nênhs Cho Thanh y têx trax blôngx tsênhv tuôr tâu tsês tsik chiê pôngz plox, tsênhv muôx đros đrêiv hêir nênhs co li luz nênhx tsik chiê pôngz plox”.

          Hâur luz chêix ntux yiêz, zos muk txos hêir nênhs Cho Thanh y têx jêx jos, cux zênhx hnor njôngr têx suôz trax blôngx yuôz đror uô kho siêz khuôr nhoz trơưr sđ siêz tsik plox. Zơưv Bàn  Hồng Lương nhoz huyện Đình Lập hêik pâuz nzir:Hêir nênhs Cho Thanh y têx tuz nxêik hluôk, thâuv tưs cux sir zôngv zav trax blôngx ntơư chox lok yuôz uô si, hêik lok cêr gâux cêr đrâus, cêr ndo yuô xa đros suôz trax co txos trâu tus zuk nhiêv, zuk hluz yuô”

          Hêir nênhs Cho Thanh y têx trax blôngx co, zos iz zav txux chi, vênhx huôv jông muôx liv trâu hêir nênhs co l luz nênhx niêx hnuz, tsênhv huôv tsar truôx txos trâu nhiv no tsik chiê pôngz plox./.

Tsu cxêik nhênhv-Chẻo Thu-VOV Gtây Bắc