Jax sâu thưr 4, hnuz 12/4/2017:

          Sik đros muôz ar kriz uô cêr muk lok ntơưv huyện Ea Ka, tỉnh Đắc Lắc

           Txox cêr txix đraz jos Ka Nốp thiêz jos 4, xã Cư Ni, huyên Ea Ka, tỉnh Đắc Lắc ntêr 350 caik, tưz tâu lênhv suôz jêz zôngx ziv muk lok thiêz oz saz ntus cêr cux tâu tik tênhv tênhz pov cêr lul.

          Hâur yênhx hnuz muk lok đhâu txox cêr no, zơưv Phạm Duy Nghĩa nhoz jos 4, xã Cư Ni cux jông siêz, shir phaz lul, viv cxiv uô tiêr txox cêr no, tưz pov njôngr thax tsav jêx muôx ntâu hlôngr yiêz. Đros trâu iz phênhv nhiêx têz qơưs muôz, 28 chuôz zis px hâur jos cux jông siêz muôz ar chiê kriz thiêz iz ziv chuôz zis cux tsênhv muôz 2,5 triệu nhiêx, sik đros côngv côngk đas jos paz uô cêr muk lok. Zơưv Phạm Duy Nghĩa hêik pâuz:

           “Hâur ntu đrav ntêx, txox cêr no zos cêr ar, hâur chêix ntux nas muk lok txov nhêv cơứs. Chênhr zos li hêik ntơư, px sđ tưz saz lax, sik côngv paz nhiêx chiê cxiv uô txox cêr ntơư cov tâu zos đrêiv li luôs hâux lưv tso tơưv. Ntơư zos xã muôz 10 tấn xi măng, đuô li px sđ sik côngv paz iz ziv chuôz zis 2,5 triệu thiêz thâuv uô tâu tiêr txox cêr no, px sđ jông siêz hênhr”.

          Uô trơưk luôs hâux lưv muôz ar chiê kriz uô cêr muk lok trâu jêx jos, zơưv Hoàng Văn Long ziv chuôz zis nhoz jos 5, xã Cư Ni, txơưv zos iz ziv chuôz zis pluôs, taz sik cux muôz 300 ntâu their ar chiê kriz uô cêr trâu côngv thôngx sđ muk lok cov zôngx ziv.

           “Cêr ar mak hâur chêix ntux nas, mê nhuôv tuôx tsik tâu trâu tsêr cơưv ntơửr; cur ziv chuôz zis thiêx muôz ar kriz uô cêr ntêr 40 ntâu their thiêz txiêr 30 tsoz txir ntông điều, 40 tsoz cà phê chiê kriz uô cêr muk lok”.

Zơưv Phạm Duy  Hùng, uỷ ban xã  Cư ni, huyện Ea ka hêik pâuz: Uô trơưk luôs hâux lưv cxiv tsa jêx jos txix shông 2011 txos trâu nhiv no, xã tưz yax kriê tâu chôngz lênhx ntâu tus sik côngv cxiv uô  đros trâu têz qơưs têx nhiêx txiêx muôz paz, px muôz ar chiê kriz uô thiêz đros  paz 3 tỷ ntâu nhiêx cxiv uô 30 caik cêr; tik tê nhv tênhz pov cêr lul trơưk oz saz ntus cêr; cxiv uô tâu ntâu tsêr vênhx huôv côngv thôngx….Xav txos trâu nhiv no, xã tưz uô tau tiêr 15 hâur 19 luôs hâux lưv cxiv tsa jêx jos yiêz thiêz thiz xã zuôr sir jos uô cov tiêr 19 luôs hâux lưv cxiv tsa jêx jos yiêz trâu kaz shông no. zơưv phạm Duy Hùng, chủ tịch uỷ ban xã Cư Ni, huyện Ea ka hêik pâuz:

           “Yax kriê, zaz zauv tsôngv px sđ sik đros côngv uô, px đros saz lax, qênhz yuôx luôs hâux lưv cxiv tsa jêx jos yiêz.  Txix shông 2011 txos trâu  shông 2016, px hâur thax tsav tưz sik côngv paz tâu 8 tỷ đêiv nhiêx, cxiv uô tâu 40 cêik cêr  lênhv poz jêz muk lok trâu jêx jos”

          Luôs hâux lưv cxiv tsa jêx jos yiêz ntơưv  xã Ea ka, tỉnh Đắc Lắc, tưz tâu tsôngv px sđ sik côngv paz uô tâu zos đrêiv tsưr ziv tso tơưv thiêz ntơư cux chênhr zos iz  luôs hâux lưv uô muôx liv trâu côngv thôngx sđ./.

                                          (Tsu cxêik nhênhv-Ban Giám đốc CQTây Nguyên)

Phênhv thưr 4.12.4.2017:

QIR TIV UÔ MOZ POZ KÊX CXA

Nzênh lênhs thiêz lênhs đrux

          Zos tiv txox lênhs trâus saz, têx poz kêx tơư zôngx ziv uô nzênhr lênhs tiv zix. Lênhs đrux uô trâu lênhx nênhs co lok six moz, zos qir tiv khênhr uô moz poz kêx cxa.

          Moz têx sâur lênhs

          Têx sâur lênhs huôx tôngv ntâu uô trâus moz. Têx sâur lênhs xưz pưs, lux yiz thiêz lux tơưk khênhr trâus moz tiv zix. Lux yiz têx lênhx nênhs ntâus ten nis, nênhs luôv đêx li xưz pưs....zos khênhr trâus moz sâur lênhs tiv zix

          Moz poz kêx cxaz uô chor sâur lênhs o vôngs, moz ziv zov chênhr thâuv huôx tôngv.

          Trâus saz.

          Zos moz muôx yưv moz poz kêx cxa. Trâus saz zos tiv kis lok sik lor cxa. Trâus saz poz kêx cxa zos tiv trâus moz têx poz kêx cxa ntêr, moz zov chênhr thiêz tsi jông nhoz, o thiêz lax huôx tôngv tâu.

          Moz têx cxa, sâur lênhs iz chê uô nênhs moz pư tsi tsâus jos, iz chêr tsi jông nhoz, uô trâu lênhx nênhs tsi yuô ndo kaz.

          Moz trưx phax cxa

          Moz trưx phax cxa khênhr trâus moz cxa tês, tơư, khênhr trâus moz hâur 20 shông xuz thơưx thâuv poz cxa tsênhv huôv tsar. Mê nhuôs zâu trâus moz cxa thiêz poz kêx cxa zos têx moz yưv xuz thơưx thâuv moz trưx phax, zôngx ziv cxâuv tiêk zos moz tiv shâuv thiv thao lok sik tiv hloz lox sei.

          Moz poz kêx cxa, o vôngs, moz cik đar thiêz khênhr moz tiv zix zos ntơưv chax đaz, xưz pưs thiêz đuôr.

          Moz o poz kêx cxa tiv njưk

          Moz poz o poz kêx cxa tiv njưk zos khênhr moz ntơưv têx poz kêx cxa ntir tês, moz uô poz kêx cxa ntir tês o lox, qir thơưx tsi yuô moz, taz sik jux jus zuôr ziv hnuz ziv hnar./.

(Hồng Việt- Txâur Vax cxeik nhênhv)